2014年11月13日 星期四

沖繩陽光海灘海鮮自駕遊之旅2014-09-30第四天Part 2(晴天)

今朝早去左山頂抽血~噚晚12時後不可進食~所以我今朝一起身我覺得特別肚餓~~(其實明明日日12點後都係唔食野架啦~~)......早左10分鐘上到去...點知個號已經過左~~~望住支筒不停咁吸自己既血出黎.....真係覺得好怪模怪樣狀~今日賽車~人很少呢~



2014-09-30
Day 4---Part 2(日本,沖繩 Japan,Okinawa)
繼續水族館之旅~~~~隻龍蝦大隻到....又係成精~(但其實我心裏面係有偷偷諗話唔知食佢既話d肉會唔會好老~~)




呢隻魚真係好得意呀~~好似一路游一路揮動佢身上既絲帶跳舞咁靚~~好難影到靜態既佢~~(我有影短片~~拉落少少啦~~)




佢地真係游得好靚~有無人知呢種叫咩魚呢請問~




呀~~阿寶見到同鄉表示高興~




超得意的細粒蟹仔~




我又係唔知呢d叫咩呀~~~好過癮~~~係泥下面鑽上黎好似好八卦咁~~~




華~終於行到黎呢個我最想睇既魚缸喇~好靚呢~~




佢地個大魚缸有3條鯨鯊呢!!!超大條~~~不過好難會影得哂3條在一起~~~










真係好大個~~~唔知點解影呢張全景照時....會無啦啦有兩個人光左既?期中有一個仲要係毛寶添~~~~~




阿寶咁大個仔都未見過咁大條魚架~攬住媽媽說:驚驚~~(好可愛呀寶寶~;])




我幾乖呀~有影短片~咁大個缸我真係望左好耐~好多唔同種類的魚~





跟住哥以搭lip上唔知幾樓就可睇到魚缸水面~~~




有好多燈照住~有d熱辣辣~而且魔鬼魚同埋鯨鯊都成日游近水面~~望望下有條魚跳起添!!!後尾發現原來係海豚呢!!!




番番落黎見到原來魚缸既玻璃有咁厚~(如果唔係水壓都壓爆佢啦~)...跟住我又諗........咦~塊玻璃咁大...咪好難清潔~~




睇實睇咩動物我都係鐘意由呢個角度睇~特別會發現好笑野~




超大的魷魚標本




係出口處就梗係唔少得紀念品部啦~如果想即日再入番去水族館既話記得係出口吸番個印喇~




出番黎去攞車...好~熱~呀~.....水族館下面仲有其他館可以入架~~好似海龜館海豚館咁樣..海豚館仲可以登記親親海豚~仲可以摸佢架~其實我幾有興趣~不過就時候好似唔係好夠~




要離開喇~好靚呀~好唔捨得呀~聽皮皮講呢度有個海灘架~~~仲要好靚下~~不過今次唔夠時間~我下次再黎玩啦~雖然好多人話呢個水族館有邊邊邊度咁靚...但係呢個已經係我本年度睇過既(之前睇過澳洲和馬來西亞)最好既一個!!!無令我失望~~我玩得好開心~~~










2014/11/13的開心事:
今日突然諗起打從聽晚開始就不停咁食~~
聽晚就七公子食打邊爐啦~
星期六晚就舅父生日去食自助餐啦~
星期日就有好好既毛寶老闆請我同媽媽食大閘蟹啦~
整個周末都在不停的吃~~
諗起都開心心~我是一條貪吃蟲~

34 則留言:

  1. 係咪似神仙魚?
    間館真係勁靚,仲有埋沙灘咁正
    咁多唔同魚一齊生活又唔會打交喎

    回覆刪除
    回覆
    1. 個型都似喎~~~~不過神仙魚又好似係咁樣有絲帶咁喎可?
      係呀~真係唔錯~再有機會去我都會再去~
      其實我都有咁諗~

      刪除
  2. 我喜歡去看水族館...見到D龍蝦...海魚呀...好自然想點煮食是最正呢...哈哈哈

    回覆刪除
  3. 睇返你D 相令我回憶起幾年前去過的地方啊, 戈隻龍蝦真係超大架, 咁耐無見, 依然健在, 哈哈
    仲有, 我都好鍾意食沖繩的午餐肉, 太好味喇!

    回覆刪除
    回覆
    1. 哈哈~~咁你覺得佢有無大隻到呀~~

      刪除
  4. 妳check下d血都好、睇下仲乜成日頭痛啦~~~應該冇事take care
    d魚似神仙魚呱~~~
    乜妳個仔咁細膽呀`~~~哈哈哈
    妳點止是一條貪吃蟲、又係一條偷懶蟲呀`~~~哈哈哈

    回覆刪除
    回覆
    1. 我哥日唔係check哥樣呀~~~
      都似似地既~~~
      咁佢係小朋友嘛~咪細膽d囉~~~
      wakakakaka~又俾你識穿~

      刪除
  5. 哈哈~ 我今日都比男朋友話我好為食, 行街見到野食就會放慢腳步~~~
    寶寶其實係咩動物呀@@

    回覆刪除
    回覆
    1. 你同我都係正常人呀~~~男朋友都唔明白既~~~
      佢係一隻小青蛙~

      刪除
  6. 食咁多..... 容乜易.....
    咁你要做返多D運動頂返條數啦!

    回覆刪除
    回覆
    1. 無事~無事~
      行黎行去當做運動~

      刪除
  7. 伸頭出嚟88掛掛個D叫海蚯蚓^^
    阿寶靚過同鄉好多

    回覆刪除
    回覆
    1. 佢地真係好八卦呀~~好好睇~~~
      多謝姐姐讚阿寶~~~~~

      刪除
  8. 好在寶寶有媽媽喺身邊 可以保護寶寶 :)
    嘩!! 連續幾日都有好嘢食 好有口福呀!

    回覆刪除
    回覆
    1. 係呀~~~我可以錫番寶寶豬~*3*~~~(睇黎你習慣了我的瘋癲)
      係呀~~~~真係好正架~~~~

      刪除
  9. 12點後不可進食<~咪即係小魔怪?你知唔知係咩?
    條魚睇到都覺好迷幻,似食咗糖
    個大魚缸......加條美人魚咪即係新濠天地?

    回覆刪除
    回覆
    1. 我咁後生又點會知係咩~
      為何係食左糖呀??
      係邊度搵條美人魚送入去呀~~~~~~

      刪除
  10. 隻龍蝦真係好大隻~~~~~~
    隻魚身上既絲帶又真係好得意囉!
    登登登登,天巨星~~~~~~~毛寶
    這個周末,宇文公子好開心喎!

    回覆刪除
    回覆
    1. 係呀~~勁大~~~~
      係呀~~好得意呀可~~~
      食得超勁多野呢~

      刪除
  11. 要抽血?冇事嘛小t?隻龍蝦真係好巨型,有少少似電影入面D異形, 哈。

    回覆刪除
    回覆
    1. 無事呀放心~
      係呀我都覺得好似~

      刪除
  12. 你影個大魚缸都好清喎!係咪大過海洋公園o個個鯊魚魚缸呢?

    回覆刪除
    回覆
    1. 我覺得...差唔多大~因為係我心見中海洋公園哥個都已經好大~

      刪除
  13. 呢個水族館真係好鬼靚呀~~好期待第時親身去一次呀~~

    睇完你寫沖繩, 令我好想去學渣車, 自駕遊~~

    回覆刪除
    回覆
    1. 其實我有時真係好想自駕遊時可以我揸下車架~因為好似幾捨服咁~~~
      不過我又好懶唔想去學車~

      刪除
  14. Hi Hi,好耐無晌度留言啦,呢個幾月忙到死死下,到今日先上嚟追返,你又真係懶咗d喎,成個十月你都係出12篇blog,十一月得7篇,唔怪得有fan炸你形啦XD
    不過咁,睇你寫嘢真係好開心架,你d生活點滴俾你寫到好好笑,你其中一篇寫:
    ‘我呀~今日有新鞋著呀~
    其實事緣係我著開哥對皮con開哂口話要食飯...
    仲要係兩隻一齊開口~迫住買新鞋~
    著左今日駁咀都駁得威猛過人~’
    真係俾你笑死^^
    嘩,沖繩真係好靚呀,連水族館都靚過人,比起其他地方真係出色好多,讚

    回覆刪除
    回覆
    1. 好鬼掛你呀~~~咁耐無黎~~~~以為你唔要我喇~~~~嗚嗚~~~~~~~waakkaka~估唔到你仲數住我寫左幾多篇添~~~~~~係囉~唔知點解呢排咁懶~~~
      梗係~~因為我著左對唔襯我制服既鞋番工呀~~~~所以我哥兩日講野都好自卑~~~哈哈~~~
      係呀~我覺得係沖繩既時光好開心呀~~~~~沖繩真係一個好地方~~~讚~~~

      刪除
  15. 唔睇片, 睇到魚個張相, 仲以為你手郁影到咁tim~ 哈哈哈 d魚游得好優雅~

    回覆刪除