狂歡三寶台北快閃瘋食之旅2019-06-08第二天Part 1(天晴)

星期日...中午食鍋燒烏冬!仲加左隻日本温泉蛋...好正~~fika完由於噚日已做家務...今日可盡情玩~~下午砌哈波lego人仔~~毛寶送的~~夜晚媽媽整冬瓜粒湯飯...飯後睇海嘯奇蹟.....星期一.....算係唔攰既星期一上班日~開心心~夜晚食飽飯做運動~......星期二...唔....呢日唔算多野做...但個人又覺得好攰喎XXXD我會賴係天氣既問題~唯有食飽飯飲少少又食少少零食解決啦~.....星期三.....放飽飯有做運動...我以為呢日係星期四..完。......星期四...番工順順利利~係有兩件無聊事發生左...第一件事係：無啦啦係counter認我做契女XXXD但佢係認錯人既XXXD...第二件事係：有個同事係內部落左黎counter做某D正經野...然後佢望到我同我講sunny結婚喎XXXXD頂~嬲你~我無野喎我無野喎~我無受情傷喎~....放工食飽飯做運動~.....星期五...番工下午有少少忙...少少咁多....放工又去左食chiado~~.....星期六.....中午在家煮肉醬意粉~...下午做左一陣家務~落超大的雨...夜晚去左食小查理~



2019/06/08
Day 2-Part 1(台灣,台北 Taiwan,Taipei)
早~呢日起身既第一個環節~就係食中午飯XXXXD~由於食飯地點係兩個捷運站中間...所以狂歡三寶無懸念咁搭的士去XXXXD(我記得呢程的士個司機超級多野講...由sell包車sell到去保健產品...俾我停下好無?XXXD)...呢個商場當時新開左無耐~好多新既餐廳進駐左~我揀左其中一間試試佢!呢個商場係微風南山(Breeze atré)...地址：台北市信義區松智路17號...atré商場係日本d JR站附近成日見到既商場~呢次進駐微風南山係海外首站~wow~




商場分兩邊....有一邊有專用電梯上去佢D餐廳~都分佈在46F-48F~





我揀既係The Ukai Taipei~地址：台北市信義區松智路17號46樓....記得!一定要訂位!位唔多而且好多人食!我都係佢官網進行網上訂位....開放兩個月內的訂位....呢間餐廳係台北第一間結合鐵板燒及日式割烹既餐廳~係日本開過黎既餐廳...日本既Ukai Tei係全球第一間以鐵板燒摘下一星既餐廳!利害~(查實 呢個進駐台灣既第一間餐廳係開係高雄).....我本身係想食鐵板燒架....日本又攞哂星咁...點知.....因為我知呢間剛開時好多人食....當時我𥄫住網上訂位超耐.....一到開放我想約既哥日我即登入約餐廳.....點知.......剛開放....已經沒有鐵板燒的任何一個預約位了(嗚嗚)...無論中午夜晚都無...心碎的滋味有誰懂 ?唯有....訂割烹試下囉! 查實割烹係咩？又唔係一種料理黎既...割烹即係你可以見到廚師係你而前煮你哥樣野食XXXD我唔理呀 !我要食呀!你地兩個要陪我食呀!(咪陪你上左黎囉XXXD)




一入門口已經望到出面個山喇~面前呢個擺設都有名堂架!




一入黎就請我地係呢度候位區坐坐~靚到~設計係以星空宇宙為主軸~




仲有茶添! 好貼心~仲要三隻杯都唔同款~




係呢度望出去個景就係咁喇~好開揚~好靚靚~而對面座山就係象山~





可以入座喇~ (鐵板燒在一入門口左邊...割烹在右邊)...真係唔係好大...呢種枱有3張...我地坐中間呢張~好開心靠窗坐~(其實係我特登remarkXXXXD)




除左靠窗位我地枱右邊就係呢14個座位既板前位~(應該個個都想坐呢邊~親親廚師~但我想靠窗XXXD難得來到46樓XXXD)




係喎...我坐咁遠點睇割烹呀?(誤)




係咪我有錯覺呀~係咪餐具都有星空宇宙既感覺呀<3....當時食割烹午餐既價格係NT$2,500=642.7hkd同NT$3,300=848.3hkd(唔知咩原因現時價格係NT$2,000同 NT$3,000......呢D唔係只會越食越貴嗎?)....以我性格...梗係揀貴哥個啦~~咁難得黎到~(同一枱要點同一價位既餐~多謝陪我食~)....都是無菜單料理喇~其實我幾鐘意無菜單料理~咩都唔使諗~





軚泰叫既時令果汁...NT$250=64.3hkd...但我忘了 係咩汁XXXXD...我同毛寶就想飲水...但飲水...每人收左NT$80 =20.6hkd 的水資費....我成日覺得...如果唔係飲礦泉水或者有汽既水...要收飲水錢...真係好鬼姑寒....我飲得你幾多杯呀XXXXXD仲要個餐又唔係平XXXXXD我真係唔想飲甜野呀嘛~




第一道：春荀甜蝦豆腐... 個豆腐係用左三種唔同既黃豆整成...分別係佐賀(嗚嗚...本身我今年去呢度旅行架；[ )..北海道..仲有一個地方我忘了XXXXXD....總之豆味超級的香濃!





第二道：係成個錦盒搬過黎~




然後介紹野食時話....原來錦盒上幅畫係隨季節而換...而且每幅都唔同架!因為係人手畫上去....而哥個人仲要係主廚畫的!!咁有才既?!同我家老爺一樣咁有才~





介紹完幅畫就打開錦盒~華~好豐富既前菜呀~豐富到 要自拍下呀XXXD





好的~錦盒有三層...連埋玻璃器皿有4樣野...我地好專業的~逐樣講~(是嗎XXXD)....生魚片~完~XXXXD~~好味~(我真的是一個專業的blogger)




這是師傅的獨門烤鰻....使用屏東鰻魚....外皮非常的脆!!汁好吃!!從來都無食過咁好食口感咁好既烤鰻~真的不錯!脆烤鰻底下是烤櫛瓜~




再來是鰹魚~加上合桃片~好掛住上次去高知住哥間黑潮本陣食既灸燒鰹魚!!好好食~(想睇番既話請按我~)




仲有仲有~烏魚子碎花枝壽司~同堆配上豆腐醬既皇帝菜~




第三道：然後師傅就攞左呢兩個非常肉厚既茄出黎俾我地看看~真的非常肉厚~





之後攞番入去再搞靚佢再出場~師傅介紹依家茄子正當造...呢個茄子用左3個步驟整：炸->油浸->煙燻.....上面再加上鰹魚絲和醬油~係幾香煙燻味既~但我又沒有很愛這道菜XXXD因為我覺得鰹魚絲本身有D咸...再加埋醬油更咸~





第四道：師傅行出黎係我地面前煮~(雖然我用笑哈哈遮住...但師傅有耍帥XXXXXD簡稱chokXXXXD)




整咩?係!鳥!取!和!牛!呀!!!!呢個旅行既前一年才剛去完鳥取~感到好親切~(關咩事丫...見到有和牛食開心jeXXXXD)...個女仔面紅紅咁...係幾可愛既~(女仔=和牛)





好~煮咯~




哎唷~那個少女仍是粉紅粉紅的狀態~好可愛~招積到有兩吃...第一吃係高湯入面加上黑椒原粒去灼...唔辣既但好香黑椒味!唔錯~(張相好作狀咁特登俾粒黑椒你睇下)





好好好!好招積咁佢仲有第二食~




第二食係加入洋蔥...竹筍...韮菜...再加埋一粒和牛丸!竹筍幾好味~加入洋蔥既湯好好味~但洋蔥未淋哂我又唔想食XXXXD...牛肉仍然好味...牛丸是多餘的XXXXD質感好Phere...好難食XXXXD




第五道：煎魚土鍋飯....(放心放心~3人分既~)





對呢種土鍋飯好有好感...好感應該源自於某次同老夫人一齊去既台北之旅...我同毛寶同老夫人一齊去食既樂埔町....哥餐由頭到尾都好食...又係有一鍋土鍋飯既!...(好想再食樂埔町)....講番呢個...配上紫蘇葉也香氣四溢~不錯~仲有日式焙茶一起吃~





同飯一齊食既漬物超級好食!




第六道：甜品~有3種揀~我地有三人~就每樣來一個~呢個軚泰既.......errrr...到底係咩呢?我真的忘了~清新系既野啦




呢個毛寶既...抺茶乜乜乜...(但係個雪糕白色既?唔通我記錯口味?!)...咩口味唔緊要~重點係我記得成個甜品最好味係插係度哥塊脆片XXXXXXD




呢個係網路一致好評的布丁...但之前好似要單點...成NT350=90hkd一顆的...但今日套餐入面有得揀...梗係要食食!.....係幾唔錯既~焦糖不錯~蛋香味濃~(前提係你要同我一樣咁鍾意食焦糖布甸先得XXXD)....但如果真係90hkd一粒我唔捨得成日食XXXD....




聽講呢度有自己既甜品師....但3個甜品我覺得只有布甸好食...同埋賣點係你可以係對住呢個環境食囉~




呢餐食左NT$11,341=2,915.4hkd...每人971.8hkd....唔....係貴既XXXXXXD以呢個價好似可以吃到更好的XXXXD不過當時新開....新屎坑...我好想試....不過我估我會再食多次...因為我仲未試到米芝蓮一星鐵板燒到底有多利害~




呢餐唔想散太多現金...我決定碌卡...碌完卡同張單佢包靚靚咁俾番我~.....順便想秀一秀我張信用卡XXXXD因為我覺得呢張星座卡好靚XXXXXD顏色靚...星座線條夠秀氣~我有個同事都有呢張....佢曾經試過攞住呢張信用卡係法國用有兩個法國人都讚過呢張卡靚~












2020/09/19的開心事：
做左家務~即係聽日可以玩同休息~