♥八見Supper Moment♥@澳門巴黎人除夕跨年盛典2019

星期日....中午食左阿維斯...都係求其食je...然後去左ctm搞啲野...再番舊屋睇裝修....再去找電器尾數...再去毛寶家痴痴貢同剪頭毛....星期一...早放工一個鐘...屋企裝門鎖...又有裝修野激親我...可否激少我一日!!!...又到找埋傢私尾數既時候...然後去左食園林...真係好好味...sad呀...俾我知道我係接唔到濕爬喇嗚嗚.....星期二...幾開心呀~除夕番工番半日~放左工同公子去新故里食日式收爐飯~(舊年都係呢間)....下午係毛寶家煲左兩集劇...夜晚7點就去左巴黎人對面個大花園霸位睇倒數Show(諗起要企4個幾鐘先見到濕爬就唔開胃XD)....睇完個Show我成個人變左灰色XD...星期三...喂!Happy New Year呀喂~呢日一起身就頭痛....唔知點解呢日起身個感覺似過緊農曆新年咁.....中午食左鼎太豐~再去左MGM既沙北嘆個啡...再番屋企睇裝修~晚上在家吃蘿蔔糕~(都話呢日似過緊農曆新年架啦XD)....星期四....起身仲係頭痛~~頂硬上呀~~你窮呀~仕燊~~(唔知做咩加插仕燊出場)....星期五...我尋晚大發神威~一連寫左日本佐賀5日行程~真係好叻~仲研究埋酒店~點解我會咁叻叻架!!又幾好喎...放左中間一日假就好似好快到周五~....放左工去左百老匯飲湯~依家仲有蒸飯食~再買多底澤賢記雞蛋仔~番屋企再研究酒店~.....由於星期六下午好多野搞~所以提早凌晨出Blog啦~星期六既記事就下篇先講番~我真係乖喇~



咦~係咪有人好嬲呀?旅遊Blog又俾我家仕燊尖隊~查實無乜影相~但我又想紀錄下呀吹咩~係喇係喇....12月8日已經有機會睇左一次佢地係騰訊頒獎禮行紅地氈~好開心同哂佢地4個揮揮手~好鐘意你地呀<3(我仲送左法國手信俾佢地XXXXD)...哥日唱左一樣不一樣(國語)/幸福之歌....竟然之後12月28日有人話俾飛我去睇佢地不公開賣飛既：閃耀金光 巨星音樂節~~第一次去巴黎人對面個花園咋!




我已經係個Show開前一個鐘去排隊~雖然企到A區第一排...可惜前面仲有一大個VIP區~係呢個位望番轉頭就係巴黎人既鐵塔...咁樣望又真係幾似係真既巴黎鐵塔前面個花園望住鐵塔~好彩企既位唔算好曬~




呀~~~好帥氣的4位~~（好羨慕前面既人)




點知企企下俾飛我既人問我想唔想再企前D~梗係想啦~~跟住即衝~可惜企唔到第一排~但都企到第二排中間~~




知唔知最開心係咩?係有4個表演單位但佢地出第一呀!!!呀~~~




勁難影哂4個人....你明啦...因為企太近~(好囂張)




救~命~呀~~好有型呀~~~






然後....我見佢疑似想衝落黎.....咁我都衝喇!!!Yeah~媽呀~我終於都成功喇!!!(但我Post上FB同IG好多人都問我做咩搶佢咪XXXD...其實我想做濕爬既主音好耐喇~)...有無留意到我淫淫笑既側面?XXXXXXXXXXD主席笑我D頭髮好動感~




呢張我無Post過出黎...下一秒陳仕燊揸到我隻手就快斷...可能覺得我呢個死八婆好鬼煩XXXXXXXXD...睇下我側面幾咁痛苦XXXXXXD...但我其實完全忘記有揸到我隻手變型....可能係自我保護意識機制要我忘記呢件事XXXXXXXD可能我左手依家係斷掌我自己都唔知XXXXXXD毛寶真係捕捉得好好~





企到最高佢就揸住男仔隻手繼續唱~(查實我都唔夠高托住佢XXXD無計啦佢揸我隻手又揸咪佢實係放哥隻架....我不停諗籍口安慰自己)....佢唔釋放我隻手我又點可以影到呢幾張謎漾角度既相XXXXD






跳黎跳去咁唱~見佢疑似跣腳XD




好衰架~又行前~你睇我幾忙~又要舉手支持一齊唱又要忙影相....忠粉唔易做~




好似連佢有幾多粒毛孔都數到<3





呢日既歌單：靈感床/飛/過後/尋回一碗湯/是你令我再次找到心跳/點滴....堅估你唔到唱是你令我再次找到心跳~吹你地唔脹~仲以為有一樣不一樣或者同一~





邊個俾你咁有型!!我堅覺第一張你帥到嫑嫑的<3







其實我無偏心架~我有影CK同阿雞架~阿達成日都好遠~堅影唔到~呢日我衰...我嫌熱無再提出等多陣就走左....佢地有出黎同粉絲影相!算啦~我要做香寶寶去睇戲~番暫居地沖涼先~





鏡頭一轉....三日後....即係12月31日除夕~呢日放半日~同左其中4位公子去左食日式收爐飯~食左葡京既新故里~舊年呢個時候好反胃...因為我心急等緊佢地黎~但今次俾我知道未必接到佢地所以我吃得好開懷~~XXXXD....同埋我要食飽D呀~我驚呢晚無野食呀~我堅食哂成個餐XXD




雖然知道未必會好近距離見到佢地....但我仍然有準備澳門特產XXXD今次係晃記既肉切酥~我真係送D勁老土野~不過我好鐘意食晃記肉切酥架!真心推薦黎架!睇哥個巨星音樂節前去官也街買既!足足排左我半個鐘...嚇親我~如果唔係諗住請佢地食...我應該唔會排~知道自己未必送得出時...心想：頂....要攬住7條肉切酥過失意除夕喇!今次碌X喇!XXXD又寫一堆情深義重的句子~(唔知佢地有老花未呢?XXXXD我寫到超密超細粒...但我唔俾你睇XD)




食飽公子日式收爐飯我就回家先洗白白...飯都無食6點幾就去到巴黎人花園(同上面講哥個Show同一地點)....個倒數節目8點先開始(但佢地梗係11點幾先出啦)....點知行到去個花園....第一排....已經企滿人.......喂....我喊俾你睇架!好彩俾我見到第一排側邊有個位....即衝!其實佢之前D節目唔算好睇....不過現場既人係幾多下!氣氛幾熱鬧~可能今年係第一年係呢個新起既巴黎人花園度倒數~(大會聲稱有4000人)....我對腳....企到勁攰....(我後尾先知企第一排中間既人係5點鐘去到...Er....算喇...今次輸就輸啦)



好辛苦11：45先捱到你班衰仔出黎(變左衰仔XXXXD因為我真係好辛苦)....無乜影相~掛住跳同睇~仲跳到都好野因為仲未食野~呢晚歌單今夜酒氣吹過/點滴/Love Is Nearby/幸福之歌/靈感床........真係~正~....踏正12點仲係巴黎人既鐵塔燒煙花~氣氛係幾好~(咦~唔小心同濕爬一齊睇左煙花添~)....倒數當晚仲話之前延遲推出既19 Moment...將會係2020年1月19日推出!興奮~






佢地唱完其實仲有其他表演....但大部份人都走喇...我其實都想走....毛寶話OT陪我等多陣XXXXXXXD....正當我地望住個台發呆唔知等咩哥陣....望去後面驚覺...喂!陳生又係你呀?XXXXXD....4個好似迪士尼D卡通人物咁出左黎同D粉絲影相~好開心呀~我將我手上袋肉切酥送左俾阿雞XXXXD好野~唔使過失意除夕喇~~~順勢影埋相~好喇喎~下次可唔可以唔好縮到咁細呀XXXXD我勁大隻XXXXXD~(有無留意左上角哥隻馬騮XXXD)




野~影哥時唔覺....事後睇番...我堅係面無血色XXXXXXXXD就算見到心儀既偶像我灰到唔識面紅XXXXXD叫左你打下自己個咀打紅佢架啦XXXXD....睇左面個後生仔就知佢頭先Supper Moment既時候食左個好飽既晚餐啦...氣息幾咁好XXXXD




呢兩張我都係一影完好似就要去吸氧氣咁XXXXXD算喇...我同仕燊說再見了吧我走喇~反正粉絲咁多都同唔到你地講D咩XXXD~突然發現同你地四個一齊影左4次隊照....真係好難得~


(阿達同CK都好可愛豬<3)



好多謝毛寶...呢日陪我企左6小時18分...真係好多謝你<3...唱番首謝謝你的愛1999俾你好無?XXXXXD....粉絲一係半年無得見...一係一個月見3次~2019年12月...很夢幻~好喇~新一年...我祝大家2020年一整年個鼻窿都同我地一樣咁乾淨咁有自信XXXXXD.....2019年見左濕爬6次合照左3次~2020年暫時見左一次合照左一次~又開左個好頭呀~(我堅信每睇多一次...毛寶就憎多濕爬一次XXXXXXD明明係你鐘意先架~你帶壞我既~係喇~下個禮拜出番旅遊Blog喇~)








2020/01/04的開心事：
由本身諗住要攬住D肉切酥過2020年~
進化到送到!仲要係阿雞親手接左~
再進化到影埋我面無血色合照
呢個除夕是世界級了~
我本身想放棄架喇~係毛寶話OT都陪我等~
多謝你~



報時：距離與三老九州佐賀自駕遊之旅仲有---91日~
報時：距離泰國曼谷揼揼揼之旅仲有---167日~
報時：距離七公子台北帥氣行之旅仲有---270日~
華~我真係勁呀~
用一日時間編左5日日本行程~
我都佩服我自己~(咁都要認屎認屁~)