♥四見Supper Moment♥@1st Rock Concert 2018

星期五...番工勁多野做...但d客勁無水準(我唔係講佢醒唔醒....係有無禮貌).........放左工去左飲燉湯..之後買埋魚蛋上菓子軒度食~~同佢玩左陣~~發覺佢又大粒左好多~~呀~~我仲食埋Dreyer's~~~~~弊啦..我好緊張呀~聽日接唔接到哥4個男人船呢?.....星期六.....成日摺埋唔係呢part度講啦!!人地都特登開左成個blog去講咯!野!!!我怕醜!!(驚既話大家睇到呢度可以走先~逃生門在此~).....星期日....中午又食Terra...係!!又食!!!好恐怖仲未厭!!...跟住去左venetian有人話要買新鞋過新年~~再過埋銀河~~買完野係百老匯食阿鴻小食~~然後毛寶再幫我恤髮迎新歲~~~周末~~完~~~~星期一.......我知~近新年丫嘛...真係好多野做丫嘛...咁我岩岩starbucks升左做綠星會員嘛~咁我咪係杯筋勞度免費加多杯特濃咖啡提提神囉~~華~~又幾勁架喎!!(估唔到4個shot原來咁勁~~)...今日成隻電兔咁~



呀~~~唔~~~拿....你地知啦....我個人又冤左好耐啦~~~Supper星期六黎澳門嘛~~~~有個第一屆搖滾音樂會呀~~事前都冤左d同事朋友成個月~~~集思廣益睇下今次請佢地食咩好~~最後我自己諗左要請佢地食我都好鐘意食既樂宮曲奇~(呢個粉絲送既野真係好old school~~)...唔知大家香港朋友過黎澳門有無買過呢?...呢罐野尤其新年附近既時間係極!!度!!之!!難!!買!!....難既程度真係要唔番工去一早排隊買哥種~(都可能買唔到).....多謝我好友個男友阿後生仔話我知有個點可以買仲要唔使排隊~~~家陣我有四罐係手!!!!!所以你就知點解我咁想接到佢地船...因為接唔到...我就要一人攬住4罐曲奇過新年(誤)....成個畫面都係失戀故事.....感覺夠哂淒清......雖然好好食...但4罐係手真係好難消化....跑100km都無補於事~華..我仲要好靚靚咁每人一個紙袋入住佢~~(紙袋又可以有幾靚??係我最鐘意飲既starbucks既紙袋黎架!!好珍貴!!記載住我飲starbucks既歲月!)...重點係我仲要每罐都貼左張memo紙寫低我對佢地既深情說話.....夠痴情未?)




正所謂...如果你唔識人追星就像做偵探.....要從多方面既蛛絲馬跡去諗...最後多謝皮皮幫我多番分析...我今次最後揀左北安碼頭~~~~~(哈哈毛寶車我去~~佢係出面架車入面等我~)....正當我呆坐左好耐(北安入境大堂真好有得坐!!)....呆到mark大個口望住女廁門口成個癡漢咁時....突然拎個頭過去時....e!!!!!!!!!!!!!!!!!!!!咁熟口面既先生!!!!然後我又帶住戰戰兢兢既心情行埋人堆中....(講到自己要突襲咁)



我：hi~阿雞~我又黎請你地食野喇~~
(隨即我抽一袋餅出黎送俾佢阿雞說多謝~)
然後見到阿達佢話：我記得你上次請我地食棋子餅!
我：係杏仁餅呀~~~~~~~~~~~~~(野~~~~~)
(可能阿達心諗個癡漢粉絲又出現XXD)
我：咦~唔見Sunny既~~~~
阿達：呢~佢係哥度呀~~~~(我想讚下阿達最近個髮型好好睇~~~~但我緊張到忘了說出口.................)
呼吸停頓...................但要用跑的方式奔過去~~
我：hi~sunny~~~(把聲好似遇到初戀咁生硬)
sunny：喂~hi~
我：你記唔記得我呀?
sunny：梗係記得~<3
(心型係講緊我狀態...我個心生緊花)
我：我又黎請你地食野呀~~~~~
sunny：咁客氣呀~~
我：咦~CK呢?
sunny：佢噚晚已經黎左喇~
(下~~~~~~~)
我：可唔可以同你影張相呀~~
sunny：梗係可以啦~~
然後阿fay好好人咁主動幫我影相~~~
少左CK添~集唔到郵~
(野~~sunny手上就係我送俾佢既野~~我除左送左罐餅俾佢....其實我仲送左樣我之前日本旅行特登買俾佢既野...估唔到咁快送到~~唔知佢會唔會用呢~~哈哈..下次出日本blog時話你地知係咩~)




由於佢地趕住上車~~都係一路行一路傾~~~
我：今晚會唔會唱新歌呀?
sunny：係......會既~
我：我已經背熟哂~~~放心~~~~
sunny：咁就好喇~
我：可唔可以同你selfie呀?
sunny：可以呀~
(我發現我緊張到原來佢有搭住我都feel唔到!!!我睇番相先知~~~~~~~~)
我：呀~係呢~我想自我介紹下~我叫tiffany~
(呢個擺明係硬插入...我應承我自己今次要鼓起勇氣介紹我自己!好無聊既承諾......)
sunny：你好呀tiffany~
(佢叫我個名呀~~~我暈喇~~~~~可能佢好驚點解個癡漢粉會叫呢個英文名~~~~實在唔襯)
我：我可唔可以同你握手呀?(喂!!做女仔做到我咁主動....我今次真係豁左出去呀!!!上次赤柱個啤酒節活動明明就係握手仔+影相...我又唔敢同佢地握手....你地知我個人幾咁怕醜啦!!我簡直係怕醜榜十大之首)
sunny：梗係可以啦~(呢個粉要求真多..煩死人~)
sunny隻手仔好暖呀!!!!!!!!同埋男仔手又算幾滑喎~(你有握過好多男仔既手咩?)....開心到生哂花~~~~
我：咁我可唔可以拜託你幫我俾埋CK呀?
sunny：可以呀~我幫你俾佢丫~
我：(得到哂我想要既野就打完齋唔要和尚mode)好啦拜拜今晚見~(其實我唔想煩佢咁耐je~)
sunny：今晚見~(癡漢終於走~~)
救命...你地係咪食糖大架.....真係做咩都甜親人~~好怕醜呀~~~~




毛寶話佢係出面架車等我等到變左灰色...餓到坐係度都feel到自己隻腳軟.....真係好慘!!(其實我地呢日接船前已經係毛寶屋企經歷好多野!!!就係用電腦同手提睇住個市!!個市就係何韻詩咁岩線係我地去台北時係台北開演唱會喎!!!喂...咁岩喎...梗係要去睇啦....哥日係預售vip飛....點知.....我明明好勁咁入到去....禁左3張飛....然後按下一步...然後.......佢彈出黎話我知sold out!!!!!!!!!!!!!!!!!!!!!!!!!!!!!!!!!!!!!!!!妖!!!!!嬲到我呀!!!12點開售...12點零2分sold out!!!)....所以毛寶哥日心情應該好反覆........又餓...又買唔到飛.................然後我歡天喜地上車....向她展示我吉了的環保袋(在她傷口灑鹽巴)....我地去左興記食牛尾米~~~補充體力~



食完本身我地約左皮皮6點係會場外見既...但我地食完興記又無地方去~咪早d去諗住排隊啦(我又應承我自己今次一定要企到第一排!!太多野應承我自己)....泊好車5點7度...




喂!!!!5點7咋大佬!!!!!!!!就已經排到咁喇!!!8點先開show喎!!!!!!!!!!!!!!!!!我行過見到排第一係平時睇supper d show都係企第一排既忠粉：hi~我想問下你地幾點黎排隊?............個答案係4點9......................................只能說我輸了~~~~我係主場都係排唔到到第一~~~~忠粉從來不易做~~~~~~~~(在外等時已經聽到supper試音~正~聽多次~)




心戚戚然之下....排左10幾分鐘....後尾已經變成咁......我覺得....無劃位既全企位既show真係好難玩..................好彩等一陣皮皮來到.....3個傾計傾到癲d時間過得勁快~




7點9放人入場喇~~~我係會場外企左兩個鐘....平時有食肆要等超過半小時我即走......對supper我真係放寬1000倍~~~喂!!!!!原來我企到咁後!!!!!都仲企到第一排!!雖然唔係正中!!!!!年輕人!!!唔好放棄呀!!!!!!!介紹番先~我表妹~皮皮~係度講左好多次但未出過場~~~(次次接完supper船我都覺得自己條咀變灰色)





又過多左成45分鐘先開show~~~~(癡漢的腿已斷mode)....一開場係Kolor~~~~佢地首大吟釀同埋時差真係好好好好聽!!好正!!!!!!!!!!




之後出場到ToNick~




主音恆仔咁樣之外...




仲插水添呀!!!咦...我企第一排喎...咁因間仕燊陣間咁樣我咪摸到第一手~~~~~~(我見到我前面既保安哥哥見到恆仔咁做即刻皺眉+表情係今次大獲了.....再用電筒照佢係邊.....辛苦你了...保安哥哥......雖然我好體諒保安哥哥..但我都好想摸到仕燊....................)





之後到野佬~~~~~~~~~~多謝阿叔搞呢場show~~~~~





跟住到rubber band~~~~雖然6號佢話自己之前病左把聲仲未好番...但.....仲係唱得好好聽呀!!!




最後出場是我的愛呀~~~~~~





sunny又要人地叫囂先肯開燈~~~野~~~~~~(聲已沙)




呢張我無整過色架....唔知點解咁~~自己覺得好有feel~hi~CK~




第一首係機械人~~~仕燊個樣已經勁瘋~~~~~~第一張圖點解你隻腳可以mark得咁大既?求人體力學計算公式XD





第二首就係新歌不要死在崇拜裡~~~~~~聽Live更好聽~~~~~~~~~~好正呀~~~~~~~~~~~~~~~~~~~~~




之後到世界變了樣~~~~我覺得d燈打得好靚呀~~(花痴mode)





我成日都想問...支stand唔重個磨?見你成日攞起都好似拎起支水咁輕既?...............呢個位真係想大叫一聲：Supper上紅館!!!!!!!!!!!!!!!!!!!!!!!!!!!!!!!!!!!!!!!!!!!!佢仲問如果佢地今年係澳門開演唱會唔止開一場我地會唔會睇足咁多場?....傻的嗎????你開十場我都照睇~~~~~~~~~~~~~~~~~~~~~~~





之後就唱幸福之歌...話係最後一首...嚇到心仔都跳埋出黎.......就係佢唱唱下既時候發生左個magical moment.......佢唱唱下咁岩行到黎我地哥邊......望到我....我講真架!!!係對望架!!!!....佢唱到句與句之間有空位時...用口型同我講左句：多謝!!!!!!!!!!!........係真架!!!!!!!!係望住我講架....我當時呆左.........然後開心到喊左出黎(我係咪好痴線?)..............陳仕燊你會唔會太甜???????????????????????????????????(雖然我事後諗佢多謝我罐餅??我寫哥張紙??我送俾佢既日本手信??定多謝我咁支持佢地??還是...唔係同我講呢??但反正我相信了~)...........個情景就好似奇洛李維斯回信咁："繼續被動來做普通的大眾...實在沒有用情願不怕面紅...頑強地進攻...爭取你認同~~人人都怕難怕倦怕撲空...全球得我未死心沒有放鬆....專心得超級偶像也動容!!"...然後我係一路濕哂(對眼仔)一路唱埋下半首幸福之歌.....哥個moment我覺得好幸福<3<3<3(好多心心)......呢一刻成了永恆...好想時間停在那刻.........少女個馬紮得唔夠穩...或者心血少d...一定暈x左係現場.......雖然我身體麻麻但好彩我條大腿夠哂粗個馬紮得夠穩!!....依家我聽幸福之歌我驚我會淫笑+面紅呀喂....."唱著~~幸福~~之歌痾~~.......想像與不遠某位~~能跟你和唱~~~"......我今日大大話話聽左8次~~~~



哈哈~~好彩有encore~~~幾驚唔唱靈感床~~~我最期待既畫面出現喇~~~~~雖然佢唔係企我前面~~因為我好恨佢揸住我手仔唱歌~~~~所以我先應承自己要企第一排~






無喇無喇~~真係最後一首喇~~~今次竟然無說再見了吧~一樣不一樣~~同一~~~~粉絲好傷心~~~(然後又聽幸福之歌甜番)

可唔可以出年再係澳門搞呀~~~~~~~~~~~~~好正呀~~~~




最後仲有個環節係請5隊band既主音每人拋一粒星星出黎...邊到接到就可以得到有哂咁多隊band既簽名海報~~~睇下仕燊拋粒星既拋物線(紅箭咀)....就知我點接都接唔到啦~(但有你句多謝勝於一切~~~~~~~~~~~~~~~~~生花中)




喂!!!!今次影到我呀!!!!(影埋皮皮...但影唔到毛寶....激到佢呀...企第一都影唔到佢~~~)....考下你搵唔搵到我~




你搵到我真係話你好野...連我都唔認得哥個係我自己~(黃箭咀)....個show完左...我地3個去左千笹慶功~(講到我有份唱哥個show咁).....(不過其實夜晚番到屋企睇到香港單巴士意外....真係超心痛.....希望死者安息.......傷者快d好番!!)

今次既追星結論係：年輕人!最緊要係肯搏!肯捱!...就可以好似我咁...年紀輕輕...30歲出頭....就已經可以同自己鐘意既樂隊!!影左4次相!!!!........以前我就攞一瓶礦泉水上班...依家我就直接係公司樓下美怡街買營養快線(筋勞)飲!....如果你肯努力~都可以去到我呢個高度!家陣我接左3次船喇....個人有d飄喇~~........用完阿飄腔表達完~我仲想多謝毛寶~辛苦你了~餓到腳仔軟~次次都車我去臭哥4個甜男人.....多謝皮皮~幫我留意好多資訊~多謝我個永遠榮譽追星顧問凱公子~仲要多謝貞公子.....我相信佢係太愛我....佢竟然幫我做左一件接船前好想做但唔敢做既事......如果唔係你愛我...你點會咁做??多謝你~貞~~~~~~~~~~~~~~~~最後多謝supper....俾我接到你地船.....如果唔係.....毛寶同所有人都會好慘~~~~仲有呀...仕燊你咁甜..........叫少女點樣放棄你??????????????????我唔會再轉會架喇~~~~支持Supper!!!!!!!!!!!!!!!!!!!!!!!!!!!!!!!!!!!(我覺得我終於支持對了偶像無學壞喇).....超鐘意佢地每次係台上都出盡力既表演~~希望你地繼續熱血+勵志~~~上紅館上紅館上紅館!!!!!!!!!!!!!!!!!!!!!!!!!!!!!!!!好...講完甜故喇~雞年最後一篇用一個愛情故事作結尾....很浪漫








睇到黎呢度....你明唔明一個花痴既心態..或者代唔代入到都唔緊要...重點係你睇到尾......一係你就同我一樣好愛陳仕燊...一係你就好愛我.....咁我相信你係因為愛我多d~(記得嘛?做公子既首要條件係咩?)



喂~就黎過新年喇~
星期四放半日會同公子們飲個中式收爐茶~
初六先再上班喇~~~
係度我祝大家狗年：
新年快樂~身體健康~全家幸運~團團圓圓~好運連連~
恭喜恭喜~~~~~~~~~~~~~~
(我順便祝我自己狗年見多幾次Supper~)
新年好多節目呀~~~~
希望大家都過得開心啦~~~~~~
(毛寶計了計...說：即係我新年前最後睇既一篇blog係sunny呀????????.........對...你娘生得你太聰明了~你值得擁有~)



2018/02/12的開心事：
我心仍然生花中.....花痴mode長開~
(有無人屋企要放年花?要放花痴嘛?)
呢次係我雞年最後一次見supper~
但係2018年第一次見supper~
真係好有紀念價值呀~可~
(食咩飲咩都甜~睇咩都有心心mode上~)



報時：距離與媽媽慶生台北吃喝之旅2018仲有---45日~
報時：距離和歌山嘆溫泉自駕遊之旅2018仲有---125日~
報時：距離與毛寶慶生泰國食揼嘆之旅2018仲有---228日~
報時：距離天團蘇格蘭高地之旅2018仲有---243日~