2017年5月18日 星期四

♥初見Supper Moment♥@Hush 2017

星期二...有人請我食早餐呀~多謝Chlo子~不過呢日有少少頭痛~慘.....唔通...因為有得去旅行所以我緊張得滯?執野執到如火如荼~~~~星期三.....發生左件無咩可能會發生既事...那個不能說出名字的人聽到我叫完佢早晨佢開心到摸下我個頭呀...好驚....記低佢先........................毛寶話以後唔想掂我個頭幫我剪頭毛...俾you know who害屎.........星期四...噚日唔頭痛...但呢日再度頭痛........幾痛下...點解...次次去親大旅行前都咁.......快d好番~~~~~人地聽日就要出發喇~~~同埋今日聽到一個驚天大消息....我愁左一陣子......................好既生活只係過左年多....咁快又要被打沉...................唔好諗住喇~~~~~~~開心左先啦~~~~



真係呢....正所謂:其實大家都知我個人係好怕醜架啦~~~~......但一遇到心中所愛~~一定要勇敢爭取~~~好喇...呢篇野花痴mode係全力開啟無留力.....平時頂我唔順d花痴mode既人當係俾左個警告你喇~~~~~自己唔知衰睇落去然後頂唔順唔關我事架~~~~~即係咁......大家知啦....我近排最鐘意係邊個呀???係Supper Moment既Sunny bb嘛~咁呀....前排呀~佢地黎澳門開溫柔革命巡迴演唱會嘛~之前講明如果衝出香港開show既話第一度一定係澳門~因為佢地話之前應承左澳門粉絲......華.....聽完都冧到口水都流哂啦下話~(你知啦...有d淨係掛住內地粉架咋...哼).....同埋我好鐘意Supper Moment d歌勁正面...又熱血...又有鼓勵人既成份....情歌又出色......真係....我諗唔到缺點(好啦其實有架~我覺得佢地d廣東歌好聽過國語歌~~~~~~)



咁呢...每年都有個Hush既音樂會既.....好似以前係文化中心搞既(毛寶話我知的)....近呢幾年就係黑沙海灘搞既(我依家先知原來舊年有請陳綺貞過黎..好勁)...但係...我係一年都無參加過既.....係...唔使錢都無去過.........今年一聽到有Supper Moment喎...又心痕.........痕到呢...但問題係...我真係好驚人多.....熱...同埋.....曬........呢個音樂會真係齊哂我最憎既野.....................咁...上兩個禮拜大家都鼓勵我要去架嘛~~(其實個心已經飛左去就係想大家俾d肯定我~).......然後諗.....唉~人家少女心真係好想近距離接觸下Sunny bb~所以又諗下好無去接船~(對上一次係接布志綸...亦係唯一一次)..........但....我又唔知人地幾點黎又唔知邊個碼頭... 真係...............又將呢個小願望放埋一邊...



就係佢地黎之前一日...突然呢個諗頭又行番出黎...多得我個追星顧問凱公子力挺....我同佢講一句:我想去接船...求支持.......就同我研究左超耐~~~~~時間上...我參考左第一日盧凱彤黎澳門參加Hush個落船時間(個fb post好似係早上8點幾)...天呀~~~勞動節無得訓晏d喇~~~第二..就係要考慮...香港黎澳門有兩個碼頭...就算我早起......如果我企係一個錯既碼頭....都係徒然..........但....我決定放手一搏~~~~反正我放假又無蝕既~(我決定企係外港碼頭!!)..第三.......最重要係毛寶此時send個whatsapp黎同我講:你聽日幾點呀?我車你去碼頭陪你喇...........華.....唔去仲對得住Sunny bb既~hehe~



好啦~之前哥晚成晚都訓得唔好~仲發夢話Supper Moment係凌晨已經搭左船黎澳門綵排緊..我仲send whatsapp同毛寶講行動解散.....於是..我成晚醒諗緊呢件事係咪真既?(我真係幾無聊).....哈哈~哥朝毛寶黎接左我之後將架車泊左落碼頭隔離個停車場...一落車拍一聲.....整部電話跌落非常堅硬既石屎地.....仲要mon向下...我攞起一睇.....頂.....我個玻璃mon貼無事但個mon爆左!!!!!!!!!!!!!!毛寶說:追星唔使付出代價咩~...................追到就話je.........8點半前去到企係度.....毛寶:行我遠d~~~~陣間我會當唔識你~...我:但我要小助手喎!......於是我自己企係入境位度等........好緊張呀~~唔知買唔買得岩佢地係呢個碼頭落船呢~~~~~~(定還是我晏左佢地已經到埋黑沙添呢?)...企企下好悶....行去後面同毛寶傾陣計先~~期間好緊張不停反胃...同埋不停咁狂睇佢地個fb同埋instagram..完全無動靜...終於!!!仲唔俾我捉到你地~~~時間捉對了~~~~~但我有淆底問毛寶呢張相入面係澳門景或黑沙.......(圖片from Supper Moment Instagram)




等到10點成個人都謝謝地.....我諗住11點都見唔到就知自己企錯碼頭........傾傾下無啦啦有個人孭住結他係閘口行出黎.......我:喂..有人孭住結他呀!!!!.....毛寶:咁又點呀?...(大佬有幾多個人搭船過黎孭住個結他丫)...然後我就見到後面的CK同埋阿達行出黎喇~~~跟住後面哥個就係Sunny bb喇~~~~~~~~~~~~~~~~~~~~~~~~~~~~~~~~~~~~~~心跳幾近停止~~~~衝埋去~~~~~
我:hello~Sunny~~(頂~~好怕醜呀~~~)
Sunny:喂~~hello~hello~~
我:我特登黎接你船架~~
Sunny:下?你知我地搭幾點船咩?
我:唔知喎~搏下架咋~我8點鐘係度等架喇~(可能佢覺得我好變態)
Sunny:下~~~~~~~你係澳門人呀?(可能心入面盤算住澳門人真係好無聊;目)
我:係呀~~唔知可唔可以同你地影張相呢~~~
Sunny:可以呀~等我地放低d野先~你企中間影丫~
就係咁.......好怕醜呀~~~~~~呢張相係有兩個重點要睇既...第一就係.....Sunny搭住我膊頭呀~~~(熱血到狂跑圈).....第二就係...你地望下Sunny對腳幾瘦....................................好後悔我無放低袋野飲........好開心呀!!!我同到Supper Moment影左張相呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!




毛寶幫我影完我問佢:你唔影?.....毛寶恍然大悟地:呀?好丫~(又扮野)..........頂...仲cool到插袋同我Sunny bb影相!!!Sunny!!唔好搭佢膊頭嘛佢咁cool!!!!!!!!不過毛寶呢張相個樣又幾可愛既~




我:Sunny~~我可唔可以同你單獨影張相呀?
Sunny:梗係可以啦~~
然後佢見我手上面攞住佢地之前出既哥隻碟....
我都未開口佢已經主動話:影完相陣間幫你簽埋隻碟~
我:好呀!!!!!!(咁激動係因為有d星會唔肯簽的...淨係簽唱會哥d先簽~)
就係我較緊個前鏡頭時.....
Sunny:咦..你個Mon爆左喎~
我:係呀.....因為頭先太心急衝黎等你地所以唔小心跌爆~
Sunny:下~~真架?
有Sunny的慰問....我個原裝Mon跌爆左係好值得的~(雖然換Mon+Mon貼用左$878).........我用過3部iPhone...得呢部爆Mon~好怕醜呀~~~我同Sunny有自拍照呀~~~~(跑圈)...弊喇~~左右膊都俾Sunny搭過呀~~~(我要去跑松山50個圈喇)...Sunny仲超貼心的幫我扶實個電話<3....唔知係咪太驚喜...我覺得我條咀好蒼白...Sunny bb仲唇血齒白過我~




佢幫我簽完名之後我就請支道地極品烏龍佢飲(事緣係我唔想兩手fing fing去接船所以想買d野...佢地Instagram之前有飲道地解.綠茶...然後最近就post有飲道地極品烏龍茶)...點知佢見到支野飲kit一聲笑出黎(唔通只係賣廣告而飲;目)...但呢下笑聲勁可愛~~~~~~~~~~~~~~~~~~~~由於我想搵埋其他成員簽名~但佢地去左廁所...所以Sunny好有禮貌同我傾左陣計~(重點有開到支茶飲仲飲左半支:])...大慨講下噚日場Hush d野(係喎唔記得講...之前哥日場Hush因電力故障...搞到個show delay左成6小時先開始...delay左之後盧凱彤無得係Hush演出...好慘!!!)...之後Sunny仲有話原來d器材噚日有著火!!!!wow~~~我終於集齊你地4個簽名喇~~~~<3......實在係太圓滿喇呢個勞動節~~~~之後有兩個香港粉絲應該剛落船見到佢地求合照我就唔阻住其他粉絲攞福利啦~然後我就話我唔阻住你地喇我要去黑沙霸位喇拜拜~~~就急急腳走~~好緊張呀~~~~~~~(唔記得同Sunny講拜拜我都話我好怕醜架啦~)




然後衝左番毛寶屋企煮米粉食~~食飽飽又即刻衝去黑沙海灘..去到黑沙哥時只係12點...個show 1點先開始...已經爆多車..又無車位...搵左好耐先有......跟住就要去行去海灘深處.....期間一路行已經聽到有人唱歌...越行越近..就越聽得出....唱緊歌哥個係Sunny~~~即刻仆落沙灘




好乖呀~~~原來綵排緊試緊音呀~~~~~~勁認真~~~(喂..人地專業架嘛)




毛寶搵到個位又近台又無人遮到又有瓦遮頭唔使曬既~~所以衝上去等~~因為佢地成3點半先會出場~~~依家12點幾咋~~




我發現....睇住佢地認真地試音都係一種享受~~~~~~~~好開心~~~我第一次追星追到連綵排試音都撈埋~~~好好聽~~




個show有好多唔同既band架~~唔止Supper Moment架~有隊來自澳門既叫Catalyser...d歌巧巧聽~~~呀~~~~熱左好耐終於等到Supper Moment出場喇~~~~~~~~~~~~~好熱烈呀d粉絲~~~~





講真....佢地既表演真係無得彈~~~~成個場氣氛俾佢地炒到勁熱~~係勁熱~~~~~~~~~~~~~~~同埋Sunny真係瘋架~~~~跳埋落黎唱~~~~~好羨慕第一排呀~~~本身我都有機會架~~~係我自己怕曬又怕熱而放棄~~~~~~~~Sunny仲揸住個粉絲隻手借力企上個鐵馬度唱~~~揸左好耐呀好羨慕呀~~~~~~~~~~~~~~~~~揸我啦揸我啦~~~~~(呢個澳門粉相當有嫌疑~~)




真係完全癲哂~如果我企第一排..我會仲癲~



雖然好多人都話佢地外型唔得...但一上台哥種魅力真係會令你不得不佩服佢地~~~睇佢地既live真係一種享受~~~仲要唱到台前向住觀眾哥4個喇叭都出哂煙~~~要用滅火筒~~~最後搬埋走~~~~~~~~~~你地好勁~~~




哥日佢地唱左"飛".."點滴".."同一"..仲有新歌"說再見了吧"~~~~~人地就係為左支持佢地係澳門獻唱新歌先會曬傷~~~~~~~~~~(點解錄得半首?因為下半首歌我要一齊唱為Supper Moment打氣~~~)...新歌我都識背哂...幾勁~~~
因為之前哥日有d單位無得唱..佢地cut自己d歌俾其他單位再唱~~好啦~今次見面會告一段落~下次再玩過接船啦~拜拜~但最可惜係....佢地好鐘意做完show影大合照...點知個鏡頭唔夠闊.....影唔到我同毛寶...即係我地企得前都無用...灰哂.............................(算啦~~都有頭貼頭合照咯~~~)



佢地隻說再見了吧MV都幾好睇架~~用左兩個一鏡到底拍~我應該又幫襯左最少50次~



真係要讚一讚Supper Moment個fb同埋instagram個admin!!!作哂歌詞又寫埋we love macau...有邊個當地粉見到唔開心呀?????????????(圖片from Supper Moment Instagram同fb)...睇完之後個心又甜一甜~

雖然咁大個仲追星好似真係睇落好無謂...咁早去到碼頭又唔知追唔追到又剩....都走去企...點解要咁呀?因為之前一晚聽完Supper Moment既沙燕之歌話齋:為了擁抱 難以成真的美夢 你話這是幼稚 請幼稚試一試~........我踏出左一步~最後我得到了令我開心好幾個禮拜的頭貼頭合照一幅~~~花痴mode...繼續開啟~~~~~~~~~~~~~~~~~(依家追星都要用少少邏輯推理架...好彩我呢隻小猩猩都有d聰明je~)...呢個追星事件....我想多謝凱公子既鼓勵...仲有毛寶咁早車我去碼頭.......最後..我想多謝一個人....哥個係我自己~~~~~多謝你鼓起勇氣呢~~~~~葛萊芬多加50分~~~







2017/05/18的開心事:
好開心呀~~~聽日要出發喇~~~
仲要聽日番半日工咋~~yeah~~~~~~~~~~~~
同埋今日出Supper Moment blog~~



報時:距離毛里裘斯渡假+馬達加斯加麵包樹之旅2017仲有---1日~
報時:距離與毛寶慶生快閃台北之旅2017仲有---132日~
報時:距離日本四國自駕遊之旅2017仲有---148日~
報時:距離新加坡熱辣辣聖誕節之旅2017仲有---217日~
拿~~~我都話留番個最特別既時候先出Sunny bb架啦~
依家仲唔夠特別~~~~番埋聽日半日工~
就出發去旅行喎~兩個完全未去過既國家~
好緊張好興奮呀~~
團友們要相親相愛呀~
你地要等我番黎呀~~~
等我呀~~~
要掛字我喎~~~~~~~~~~~~~~~~~~~~~~~~

36 則留言:

  1. 那些年追星我都式過^_^非常明白你的興奮心情,明天就出發啦,玩得開心啲,今次總共去幾多日呢?

    回覆刪除
    回覆
    1. 唉呀~~原來大家都係粉絲~~~
      多謝多謝~~~我地今次去16日~

      刪除
  2. 好友☁是時候瞓覺🌜甜夢🌛💤
    ✨我還要早睡早起🌟去睇神公🌙
     O
       o
     .∧_∧・。◇
     ( ・ω・ )
     |⊃/(___♦°¨*★
    /└-(____/✬・゚☆🐈
    ✾๑۩۞۩*ღೋஜഐ❉

    回覆刪除
  3. 我好佩服你個種想做就做嘅決心,又無傷害人只係想完成自己心願,好多時我哋唔應該被年齡限制。難得仲要你有好好嘅朋友咁支持你。
    睇得出你同佢哋影相真係好緊張呀。
    祝你旅途愉快,玩得食得開心D。

    回覆刪除
    回覆
    1. 哈哈~~都唔係架~~~我都諗左好幾個鐘~~~~好彩最後等到bb咋~~如果唔係又白等~~~
      係啦..成袋野飲無放低....個人空白左~
      多謝多謝~

      刪除
  4. 嘩, 勁喎! 不過你部電話好慘呀!
    我都好鐘意SUPPER MOMENT佢地呀, 不過又真係未聽過佢地唱現場, 佢係香港開演唱會又買唔到飛呀!
    好羨慕你呀!!

    回覆刪除
    回覆
    1. 算啦~~部電話sunny摸過~~值回票價啦~~~
      好彩上次澳門站買到咋~~~如果唔係依家都唔會咁鐘意佢~~~~~<3

      刪除
  5. 正喎,有冇晒大張相掛在家中日日對住?^^
    晨早留留出碼頭,好彩係等到,雖然爆mon都一定好難忘,頭貼頭影埋相喎,勁呀!!
    雖然好多人都話佢地外型唔得<====唔係丫,個mv拍得佢地型仔,同埋真人都ok喎,有band友味道就得,最緊要有舞台魅力!!
    玩得開心啲,同猴面包樹影多啲靚相......XXD

    回覆刪除
    回覆
    1. 無喎又~~不過依家用左我同佢張相做電腦wallpaper囉~~(甜親人喇~~)
      簡直令我流口水回味到家陣~~~
      係呀le!!!係呀le!!係呀le!!你都係有推屎既人!!!
      多謝多謝~我回來了~

      刪除
  6. 心願完成,要去慶祝一下。

    回覆刪除
  7. 哦....原來妳like哩隊band

    回覆刪除
  8. 葛萊芬多係要加50萬分丫~!!勇氣100%

    回覆刪除
    回覆
    1. 那刻..仿佛空氣中只剩下我倆~

      刪除
  9. 咁..... 你快d好番去旅行啦,

    誰個不能說出名字的人, 摸完你頭之後, 毛寶唔想同你剪毛? 奇怪呀

    回覆刪除
    回覆
    1. 直至出發頭一兩日都係頭赤赤~
      哥個係一個公認的衰人~

      刪除
  10. 祝妳旅途愉快呀!只要自己鐘意!乜都唔無謂!support!👏👏👏

    回覆刪除
  11. 畀人摸完頭會令毛寶唔想再剪頭毛 ... 唔係應該盡快剪左最面個層毛咩 ...
    原來你咁好彩揀啱碼頭、身邊朋友咁落力幫你、爆mon可以換黎慰問,哥日應該好開心啦~~
    祝多次:旅途愉快、平安歸來!

    回覆刪除
    回覆
    1. 咁樣會禿頭架喇喎~~~
      係超級無敵勁爆開心!!!!!!!!偶像的力量真係唔可以睇少~
      多謝多謝~我平安回來了~

      刪除
  12. 係咪好滾動呀!!!
    又搭膊頭又自拍又有人慰問!
    但你張相拎住膠袋好似去完超市D婆仔咁好有型呀~ wakakaka~

    回覆刪除
    回覆
    1. 你大d定我個港女大D,佢一樣追星,香港睇晒幾場,跟住追到去澳門又睇。。。

      刪除
    2. 簡直開心到要流淚了~~
      咁早起身都賺到了~~~~
      呢個係我既一個敗筆~~~

      刪除
    3. 華~~~好勁呀港女~~~
      唔知呢~~小女今年30有2...港女幾歲~~~~

      刪除
  13. 妳好似譚校長首歌詞咁~~~個心立立亂.天矇光等到天黑.不過等會面。
    腸都掛斷心肝分開兩邊.為見面心急似雷電。
    個心立立亂.好鬼蚊掙、岩岩分開又想會面。
    追番上去追到開心到顛.半帶戇似傻夠顛。
    似唔似妳既心情~~~~哈哈哈

    回覆刪除
    回覆
    1. 亂到簡直不知方向~~~~~
      依家睇番都仲係亂緊~

      刪除
  14. 將癡女發花癲心態巨細無遺地用感性理性筆觸身貼身呈現,這段心路歷程已提升到文學層次!!"廣東歌好聽過國語歌......"咁都俾你發現到呢個缺點......
    我覺得你左右膊頭俾你的bb掂過,佢要負責任囉!!
    "葛來萊芬多加50分"為呢篇精彩絕倫的blog劃上完美句號.

    回覆刪除
    回覆
    1. 咦...原來已經提升到文學既層面...咁我寫左10年blog都無白寫~~~~~~
      係囉係囉~~~要呀!!!
      呢篇真係粉紅色的夢~

      刪除
  15. 數手指,20日啦,返左尼未呀?^_^

    回覆刪除