毛里求斯渡假+馬達加斯加麵包樹之旅2017-05-30第十一天Part 2(晴天)

星期五....5點之後超多野做~放左工梗係癲狗咁開心啦~~放長周末喎~~夜晚食左新葡京既"8"...同朋友慶祝生日~~星期六....由於有個大計劃要做~(想知係咩??我地寫落少少講~)....呢日朝早8點出左門口~~先去路環漢記食早餐~十世未去過~應該話係我人生第二次去~~食風味啦~不過手打咖啡我覺得幾好飲既~(但其實我阿媽平時係屋企都自己打到~~)...之後就開始一系列既野~忙到下午4點幾~辛苦哂毛寶~(中午食左興記..原來重陽節有加二)...夜晚就去左飲燉湯~星期日...中午去左食starbucks~飲左杯Venti的阿咩lee筋勞最是開心~下午繼續大計劃進行ing~今日由兩點到八點~晚餐食左一間我未試過既葡餐(之前一直想試)...但味道極度失望~星期一....之前講左啦~~放假嘛~~朝早去左拜老豆~中午同左朗公子一齊去食八分目..去宏達睇左陣書~之後毛寶幫我剪頭毛~夜晚去左食維康乳豬海鮮煲~~~~~好好味呀~~~~~~仲要係阿sam大比請我地食~~~多謝~~之後仲去埋食聰少~~~所以無時間寫blog~(對..看得出那是籍口了吧?).....星期二.....突然地要番早...起身時勁眼訓~好多野做呀今日~~~~不過算啦~~~~今日放早衝左去買船飛~~星期六要去看Supper Moment嘛~~但....個遊戲仲未知會唔會揀中我~~~我到底有無勝出呀~~~~我好緊張呀~~神經質左3日~~~~~~~~~



2017-05-30
Day 11---Part 2(馬達加斯加,穆龍達瓦 Madagascar,Morondava->Bekopaka)
船坐左30分鐘度~就去到另一個小鎮喇~




11點幾就放低我地係呢間Karibo Hotel入面既餐廳食中午飯喇~(點解我地咁早食飯?因為我地早左好多出門口丫嘛~)





好正呀~餐牌係黑板手寫架~同埋全部都係法文~我地請侍應弟弟為我地翻譯叫野食~




叫左野食之後~我同毛寶行去雪櫃睇下有咩野飲~揀左呢支馬達加斯加既汽水試試~係番石榴味~...Ar2,000=5hkd....飲咯....喂~好甜好難飲呀~~~~~~~~~有頂帽吸住枝飲品口~個侍應話俾我地吸住唔怕有烏蠅入去喎~係幾貼心既~




我地仲買左一頂~~~~~~~俾阿寶架~~~呢隻色係咪好襯阿寶呀~係咪好可愛呀~~





前菜叫哂佢黑板哥3個....都係沙律類~但唔記得咩沙律~有其中兩個Ar12,000=30.1hkd....有一個Ar10,000=25.1hkd...正常野~






衰婆上網睇到呢間其實係有龍蝦食既~咁我地梗係要叫一叫啦~~~叫左4份龍蝦...兩份係有汁煮既!每份Ar18,000=45.2hkd.......我覺得係唔錯既....份量好大....未至於勁好食~食到有一隻係唔新鮮"木".....話佢係龍蝦...不如話係大蝦會好d~但以呢個價錢黎講....都可以話係超值!!!!!我覺得側面d菜都好好味!仲要碟邊學人畫花~




另外一隻係燒既~一樣係Ar18,000=45.2hkd....我鐘意呢隻多d呢~~~揸住食啖啖肉~~~~~40幾蚊真係抵~





整野食比較慢~但不錯吃不錯吃!食野期間超多烏蠅"嬲"我地...有野食又嬲...無野食又嬲.........但撥烏蠅...但發現隔離枱無乜烏蠅......發現左......點解我地咁吸引烏蠅....原因係....因為我地噴左好多驅蚊水!驅蚊水驅到蚊...但陣味吸引左烏蠅....認真有辣有唔辣~任君選擇!




呢餐食左Ar122,000=306hkd...每人76.5hkd...唔錯!




沿路見到.....有人踩單車!!!!!!!!爛路喎!!!沙塵滾滾喎!!!仲見到年齡層係幾大下....我覺得..好勁!




呢條路係5月先開番架!因為之前係雨季....如果d水未退哂成條路都會好似咁樣!!爛路加泥水!所以雨季時會封路




有一個極大既水氹!!由於司機唔知個水氹有幾深架車過唔過到.....有d小朋友係水氹爭住幫司機行落去試水深....司機之後俾左少少錢俾小朋友....另一個小朋友同司機講左一輪...相信係：司機~下次揀我啦~




好咯~又要坐船過河囉~今次要駕車駛到河中心先上船~好堅挺呀架車~






佢~就係我地既司機喇!衰婆改左佢個名做佢最愛既史奈達~hi~史奈達~百力滋就係換左呢個司機俾我地喇...佢揸哥手車真係一流~人也友善......但重點係.....佢可以話完全唔識英文.........................................................唔係怪佢d咩...係我地溝通唔到~例如我地想沿路買水...我地狂講water!water!佢都唔知我地講咩~我地頭先就好似呢架車咁喇!過到河中間先上船....都幾深下~




上左岸原來就係我地聽日要去既荊棘貝馬哈保護區(Tsingy de Bemaraha National Park)







我地係呢度買埋入場劵(個local tour包埋).....但係另外都一定要再請個導遊~導遊個local tour唔包~我地要俾錢請一個~請個導遊Ar135,000=338.7hkd....呢個已經係一個導遊一日既費用....每人84.7hkd~(如你覺得佢做得好既話可以最後再俾貼士...每個車我地既司機因為我地唔需要再額外俾錢...但你可因應佢地哥日工作多少或你滿意程度再自己俾貼士)




買飛哥時...毛寶望到佢地國家公園有個印.....於是膽粗粗問可唔可以幫我地吸個印~我地護照上又多個印喇~~(拿拿拿!!千祈唔好學呀~~)..佢個印係環尾狐猴黎架~~




到左我地今晚既酒店喇~就係Hotel Solei de Tsingy.....呢度係lobby加餐廳....個景都幾靚幾唔錯~但好多蚊蟲呀~




唉呀~又有welcome drink喇~都唔記得呢個旅行飲左幾多杯喇~呢杯幾好飲喎~





好啦~飲完welcome drink都搞掂完check in既野喇~又番房lu~呢間係我同毛寶的~




其實間房係幾唔錯幾乾淨既..個廁所花曬仲好新式添!但....無冷氣得把風扇.......同埋我唔敢開窗呀!我驚多飛蟲呀....所以間房有d焗~(係有紗窗既..但我驚d蟲識轉入黎....)





休息左陣就食晚飯啦~叫左野食佢就上前菜~送既~華!係幾鬼好食既法式多士~講得幾好聽即係芝士火腿治~但勁好食...令我好想食澳門既茶餐廳~~~~




蕃茄芝士沙律...Ar8,000=20.1hkd.....華...幾抵喎~不錯吃~




南瓜湯...Ar8,000=20.1hkd....一般~有d漏~




肉醬意粉...Ar20,000=50.2hkd....一般~




咁我地想叫個pizza食..叫左呢個Pizza Soleil des Tsingy....Ar25,000=62.7hkd.....個pizza又幾平喎咁大個!我地叫呢個既原因係因為Tsingy呢個字~到底呢個pizza有幾Tsingy呢?華~~點知中哂伏~~~~~~又漏又油~~~攞命~




呢個類似燉牛肉既物體...Ar17,000=42.6hkd....雖然肉挺鞋~但係衰公衰婆幾欣賞~話牛味幾好味~




呢個係我叫既芝士漢堡...Ar17,000=42.6hkd....極~度~難~食~~~~~~~~~食飯期間其實發生左件事....就係衰婆諗住慰問下百力滋阿媽....就係fb messenger問旅行社老闆Baba阿百力滋點喇...點知Baba話百力滋咩事呀?我地話佢今日搵左第二個人車我地呀...然後Baba原來咩都唔知...話了解下先....之後就覆番話百力滋話佢自己病左喎...今日請病假.....er....係你自己病咩?你今朝明明話你阿媽病架......(都已經司馬昭之心喇喎....)....之後好喇~百力滋仲自己好急咁打史奈達電話俾我地....話佢即刻揸車黎見我地.....大佬...條路爛既...無燈既...無路牌既....仲要揸10幾個鐘.....唔通你通宵唔訓咁揸黎咩....同埋你黎做咩je...我地都有史奈達喇~於是衰公極力叫佢你咪黎!......然後百力滋就話我地番到穆龍達瓦(Morondava)就會出現再見我地...食飽飽早d訓喇~聽日又要早起身行程啦~








我要講喇我要講喇我要講喇~~
我要講我星期六日去做左d咩喇~
就係~
因為~
麥公子同戈巴要結婚了~~~~~~~~~~~(請鼓掌~~)
咁佢搵左我最愛既御用攝影師->毛寶
幫佢地影pre-wedding~~~~~(其實佢地下個月就結婚~~)
咁我呢兩日既職能係攝影助理(笑)
但我無咩做過野其實~~~哈哈~~~~~
之前諗住8月影架....但...遇上了天鴿.......
(諗起個風個心都痛左一下)
改左10月影~
我地星期六食飽早餐後遊走路環走走影影~
下午食飽再去氹仔走走影影~~
星期日再去影澳門景~
講真...我已經率先睇左d相~
毛寶對攝影技巧同用相機功能方面其實無學過既...(有d影得太光係事實)
雖然佢無學過.....但佢有攝影眼~
佢攞既角度我覺得真係好靚(讚)...
簡直男帥女甜........
仲影到不一樣的澳門出黎~~~~
我在想.....我應該反過來做佢經理人....
幫佢接下pre-wedding既job都幾好喎~
(唔知點解我覺得有d相有d韓式feel...唔知個主要原因係咪因為真係有個韓國人係入面~~~~~~~~~~~~~~)
恭喜戈巴恭喜麥公子~~~~~~~
(我好感動呀我要行埋一邊印淚痕喇........)
最開心係戈巴即將進駐澳門~~~~(講到戈巴成間商場咁)
以後記得煲多d米水俾我地飲喎~~~~~~~~~~~~~~~~
公子第一個出嫁的女生是杯公子~第二個是麥公子~
第三個會是誰呢?唔通係你?~~~~~~~~~~~
毛寶~~~我又要影輯靚相呀~~~~~~~~~~~~~~~~~~~~



2017/10/30的開心事：
咦~係喎~仲未話俾你地知添...
我....番埋聽日....
星期四又放公眾假期喇~~~~~~~~~~~~~~~~~~
(偷懶既機會你自己計下~)

所以你地好有可能要下個禮拜先知個遊戲我有無贏到lu~~

(可能無人想知~)



報時：距離日本大阪自由行之旅2017仲有---37日~
報時：距離新加坡熱辣辣聖誕節之旅2017仲有---51日~
下~得番30幾日咋~
但我咩都未得閒搞喎~淨係買左環球片場飛咋喎~