毛里求斯渡假+馬達加斯加麵包樹之旅2017-05-28第九天Part 2(晴天)

星期三好忙好忙~~無計...放左4日假...一開工係忙d~開工忙到放工~~放左工同姑媽佢地去MGM中餐做節~中秋節嘛~~~今次d野又幾好食喎~飯後約左毛寶去食個湯圓~~星期四放假~~好正呀咁樣番一日放一日既人生~朝早去左做運動~~快行+慢跑6.14km...呢日離哂譜呀一口氣連續跑左35分鐘!!!破哂個人紀錄!!(你咪理我時速幾多~連續跑到咁耐已經係我既個人紀錄~~開講有話：要贏人先要贏自己~)....單車8.37km.....中午食左Passion...下午同埋媽媽一齊去睇冰峰逃生(The Mountain Between Us)...估唔到會搵琦溫斯莉做(係喎~Titanic都係災難片喎...應該話搵佢做岩哂!)......勁耐無睇過戲~夜晚食左阿維斯咖啡....係台灣番黎之後塊面就唔知搞咩..勁敏感..又痕....有個位仲好似出疹咁.......星期五快行+慢跑5.19km...都跑過30分鐘~叻~單車6.79km......做完同埋麥公子一齊去食韓燒....做完運動食韓燒仲覺得自己好健康~~~~~(因為前菜多菜嘛~)....星期六~一早又去做運動~快行+慢跑5.24km.....單車8.75km....中午去左華生行飲湯~~跟住去左venetian買野~夜晚毛寶請我吃生日飯呀~試左Root~再去睇戲...呢日好忙呀~星期日...早上做運動...快行+慢跑5.24km(點解可以同噚日一樣~~)...單車6.04km~~唔知點解覺得好攰~做完去金沙城買野~再去園林食豬扒魷魚撈米加咖哩走青...我真係好鐘意好鐘意食!!!!!咖哩好好味~~~~~~~~~~~~~魷魚又夠厚又夠彈~係佢哥度先咁好食~之後訓左陣晏覺~~然後毛寶幫我剪個靚頭毛準備去旅行~夜晚叫左海榮外賣~~(懶~).....星期一好多野做呀...放工假食少少菜同飯就去左做運動(其實我係諗住今晚偷懶的..但毛寶話我地呢個禮拜又去得無幾多日下個禮拜又去旅行..咁唯有去啦...)....但只係快行+慢跑左5.3km...無單車~學麥公子話齋...踏入健身室門口當自己贏左~



2017-05-28
Day 9---Part 2(毛里求斯 Mauritius->馬達加斯加,安塔那那利佛 Madagascar,Antananarivo)
換好哂錢領隊就帶我地去攞車啦~佢仲話我地坐哥架係新車黎~機場外觀~




出發去酒店喇~~~~





係毛里求斯時我唔覺得自己係非洲架~黎到馬達加斯加~我個畫面終於黎到令我覺得自己黎到非洲喇~~~~




拿拿拿~我地又幫可樂賣廣告喇~~~~~可樂對呢張相有無興趣~無論去到邊~都會有人飲可樂~~~~(Sunny bb都飲啦~)




佢地超多呢隻麵包車~超靚~




勁!諗起自己條頸超虧...一定唔得~




再經過賣野食既店~勁似d早餐店~(但呢個時候其實已經接迎傍晚時份~)




呢間都好似好吸引~




其實車遊呢個首都都幾好呀~唔使出汗XXD.....司機哥哥個名其實叫Sundi(個讀音係咁上下)......Sundi話叫我地係車內影相ok...但唔好開窗影!...同埋如果落左車就唔好攞相機出黎影喇~(華...當地人都咁講....都有相當程度既危險喎~)




咁我地去酒店之前就去買d野飲呀水呀補給下~Sundi話呢兩隻啤酒都係made in馬達加斯加~





仲有馬達加斯加汽水~




我地買左支大水同埋支可樂...好似係10hkd...睇物價好像不太貴~毛里求斯可樂麻麻.....馬達加斯加的....夠汽又夠經!Sunny你要唔要試下呀~




繼續向酒店進發~睇黎首都係一個山城~





華下~呢個係咩景象~Sundi話係做完星期日彌撒....搭巴士番屋企.....wow~Sundi話呢度有好多唔同人種...有非洲人有菲律賓人緬甸人~好多元~係信天主教為主~說法語同埋馬達加斯加語~仲係呢程車程Sundi教我地講左幾句馬達加斯加語~多謝係"滅修cha"(大慨讀音啦~我點會識點串)....hello係"SALAMA".....再見係"FILUMA"....我覺得我譯得好好~~~呢幾句超好用~因為普通退房時3句都用到~首先一見面講句SALAMA~俾鎖匙佢加一句滅傷cha~之後走時加句FILUMA~搞掂哂~完全溝通到~d馬達加斯加人聽到我地講呢幾句會勁開心~




講下講下~教下我地馬達加斯加語~好快就黎到我地呢晚既酒店~酒店在山上~叫Hotel Palissandre......因為我地係join佢地既local tour~酒店有包埋.....所以我陣間再同大家講下呢幾日既行程幾錢~門口仲要有揸槍既實q看守...巧驚話~




房間係咁樣既~其實黎得馬達我都無咩期望...但張被既顏色太有視覺既衝擊~呢間野我上hotels.com睇過...好似要800多hkd一晚.....好貴.....咁貴質素咁樣個磨~





一推開露台對門行出去望下~wow!!!!!!!






住係山上面係唔同d~~~~~加上當時日落陽光灑落d屋度~令d屋睇落係金黃色的!!!好靚!!!





好喇~影完一輪相~又講番d貨幣喇~因為頭先係街太危險唔好攞d錢影相~依家係酒店就影下啦~其實d錢我係番到黎澳門影既~因為番到黎先儲齊一套新淨直版的(平時用哥時好殘~)...但可惜既係我差Ar5000儲唔到直版~同埋當時一換錢佢全部淨係俾哂Ar10,000我地....完全無細紙所以經過幾日用錢先儲下儲下有細紙影俾大家睇~....仲有...市面d鋪頭你用Ar10,000俾錢...佢係完全無散紙拔俾你~好玩野~~我鐘意馬達加斯加貨幣多過毛里求斯的~因為多元化d~有建築物~有動物~有植物~有風景~重點係有麵包樹呀!!!!面值Ar2,000哥張~





每人換左€250就有成80幾張銀紙~~~~今次真係可以撥扇~





休息左一陣~落去大堂見旅行社老闆Baba~我地join左Madagascar Green Tours.....咁佢黎就係同我地簽合約同埋收埋尾數~(係澳門時我地匯左一半錢過黎...另一半就係馬達加斯加俾現金歐羅).....多謝有衰婆...我仲係成舊飯咁




行程哥度ok哂~~俾哂錢~影個合照先~我地係join左7日6夜行程....包一程內陸來回機票...6晚住宿...司機+導遊...兩晚晚餐....每人€1,300=11,153hkd(當時歐匯率大約係8.5792...依家升左).....因為我地所有住宿都要求住好d...所以會因應你揀既住宿而個費用會有調整~~仲有我地唔想由首都坐車去麵包樹哥度(因為好遠要坐好耐車..同埋有兩日要住係好簡陋既船)...要搭飛機來回...又貴左係機票度....再加上拋下眉眼講下價(呢個任務係衰公做..我仲記得Baba同衰公講哥句個價錢係Special for you<3)...可能會平少少~(佢開頭會問你去幾日...要去咩景點跟住幫你砌個行程出黎...唔岩心水就自己再溝通~)




搞掂哂我地就去酒店既餐廳食飯喇~




我地一坐低佢就狂sell呢個母親節套餐....價值Ar74,000=185.6hkd.....(但當時母親節已經過左兩個幾三個星期)......華..個餐對呢度都應該算係貴野啦!好!試下你~我地淨係叫左一個餐....另外其他都係單點~




呢個係母親節套餐個前菜~不錯吃~




單點都有前菜送~不錯~哥舊壽司飯真係好正!!!哥朕醋味又令人思鄉病發~




母親節套餐入面既~蝦牛油果沙律~不錯吃~




單點的前菜Crabs Pate with Passion Fruits...Ar21,500=53.9hkd....正常味道~但未去到好好食~




母親節套餐揀左魚...ok~一般啦~




單點既主菜有Muslin of Smoked Lobster Served with Breaded Chips....Ar29,000=72.7hkd....見到龍蝦呢個字...仲70幾蚊咁平仲唔叫??點知得幾粒~(70幾蚊你想有幾多粒~~)....同埋龍蝦下面舊野好怪~唔好食~




單點主菜Octopus and Peas Mung, coconut Sauce with Curry and Lemon....Ar22,000=55.2hkd...個汁好好味~岩哂撈飯~個八爪魚好新鮮丫食得出~




單點主菜Breast of Lamb Coocked with Tarragon...Ar29,000=72.7hkd...以70幾蚊既羊類主菜佢做得相當出色!!旁邊的薯仔也很好吃!!當選為本晚最佳主菜~




母親節套餐個甜品....朱古力蛋糕~我不喜歡~(因為我不喜歡朱古力味~其實我都幾煩~)




單點甜品Baileys Ice Cream...Ar14,000=35.1hkd....好味~




呢餐食左Ar195,000=489.1hkd....每人122.3hkd....華....算係咁啦...不過以當地物價黎講唔算平....我覺得第一餐已經比毛里斯d五星級大酒店的好吃~估唔到~




係毛里求斯機場臨走時買的紀念品~磁石同埋買俾某神秘團友既國旗襟章~








星期六晚去左戀愛電影館睇戲~
我第一次去咋~點解佢叫戀愛電影館?
因為佢位於大三巴附近既戀愛巷~
佢唔係淨係播愛情片架~
好似呢日咁~我地就去左睇黎自日本既"求生走佬Family"
相信依家澳門人睇會覺得好有共鳴...
故事講某一日無啦啦成個日本無哂電用...
個阿爸帶住一家走佬既故事...
勁好睇.....因為真係諗起無水無電哥幾日...
依家真係要有d危機意識先掂...
最先要學既求生技倆...
應該係要先學識生火!!!!!!
依家既我地...無水無電真係過唔到日子.....
推薦~極度值得一看的電影~
唯一唔好既係...我呢日係坐第一排睇到頸痛~
(因為戲院係不設劃位的~)



突然...
我好掛住Sunny bb~



2017/10/09的開心事：
聽日唔使去做運動~因為我真係好攰~



報時：距離日本四國自駕遊之旅2017仲有---4日~
報時：距離日本大阪自由行之旅2017仲有---59日~
報時：距離新加坡熱辣辣聖誕節之旅2017仲有---73日~
周末要出發了~~~~又要執gip了~~~
10月好緊湊呀~~~~~~~~
今年生日終於唔使番工喇~~~~~
我星期四都會出blog架~大家記得黎睇我呀~~~~~~