2014年12月29日 星期一

南亭串燒(Nan Tei)

今日又係預料日既多野做~星期一嘛~上個禮拜又開得一日咁大把~~~~~星期六:食左蓮勝->行過附近有間小食店叫任君選擇~賣炸野食的~係濠江小學附近~佢d炸雞翼真係幾好食....只係賣$7兩隻~3大隻炸雲吞都係賣$5~抵食~d野食即炸的~好岩我~....->夜晚去左睇表演呢...文化局請左西班牙既柏希斯舞蹈團(Maria Pages Company)黎澳門...係表演Flamenco的~我地俾$75買飛(其實澳門呢d表演真係好抵睇的~)..最後upgrade左我地坐地下區$250既位....真係好抵~有一part我真係訓著..但整體表演係幾好睇的~..........星期日:九記...個豬扒米好味..但極不夠飽->又訓晏覺..真係好正->味藏食鱈魚豆腐煲..同埋佢d餃子和燒飯團真係好好味~叫多個炸豆腐先$297...算係幾抵~



話想試左南亭好耐.....係食日式爐端燒的....因為食過既人都讚好......點解的起心肝仔去食?係因為當時22:30後係宵夜時段....佢指明既串燒半價(但要兩串起...即係買一送一?!)....咁味去試試囉~地址:澳門馬濟時總督大馬路274號地下....電話:2875 5331.....都幾多人~最好訂位







清酒(凍) $60....好好飲~仲幾大壺下~飲極都飲唔完~




枝豆 $20....送酒一流~都幾抵~




山葵牛脷 $30...超級醒胃的前菜~正~




清酒煮蜆 $68....好評~清酒煮好少唔好食~而且幾多隻下~




三文魚湯泡飯 $50....毛寶話個湯可能幾味精下...不過我食落都覺得有d咸....




多春魚(每串$12/兩串起)...燒得脆脆的很好吃~其實我最鐘意食個魚尾~~~




雞翼(每串$16/兩串起)...我懷疑中式既燒雞翼係唔岩我食的!!無一間我覺得燒得好食....因為我成日覺得燒得好乾...又鞋..........銀杏(每串$12/兩串起)...雖然係中國入面食銀杏意頭唔係幾好(食白果喎)...但係我真係覺得好好食~




燒牛肉(每串$18/兩串起)...好味~有肉汁~唔怕老~掌握得好好~......雞皮(每串$12/兩串起)...都好味~脆脆的~




冬菇(每串$12/兩串起)...我鐘意黑沙肥佬...佢燒得好食d~




芝士年糕(每串$18/兩串起)...好好味!!!!年糕跟芝士...仲要加埋紫菜~~真係夾~~~咬落去軟軟的~還有流心的芝士~好吃好吃~




魚籽燒飯團 $20(個)...另一樣同紫菜好夾既野就係飯喇~~~~~而且仲要係我好鐘意既燒飯團~~~(我真係好鐘意燒飯團的)

呢間爐端燒食物掌握得幾好~基本上全部好味~但如果無半價~我又唔會去食喎~~~~~~~





我媽媽去左北海道玩~~

得我一個人在家~~~
又要好忙咁煮飯洗碗洗衫收衫摺衫既日子喇~~
(講大話...根本就無煮過野食~
今晚係食小上海既餃子~hehe~好味~)



2014/12/29的開心事:

梗係食左餃子啦~望左成日~
仲有你陪食喎~

28 則留言:

  1. 炸雞翼$7兩隻?3隻炸雲吞都係$5?超抵食~~~~~~~
    清酒 $60?枝豆 $20?山葵牛脷 $30?都好平。
    芝士年糕、魚籽燒飯團,我都想試!

    回覆刪除
    回覆
    1. 真係幾抵~好耐無食到平野~
      哈哈~全部都好好味~

      刪除
  2. hehe我今日先上嚟𥄫𥄫睇下你返嚟未,原來你已回來開工寫blog^^
    點知你假期後第一篇blog就報憂,栢佬走了,真係睛天霹靂,連我呢d路過閒人都覺得唔開心,更可況是你們及主人杯公子>< 希望栢佬去到你爸爸身邊互相陪伴啦.........
    返咗嚟喇,快d出台灣遊記呀,非常期待!!!!!
    你倆母女真係各自各精彩^^之前伯母在家煮飯洗碗洗衫收衫摺衫等你返,咁而家到你在家煮飯洗碗洗衫收衫摺衫等佢返囉,佢一定買好多嘢俾你呢個乖乖女^^

    回覆刪除
    回覆
    1. 我係咪好乖呢~
      有心喇大家都~柏仔都知大家愛牠呢!!
      哈哈~~仲係排相中~~努力中~~
      無錯~佢聽晚番黎喇~~~

      刪除
  3. 台灣好玩嗎?有冇肥咗呢?
    D嘢食好似幾好食喎,唔怪之得妳變肥t 啦~~~~食宵夜,唔肥就怪啦

    回覆刪除
    回覆
    1. 肥t咁殘忍既term 你都講既?人地女仔黎架XD

      刪除
    2. 台灣就無野玩既~係好多野食~
      真係真係好開心~
      好喇喎~真既都唔好咁大聲嘛~

      刪除
  4. 我都真係好想吃芝士年糕和燒飯團的

    回覆刪除
  5. MY █▄ღvE 好友º°天天都係美好時刻☁。*☆晚安喇喂★☾

    回覆刪除
  6. 就到.....就到.....2Ѽ15・゚羊年•。喇喂∴¨*
    大家帶著開心萬事得的心情...延續到歡樂精彩人生

    回覆刪除
    回覆
    1. 哈哈~到左2015先到羊年~順序慶祝~

      刪除
  7. 香港太子道洗衣街那裡, 有檔賣涼香律子的, 有賣炒銀杏, 十分好味, 10元就有一包, 因為銀杏不可以一天內食多過10粒, 要分兩天食, 或找朋友分來食, 唔錯的. 我平時煮白菜, 落幾柆再加些合桃, 清菜就更好味.

    回覆刪除
    回覆
    1. 炒銀杏~~好似好好味咁喎~~~~~好想試下~不過我唔知原來唔可以多食的~~
      多謝你話我知~

      刪除
  8. 回覆
    1. 多數係,如果街邊檔有雞皮就路環都照去......

      刪除
  9. 燒銀杏我未食過呀, 等我機會叫黎食下先~~

    個山葵牛利好似好惹味~~好正咁喎~~

    不過10:30先有得賣一送一就夜左少少呀~~

    回覆刪除
    回覆
    1. 未食過要食下呢~~個質感好正~我鐘意食~
      係呀食完超開胃~~~~
      算啦~平野係咁架喇~

      刪除
  10. 好鬼熱氣呢!記得飲吓涼茶.媽媽去左玩,無湯飲添.

    回覆刪除
    回覆
    1. 我依家現眼報....塊面好痕~哈哈~

      刪除
  11. hihi~~
    嘩,山葵牛脷好似好好食呀!!
    咳咳,我講俾你聽我依家學緊乜啦,係pole dance,所以忙於練習,未有時間寫blog,預祝你新年快樂、身體健康!

    回覆刪除
    回覆
    1. 係呀好開胃的~
      華~~~咁正~~~~~一定好好玩啦~~仲可以keep fit~~~~
      好啦我都預祝你happy new year~~~

      刪除