2014年11月12日 星期三

沖繩陽光海灘海鮮自駕遊之旅2014-09-30第四天Part 1(晴天)

今日天陰陰的~~~唔算多人黎玩~~~通常一到某個時候.....你可能就會話:華..又到xx喇....咁快又一年喇~真恐怖~..........相信澳門用得最多既可能係(我自認為):華..又到"賽車"喇??咁快又一年喇~真恐怖~.....係呀~每年11月澳門都會有賽車~全澳塞車節~一到賽車就會好明顯地感到又一年~因為係年尾~~~~~以前番中小學時會停課添呀~~好正~~估唔到澳門咁細地方~咁都有賽車~...估唔到澳門咁細~出年連續第9年派錢...................聽日同後日大家早d出門口番工呀澳門朋友們~(如果可以行..我覺得行係最實際)



2014-09-30
Day 4---Part 1(日本,沖繩 Japan,Okinawa)
華~有人個早餐幾豐富呀~我反而呢日好似無食早餐咁既?!




早晨~朝早睇我地酒店個海灘好靚呢~~~可惜只住一晚~今日都好似幾好天喎~




出發~車手表示今日有得上high way佢好開心~




hehe~不過我老點佢出錯左個出口累佢揸多10幾分鐘番轉頭~好喇~經過收費路口時GPS會提示你的.....首先經過一個入口關卡有部自助機你自己攞飛先既!!!就好似下圖咁樣.....車手開心飛左一大段路之後係出口哥個收費亭就會按你係唔同地區入口黎收費~我記得唔係好貴...400円=30.4hkd左右~






穿過了長長的高速公路就到達了本部町了~~一望就知呢日熱辣辣啦~~




呢日既重點行程係沖繩美麗海水族館~(免費泊車)...地址:沖繩縣本部町石川424...電話:098-048-3748....mapcode:553075767....網址......都開幾早喎~8:30海洋生物就會為大家服務~~




諗住影飽相行去水族館入口...一行之下......沖繩真係度度都有靚海灘~




阿寶和靚靚海灘拍個照~






好啦~我地去玩啦~睇下阿寶幾開心~(小朋友去水族館都是很興奮的~:P)




如果未買飛既朋友就可以係現場自助買飛啦~不過我地一早係租車公司買埋~唔使煩~(而且平d~)




一入場就係最大眾化既親親海洋生物部份~~~~




d人都好大膽呀下~~~~(毛寶點解你摸條海參個手勢有點怪怪的....應該是"逗"海參~~~~)






我都唔執輸...但我咁細膽~梗係揀最無殺傷力既海參啦~~其實我真係唔係好敢掂海星啦~(唔知點解~不過都鼓起了勇氣~~~)...話時話喇....海參真係幾好摸~~尤其佢貼係缸邊將佢拔出既感覺~~~(可以攞起的~但唔可以離開水面~)....而且呢度都超貼心的~~你一摸完...後面就有好幾個洗手盤仲有皂液俾你洗手~~




好囉~開始進入參觀魚缸環節~






呢張好靚呀~~~好似有神的光環照入海底~




超大條龍x(我唔記得呢隻字點寫~應該估到我講咩魚啦~)....好似可以食左毛寶咁~~~~我記得我好似有講過:佢d肉質一定好鞋~~XD~~~~~




仲有呢佢有d小知識貼係旁邊俾你睇下~~我覺得幾得意~~~你睇下佢地細個同大個既分別~~~~~你點估到左邊橙色魚仔.....大個會變左右邊綠色大魚~~~




呢張係講左邊係餵食前既顏色...餵食後就會變成右邊既黑色!!!!!好得意~~~變化好大!!!變左黑色之後好鬼型!!!!跟住好搞笑既係:佢隨即係我地前面個缸游過~~超生猛~~食左野係唔同d~~~~




之後又行到其他展館~佢有模仿如果你掂到或者踩中某d海底生物既後果~幾得意~






呢個一睇就知掂左一定無運行哥種~







2014/11/12的開心事:
星期五無啦啦想食打邊爐....
本身諗住兩個人去食...
整整下變4個...5個...6個...
最後7個約齊哂~
有時突如其來反而更易約~
七公子~約定你~

我好開心呀~
因為我噚晚發夢呢~
見到爸爸呀~
我仲煎牛扒雞翼俾爸爸食添~
我問爸爸:我怕唔怕煎得好老呀?
爸爸:唔怕呀~:]:]:]:]
我第一次煮野食俾阿爸食....竟然在夢中
真後悔之前無煮過野佢食呢...

28 則留言:

  1. 估唔到澳門咁細~出年連續第9年派錢...香港派得一次錢咋

    回覆刪除
    回覆
    1. 我當初第一年派時係以為佢派一年架咋都係

      刪除
  2. •Ѽ*⊹今天已是╠ ╣ a Ρpy星期三⊹*好快星期六喇喂
    。•*´⊹星期六-日*´*15-16號¤*。❉。•我又和契仔一家和老朋友
    ♫*¨♬番大陸玩兩日一夜`*♪`•♩”。❥開心樂無窮...哈哈哈

    回覆刪除
    回覆
    1. 真係好喇~~~有得同契仔一家去玩~~~~

      刪除
  3. 我今天3:00以正常時間起身嚟°º*
    不過掛住行街市現在才回覆大家
    886...現在我又要去回覆FB 了

    回覆刪除
  4. 話咁快又到賽車月^_^這個水旌館來沖繩必定要去,唯一吾方便,是離市區好遠好遠,自駕遊就最最方便﹗

    回覆刪除
    回覆
    1. 係呀咁又一年了~
      都係架~所以有得揸車係方便d既~真係多謝毛寶喇~

      刪除
  5. 有啲嘢要喺夢入面先可以完成.....我尋晚都夢見她......

    回覆刪除
    回覆
    1. 唔記得......上次夢見復合+深深擁抱,個感覺好真實,嗰一刻我成個人唔再狂亂神經質好寧靜,定哂好安定安全(好難得的感覺),我好想發多一次.當時醒咗我都腥去同佢講,但冇回覆.

      刪除
    2. 佢應該依家係完全唔會再睬你喎....

      刪除
  6. 妳夢見爸爸咪好啦,仲煎埋雞翼添~~好乘,咁現在煮多比妳媽媽食啦。

    回覆刪除
    回覆
    1. 星期五去打邊爐啱晒啦~~天氣轉涼。多d人去食咪熱鬧d同埋食多d嘢,錢又可以七份。

      刪除
    2. 哈哈~~我都係咁諗~~~搵日整俾佢嘆下先~~~(唔知佢想唔想食~~哈哈~~)

      刪除
    3. 係呀~~~~有得去邊爐又凍凍地我真係好開心呀~~~

      刪除
  7. 七公子又一齊有聚會啦 真係開心呀!打邊爐好玩呀 食吓唞吓又可以傾好耐計 食開心啲呀 :)

    回覆刪除
    回覆
    1. 無錯~~~咁岩呢~~我地呢邊開始凍凍地喇~~~~可以烚下烚下真係正喇~~~

      刪除
  8. 龍躉..... 個躉字好蝦人寫,

    回覆刪除
    回覆
    1. 我知大慨係咁既型囉個字~~但完全唔記得裏面點寫~~哈哈~

      刪除
  9. 澳門賽車好唔方便,不過就好有特色。
    D海灘真系好靚喎!
    那麼,便煮被亞媽食啦!

    回覆刪除
    回覆
    1. 好彩對我黎講查實無咩影響~~~~所以都ok啦~~
      係呀~~靚靚~~
      我會呀~~~唔知阿媽敢唔敢食呢~

      刪除
  10. 又有錢派真羨慕~~~
    沖澠個水族館好似話係全日本最大,又真係幾靚幾多野睇喎

    回覆刪除
    回覆
    1. 我當初第一年派時係以為佢派一年架咋都係..
      下~係架~咁就好喇~我去左最大哥個喇~~~

      刪除
  11. BABY~~~ 我依兩日好開心~~~放左兩日假~~~
    不過我諗聽日有排先收到工~~~ 哈哈
    見到靚靚沙灘就好想去旅行了~~~
    我都好想打邊爐呢, 依D天氣最岩打邊爐 ^^

    回覆刪除
    回覆
    1. 梗係啦~有得同男友一齊放假一齊去玩~~~最衰請唔到星期456日咁啦..如果唔係旅行都去到~
      開心左先~今朝有酒今朝醉~~~
      係呀~~~海水色好靚呢~~
      係呀~~~咁岩線聽日會凍~~好鐘意烚下烚下~

      刪除
  12. 海參軟淋淋,睇落真係最冇殺傷力!

    回覆刪除