♥三見Supper Moment♥@Rock It Party 2017

星期五....超!勁!忙!!!!!說好的賽車要安全躲在家中呢???放左工等左好耐巴士去做運動.....今日慢跑左5.15km~做完獎下自己去左食唐吉訶德~超耐無食~原因係無啦啦好想食佢個藍芝士醬牛扒..我發現佢呢兩年都無加過價~~仲要d tapas都係咁好味~~~正呀~~~星期六....我一大早起左身..為咩呀??睇落面咪知囉~~~好怕醜呀又~~~...星期日...中午去試左Root~中午正好多喎(計埋價錢)...食飽飽去左做美白牙齒~整個下午都在plan大阪行程~~差唔多搞掂啦~~夜晚食左關東煮外賣~正~仲係fb睇埋Supper係Clockenflap既live~~~好正~~~~仲唱左首新歌!!!星期一.....雖然係星期一..但我心情大好~因為我番晏~~因為Sunny bb既氛圍仲包圍住我~~因為日本行程又差唔多搞掂~~~~~放左工去慢跑5.16km~~~~



我呀~星期六哥日又一早起身呀~買左麥叔叔...."行"去碼頭.....係呀....係行呀....因為賽車嘛..我又驚佢塞車又呢樣哥樣.....咪行去唔使煩囉~兩個禮拜之前呀~又俾我知道左Supper Moment會黎澳門表演呀~咁呀~我真係唔捨得唔接佢地船呀~其實我等左好耐...唔好問我幾耐.....總之我等等下耐到放棄左~(鼓起好大勇氣!)...諗住走時經過今次個表演場地漁人碼頭咪諗住望下個台係邊囉~~點知望完開下Supper個Instagram竟然更新左佢地剛係香港落船!!!!!!咁我梗係即刻折返啦~~~終於!!!!!!!!!!!!!!!!!!!!!!!!



佢地出到黎我即刻同CK講句生日快樂先啦~~~正日生日都要過黎澳門無得陪屋企人咁慘慘~~然後我話請佢地食杏仁餅~~(係咪好老土呀????我個人認為係幾老土但唔知點解我又做喎~)....之後阿達提出：你想唔想同我地4個影張相呀??........我心諗：下~~~~~~~~~~~點會唔想呀~~~~~~影一萬次都想啦~~~~~~~~~~~~(小鹿亂撞mode)...美男達你真係好人~~~~~~~好開心呀~~第三次同你地4個影相呀~~~~Sunny仲要話：拿~我地咁樣影~就好似黎一個交接儀式.................你真係可愛得過份<3....好靚呀張相~~多謝fay幫我地影~~介紹番先~呢間係澳門人都好鐘意食既最香杏仁餅呀~我平時唔鐘意食杏仁餅都覺得好食~依家超多人買的~係毛寶咁好人先會幫我買~(係呀~我仲送左我之前係台灣買既喉糖送俾Sunny bb~佢救過我兩次喉痛~遲下出台blog再介紹~)




因為佢地好趕時間去表演場地呀~我都唔好阻住佢地呀~走哥時有工作人員問Sunny bb使唔使幫佢攞我袋野~Sunny bb話唔使佢自己拎就可以~~~~係對粉絲既愛呀哈利<3




果然坐車既係唔同d呀~我係碼頭行去漁人碼頭其實都好快~但...我未行到舞台就已經聽到Sunny既歌聲<3......即跑!!!好彩仲俾我企到vip座位後既第一行~~~~Sound Check中~~~~~我好鐘意連Sound Check汁都撈埋~~~~






我唔理喇~~~我又當你望住我個鏡頭呀~~~~認真Sound Check既孩子最好看<3






做完Sound Check我仲估要等多一個鐘佢地先出場~




哈哈~襯Sunny bb係場邊梗係請求合照啦~~~我好開心呀~~~~~~~~今次你個樣笑得開心過上次~~~(可能你上次唔舒服~~~)...但我覺得我係灰色既..有邊個知我呢日經歷左幾多野?




點知第一個出場就係佢地!!!!!太好喇~~~~~~~~~靈感床!!!!!!!!我真係超鐘意呢首歌~~~~~~




覺得你無係香港場唱得咁瘋~~但呢日確係比平時d香港場少人既(其實係因為d人以為你地7點半先出黎..所以佢地仲未黎)





下~~~~仲有唱"飛"~~~~~~~好鐘意~~~~~~




下?!?!!?第3首就"說再見了吧"?!!?!?通常呢首之後就完架喇喎..................................





之後大家一齊叫encore就再唱"無盡"!!!!!!!!!!!!!!!!!!!!!!好耐無聽過現場既無盡!!!!仲大合唱!!!!好正~~~~~~




最後主持話CK生日叫我地唱生日歌俾佢聽~佢勁尷尬~~Sunny使唔使笑成咁呀~~~~~





送張大頭俾壽星~~~~好帥氣呀~~~~最後臨走佢地上左車...CK架車最近我地走既哥個位....佢上左車我好大聲行過叫：CK拜拜~............佢竟然走番落車同我講拜拜再加握手!!!!!!!!!你地四子實在係最親民最貼地既藝人~~抵你地紅既~~~~~~~我真係好鐘意好鐘意好鐘意Supper Moment同埋你地作既歌~~~~~希望你地出年紅館個期會批啦!!!!我好想睇呀!!!!!!!!!!!!!!!!!!!!!每次睇完你地既Show都好熱血~繼面失聲~求下你批啦紅館~~~~~~~~~~~~~

最後佢地勁到主辦單位知佢地好忙今晚香港仲有另一場show趕住做....佢地走時安排佢地搭直昇機番香港~~~~勁威威~~~~~~~~~~我地接聽讀者毛寶既留言：下?!你唔好話我知Supper Moment又打尖喎?........好喇...呢位讀者我地聽到你既留言喇~由於節目調動既關係~原來既節目毛里+馬達之旅將會順延星期四再播影~敬請留意~(我睇完Supper好似放下心頭一件事咁...番屋企好放心咁食左成包魔辣激薯~唔好話俾毛寶知呀~)






2017/11/20的開心事：
我又覺得自己好幸福喇~
一年入面同自己心愛的偶像樂隊合照3次~
仲同Sunny bb selfie 3次
超級幸福~~~~
今日跑完步番屋企仲有鮑魚做小食~~~華~~~
幸運~~~~



報時：距離日本大阪自由行之旅2017仲有---17日~
報時：距離新加坡熱辣辣聖誕節之旅2017仲有---31日~
睇完Supper~
好喇~我可以好安心咁排日本行行程喇~
有間餐廳我咪話好想試既~~
我星期日打去日本訂位~~因為聽講好多人的~~
我打去問佢識唔識英文...佢話唔識~~
我即刻叫毛寶幫我叫Google老師出黎~~~~~
我地即時播Google老師發聲~~~
然後哥個野kit一聲笑出黎~
再一句：reservation?
鬼馬呀你~玩人既~