毛里求斯渡假+馬達加斯加麵包樹之旅2017-05-30第十一天Part 1(晴天)

星期二...起身都仲係有d頭痛~番工d人又round round地~但我個口今日不停咁mark大~(不停講同食).....因為頭唔舒服..所以呢日運動仲係暫停中~星期三...仲係頭痛緊...番工俾個客勁大聲鬧我...明明佢自己無禮服先...聽野聽一半又唔聽一半...仲指住我鬧我：四眼妹!!你講野講得好唔清楚!!...我：麻煩你唔好再叫我四眼妹...同埋麻煩你唔好咁大聲同我講野............係咪我如果再退一步..d客就會再向前踩多我一步?放工去左旅行後第一跑~條氣真係跑得超唔順....快行+慢跑5.16km...跑得好少....要慢慢練番~星期四....放左工有去跑步~~快行+慢跑5.2km...今日又跑正常番喎~跑左成3x分鐘~~~幾好~~感覺番左黎少少~~~好開心呀~~~星期五六日一都有好多節目呀~~~~係呀~~星期一都係澳門公眾假期呀~~好開心呀~~~~



2017-05-30
Day 11---Part 1(馬達加斯加,穆龍達瓦 Madagascar,Morondava->Bekopaka)
上一篇咪講到我地呢日會好早出發既.....有幾早......係凌晨四點呀!!!!!!!!.....check左out之後百力滋就黎同我地講...話佢阿媽入左醫院...依家成家人都係哂醫院....佢都要去埋醫院...幫我地搵左另一個司機車我地.....咁我地梗係叫佢快d去醫院啦咁..........我地呢日咁早出發...係因為我地呢日會離開呢度....經過猴麵包樹大道(Allée des baobabs)....再去另一度...但我地要求左要早d出發...早d經過猴麵包樹大道(Allée des baobabs)......為既就係....可以影到包包+星空!!!!!一落車.....周圍超黑~~噚日下午既熱鬧~又回歸平靜~望上天......wow~好多星星呀!!!!(我地借左大比部機)




呀~點解一加埋包包一齊影....就影得無咁多星呢??雖然其實都好多星...但同我眼睇既唔一樣既多喎~點先影得好呢~




有粒超光既星好搶眼~搶眼到....影到佢...就影唔到其他星咁....何解呢?用影極光哥套唔work喎~....佢地係漆黑中整緊部相機點影時~我就抬頭望天.....華!!!!我見到兩粒流星呀!!!我第一次睇到流星呀!!(可惜影唔到~)....第一次見就係馬達加斯加~仲同包包一齊睇~浪漫~





然後衰公話焦距要調較到無限遠試下~(係咪焦距呀?)....一試.....果然係喎!!!!!好靚呀!!!!大比部機好勁呀~~~






好靚呀好靚呀!!!條星河靚到~~~




但原來早上5點幾既猴麵包樹大道(Allée des baobabs)都係超多的車呢!!好多送貨既大貨車都會來來回回經過呢度!睇黎呢度既主要既路~所以有時影影下星曝光中~都會影埋d大貨車既既燈~




呢3張都同我肉眼睇既一樣~真係勁靚!包包+星空挑戰成功!呢個行程係本身無架!係衰婆係人地個blog度見到有呢種玩法....於是噚日向百力滋提出的....真係好靚!此生難忘!






我地4點出發...坐大半個鐘車黎到猴麵包樹大道(Allée des baobabs)......然後影1個鐘相度.......其實影既時間唔係好多咋....因為影影下個天既色已經變左~




星星係幾分鐘之內失去蹤影...





影既時候條星河亦會迅速移位.....唔怪得咁多人鐘意影星軌~




一邊既星星開始消失.....另一邊太陽已在升起了!好光哥粒星移左黎另一邊~太陽出既時間佢仲係好光~堅挺喎~







日出同日落係兩隻唔同既感覺~日落帶點金黃色~日出帶點憂鬱感~但我喜歡日出多d~因為呢個時候既包包大道好寧靜好舒服~






太陽一出~又開始熱鬧呀~屋入面既小朋友都開始走出黎玩啦~







係熱鬧到狗仔都出黎玩~華...仲要一黎就5隻.....仲勁過上次玻利維亞哥4隻~




好喇~影完星星~影完日出~我地就跟番行程出發去我地呢日既目的地喇~上車我地就食早餐先...係酒店幫我地準備既~




路途中仲經過一棵千年包包~睇下幾大棵~佢有圍欄圍住架...同埋如果要行入去要除鞋添!!





好~再~出發~....成條路周圍都係咁...爛路+左右兩旁有高高的植物~悶~




坐左個幾鐘車就到左碼頭~




黎到呢度就無路行喇~要坐呢d連人帶車既船繼續前行~





好彩我地黎到第一架船就上到~如果唔係有排等~車上船呢樣野真係好睇司機同埋指揮哥個野既合拍度~因為得幼幼既兩片鐵片俾架車上~我覺得我地個司機技術其實唔錯~問過司機...過一次河係Ar5,000=12.5hkd~




好咯~等待開船咯~我好懶~無出車~就咁坐係車入面等船開~





衰婆話如果我地唔係搭飛機去穆龍達瓦(Morondava)..就係要係首都坐兩日車黎...仲要住係呢d船上.....er.....制唔過...都係搭飛機好喇~








又係時候幫Supper Moment打打歌喇~
佢地首最新歌曲"大丈夫"既MV已經面世~
得閒去Youtube幫襯下啦~多謝~
新歌都幾感人架~
我呢個澳門忠粉都好盡忠職守~
佢地下星期六係赤柱又有活動喇..
我好想去睇呀..........Sunny bb~~~~~~~~~~~
好想現場聽你唱"大丈夫"~
仲有仲有...我係fb參加左個遊戲
最有創意既留言會有得同supper moment影合照同握手架~
你地快d祝福我會揀中我啦~~~~~~~
揀我啦揀我啦~~~~~~
(你地得閒可以去Corona hk個fb page度..有個supper moment既影合照握手post架~得閒可以like下我個留言架~~~~~~~雖然無話多like就一定羸既~~哈哈~~黎啦~得閒咪去like下囉~~你地都想我同sunny再相見架~可~XXD)



話時話...
多得毛寶...其實我唔記得左今日要出blog~~~~~



2017/10/26的開心事：
又跑番個狀態來~~~~



報時：距離日本大阪自由行之旅2017仲有---42日~
報時：距離新加坡熱辣辣聖誕節之旅2017仲有---56日~