2014年12月1日 星期一

Candy Cafe

我噚晚訓得好差...係好差.........喊喊~今晚早d訓先~...點知今日番晏有兩個同事番唔到.....由我同chlo子頂上OT一個鐘~星期五:本身話抽假結果無抽~害人緊張了一整個下午~放工去食飯...終於試左傳說中既雀仔園何伯...er...但我覺得好一般....雖然好平...但舊牛扒d肉真係好鬆弛.....可以講話唔好食~...->期待左一星期既飢餓遊戲終極篇~~~......星期六:中午過左氹仔食興記~少可會唔使等位~...->又行左陣威尼斯人->夜晚食左和花亭...不過食完好似無食野咁~...->行行800伴~呢日行左好多街...我真係好勁...真係無野買架喎~~..->番左屋企睇Alan入行40年哥個電視節目呀(唔係Alan Po呀係Alan Tam呀~~~)....佢一路唱我一路跟住唱...唱到high哂~....星期日:中午又去左食水晶廊->去左買starbucks焦糖咖啡->去左文化中心個大空地坐係度飲焦糖咖啡~~哥刻我竟然覺得好舒服~~有少少去左旅行既感覺~(可能係咖啡因作祟)->行文化中心->夜晚同屋企人食左權昌



6月份既時間去左雅廉訪既Candy Cafe分店~總店開係東望洋的....哥時我都有去過..不過哥時岩岩新開....咸食無咩選擇..所以都無開文去寫(查實我都唔記得有無開文去寫添~記性差~)....依家開左分店...聽人講唔錯就去試下~(通常人地試左話好我先去試~~我好驚觸礁的~)..地址:澳門雅廉訪大馬路46-A雅廉花園地下....電話:2855 4539....新店比總店大~不過都有好多人去下!!好彩有麥公子早左去霸位咋~







飲品既種類超多...有花茶英式茶綠茶咖啡特飲果汁汽水.....總有一款岩哂你既...麥公子叫了....er...由於事隔太耐我忘了~睇睇顏色似係凍既Cappuccino $35....我覺得我記性真係太差了~~總之我記得咖啡類係正面評價的~




朗公子的宇治金時雪糕特飲 $42.....唔知點解少女見到宇治金時呢4粒字就好似無哂抗體咁架喇...我又真係好少見有人會唔鐘意綠茶味喎~(除左凱公子覺得綠茶味係蟲味...原來佢覺得綠茶味有臭青味所以好似飲緊蟲落肚~).....不過如果係宇治金時我會hold一hold...因為有紅豆的我都不愛~(但叫得宇治金時就會有紅豆架啦~)....講左咁耐仲未講到杯野飲....呢杯個色我覺得麻麻....但朗公子飲落話ok.....同埋我覺得有d貴....




毛寶選了鮮榨橙汁 $36.....都係覺得貴~我發覺佢依家好多時出去食野都會叫橙汁飲~口味轉了~可能佢想叫黎解滯~




我無記錯我係叫檸薑香草茶 $34....窮人之選~可以無限翻水~




香草雜菌蝸牛 $68....個汁好香濃~唔錯~~連烤麵包一齊食好正~




香酥雞 $36.......根據食台灣香酥雞經驗豐富既麥公子說:好味~......我都覺得呢個同個名一樣又香又夠脆~正~




法式薯角 $28......其實新鮮炸就唔會唔好食既~不過我個人對薯角既興趣度麻麻~鐘意粗薯條多d~不過呢個價錢算幾平~




夏威夷風味比薩 $75(細)......唔係話佢唔好味...而係咁細個都要$75好鬼貴!!




意式卡邦尼意大行麵 $68.....我唔明d cafe點解呢個明明係一個好易整既意大利粉....好易整得好食...又無咩特別既料...但係就係要賣咁貴呢?




忌廉菠菜鮮菌意大利飯 $68....呢個唔錯啦~都合格既~不過我其實我麻麻地Risotto...因為我覺得好漏~




自選三文治 $78...包兩款伴菜兩款餡料一款醬汁一款芝士.....個包好細..不過都見佢有包到好多料入去既...但係我都係覺得係完全唔抵食(因為我搵到間係包又大又多餡料的..但唔使呢個價錢~)






金萬利吉士忌廉拿破崙配雪糕 $56.....甜品賣相靚面且唔錯~我反而覺得甜品價錢宜人d喎~




窩夫配鮮士多啤梨﹑朱古力汁及自選雪糕 $48.....這個窩夫的餅質不錯吃呢~而且價錢無獅子開大口~

總括黎講呢間Cafe算係試過咁多間黎講係可以講話好味的...但係我覺得飲品同主菜價錢偏貴左少少...小食同甜品就性價比高d~....呢篇既重點係:呢日係4位公子一齊去食...叫左4杯野飲3個小食4個主菜2個甜品~公子萬歲~





又要講番飢餓遊戲終極篇:自由幻夢1(The Hunger Games:The Mockingjay Part 1)......

我通常都唔會咁衰仔劇透既~
要講講既係...如果唔係睇開前兩集..
呢一集既可看性唔高~連我呢個忠粉..
都打左好多個喊露...
但我又明既....唔經過呢一集...我又點睇大結局呢???
不過我地開玩笑咁講....
佢話自由幻夢1 je.........無話下集大結局喎....
可能有自由幻夢100出現~~wakakakakaka~~~~~~
仲有呀...睇戲哥時後面哥兩個八婆不停傾計都算...
(又唔係傾得細聲喎....成場戲最靜就係其中一個去左廁所)
做到最後其中一個八婆擺明睇哂書仲要講埋個結局出黎..
我頂佢唔順拎轉頭:講夠未呀!
同埋開燈時怒啤左佢兩個一眼.....
邊有人咁鬼老土架全世界都有睇過書咩...
係講你都哄埋佢耳邊講啦...仲要坐你前面哥兩個都聽得一清二楚....
妖.....................................



噚日去行文化中心....

有個"龐比度藝術遊樂園"既展覽~~~~高度推介~~
文化中心星期日係免費入場的~~~
係一個互動性展覽~~~~
又有野睇~~~~仲要有野玩~~~
可以同小朋友一齊黎~~
激發小朋友既創意~
我今日同毛寶都玩得好開心~~~
我地仲有一part未玩~之後再去先~~~~~



2014/12/01的開心事:

中午我叫媽媽整個蠔油撈蝦籽麵俾我~
點知佢加多左半隻大罐頭鮑過我~~~
多謝~



野~~~~
本身今日朝早抽緊假架...
我幫其他無番總部既同事抽...都幾好運的!
點知抽抽下就無抽喇......嗚嗚.....
我一日假都未抽呀~~~~(因為集中下半年)
聽日可能再抽...但可能用唔同形式抽~~~
大家幫我集多次氣得唔得呀~~~~
祈求我出年既假順順利利呀!!!!
求求老天爺爺幫幫我~~~~~
(我今天很長氣~)

30 則留言:

  1. 最痛恨戈d 係人地睇緊戲時嘈嘈閉閉討論劇倩的人, 而且我發覺越來越多添, 次次係ua睇戲, 都咁好彩坐正呢d人隔離, 有時寧願遲d等無乜人先去囉

    回覆刪除
    回覆
    1. 係呀....真係唔知點解....一係就隔離哥個人會有臭味.....
      我有時都會咁~~但飢餓遊戲真係忍唔住~~~

      刪除
  2. 啲嘢睇落幾好咋,烤麵包香酥雞薯角,正!!我都好憎飲綠茶!!
    你真係好鬼死有型,喺戲院xx啲講嘢嘅八婆,我想做又唔敢做嘅事,你係得嘅!!齣戲睇完第一集,唔鍾意都冇再睇落去......
    祝你想攞邊日就邊日假!!yeah

    回覆刪除
    回覆
    1. 其實味道係唔錯的...但係真係貴左d囉~.......哈哈你同凱公子一樣~
      你唔xx都得架...發一下0殊聲咪得囉...不過任我點話d八婆都好..佢地都係下一套戲照講!!..我鐘意呀~好睇~
      多謝你既祝福~抽中了~

      刪除
  3. starbucks................有得揀我唔會買佢,我鍾意買小舖cafe果d,有好多好飲過starbucks
    嗱嗱嗱,你又錯喇,宇治金時對我呢個少女(自認中......)係無作用架,一杯純綠茶我係ok的,但綠茶製品,e.g. 綠茶雪榚,綠茶蛋榚.......我全部唔like!!!!!!!!!!
    哈哈,你絕對不是窮人,你想飲多杯je^^
    咁你都好忍得,做到最後先出聲
    再次祝你抽假順順利利 !!!!!!!!!!!!!

    回覆刪除
    回覆
    1. 哈哈~因為澳門小鋪哥d有好多都好麻麻..加上我唔係識飲哥類人呀~求求其買就算~
      咦~咁你係一個特別的少女喎~~~我識哥班人入面個個都鐘意的~~~真係可能我識既人太少了~~咁紅茶味呢?????
      我係一個諗縮數既人~~~~哈哈~~~~
      我就係諗住睇下佢仲要講幾耐!!!!!!!點知最後佢講埋個結局出黎....頂佢唔順!!!!
      好多謝你呀!!!!我抽中了~~~~

      刪除
  4. 你係咁講抽長假抽長假.....我唯一一個長假就係寒假....但我初六就要返學TAT
    CANDY CAFE D野食係幾好食,但我覺得真係太貴同太細碟
    完全唔ARM我呢D未識賺錢既小朋友去食TAT
    都係走過泥台灣食好D~~~HAHAHA

    回覆刪除
    回覆
    1. 暑假無咩????學生假多過我地好多架喎~
      其實都唔岩出左黎做野既人食~因為我都覺得cafe唔應該咁貴~
      台灣d cafe都好貴喎~係其他野食又真係平既~

      刪除
  5. 嘩~~仲乜瞓得唔好呀?
    妳好勁喎~~~如果係可能會打交啦

    回覆刪除
    回覆
    1. 我都唔知呀..訓好耐先訓得著~
      哈哈咁又唔使打交~

      刪除
  6. 好友*¨☁★•☾*¨晚安喇喂*¤✬
    ¤❤*¨♡ 笑嘻嘻⊹❀。快樂星期二。゚✿

    回覆刪除
    回覆
    1. 今日真係好快樂呀~多謝祝福!!

      刪除
  7. 甜品賣相靚...唔錯...我喜歡呢

    回覆刪除
  8. 小t 咁後生...身體就咁多問題...真係要健康為上呢

    回覆刪除
    回覆
    1. er...係囉..我都要好好保重先得喇..

      刪除
  9. 祝你明年大假要果日有果日,抽得順順利利^^啱聽嘛~

    回覆刪除
    回覆
    1. 好多謝你呀~~~今日真係抽中哂呀!!!!!!

      刪除
  10. 幫手集氣,好!我求太陽伯伯幫埋手添!

    回覆刪除
    回覆
    1. 真係好多謝你呀!!!!真係抽中左呀今日!!!!!!

      刪除
  11. 望相間野唔錯喎~~卡邦里意粉都唔算易整架, 如果個汁係自己煮既話都要預備幾多野架~~

    講起睇戲, 我上次睇insterteller都坐正係個家庭前面, 個daddy係咁同個仔傾計, 個仔唔明又大聲講, 睇到一半我嬲嬲地, "殊"佢地, 不過佢地可能聽唔到我殊啦, 仲係咁傾計, 呢啲人真係無家教, 激死!

    祝你抽到好假呀~~下年寫多啲遊記比我睇heheh

    回覆刪除
    回覆
    1. 好~我下次試下整睇下易唔易先~
      哥套可能成人都唔明呀~~~~其實講一兩句就真係無咩所謂...但佢成套係咁講講講就真係好煩...都唔知聽佢講定聽主角講好
      好多謝你呀!!!今日d假真係中哂呀!!!!!

      刪除
  12. 我都至怕睇戲時隔籬啲人講野/講戲,超煩!
    八百伴個名好懷舊
    第時過來去行下文化中心先得
    蝦子面+鮑魚正呀@@
    間cafe唔平喎,但好彩都叫味道ok

    回覆刪除
    回覆
    1. 係呀..好嘈呀..成套係咁講係咁講
      哈哈梗係..香港哥間無左嘛~澳門的唯一百貨公司~
      係呀如果有想睇既展覽唔使錢真係好吸引~
      係呀都ok既味道但太貴了~

      刪除
  13. 鮮榨橙汁 $36?夏威夷風味比薩 $75?自選三文治 $78?超唔底喎~~~~~~~~
    檸薑香草茶、金萬利吉士忌廉拿破崙配雪糕,未試過,好吸引。
    文化中心星期日係免費入場?值得去。
    鮑魚蠔油撈蝦籽麵,正正正!
    寶物尋歸底,出年您的假期一定超正。

    回覆刪除
    回覆
    1. 係唔抵架~味道都ok既~
      甜品真係ok d~
      黎開澳門星期日就去行下啦~幾好玩~
      好多謝你呀~~真係抽中哂呀~~~~

      刪除
    2. 好人有好報嗎,哈哈哈~~~~~~

      刪除
  14. 嘿,睇戲最怕遇到懶叻劇透D人,仲有可能係第二或以上去睇,佢會話,嗱,一陣男主角就㑹咁咁咁,然後又點點點,又有D一睇到稍為血腥仲會不停嘖嘖嘖,當你遇上,真的好想練死佢地㗎。

    回覆刪除
    回覆
    1. 係呀..真係勁煩呀!!!!!!!佢仲要成套戲係咁講係咁講.........
      最弊又講得唔細聲...講足成場~

      刪除