2014年12月10日 星期三

鼎泰豐

今日都係多野做~~不過多野做有多野做既好~就係時間快過d~~~我依家好緊張呀~~~我好想快d去台灣食野~~~同埋好想快d到星期五呀~~~公子聚餐~~



7月份哥時Diana就黎生日哥時我地約一次出黎食飯...適逢澳門新開左鼎泰豐...咁我地就去試下囉~地址:澳門路氹連貫公路新濠天地二樓蘇濠....電話:8868 7348....當時仲係試業階段呢~人流唔多~當時d侍應由各省各地來澳門幫忙開張....台灣呀上海呀都有~






不過睇呢篇野既時候心態上要有d調整.....皆因我食過台灣同香港既鼎泰豐....無一樣野係貴過澳門呢間...貴到變態~~什錦豆乾絲 $58....唔錯幾好味~作為前菜合格~不過唔算太碟~




蒜香粉皮肉 $78....味道唔錯~價錢開始逐幅相提高~




小籠包 $88/6個....唔係呀下?!!?!??!鼎泰豐咋喎..普通小籠包要$88????我食到蟹粉小籠包啦!!!!!平均$14.7一粒....恐怖...又唔係出色過人....




乾拌蝦肉雲吞 $78....我記得都好似係得4隻左右..係幾大隻..但唔使咁貴下話~




紅燒牛肉湯麵 $128........無哂野講.....唔係話佢唔好味...但係佢個味絕對唔值$128蚊囉...仲貴過去文華東方食個海南雞飯.....




迷你芝麻包 $48....雖然都已經係望落幾多餡下..但係唔知點解唔係好香芝麻味.....


兩個人食左.....$5xx........鼎泰豐喎............絕對不推介....求下你唔好去...$5xx兩個人會有更好的選擇.....不過我知道去食既人大有人在~睇黎哥排我食d野成日觸礁............



之前COD個SOHO新開呀~好靚~







我阿媽見到我個哭袋....
媽:華~呢個係禮物袋黎架??
我:係呀
媽:如果抽中哥個實好開心呀~咁多禮物~
我:下....呢個係哭袋黎架喎~全部都係我d唔要既野黎架喎媽媽~
唔知今年邊個抽中我個極哭袋呢~



2014/12/10的開心事:
下午做團體~yeah~
做完就差唔多收工~



報時:距離台北聖誕節自由行之旅2014仲有:11日~
我諗我要俾心機d寫blog先得喇~
依家先寫到7月~去完旅行仲要寫台灣blog~~
哈哈我有太多存貨~~~

28 則留言:

  1. Hi小T,鼎泰風現在都係新濠天地開分店喎!地方唔錯,但價錢貴過香港分店好多喎!soho新開好靚呀!我下個月尾來澳門都去睇吓先!聖誕節妳又去台灣玩、真開心呀!bye!!!

    回覆刪除
    回覆
    1. 地方係唔錯..但太貴了
      不過聽人講其他soho既食店都麻麻

      刪除
  2. 鼎泰豐.......................老實講句,呢間嘢賣個名,好多年前在台灣食過,完全無特別,仲要排餐死,之後再去台灣玩我都唔蘇佢,正所謂人離鄉賤,所以我又會覺得其他地方嘅分店會俾台灣更差........家下仲賣到咁貴tim,除非方圓百里都無嘢食淨得佢一間食肆,否則真係no way!!!!!!!!!!!!!!!

    回覆刪除
    回覆
    1. 我覺得台灣好過澳門呢間........(起碼用價錢比埋質量)...不過台灣哥間我都係去過一次咋~~方圓百里無野食我都唔想幫襯~~~~太貴....我唔會再行入去食~

      刪除
    2. 其實呢間字號,在台灣都係偏貴。台灣大把好野食,不如留返個quota食第樣好過啦。

      刪除
  3. 從來都唔鍾意食小籠包呀呢類.....咩菜?上海?仲要咁貴添,留俾嗰啲嘢輸完錢慢慢嘆......

    回覆刪除
    回覆
    1. 點解?餃子哥d都唔鐘意?
      輸左錢都唔會去食啦~~咁貴~~

      刪除
    2. 係鍋貼有少少鍾意食,其他麻啦.
      我指嗰啲嘢,輸極都仲有大把嗰啲人形狀物體.

      刪除
  4. Yeah 有相相 好開心呀😘😘😘

    回覆刪除
    回覆
    1. 哈哈~~~真係今日咁岩線有相出~~

      刪除
  5. 回覆
    1. 你真係好想抽到...希望係你抽到~~~哈哈~~~

      刪除
  6. 嘩~~~又係幾貴喎,我過嚟一定唔會去食啦,係去都係去MGM食自助餐啦
    咁妳要加班寫啦,唔好再偷懶啦。

    回覆刪除
    回覆
    1. 千祈唔好去食呀~~~~實在貴到唔係人咁品~~~~~我都好耐無去過MGM食喇~~~掛住~~~
      哈哈~~我加班寫都無人睇~

      刪除
  7. 係囉...今個星期六開始又凍冰冰喇...大家都小心著多幾件衫褲
    笑呵呵。゚❤¤*¨♡開心星期四喇喂⊹☁*゚★•☾*¨晚安喇喂*¤✬

    回覆刪除
  8. D食材唔係持別好.......咁....都貴到...絕對唔值囉

    回覆刪除
    回覆
    1. 真係去一次俾佢搵左笨就算囉~傻的~

      刪除
  9. 小t...距離台北聖誕節自由行之旅2014仲有:11日...........咋.....哈哈哈

    回覆刪除
    回覆
    1. 好緊張呀~~~我要食哂成個台北~

      刪除
  10. 未食過鼎X豐.但知銅鑼灣同尖沙咀都有分店.

    回覆刪除
    回覆
    1. 咁唔好去食喇...橫掂都唔係好好食~

      刪除
  11. 真係貴左D, 可能佢地打算做豪客生意吧, 只是普通如我般, 一定不會入去, 無謂搵D無謂錢來洗.

    回覆刪除
    回覆
    1. 都可能係..因為佢下面有賭場~d中國客會想食中國野多d~

      刪除
  12. 連續兩篇食店都唔推介,伊家啲食店嘅品質真係好有問題,既然開得點解唔做好啲呢?費解!

    回覆刪除
  13. 鼎泰豐這個名好熟,不過未去過。
    個價錢真系好貴~~~~~

    回覆刪除