2017年10月23日 星期一

毛里求斯渡假+馬達加斯加麵包樹之旅2017-05-29第十天Part 2(晴天)

喂唷!有無架字禾!!有啦~仲扮野~野~~~~~人地番左黎喇~~~~~去左8日本~~~~好開心~~~~~~~又好玩又好食~~~搞到我好想快d出blog呀~~~~~~(係日本發生左件令我幾開心既事~~)...但係咩都未搞過.....重點係台北都未寫~今次真係好好彩呀~~~因為...我地出發哥日....同番黎哥日都撞正有颱風...........擔心左我好多日...........(都10月尾啦仲有颱風真係.....希望日本無事啦)....星期六晚已經番到澳門~仲有星期日抖下真係好正斗~中午食左阿蘇外賣(好多人都話垃圾架..但我又真係鐘意食佢個粿條加佢個酸酸辣喎~)...下午都在研究大阪行程加整理台北d相~晚上食左外賣~星期一上班去~感覺還好~只係頭....開始痛~好彩唔係去日本哥時痛咋~



2017-05-29
Day 10---Part 2(馬達加斯加,安塔那那利佛 Madagascar,Antananarivo->穆龍達瓦 Morondava)

係上車前...其實周圍都有好幾棵猴麵包樹的~你呢個包包真係隨便~原來周街都係~







好喇~上車去我地今日既重要景點喇~~~~由酒店去呢個景點大約要40分鐘左右~




到喇到喇~落車~見到景點旁邊有小樹苗...原來呢度培植緊包包樹苗~~~~~





無錯喇~我地黎到!!!猴麵包樹大道(Allée des baobabs)!!!




咪睇呢條大道以為無咩人....其實多人到嘔!!仲要有超多既汽車往來~(仲要係大貨車~)...好難先會遇到呢張相咁...有牛車+d人岩岩行哂去大道好後好後既地方!!!





我地4個終於影到張真既合照喇~仲加左d非洲小朋友做陪我地~睇番衰公張合成相~好搞笑~





帥丫~其實我從來都無諗過自己會去到馬達加斯加睇到麵包樹~真係多謝衰公衰婆帶我出城~




我開頭想講...又影得我幾瘦喎~望真d...頂..原來係毛寶黎既~




華~睇下個樣幾醒目仔!




點解!!!!!點解你地要係生左成幾百年先有咁大棵既包包身上刻自己個名!!!好好玩咩???




差唔多日落啦~影多幾張就開始搵位去影日落啦~







又一張同毛寶同一視點但拍出完全不同的風格~(唔好講邊張好睇d!!!我喊架!!!!!你仲講!!!!!!!!!!!一路喊一路嬲你架!!!!)





大道兩側有賣麵包樹紀念品既檔仔~有興趣可買買~唔算太貴..反而比其他地方平...奇事!我地都有講價...但唔敢講太多....始終佢地都要生活..(我地其實係回程哥時先買既...所以有同其他檔比較過~)




唔知點解我覺得馬達加斯加既雞條頸係特別長的!!




來來來~合照一個~阿寶你咁搶鏡既~叻仔~




來多一張帥氣側面~唉呀~阿寶側面都好有型呀!!可惜~你無帽仔戴~




陽光灑落包包樹度~一起變成金黃色~





猴麵包樹大大~與樹下小小的我~




有好多人去左另一邊霸位影日落啦~我地就要走過去啦~見唔見到我地四個個影呀~




我地霸好位睇日落~周圍好多人~多人之外仲有好多羊~好熱鬧呀~




日落+包包~靚丫~








衰婆仲好心機到定住影左10幾分鐘日落~送俾大家看看~



睇睇下月亮也出來了~睇唔睇到哥塊彎彎指甲~




我個名都要跟隨日落既包包~變成黑色~







仲影到d雀仔四散~好靚~





影佢地既剪影都靚架~好有添布頓氣氛~






呢張剪影好得意丫~~好似包包舉起個月亮咁~




一日落~條麵包樹大道又回歸平靜~得番住係大道兩旁小朋友係度跑黎跑去玩~




影埋呢張我地既剪影+包包剪影既相就準備走啦~拜拜喇麵包樹~(暫別)




回程路上..條路完全無燈~




番到酒店就食晚餐啦~今晚有包晚餐~先上湯~唔記得咩湯~但應該不錯~




其他都係自助形式~超級唔錯喎!個炒菜又炒得好食...魷魚勁鮮~蝦亦好味!係個意粉無咩味je~




於是衰公走去攞d醬調下味~佢攞左箭咀指住哥個紅色茄醬




衰公撈左好多一野食左幾啖.....點知吞左之後先發現....係劇辣既辣醬!!!!!!!!!!!!!!!!!!!見佢不停話好辣....我就點左一點黎試下




大佬!!!!我試左一點咋...係攞隻叉點一點d辣入口咋.....我成條咀麻x左呀........但d辣無掂過我咀架喎....然後條脷又覺辣.......然後流汗.....然後我成條咀腫左(如圖)...可唔可以唔好搵我個鼻窿成為playmobo一部份?!?!!?衰公直頭要叫杯奶解辣.....好恐怖..我食一點都咁...佢入埋胃當時真係驚佢辣到胃都穿....................(好彩最後無事)....呢個應該係我暫時食過最辣既野.....

食埋甜品就入房啦~聽日要好早出發呀~但沖涼無熱水囉大佬...............................







2017/10/23的開心事:
同衰婆番同一更~好~開心~~~~~~~~~~~~~~~~



報時:距離日本大阪自由行之旅2017仲有---45日~
報時:距離新加坡熱辣辣聖誕節之旅2017仲有---59日~
我好叻呀~我噚日又上網買左環球片場飛啦~

34 則留言:

  1. 麵包樹......好得意,見到d相再加埋文字,绝對感受到你地嘅喜悦,睇到我都由心笑出來!
    頂,你同毛宝呢日使唔使咁似呀!! 係囉,做乜啲人要畫花棵樹,唔通果啲人無喇喇俾人界花自己身體都覺得無問题!!
    咁搞笑,辣醬當茄醬,救命呀,你張相加毛宝嘅構思!!!!!!!!!!!
    多謝你無笑我,雖然我放棄咗無去,但我又不甘寂寞........我又book咗12月去福岡hea返一個星期,短短地玩住先,出年10月我一定要再戰日本東北!!!

    回覆刪除
    回覆
    1. 哈哈~第一次見到佢地係激動D既~
      我自己都認錯左張相好多次~~~~哈哈~~....咪囉...我都唔明有咩咁好畫?
      因為太似...如果我見到我可能都會咁~~~
      點會笑你呀..依家又話再有一個風去緊哥邊喇...好彩你無去咋~唔係既話擔心屎人喇!!
      點解唔11月去既?10月已有紅葉??

      刪除
  2. 兜紀架,今次你真係好彩,出發後澳門就打風,日本就等你走左先打風
    條麵包樹大道係景點,預左會多人,不過都影到好多靚相
    今次同一視點相......你影到個天好藍,樹枝好茂盛...較有大自然氣息...反而毛寶張望落有悲觀感覺(個人感覺咋)
    今次又係外國過生日,應該特別開心既,到時再睇發生咩事~~

    回覆刪除
    回覆
    1. 呢位同學既鄉音唔錯喎~....對對...擔心左我好多日...好彩行程無受影響~
      要用時間等d人行開囉~~~不過哥度又真係好靚既~
      咦~即係各有不同味道喎~~~
      開心開心~~~~~好多驚喜~~~

      刪除
  3. 辣成咁好得人驚>_<夜晚的麵包樹,個型態都恐佈﹗

    回覆刪除
    回覆
    1. 堅辣..此生最辣!!!
      我又覺得幾得意~~~個剪影好靚~

      刪除
  4. 日本人都希望嚟睇下麵包樹,好似對比有啲特殊感覺,
    唔知點解...可能有某此書藉或劇集帶動...
    刻字只喺一種無聊之事,無論喺乜嘢地方,都令人氣結...

    回覆刪除
    回覆
    1. 我都有咁諗過呀!!!即係好似哥時既天空之鏡咁!!
      真係好無聊..點解唔可以愛惜下呢d生長左幾百年既樹?

      刪除
  5. 哈...小t回~來~了
    ♦¨*☾好友🌜晚安☁・。。゚🌛
       ╭───────╮✬
       │瞓覺豬呢💤│
       ╰───────╯✨
    ╭───────╮☆
    │甜夢安睡💤│
    ╰───────╯★
      O🌟
       o❉
     .∧_∧・。。゚
     ( ・ω・ )
     |⊃/(___◇ഐ⊹
    /└-(____/✾♪♫♩♬ஜ
    *•ೋგஜ╠╣aΡpy週二๑۩۞۩

    回覆刪除
  6. WELCOME BACK !
    嘩,真係好多好多好多多樹呀,好型。

    回覆刪除
  7. 面包樹很可愛呀 晚上的 黃昏的都很美
    哇 一點都腫哂 陰公囉 :(

    回覆刪除
    回覆
    1. 對對~咩時間睇都有唔同感覺~~好正~
      咪囉咪囉...辣到嚇親人~~

      刪除
  8. 咁都好彩啦無受風雨影響,係囉依家十月中十月尾都仲打風好得人驚!!
    幾得意喎,第一次見包包樹苗原來係同普通樹無乜分別,係大個咗先變粗樹幹...@@
    日落包樹好有mood~~~~~
    辣成咁要認住唔好再錯食啦:P
    今次再去係咪會著晒全套HP衫和魔仗去?

    回覆刪除
    回覆
    1. 係呀...堅恐怖...驚左好多日~~但係今次真係好好彩~~
      係呀係呀~~~細個時佢地都係普通樹仔一棵~~~~~大個變肥肥壯壯~~(像我~)
      我覺得咩時間睇都有唔同型態..好靚~
      真係嚇親人~~~~
      無d咁既事~~~~~~因為我會好懶唔會帶hp衫去~~條袍會佔行李位好多~~我要買野~~

      刪除
  9. Supper Moment 表演:
    https://hk.ulifestyle.com.hk/activity/detail/109351/%E8%B5%A4%E6%9F%B1corona%E9%9F%B3%E6%A8%82%E7%AF%80-11%E6%9C%88%E5%9B%9E%E6%AD%B8-%E9%A3%B2%E5%95%A4%E9%85%92-%E7%9D%87supper-moment-%E7%8E%A9%E5%B7%A5%E4%BD%9C%E5%9D%8A/1

    回覆刪除
    回覆
    1. 你影麵包樹好靚啦!毛實就係每次有創新意念o既。
      月亮係一塊彎彎指甲,以前細個我已經咁樣諗啦。

      刪除
    2. 你對我真係好既jack~~我真係有諗住去呀~~~
      我仲參加左個活動~~~希望揀中我哥日同佢地合照啦~~~~~

      刪除
    3. 野~讚人既~~~
      我成日見到都覺得好似架~~

      刪除
  10. 今日狂影麵包樹啊~~麵包機既外型真係好特別,點影都好突出,由其日落更特別型
    台北又未出,4國又未出,要加多兩錢肉緊寫快d,好多人都想睇架^^

    回覆刪除
    回覆
    1. 因為我去馬達最想見到就係佢地~~梗係要狂影啦~~~(變態佬mode)
      哈哈~~我努力中~~~多謝期待~~~

      刪除
  11. 人地都話辣、妳都要試現在個咀幾似雙潤腸喎......哈哈哈

    回覆刪除
    回覆
    1. 哈哈~~因為我心諗..係咪真係有咁辣呀~~~所以想挑戰下~~人就係咁~~結果就中左招~~

      刪除
  12. 我依家正在想明年去邊個國家,毛里和馬達都未去過,心郁郁不過都唔知要花幾多銀?

    回覆刪除
    回覆
    1. 毛里係渡假勝地...想住好d就要花多d錢~~~d酒店都唔平...
      馬達就觀光為主~~係個local tour花費最多...當地食野好平~
      有辣有唔辣~任君選擇~

      刪除
  13. 原來您們是貴人,出門招風雨,不過唔捱「貴妃」便可以,哈哈哈
    牛車相好有 feel~~~
    阿寶ok,阿強更ok!

    回覆刪除
    回覆
    1. 哈哈~~~我識捱貴妃~~~哈哈哈哈~~~但我不想招風雨~~~
      對對!!我都好鐘意哥張~~
      野~~~~

      刪除
  14. 我之前仲好彩呀,出發前一日十號風,後兩日8號呀~
    包包樹大道絕對是馬達加斯加的標誌!
    做乜扮梁潮偉呀?wakakaka~

    回覆刪除
    回覆
    1. 下!!就係8月23哥次???
      對對~~超美的~~~
      邊張呀~~~孖潤腸哥張呀~~~

      刪除
    2. 係呀!早前去韓國果次~
      孖潤腸<--對!你唔記得套戲咩?

      刪除
  15. 麵包樹好靚呀。
    最憎人畫花哂,其實無人有興趣知道邊個同邊個幾時到此一遊!麵包樹真可憐。
    個湯我仲以為係羅宋湯......辣到咁.....

    回覆刪除
    回覆
    1. 我都好鐘意佢地!好可愛!
      咪囉!!!!!!我都超憎人地咁做....可憐的包包!!!
      唔係湯黎架~~係醬汁黎架~~~~~

      刪除
  16. 好耐無見喇!! 好掛住你呀
    麵包樹好得意呀!!日落景都好正呀!

    回覆刪除