2015年12月2日 星期三

冰島格陵蘭自由行之旅2015-10-02第六天Part 2(晴天)

噚晚無出現有無掛我呀~~最神奇既係.....噚晚同你食飽飽一路行番屋企...你說:噢....番到屋企無得睇我最心愛既blogger出blog lu..................我:但你今晚同你最心愛既blogger一齊食飯喎~~~~~~~~~~~~~~~~~~真係識氹人~


2015-10-02
Day 6---Part 2(冰島,史卡法特 Iceland,Skaftafell->黑色瀑布 Svartifoss)

下一個景點~Svartifoss~冰島語中黑色咁解~~所以叫黑色瀑布~~~指示牌寫呢度開始去瀑布來回要90分鐘....我地實際行過去哥程要用耐d時間...回程就快d....總括其實慢慢行就唔止90分鐘的~





其實我番左黎之後好想知~唔知後兩個禮拜黎會唔會d樹更紅紅綠綠?!好似係特登黎睇紅葉咁~




巧喇~指示話係呢度上~哥條路斜到~~~~~~~




中午飯都未食呀...呢班人今日既中午飯係一埋薯片零食~(終於知點解我舊行李會超重出發呀le~)......我應該係最肚餓哥個~因為我係追住袋零食食~




去程d路係超!級!斜!!!!!!!!!!!!!!!!!!!行得超辛苦...又有斜路又有樓級.........我認我有扯蝦..一路食零食一路行都唔掂~




好彩沿路風景真係好靚~所以都堅持行落去~




行左10多分鐘就聽到瀑布聲~~~~~以為到左~~~點知原來係一條小瀑布叫Hundafoss...加埋個景其實唔錯~





又行多20幾幾幾分鐘.....不停上山....心諗....90分鐘來回?!?有無可能呀?????????????????????????終於行到平地....望出去!!!終於見到喇!!!!!!!!!!!!!!!!!!!!!!!!!點解好似仲有咁遠咁既?我諗大家記得帶少少水上黎飲..真係行到好口渴~




咦~佢d路又開得幾好喎~行多10分鐘就見到呢個景~~~好靚呀!!!!!!!!!!秋天真係好靚呀!!!!!!




途中行過無數的小橋流水~毛寶係其中一條為我拍下這張美照~真係太太太太太太靚喇~~~~~~~~~~~~無論係個景...個天氣...定係個人!!!!!!你地實在太夾喇!!!!!!!!係架喇~我係咁鐘意讚自己架喇~~~~~呢張係我係呢個旅程其中一張最鐘意既相黎架!!!毛寶~你太有才!




好喇~再挑戰行落去~其實去程呢段路呢.....呢日無落雨呢...成段路都不停有水流落黎或者個地都係濕濕地架喇....都有d難行...所以如果咁岩線哥日落雨....我覺得應該會仲難行!!




呢張係頭先張遠影既相睇到既哥條橋影架!!好靚!





行近d再睇~覺得好感動~終於睇到黑色瀑布(Svartifoss)~上次我地無黎~有d遺憾~今次補番~~(仲好到送埋彩虹俾我地影~)其實好多地方都有瀑布架啦~點解我偏愛冰島的?因為佢d地形真係好得意架~~~~你睇下旁邊d石!!!!一級級咁架又係~得意到~







俾大家欣賞下佢既動態~




我地仲係哥度呆坐左一陣~我覺得好舒服!!回程時見到有對情侶挨住一齊坐遠望黑色瀑布(Svartifoss)....我覺得個畫面好浪漫呀!!!!!!!你幾時同我咁樣挨住睇呀~~~(內心的對白是叫我死開嗎??~~~~~~~~~~~~~~~)




回程行得舒服好多喇~真係先苦後甜~~呢日計埋行冰川足足行左6小時(暈)~~~~~~~~~~~~~~~~~~~~~~好彩呢日既行程就係得咁多~好彩我地夠多時間俾我地咁樣慢慢玩~一日得兩個行程都夠膽既!呢張點程時影既~我覺得佢幾靚~因為係同一棵花但有5種唔同形態既小花~我想講既係:一樣米飼百樣人(講乜也呀你!)




拜拜~冰島美麗的冰川~~~~下之見~




好喇~~~~玩完呢兩個行程我記得係3點幾4點啦~~番酒店喇~~~~番酒店前入入油~點知落車吹一吹風....又唔記得帶帽喎~一番到酒店發現自己頭好痛!!食左少少野撻落床......覺得自己開始發燒添!!!我第一次去旅行時發燒....熱到占寒占凍.....平時間房有暖氣其實我好憎的....實要開隻窗...因為我怕焗...塊面會紅之餘仲要透唔到氣咁~但呢個時候我竟然同毛寶講:可唔可以珊左隻窗佢我覺得好凍...........毛寶聽到咁就知我病得好緊要..平時怕熱唔怕凍架嘛..........好彩我最怕就係去旅行頭痛...我實帶特效必x痛嘛~佢有撲熱息痛成份嘛...我即刻食兩粒....包實自己訓左個下午覺......起身時.....好神奇!!咩事都無~~~~~~~~~~~~~~~我唔係幫佢賣廣告...係想講.....平安藥帶多好過帶少!!尤其咁長既旅行.....你唔食都可能會好番.....但慢d先好都夠慘啦!



巧啦~~~醒番無事我地今晚就係酒店食飯喇~~~~~睇過餐牌唔錯就一於食啦~~(唔食就要係房食杯麵架喇~)




唔知點解無可樂叫~唯有叫百事....ISK450=28.1hkd.....正常既酒店價....但百事真係好難飲!!!!!極甜...得個甜字!!




Cured Salmon...ISK1,790=111.9hkd.....好細份...不過三文魚極好食!!!!!菜也新鮮~~~~~撈得好好味呀~~~~




Soup of the Day....ISK1,590=99.4hkd....好大個~記得去外國d湯唔好一人一個~~~~因為實會飲左湯食唔落其他野~~(因為外國真係預人地飲一個湯就當係晚餐~)......我都唔知係咩湯~~~因為好似係外國既大蔥湯....但幾好飲~~~




Arctic Char....ISK3,590=224.4hkd....華華華~~~幾好食喎~~~魚肉唔怕鞋~~~~外表脆脆的!!!!!連平生唔食魚既阿Sam...佢竟然係冰島開佢既金口!!!!!!食魚喎!!!!!在坐3位都覺得好驚訝!!!!!!!!!!!!證明好食!!!!!!沙律好味!




Spaghetti...ISK3,190=199.4hkd.....呢個肉醬意粉都幾好味~~~~但$200一個意粉幾貴~咁我寧願俾多少少錢食多個魚~~




Panna Cotta....ISK1,590=99.4hkd....一個甜品4份食~都唔錯~叫做過下口癮~




食飽飯入房沖涼涼~~~沖完涼噚晚食過翻尋味嘛~~~~又去等極光~~~今朝咁好天今晚竟然厚雲!加上條極光係山後面~~~我入房先喇~~





其他團友極光照~






我好鐘意阿Sam既呢張~~~雖然極光不明顯~但影到好多星星~~~~~仲有流星添呀!!!!!大家見到無??送俾大家一齊許許願啦~~祝大家心想事成~




呢張係阿Sam半夜三更再出去影既!!(好明顯我地訓到死豬咁~).....雖然都係有雲....但係d色好靚呀!!!!綠色加藍色!!!

這是我們的第二晚極光照~







2015/12/02的開心事:
今日中午有人請我飲茶呀~~~
食到飽飽~~~多謝你*3**3**3*
好喇~我地唔好互相批鬥喇~我地多d講窩心說話啦~~~~
(說完3個一起圍圈轉~好少女漫畫)
*******************************************************************
我噚晚去攞左眼鏡呀~~~~我換左新眼鏡呀~~(終於)
大家唔使成日見我戴哥個眼鏡喇~~
今日戴左新眼鏡...我講真....
我俾我自己既帥氣嚇親!!勁帥氣~~~~~~~~
(其實我係俾我自己既自戀嚇親~~~~)



報時:距離台北跨年倒數之旅2015仲有---33日~
報時:距離南美洲4國新奇探險之旅2016仲有---77日~
報時:距離"七公子"帥帥出使東京之旅2016仲有---303日~

33 則留言:

  1. 心愛既blogger...... hehe......... ^_^

    回覆刪除
  2. 但你今晚同你最心愛既blogger一齊食飯喎 ^^'"

    回覆刪除
  3. 快D影幅新眼鏡相黎睇下先啦。

    回覆刪除
  4. 其實你哋呢次嘅冰島行超好天,難怪有咁多機會睇到極光啦。
    感覺上冰島啲物價都幾貴喎,樣樣嘢都細細份,但價錢就唔平。
    係啦,我都想知點解歐洲好少有可樂嘅。每次叫Coke,個回應都係Cola,咁我就知佢一定比Pepsi我。

    回覆刪除
    回覆
    1. 哈哈~~其實唔係呀~~~~我地有好幾日都落到成條褲濕哂架~~~~
      我第二次黎我自己覺得ok啦~因為可能因為依家澳門d野都好貴~反而係呢度都覺得無咩野~
      但一個國家又唔係度度無喎~我覺得係某幾個地區無囉~~~

      刪除
  5. ♦*¨★好友☁。*`☾Gღღd Night ✫。゚º✬
    你瞓醒♡.•ღ╠ ╣ a Ρpy星期四喇喂
    ❥*¨`*•❣又過簡簡單單開心一天近D喇。゚♥

    回覆刪除
    回覆
    1. 好野好野~~~~聽日又係我最鐘意既星期五喇~~

      刪除
  6. 早上天氣好好,仲可以睇埋紅葉,
    晚上仲可以睇到極光,好好彩,不枉此行。

    回覆刪除
    回覆
    1. 係呀~~我真係好鐘意冰島既秋天~~
      無錯~~~~所以秋天黎真係好正~

      刪除
  7. 嘩......90分鐘山路, 你地好叻, 小t體能唔差喎!
    再要讚多次, 秋色真係好靚

    回覆刪除
    回覆
    1. 都唔係呀~~呢段去程既上山路我不繼食零食黎麻醉我自己!!!!!!!!!!
      係呀!!!!!100個靚!!

      刪除
  8. 黑色瀑布幾靚、而D石又型。

    回覆刪除
  9. 你哋呢日行程少少哋 但係就非常精彩呀!!!!!!呢個黑色瀑布啲石好特別 好靚呀 行辛苦啲啲都抵番哂 :)

    回覆刪除
    回覆
    1. 都係~~~行得咁辛苦但見到咁靚既瀑布~~個心都舒服番d~

      刪除
  10. 終於唔扮陸永,影帥到嚇親自己嘅新形象嚟睇吓啦衰鬼
    有咩慘得過旅行病,好彩你機警咋.

    回覆刪除
    回覆
    1. 我要搵毛大師得閒先得喎~
      唉呀~唔好咁讚我啦~我有d唔意思添~(原地轉~)

      刪除
  11. 黑色瀑布好特別呀,從來都未見過咁嘅組合,呢石層好得意.

    回覆刪除
    回覆
    1. 係呀~~一級級咁~你話佢好整齊又得~好亂既一級級又得~真係太出色~
      大自然真係好奇妙~

      刪除
  12. 黑色瀑布我好似無去過,好正呀!
    小T你個卜咁多人氣,早幾篇好多人嘅留言你都無時間覆呢~

    回覆刪除
    回覆
    1. 我地上次第一次去都無去到呀~所以講明今次一定要去~~~真係好靚~~
      唔係~唔好咁講~大家一齊黎交流下je~可能我有時唔太睇番轉頭前幾日d blog~淨係番之前一日篇blog所以先miss左je~~~~~得閒跑去覆~多謝提醒~

      刪除
  13. 响咁靚嘅景色下行吓都係賞心樂事,扯蝦都抵啦,更難得係呢個零兩個鈡無落雨仲有太陽喎,冰島美人好俾面你地架喇^^ 又因為咁,果個廣告女模張相先可影到咁型英師靚正囉!!!!!!!!!!!!!!!
    咁幾時有你個新look睇呀..............

    回覆刪除
    回覆
    1. 哈哈~~又俾人知我扯蝦事績~~~~~
      咁又係喎~錫哂冰島美人~呢日成日都咁好天~~~~~~
      唉呀唉呀~~唔好咁讚人地啦~~我好怕醜架~(原地轉)
      我搵毛大師影影先~

      刪除
  14. 黑色瀑布和極光好靚。
    45度的靚模囉~~~~~
    好彩無大病。

    回覆刪除
  15. 如果果度全是相中這些樹和植物, 我諗再遲D, 都唔會好紅咖. 果度大多都係細葉來, 會變紅那些, 大多係大葉咖.

    其實美加D湯唔大咖, MENU上大多都係歸入 APPETIZER 果度, 除那裡係SOUP KITCHEN囉, 可能北歐就會咁大.

    回覆刪除
  16. 黑色瀑布幾得意,好似個地洞咁
    瀑布啲柱石牆好似lego^^
    你就好啦有個隨團攝影大師~~~~~可以隨時影靚相!!!!
    繁星滿天同七彩地衣都超靚呀
    做乜唔影下個新眼鏡look來睇下?!!!要保留神秘感?

    回覆刪除
  17. 百事一向難飲,甜到好似糖漿咁……( ̄∇ ̄)

    回覆刪除
  18. 好想睇你副新眼鏡, 幾時有得睇先~
    你病左就唔好飲涷野嘛, 仲飲百事!!!

    你地真係好堅呀, 一日行成6個鐘, 有無受訓過先去架.... 死喇, 如果我去到行唔行到架~~
    冰島真係好靚架, 抵你去咁多次!!

    回覆刪除