2014年11月20日 星期四

沖繩陽光海灘海鮮自駕遊之旅2014-10-01第五天(晴天)

噚日係執相日.....有成1300幅相係電話過落電腦度...搞左成晚~順勢梗係偷懶啦~~~~今朝阿媽同我講佢唔開心....問極佢都話無野.......所以今晚咪諗住帶佢出去食餐飯散下心囉.....之後我估中佢唔開心d咩......搞到我都有d想喊...........不過雨過天晴啦~~~講左出黎唔準再唔開心架喇!錫哂你*3*



2014-10-01
Day 5(日本,沖繩 Japan,Okinawa->香港Hong Kong->澳門Macau)
呢日我幾醒呀~最尾一日我最早起身(其實日日都係~)....最快搞掂自己~就行落便利店買早餐俾大家~我淨係食左個飯團咋~媽媽要飲咖啡和飯團~毛寶話想食乳酪...我仲懶醒以為哥杯係益力多味既乳酪....點知原來係益力多味既布甸~~~~~~不過都幾好味~




check out左之後就去最後一個行程喇~(好唔捨得呢~)...天氣好好~~




就係沖繩唯一一個Outlet Mall Ashibinaa~地址:沖繩縣豐見城市豐崎1-188....電話:120-151-427....營業時間:10:00-20:00...網址..有百幾間鋪頭~可以上網睇下有無岩自己既鋪頭~而且有好多間都有退稅~outlet~仲要退稅~正~退稅店鋪.....呢度最適合最後一日黎~因為近OTS還車同埋近機場~




呢日黎唔算多人~可能我地早卦~搭正10點準時入去~






最開心梗係唔少得有人好鐘意既Beams啦~仲要好大間添~




大約行左兩個鐘左右...d女仔已經買到滿滿足足咁喇...又有d肚餓喎~又未夠時間還車~咁味上左二樓搵食囉~見到呢間Italian Tomato Cafe Jr.咁咪試下囉~






媽媽的Double Expresso...340円(稅込)=25.8hkd......媽媽說:係咁啦~.....我的血橙汁(中)....340円(稅込)=25.8hkd...好鬼甜...又係紙盒包裝哥d果汁~




小沙丁魚和蘑菇沙律(大)....480円(稅込)=36.5hkd.....幾好味~新鮮~




豪華雙味鱈魚子意麵...530円(稅込)=40.3hkd.....華!!好咸囉!!!唔好味...好彩細細個3個人都搞得掂既~




瑪格麗特比薩.....580円(稅込)=44.1hkd....呢個好好味~餅底夠薄~大推~




玉米濃湯...380円(稅込)=28.9hkd....華..幾貴喎~細細杯咁~唔抵~~~~叫做求求其其咁食左餐啦~沙律同埋pizza係幾唔錯既~




之後食飽飽我地就揸架車去還喇~去還車之前既指定節目->入滿油~呢樣係超級的方便!因為OTS旁邊就係油站~~而且我地用左架車4日....入滿缸油只係用左3,718円(稅込)=282.6hkd咋!!!!!好抵呀!!!!!!!300hkd都唔使~~~~入滿就去還車啦~(outlet同OTS既還車點車程只需3分鐘...超近~)




我地還左車之後OTS就會安排車送一大批人去機場~到左機場check好in之後行黎行去望左望右...都無咩買喎~見到有間幾好樣有set食的餐廳...好想食....點知怕佢多人過關食唔切....於是我話:我地過左關再食野啦~......點知超快過關...而且入左禁區後....淨係得快餐......................原來國際線得6個閘口....





都無計啦~都係好想食野~都要食架喇~媽媽食排骨蒿麥麵...699円(稅込)=53.1....我就叫左飯團食...247円(稅込)=18.8hkd.....超平~開頭我唔係叫呢樣架~想叫哥樣無哂.....點知超好味囉~~毛寶都話好味~




好似delay左20分鐘先登機~去同走都delay左20分鐘..不過都可以接受既~我地搭Hong Kong Airline既HX657班機係16:00由沖繩飛番香港~又係餐包做飛機餐~(我見人地去沖繩真係有飯架喎..點解同一航空公司我地係食包既?)....今次係豬肉包..下次識做呀~~轉做素食餐最好味~仲以為10月1日番黎班機會少人d....點知都係全機爆哂~超多小朋友....都幾嘈部機....

之後我地番到香港係6點左右....要等到20:00先有機場船番澳門...咁梗係等啦~~~我先唔會抽行李去港澳碼頭呀~~~



我係outlet既收獲~




仲係BEAMS Mini度買左呢件衫俾小公子~




係GAP度買左呢件小波點背心~又係俾小公子的~




記唔記呢對公仔呀~係行完御嶽齋場見到架~毛寶買左一對~好可愛~




毛寶係最尾哥晚間陶瓷店買的~好靚~~~




仲有佢既其他收獲~(只係毛寶既冰山一角)




總結:

1.使費:3,406.3hkd(機票)+1,661.4hkd(4晚酒店)+6,080hkd(食+買+玩+租車及其他交通費)+372hkd(來回船飛)+2xx mop(保險)=11,519.7hkd+2xx mop....以豪食團黎講~都算唔錯啦~今次都係我請媽媽去旅行架~以上是一人價
2.睇唔睇到睇唔睇到~~~我之前用淨左90,000円架~為左去沖繩我就換多左200,000円去玩...點知最後我連上次用淨哥90,000円都用唔哂~~~~用左80,000円咋~~~好開心呀~~~雖然我唔係買左好多野~~但真係食得好好好好好呢~~~
3.好多謝毛寶做我地司機~不論係沖繩~~定係澳門(屋企至碼頭)....超級謝謝你~~~~~~~*3*
4.我真心覺得沖繩係超適合一家大細黎....無論咩年齡層既人都岩玩~~~~我地來回哥隻機都超多d小朋友~同一格既機倉已經有成10個以上小朋友~~~~~撞見既遊客又無咩外國人喎~廣東話居多~普通話的很少~好似撞見左兩次同我地同一隻機既情侶~
5.沖繩d野食超級岩我食!!!!生熟海鮮...牛...Agu豬...炒苦瓜...海葡萄...水雲我都超喜愛吃!!!!!!!
6.不過去沖繩真係好驚打風呢....又驚橫風橫雨...好彩今次老天爺爺保佑咋!!!謝謝!!!
7.希望出年有機會再去啦~~仲希望係以七公子名義去~~應該可以玩得更癲~~~~~~~~
~The End~
~多謝收看~





2014/11/20的開心事:
今晚去食飯哥度有開揚玻璃對住賭場(但不在賭場內)...
一坐低菲律賓藉侍應姐姐就問我:Are you over 21 years old?
我:Yes of course:]:]:]:]:]:]:]:]:]:]~~~~~~~~~
姐姐:Oh, sorry, you look so young!
野~~~~~~~~~~~~~~~~~~~~~~
好衰架~~~~人地原諒你啦~~~~~~:]:]:]:]:]:]

聽晚凱公子生日趴...
公子們....腸胃準備好了沒~

39 則留言:

  1. 萬零蚊去日本,食買玩住行連机票一d都唔貴喎,我十一月頭去完韓國玩六日都要八九千啦!!!
    今次最大收獲應該係小公子,好多手信收^^
    咦,今年又差不多完了,下年又有咩旅行plan呀

    回覆刪除
    回覆
    1. 係呀~所以我覺得如果想去日本~但又想平平地沖繩真係一個幾好既選擇呢~
      wakaka~真係買俾佢多過買俾我自己~
      仲未mark假呀...要慢慢諗下先~

      刪除
  2. "野~~~~~~~~~~~~~~~~~~~~~~
    好衰架~~~~人地原諒你啦~~~~~~:]:]:]:"

    笑鳥(≧∇≦)

    回覆刪除
  3. 原來陪媽媽,算妳冇偷懶啦~~~
    個Pizza咁大又平,正呀

    回覆刪除
    回覆
    1. 係呀我好乖架
      其實我影得大咋好細細個架

      刪除
  4. 話咁快又要說☁*゚晚安安☁*゚
     ┏┓┏┓。・゚゚・。。゚♡
     ┃┗┛ appy♡⌒º°¨*•星期五⊹*❤
     ┃┏┓┃ ❀向前進✿日日都是美好
     ┗┛┗┛ 

    回覆刪除
  5. 野~~~~~~~~~~~~~~~~~~~~~~
    好衰架~~~~人地原諒你啦~~~~~~:]:]:]:]:]:]
    。。。。。。。。。。。。。。。小婉子反白眼+友藏空白眼
    出街食咁夜都出blog你真係堅乖!
    冰冰開心返就好了!

    回覆刪除
    回覆
    1. 有無咁誇張呀~~唔好誇大d野黎講喎~~
      係呀~我真係好乖架~(一時時)
      開心番喇

      刪除
  6. 見到,我都想去埋一份,日本,我都未去過呢.

    回覆刪除
  7. 伯有都好少女吖,"唔開心......冇嘢"少女的邏輯.
    你outlet嘅收獲咁似你著過/本身有啲衫嘅?少女買衫係咪買嚟買去都係差唔多同款架?小公子件好靚,著上身實好盞鬼.
    喺賓賓眼中識鬼分黃皮膚嘅年紀吖,我呀,入金沙城都俾門口黑蚊蚊食蕉查身份證啦.

    回覆刪除
    回覆
    1. 哈哈~氹到牙血都出埋呀真係
      係咩~可能我成日買黎買去都係哥d衫卦...梗係我地揀架喎
      你都查就真係佢眼花囉

      刪除
  8. 見你玩得咁開心, 攪到我都心思思想去,

    件衫仔好似好大件, 岩唔岩小公子咖?

    回覆刪除
    回覆
    1. 沖繩真係幾唔錯
      岩呀佢依家著緊喇

      刪除
  9. 我都認為沖繩好正,以咁嘅價錢唔算貴,可能係你地做工課出色,流程順利啫,大讚!

    回覆刪除
    回覆
    1. 哈哈~都係毛寶利害...
      不過去日本黎講呢度又平平地又近近地真係唔錯架喇~

      刪除
  10. 小 t 真是好帥的超級孝順女!
    最想試小沙丁魚和蘑菇沙律~~~~~
    哈哈哈 ...... 我之前都話您 look young 喇,個位姊姊重勁!

    回覆刪除
    回覆
    1. wakakaka真架~
      哥個幾清新~
      哈哈~~好衰架你都~

      刪除
  11. 毛寶的寶貝都好特別!有藝術觸覺。

    回覆刪除
  12. 你個樣睇落好細個^_^真考順啦請媽媽去旅行,我想知毛寶買左咁多陶瓷,要好小心運送,有無爛到?

    回覆刪除
    回覆
    1. 咦~~你都好衰架~~
      我要做乖乖嘛..媽媽鍚我我又鍚媽媽
      有叫航空公司小心d囉...無爛到呀~

      刪除
  13. 如果你地真係搞得成七個靚仔去旅行既話,一定嘈到癲。

    回覆刪除
    回覆
    1. 無錯~~~~~嘈到成個地方都聽到~

      刪除
  14. 下年有平機票一定要再去,哩個地方食,買,玩都好好,又有靚靚海灘
    最喜歡毛寶D手信^^

    回覆刪除
    回覆
    1. 係呀~~真係幾好..d野食又平~又正~值得再去~
      係呀好靚靚呀

      刪除
  15. 好鍾意你買比小公子件衫呀 小公子著咗一定好得意啫~~~ :)

    回覆刪除
  16. 1,661.4hkd4晚酒店<===喱個最抵!!!
    咁佢有冇查你身份證睇真XXD

    回覆刪除
    回覆
    1. 呢個係一個人價咋~~唔好誤會係3人價喎~~不過係一人價我都覺得ok~
      無呀~

      刪除
  17. 我返嚟啦~~
    媽媽快啲笑返、每日笑口常開
    請問幾時有旅遊報時器,快啲plan下年行程啦

    回覆刪除
    回覆
    1. 你就好啦~~~去完日本玩~~~
      佢依家無事喇~
      我都想快d呀~~但咩都未定呢~

      刪除
  18. 全程5日先入左4千yen油? 唔係呀.....

    回覆刪除
  19. 我都係澳門去沖繩,6月飛,真係驚打風

    回覆刪除