♥六見+七見Supper Moment♥@Supper Moment Live in Macao 2019+Supper Moment X Pocari Sweat唱遊會

星期二....你又點估到...今日會多野做過噚日丫~無計啦~長命功夫長命做啦~~星期三....中午放工無啦啦行行下落超市爆勁大雨呀....d雨係打風d雨黎架...打橫架!!!搞到我半身全濕...並唔係上半身或下半身咁濕...而係正面全身濕....濕到我連頭髮都濕......放工去左永利宮同Diana慶生呀~~~之前永利宮剛開時勁難食....一直都無再去...依家聽講話譽瓏軒師傅過左永利宮就去試試啦~係好味過之前既~~~~~星期四....有無人知我今日5點半之後有幾忙?!?!?!仲俾最後一個客搞搞貢...真係煩屎人!!!!!快d到聽日下午6點好無??!?!?!?!



你又以為我今日出遊記~我又搞下新意思~係~我地有第六見....但我仲未出....直到有第七見~~~我都仲未出....你又以為我唔愛佢地咩~錯~我係太忙je~但係點忙~我都要為我地既遇見做番一個紀錄既~可~~~~~~~~~~(心又生花~).......哥時去完蘇格蘭....係11月2日夜晚10點左右先番到香港.....搭完船番左澳門之後...第二日11月3日我又搭朝早10點船過香港.......因為我要見證Supper Moment第一次上紅館呢個歷史性時刻!!!!!!救命呀好熱血呀~~~~同埋我覺得自己好強...搭完10幾個鐘長途機....第二日又咁早過香港睇演唱會~首先我想講買飛既過程係異常辛苦....我又姑寒唔想用我d亞洲萬里通既里數換演唱會+後台見面既機會~




哥日咁早過香港因為我約左我個好Blog友....個老婆~~~港女~~~~我真係好多謝呢個女人~~~佢幫我買左好多濕爬演唱會既周邊~~~~~如果唔係我當時去緊蘇格蘭...我根本係咩都買唔到~~~~多謝你呀~~~*3*...條新毛巾真係好靚呀~~~質地又好~





不過入場後我地仲港女就分開坐喇~~~我同毛寶個位...買最貴飛都係遠到不要不要的!!!!!睇下幾遠同個台!!!不過......哥次我擦到入場我都當我自己羸...因為真係好難買飛~





好靚呀~~~發光手帶好靚~~~~入場就有~~~~燈光由大會控制~~~~~




開場喇~~~好遠呀真係~~~我安慰自己個舞台效果要遠睇先靚架~~~一出場唱258KM/H~~~~





好鐘意睇你揮動濕爬條旗~~~~~~~~~




睇下d觀眾幾high~~~~~~




其實每part我都好鐘意~~~~





呢part真係幾感動....邀請到Survive Said the Prophet一齊合唱"To Whom".....因為SSTP有位成員Ivan同Sunny係識左好耐既朋友~~~係Ivan影響到sunny玩音樂~~之後Ivan去左日本發展~~加入SSTP~~~各自為自己既音樂路奮鬥~~華~勵志到~澳門場就無呢個福利喇....我不知幾想"To Whom"會係澳門響起...嗚嗚...................





最鐘意靈感床呢part~~燈光好彩色好靚~






橙海~~~~~~




你唔好打開手唱啦~~~~~~我最鐘意你打開手架喇~~~~~好鐘意呀~~~~~~~~~~~~~~~~~~~~~~~~~~~~仲要抵死到打開手唱：心~早已屬於你~~~~叫女仔點忍?




多謝你地...紅館個show太正...我勁聲沙~呀~唔記得講...佢地話個舞台設計係想模仿佢地個band房~~





跟住?濕爬聽到澳門粉絲們既召喚係2019年既2月23同24開兩場演唱會呀~~~~~~興奮到我丫~~~~~~~大佬...兩場喎~~~好少有香港樂隊係澳門開兩場架~~仲要係我的最愛~~~我有隆重其事架~~~~~~~~~~~~~~~~~~~~~~~~~~~~~~最衰CK早左黎~接唔到~買哂香檳又貼哂心心咁....傻西瓜~




唔好問點解...點解我呢日塊面又梅又腫隻眼又九唔搭八XXD我都唔知點解..可能太興奮~哥次都仲係怕怕醜醜咁話俾佢地知我買哂兩場演唱會飛~(唔通大叫我愛你咩~~~~~~~)






接完佢地緊接住就梗係睇演唱會啦...我都話我好忙啦XD....第一場有人幫我買飛買到好位呀!!!!我勁開心!!!!多謝你!!!




喂....雖然係相同既周邊...但作為忠粉買多一Round才是愛的表現~買呀~~~~~~~~~~~~~~~~~~~~




好開心~~衰公衰婆都有去睇~唔知係咪俾我感動到去睇呢~(澳門站寫簡體字好吉眼呀!!!!!)




我有著supper件衫架~~~~~~~~~~~~~~~~~~我仲有係度撞到同我一樣咁愛supper既香港blog友~仲影左張相~不過唔知人地鐘唔鐘意~所以無post~





點樣呀~~~第七行呀!!!!好近呀~~~~~雖然唔係正中間..但我超鐘意呢個位呀~~因為我地係最側邊....旁邊無人~~可以跳到如入無人之境~~~




澳門都有發光手帶派....但只印上太陽城集團無濕爬標誌...我用左呢次之後無keep低~都係香港哥條靚好多~




救命呀~~~~出場喇~~~~~之前紅館哥次話咩坐遠d睇得個清楚d根本就狗屁話~~~~~梗係有咁近坐咁近最實際~~~~~






好有型呀~~~~~唱"飛"時揮旗~~~~~






成個演出都有還原香港哥場既情景~唱"最後晚餐"時覺得好靚~











好難同台上既你地影合照XXXXD...而且仲俾後面既人望住XXD




"靈感床"仲係咁靚d燈光~~~~因為仕燊衝落黎....所以我衝左去第一排去影影~~~





皮皮坐我後幾幾幾行~但坐正中間~佢幅相影得好靚~~~




原來"橙海"燈光係澳門著起都好靚~




頂住唔好喊呀~要唔要我衝上黎俾安慰你?!XXXXD




第一晚就咁完左lu~拜~我好唔捨得呀~~得番一場睇咋...我期待左好耐架!!!!!





(官網照片)我醒呀~~~影大合照前已經衝左上第一排~~~~可以同到佢地影一張澳門場既大合照仲見到樣既我真心開心~~~~<3.....毛寶都有影到架~~~~~(最開心係呢場我企到第一影既合照有post出黎...第二場我坐得遠無post:]...真好彩~)...對我黎講都係歷史性既一刻~





好啦~仲有第二場嘛~不過呢場無人幫到我買飛呀~~我自己上網買呀~~預售當日我仲係台中添~~~當時係Klook做預售~好彩我買到咋~~我幾緊張買唔到尾場~~~~~~~~不過Klook買唔到地下d位呀我~~~~買到側邊咋!....紅箭咀係第一場我坐既位~好羨慕昨天的自己~




明明同毛寶講：我今日唔會再影相啦...因為噚晚影夠........之下....都仲係影左一堆XXXD












仲有毛寶最鐘意哥首....改編版既尋回一碗湯~~~~佢話阿達好可愛跳下跳下咁打鼓成隻叮噹咁喎XXXXD

咪叫左你唔好打開手囉~~~~~~~~~~~~~~~~~~




點呀你XXXXD想做新進Bass手呀




尾場福利!!!!黃金兄弟一齊合唱"有你有我"!!!!!!好感動呀!!!!流眼淚了!!!!!!!!雖然好遺憾澳門聽唔到"To Whom"....但係係澳門聽到"Love is nearby"又覺得好新奇~好多謝黃金兄弟呀~~~~撼動左澳門兩晚~~~~~~~~睇佢地既演唱會真係會上癮架!!!!!!!!!(黃金兄弟連香港場都無架~又甜左~)




跟住到左6月1喇~~~~6月1前兩個禮拜無啦啦話濕爬同寶礦力有個小活動嘛~叫Supper Moment X Pocari Sweat唱遊會.....知道左之後....個心痕到呀...因為有成3個月有多無見過4子...真係掛屎人.....於是鼓起勇氣~又買左船飛過去~毛寶又咁好陪我過去~~~~~~~哥日勁早9點船~~到左香港仲係碼頭食早餐(個胃又開始緊張到反反下)....之後就行過中環碼頭哥邊~~~~點知一去到.........已經Sound check緊!!!!!!!!!!!!!!!!!!!!架寶礦力車好醒目呀~~~~~~~我仲企到第一排!!!!!!!!!!!!!!!!雖然係側邊~~~~





HI~阿雞~




綵排個樣一樣咁可愛~





我成日都覺得綵排都好好睇架~睇完Sound check就企係度等啦.....呢日勁熱囉.................................好彩有大比送俾我既新風扇仔~點知鏡頭一轉....我見到阿雞同CK仲未上車休息仲同粉絲影相~~~我梗係衝埋去排隊啦~~~~




好開心呀~~~~佢地兩個都記得我呀~~~~~~~~(因為我成日覺得一離開澳門境佢地就會唔認得我XXD事實證明佢地無面盲XXXXD)...最驚喜係我行埋阿雞度佢叫我個名!!!!!!感動到呢~~~~~~~~~~~~~





好啦~影完又乖乖番去搵毛寶啦~表演超準時地開始~~~睇下落力到~~~~~~~~~~~XXXD







期間隻馬騮仔梗係又走落台啦~~~~~





雖然我企側邊....但係我前面有條樓梯~~~~~~仕燊有狂企係我面前唱呀~~~~~~~~~~好開心呀~~~呢個男仔既笑容真係好好睇*3*.......佢係台上同我無啦啦對上眼.....對住我腰果眼笑呀~~~~~~~~~~~~~~~~~~~~~~~~野~~~~~~~~~~~~~~~~好怕醜呀~~~~~~~~~~~~~~~~~~~~~




唱左點滴/靈感床/沙燕之歌/飛........仲係期間講原來之前去左美國錄音一個月原來係錄精選碟!!!!!!並唔係錄新歌!!!勁驚喜!!!!!哥日都唱左重新編曲既點滴!!勁好聽!!!!仲即場鼓勵左個唔開心既Fans...你地好甜心仔好有愛呀!!!!!<3






唱完之後俾我等到!!!!!!!!!!!!!!!!!!!!!!!!!!!!!!!<3...我勁開心呀!!!因為我今次係諗住過黎望下佢地出show架咋!!!!無諗過可以同到佢地影相架!!!




最後連阿達都集埋!!!!!!!!成件事太靚~




堅多謝寶礦力令我見到佢地之餘...仲同到4子合照!!!我勁開心!!!!!!!!!!!!!!!!今年已經見左佢地3次!!!!!起步得唔錯!!!!!希望今年陸續有黎呀~~~(毛寶可能又驚緊XXXD)....鐘意佢地到係中環站睇到佢地賣Cathay Pacific個大型廣告都會甜笑!!!!恐唔恐怖?!勁有型呀個廣告~~~~~~希望俾你地帶領住一齊"來提步..壯闊跑道"!!!!!!!!!!!!!!好靚仔呀救命!!!!!!!!!




呢4子實在係用糖造...一係食糖大....如果唔係點會每次見到4子都俾佢地甜到我蛀牙丫!!!!!!我實在回不去沒有Supper Moment的過去........(我勁鐘意毛寶幫我影既呢張相~攝於2019年2月23日Supper Moment Live澳門站...你做咩又係台上打開手呀!!!!!XXXXD)....快d有第8見啦*3*








2019/07/04的開心事：
唔................營業額爆標囉
(其實用呢樣做開心事我覺得有d可悲)



報時：距離九州自駕遊之旅仲有---93日~
報時：距離宜蘭聖誕親子遊之旅仲有---168日~