2014年12月18日 星期四

MJ Cafe

今日番工方面都未有暴風雨黎到.......但小孩子明天開始放聖誕假...我好驚呀~~~~~~~我地都係番埋聽日咋~~跟住就開始放聖誕假喇~~我要加油埋聽日呀~~~~~~~~~~~



呢次試左久仰大名既MJ Cafe...(MJ=Michael Jackson)...地址:澳門十六蒲酒店一樓.....電話:8861 3051.....好似有唔知一定兩小時免費泊車~去之前自己打去問下(不過我打去問哥時哥個野答我:我都唔知呀........我:咁你唔知可唔可以幫我問下????.....我從未遇過一個酒店接線生咁答我)....點解會名仰大名但又無啦啦會去.....我覺得可能因為哥期毛寶買左佢隻精選碟然後成日係車煲所致~~然後要去朝朝聖...入到去....一個人都無....烏蠅飛過都聽到......d櫈都坐得勁唔舒服...腰骨都痛埋(老喇老喇~)





首先自己搵位坐低先...然後睇完餐牌食咩....再去counter叫野食俾錢...然後佢再送俾你....估唔到係咁既模式呀下....我叫既Long Island Ice Tea $48....其實我平時唔會叫呢個cocktail飲...哥日叫既原因係因為個腦不停唱:"拿來長島冰茶換我半晚安睡".....我係咪好低能?.....果然係識女仔時必飲款.....好飲..且易醉~(係呀...cafe..但係有cocktail飲)




曲奇咖啡 $36....朗公子話幾好飲~而且我覺得都幾平~(如果飲熱咖啡會用MJ杯)




毛寶的Smile $48......佢d cocktail都幾好飲喎~




美式脆皮芝心條 $35...係用Mozzarella黎整...我知Mozzarella係比較淡口.....但係呢碟野...我只能用--->難食黎形容.....一咬落去....好似年糕咁黏住...但係成舊野係完全...係完全無味!!!!好難形容既難食..好似食緊無味香口膠咁




意大利茄汁海鮮意粉 $48...以酒店價黎講係好平...但係超咸...咸到生滋!!!外觀亦很醜...令人完全唔想食




之前雜誌介紹過話好食的....啤酒燒醉雞 $88......完全諗唔到同啤酒有咩關係....d肉仲要係特別的鞋!!

d野食....可以話無一樣好食.......我仲聽到counter有職員剪手甲既聲....真係倒胃口.......其實成間野d野都好平.....但我真係唔推介野食...反而可以黎飲野....佢做緊推廣星期一至日晚上8點到凌晨1點有任飲時段...指定紅酒白酒啤酒....只需$138咋!!呢個就真係幾抵~



Cafe樓上就有MJ珍品廊~展出MJ用過既野~係粉絲既話就....飲杯野同朝下聖囉~(記得唔好食野~)..以唔使錢黎講都幾多野睇既~








7月哥時成日都中伏既!!!!!






今日大老闆落左黎.....
因為佢出年轉去第度做喇...
同我地每一個人逐一握手!!!
唔知點解....覺得佢既手好強而有力好溫暖!!!!
而且握得好真心!!
之後忍唔住......去寫字樓攞埋我未攞既"十年服務獎"
再搵毛寶朗公子同其他同事一齊衝去大老闆房影合照..
我發現....我真係....唔捨得佢(淚奔~)
想當初入職時我仲係19歲已經係佢做大老闆...
到依家我已經做左10年.......
真係相當恐怖........哈哈~
希望未來既10年....或者20年....或者30年....
會有更好既職場生涯啦...
我都係話.....希望je................................................



等我聽晚唔偷懶出多篇blog先~
你知啦~番埋聽日~
放6日~就要偷一陣懶~
加上去旅行咁~~~~~~~



報時:距離台北聖誕節自由行之旅2014仲有:3日~

40 則留言:

  1. 回覆
    1. 好嘅老闆難求呵!希望你再遇到好的新老闆啦!

      刪除
    2. 我都覺呀~我都好少聽人講話:我老闆好好呀....咁既...
      嗚嗚嗚佢要走了...

      刪除
  2. 十六浦同威尼斯人一樣早已被某國佔領,如非必要一定唔會去,但偏偏mj館又喺嗰樹......
    你又飛了,今日某公子係咪去咗高雄?

    回覆刪除
    回覆
    1. 威尼斯人會去行下街既...但係16蒲就真係好少去...去佢隔離既停車場多~
      但係d野真係好難食...唔使去喇...淨入去參觀啦
      點解你會知呀??

      刪除
    2. 可免則免啦......
      我同佢啲嘢你唔知架啦

      刪除
  3. 妳就好啦放咁長假,祝妳旅遊愉快,食得暢快,買得爽快。
    祝妳聖誕節快樂。

    回覆刪除
    回覆
    1. 多多多謝~好緊張~就飛~
      多謝你呀~

      刪除
  4. 聖誕節...神公要開車呀...冇咩玩...因為大事大節後
    大家才可以休息啊...一月份約定左契仔一家又番大陸玩呀
    小T 番埋聽日咋~~跟住就開始放聖誕假喇~~要加油埋聽日呀

    回覆刪除
    回覆
    1. 好多謝你呀~~~~~我好開心今日好順利的過了!!!!

      刪除
  5. ∧∧⊹*。¤•齊齊・♦・゚窩心錫錫又快樂抱抱美好快樂每一天
    ・ω・)・・゚晚晚甜睡★•*¨✬有個美夢。゚☁☾*☆晚安喇喂
    ⊂ノ

    回覆刪除
  6. 曲奇咖啡...好正咁喇
    啤酒燒醉雞...其實唔好味呢...紅酒燒醉雞就好滋味呢

    回覆刪除
  7. 呀~~~10年呀!!!話咁快就10年!!想當年我都係一個乳臭未乾既小朋友 :田
    我老啦我老啦T+T
    歌間野食係酒店入面都賣到咁平....隨時種平過出面D CAFE~~~~
    平到我覺得有D.....唔多正常-3-

    回覆刪除
    回覆
    1. 華....10年前你10歲都未夠......我唔想再諗喇.....
      你都叫老....:p
      但係d野好難食喎

      刪除
  8. 你話包場我都信架,真係好冷清
    10年....一轉眼就10年,不容易

    回覆刪除
    回覆
    1. 係呀...真係完全無人去..
      我都好長情..做左10年~(應該話我懶)

      刪除
  9. “超咸...咸到生滋!!!”....你啲形容詞仲有無正啲本
    我尋日都食左個超超咸嘅湯麵,要用碗水沖洗吓先放得入口,唉!

    回覆刪除
    回覆
    1. 哈哈~~~我d形容詞實在太市井...出唔到大場面~
      有一次係日本就係食左個好咸既麵...之後我塊面腫哂

      刪除
  10. 妳好勤力,好愛份工,
    工作先開心\(^o^)/
    咁先可做咁長,10年(≧∇≦).
    祝妳旅途愉快!
    MJ喺我個年代喎,不過真喺好歌

    回覆刪除
    回覆
    1. 係囉係咪好少年青人一出黎做野就做咁長?
      多謝你呀~~~~
      佢d歌到依家都好好聽~

      刪除
  11. Hi小丅,MJ cafe 我前年我住個!買住宿套票仲送$200mop餐券呀!用咗來食下午荼!但一d都唔得(d野食!小T原來妳做咗十年工作喇!19歲就出來工作!真乖!祝妳放途輸快!食多d同買多d野返來!bye!!!

    回覆刪除
    回覆
    1. 真係好難食
      19歲哥時仲係part time
      多謝你

      刪除
  12. 這 Cafe 完全吸引唔到我!
    可以平安過了十年,好叻呀!哈哈哈

    回覆刪除
    回覆
    1. 哈哈~~真係好難食~~~
      係呀平安的10年..我希望之後都係咁

      刪除
    2. 一定會,是宇文公子喎!

      刪除
  13. 已bookmark!thx 小t!身為超級MJ迷,下次去澳門一定會嚟見識見識,淨係見識,唔食嘢!哈哈~

    回覆刪除
    回覆
    1. 無錯~~記得可以飲野睇野但唔好食野!!!!

      刪除
  14. 同間公司工作10年,好好呀....我依家系呢間公司,都仲系工作左快兩年,但做速遞業,就達入第5年...

    回覆刪除
  15. 我竟錯過了這一個歷史一刻,嗚~~~希望大老闆同我地都前程似錦!
    十年!呢十年最大嘅得著:係我地做左好朋友!仲有阿寶!仲有七公子!希望我地嘅友誼可以有再七個十年!

    回覆刪除
    回覆
    1. 佢梗係前程似錦啦.....問題係我地je~~~~
      無錯無錯~~~都算係好大既收獲~

      刪除
  16. 嘩~~ 好長情呀, 一做做左十年!
    唔怪得你有咁多假啦

    回覆刪除