毛里求斯渡假+馬達加斯加麵包樹之旅2017-05-29第十天Part 1(晴天)

星期二...點解過左黃金周仲係咁多野做架~~~~~~放左工同左Diana去新葡京既8食飯....預祝我的生日唷~多謝你~~~所以呢日偷懶無運動~~~~星期三...番工都幾多野做...估唔到過左黃金周都咁多野做~放左工...掙扎左好耐....最後都去左做運動~唔知點解呢個禮拜好想懶~快行+慢跑5.28km...已經好攰....單車又無踩...可能我個心已經飛走左~星期四.....番工一早開波連續4至5個客都係極度麻煩既人...我驚每日工作個頭開得唔好架喇!會搞到心情變差!.......放左工會去同公子食飯~慶祝我和杯的生日~~~~好開心今次會試私房菜~~~緊張和期待~~~番埋聽日工~我就可以執gipgip喇~~~~~幾乖呀可~食飯前都跑番黎出blog~



2017-05-29
Day 10---Part 1(馬達加斯加,安塔那那利佛 Madagascar,Antananarivo->穆龍達瓦 Morondava)
早晨唷~7點多時天色剛日出~靚~呢個景我地係食早餐既餐廳影既~(即係噚晚哥間)




原來我地間酒店都有泳池架喎~威威~




其實...我唔係好鐘意呢間酒店....因為.....噚晚一入房....衰婆話佢覺得好唔舒服...唔舒服到想嘔.....即刻換房....換左房就唔怕......我地入房就無野既....但我成日去酒店訓都會開淨一盞燈既(我認我膽小).....點知半夜訓訓下打開眼....發現全間房都黑哂......(唔好同我講咩事!!!!!我安慰左我自己好耐架喇!!!!!唔準講!!!!)



訓得一般般...一早落黎食早餐...早餐好一般~牛角包簡直越食越沒趣.....無左噚晚既驚豔!




我好鐘意佢地包糖~好靚~好懷舊~




好喇~今日會離開首都喇~出發~旅行社老闆Baba仲有黎送我地~都算係咁~黃色衫哥位就係Sundi喇~~~我個樣太早起身非常水腫~(那水腫應該很多年了..不止這朝)




出發喇~本身我地就去機場架喇~但係Sundi話有時間可以兜個圈遊下市中心~(係有d圖文不乎架喇~)...華..乜我塊面又突然由水腫變番咁尖既~真係靚~




家陣7點幾大家開始番工番學~




馬路上除左私家車行~仲有人力車同埋牛力車~





然後經過阿努西湖(Lake Anosy)...(個讀音係阿lu時)...湖中心有個金色既勝利天使像~由於車遊~好難影得好~但哥日無風~令個湖變成鏡面~反射番d建築物好靚~拿~有城市之鏡喇~





其實佢地路面行使既車真係形形式式~有之前既有型麵包車~有名車~(仲要唔少)...仲要有古董車~呢張相好似入左時光隧道咁~




聽聞呢間係市內最高建築物....係一間叫Hotel Carlton Madagascar既酒店...係5星級既....但上網望過d房...都幾舊~但住係呢度就可以對住好靚既阿努西湖(Lake Anosy)~




咦~原來佢地會就咁放d沙石係度賣~





其實我地係飛早上11點既..但係我地諗住預鬆d時間去到機場...又驚塞車又多人check in之類....我諗8點幾9點就去到機場.....但我地個擔心係多餘既~check in因為我地早...所以搞得唔算耐....因為國內線禁區外完全地無野睇...所以我地就諗住入閘睇下野...點知入左閘都係完全地無野睇....連賣野飲間鋪都未開....暈~




唯有坐係度訓一陣再等上機~...但佢上機無又牌指示......我地之前都有一班機要飛.....我仲諗緊會唔會係我地哥班早左~點知唔係~好囉~上機囉~係坐螺旋槳機~




我地係坐Air Madagascar既MD702號班機係11:15由首都安塔那那利佛(Antananarivo)直飛到穆龍達瓦(Morondava)....坐位係2-2排法




呢程都幾準時起飛~出發時已經知係會有程內陸機係搭螺旋槳機...仲擔心左好一陣子...覺得...係馬達加斯加喎!螺旋槳機喎!...諗左一堆意外出黎.....點知隻機其實幾新~仲新過我地去格陵蘭程內陸機~




螺旋槳機唔會飛太高~所以無雲影~但可以影下下面既陸地~





d圈圈好神秘呀~~麥田圈來個磨~





有無發現~有d野靜俏俏出現左喇~~




麵包樹寶寶已經出現左喇!!!!!我地呢個旅程既其一重要目的~




好喇~係中午12:15我地就到達左穆龍達瓦(Morondava)喇~勁曬勁熱...一粒雲都無.....





攞行李既輸送帶~one way之餘仲要係手動~




攞到行李又有司機係禁區外等緊我地喇~這是英語超流利的司機...我地稱佢為百力滋~睇黎穆龍達瓦(Morondava)比起首都還要落後很多呢~




首先車左我地去我地今晚既住宿先~今晚我地住係同噚晚同一集團既Palissandre~hi~假既麵包樹~唔理喇~影住先啦~




幾招積喎~都有泳池喎~幾靚喎~




華~又有welcome drink~呢個好似飲落淡淡地~有d涼涼地~似涼茶咁~




搞好哂check in...就同百力滋講好時間我地自己係酒店食完飯之後就會出發去行程~入房先~原來今晚住獨立屋~兩個人一間~




有蚊帳~咁都好d~好驚訓訓下有好多蚊飛過咬我~





廁所~都算幾大~但廁所個地下係通窿直到地下哥個沙地...咁木板地之間個縫隙....夾住左條草蜢屍係度....我...又驚~





咁安頓好之後我地就去酒店個餐廳食中午飯啦~~~巧多蚊唷~





叫野食既時候侍應哥哥推介我地飲時令果汁...我地問佢時令果汁係咩.....佢答：麵包樹汁........咁搞鬼~~~~一杯Ar5,000=12.5hkd...試試佢~~~~~家陣可謂未見其樹~~先飲其汁~~~(點解句野好似有d怪怪地有d咸濕咁既?)....其實係麵包樹既果實既汁~飲落....拿...唔可以話好飲既~但又唔係唔好飲既~酸酸甜甜咁~但隻味我又真係未飲過既..好難形容~




Fresh Fish Tartare....Ar16,000=40.1hkd......咪即係類似秘魯既Ceviche?我懷疑佢落錯單...睇番餐牌我地好似唔係落呢樣野架喎~不過唔錯~幾好食~(黎到仲夠膽食魚既他他既~你班人真係夠膽喎~)




Crab Broth with Thai Flavour.......Ar22,000=55.2hkd...佢同我地講話無蟹~幫我地用左蝦代替~呀~點樣thai flavour呢~~攞叉篤一篤....wow!!!!有毛寶最鐘意食既又似米粉又似粉絲既物體呀~~~~~~好正呀~~~毛寶食到lam哂脷~~~重點係咩呀?d蝦唔怕"木"架!!!!好野~食到唔木既蝦喇~~~





Sauteed Shrimps Served with Capers Garlic and Algae...Ar26,000=65.2hkd....好味~蝦唔木~仲有d米型意粉都不錯吃~旁邊d瓜都不錯呀~




Fresh Tuna Cooked in Lemon Butter...Ar26,000=65.2hkd.....唔錯唔錯~佢旁邊似薯媽餅~脆脆的~幾好食~




Penne with local Vegetables Pistou.....Ar28,000=70.2hkd....汁幾好食~都唔錯呀~佢d魷魚勁鮮味~正~




呢餐食左Ar135,500=339.9hkd....每人食左85hkd....我又係覺得...呢度d野好食過毛里求斯好多~




好喇~食飽飽會合百力滋出發~~~今日下午既節目就已經係重頭戲!!!!!!!!係咩~




重頭戲來了!!!!!第一批見到既猴麵包樹~~~~~~~~~




仲要係麵包樹中既雙生兒~~孖埋一齊生架!!!!!然後我地幽幽的問百力滋：Can we touch the Baobab?...(因為麵包樹好神聖.....都係入鄉隨俗...問清楚先)....點知百力滋輕鬆回應：Yes~of course~~~~.....0我~咁既~佢仲話日本人相信掂到猴麵包樹會為自己帶黎力量~




呢棵猴麵包樹生到咁高大...大約已經有500年以上~呢張相包包加埋非洲人踩單車經過~好唯美呀~~




第一張同包包既合照~華...個頭俾風吹到丫........靚到.....





一落車就有一大堆小朋友衝過黎~如果大家可以既話可以帶d野送俾佢地~我地帶左筆啦~糖啦~同埋提子乾過黎~毛寶其實係想影猴麵包樹...點知小朋友攝鏡~攝鏡之餘仲要撤尿....條尿柱都幾有力~個畫面好唯美~我好鐘意~




好啦好啦~拜拜啦~我第一次睇到既猴麵包樹~




真係有好多小朋友架!!衰公影呢張相影到我成個藝人做探訪咁~衰婆同毛寶都係我助手~真係好有星味呀我呢張相~(大家忍住呀!!要成為七公子就係要自負呀!!)..係喇...我手臂上戴緊既係遮太陽手袖~如果有風既仲會涼涼地既添~我係d有運動用品賣既文具鋪賣架咋~幾好用~








唉~我好掛住i子呀~
i子無係我地公司做喇~
去左更好的公司發展~
我今日諗起你....你好似無做好耐咁..
原來...我地只係無見幾日....
一日不見..如隔三秋嗎?
雖然我好掛住你~
但希望你有更好的發展~
愛你<3



2017/10/12的開心事：
梗係同公子吃飯去啦~~~~~~



報時：距離日本四國自駕遊之旅2017仲有---1日~
報時：距離日本大阪自由行之旅2017仲有---56日~
報時：距離新加坡熱辣辣聖誕節之旅2017仲有---70日~
野~~~~~~~~番埋聽日工!!!!
番埋聽日工!!!!!
就可以去玩喇~~~~~~~~
但上網睇過天氣....四國天氣麻麻...嗚嗚...
難得一次人地走出舒適區去日本既其他城市..
仲要話依家又有個風係菲律賓哥頭...
你地要保佑我呀!!!!!!!!!!!!!保佑我係日本有好天氣!!!!
同埋颱風唔好影響我班機~
都係哥句~~~~記得M!記得E!記得ME!!!!!!!!!!!
唔準唔掛住我架~~~~~
記得要期待我番黎呀~~~~~~~~~~~~~~~~~~~~~~
好開心呀~~~~~~~~~~~~~~~~~~~~~