狂歡三寶台北快閃瘋食之旅2019-06-08第二天Part 2(天晴)

星期日....中午媽媽整左台灣代購買既蚵仔麵線...其實係即食麵煮法...無蚵仔既...媽媽落左午餐肉代替XXD....之後做左陣家務...嘆下午茶...夜晚在家吃~~.....星期一...今天工作順利~我好開心~......星期二....唔知發生咩事....中午有久未開舖既姐姐魚餅麵加雞絲翅....仲有毛寶買黎既palette泡芙!!泡芙超級的好吃...真心推!!what a day~~......星期三...放工後回家心情差差的...番工同番工後都受氣...飯後自己來個梅酒P~~......星期四....中午試左個新飯盒~~又平又大件~~夜晚食飽有做運動~~.......星期五...放左工同左公子去食慶生飯~~~~.......星期六...中午食左日式素麵...食咁清因為今晚會食好野~然後Fika...然後家務...夜晚出去同提早毛寶慶生~食左天頤~~(提早食係因為佢生日哥日餐廳唔開~)



2019/06/08
Day 2-Part 2(台灣,台北 Taiwan,Taipei)
食飽飽又落番一樓然後行過隔離既商場行街街~梗係要行下進駐微風南山既atré啦~日系商場~




又唔係好多層喎~得4層喎~不過呢個時候行下商場都好喎~因為出面好熱~




第一間行既就係2樓賣咖啡既coffee farm...仲有好多咖啡豆賣~又有掛耳賣~軚泰買左包咖啡豆俾先生~我就買左包掛耳俾我自己~(不過偏酸酸我不喜歡)




其中一間好想去既係當時香港仲未有既Blue Bottle~~不過呢間好似係pop up store~




依家望番好想買~(當時應該都係因為無買行李所以無買XXD)






算喇算喇!其實最想試都係呢樣!!....成日睇人地講blue bottle有幾好飲...去日本一定要試...不過呢度無手沖仔!得罐裝cold brew~都好啦~試下啦~





之前以為要6罐買...嚇得我~好彩有得單買~一罐NT$250=64.3hkd....華~也不便宜呢!等於我出去飲一杯即時手沖.....但那麼出名也想試一試~.....試後感：好酸~唔岩我~.....有時D野唔一定名牌就岩自己XXXXD不過如果有機會試手沖既話我都會再想試下~




仲有一間專係賣朱古力既~Dandelion Chocolate....




佢有好多種唔同產地既可可豆整既朱古力....仲有唔同口味~仲不姑寒俾人試食~(而且好好味)....之前既我真係唔會買~但如果係依家既我就會買喇~因為可以係屋企嘆咖啡時食~






再來到Tokyo Milk Cheese Factory....不過香港都有啦...但澳門無丫嘛~(其實第一次食呢隻餅係有人係香港買俾我試XXXXD原味我覺得好好味XXXD)....依家係官網看好像沒了這家店~




但重點我唔係黎買餅XXXD我係要黎食雪糕糕~我未試過~都幾多人買~要排一陣隊~




我地揀左香醇牛奶霜淇淋....NT$130=33.4hkd....查實就係牛奶甜筒XXXXD.....不過就唔算貴咁解~




由於岩岩先食完中午飯...我地好唔衛生咁一個雪糕3個人食XXXD食後感.....香醇牛奶雪糕牛奶味一D都唔香唔醇XXXXXD最好味知唔知係咩呀?係個甜筒呀!唔個點解個甜筒極度香脆.....好想追住食~~(事實上我地3個搶住食個筒....咦...又話好飽既)....隻手咁靚既邊個架?




3樓仲有毛寶最愛的Beams!今次乖乖的走路進去~今次反而係我有野買~




然後行到4樓...有nico and.......佢除左賣衫仲有咖啡同少少輕食....行到攰...又想坐下~所以買左杯凍啡坐一陣~唔錯喎~




係nico and...可以行出室外~推介行出去睇下啦~可以睇到101耶~




而且可以咁樣同微風南山和101一起合照~(雖然鋪屎不是網紅feelXXXXD)




臨走時係一樓行過有Garcon的pop up store~不過無野岩買~呢個商場其實唔算好大唔算好多店舖....但感覺就讓你像是置身在日本~




走咯~好熱呀室外!




一邊行見到呢個宣傳當時就快上既toy story佈景~超多小朋友同小叉影相~




好~直接從微風南山行到誠品~(點都要行下啦係咪!反正都無野做!!)




行完出黎就天都黑哂~101都著燈了~




都行到夜晚咯!仲唔食飯!又黎到我同毛寶好鍾意的合．Shabu鍋物料理.....地址：台北市信義區松仁路28號....就係寶麗廣場4樓....仍然好多人食~我都係上佢fb訂位~




我同毛寶多數都鍾意叫餐~因為都幾抵~個餐會有前菜...綜合時蔬菜盆...食事...水果及甜點~





正~訂位時已經訂埋要兩個和風青蟳套餐~所以已經擺埋食蟹既餐具~




前菜我地3個都揀左海膽山藥~好味~




和風青蟳套餐....NT$1,680=431.9hkd~好大隻蟹~~~




另外再叫一個澳洲和牛套餐NT$1,380=354.8hkd




蔬菜盆~我平時唔食芋頭~但呢個有舊芋頭勁好食~






所有野(除左牛肉)...都有人幫你落鍋仲睇埋火~咁先食得唔攰架嘛~又唔使驚過火~




仲要幫你起埋殻俾你咀仔慢慢食~我超Buy呢個服務~(因為我真係好懶~)....蟹鉗真係好大隻好好食~




食哂之後就會用我地隻蟹D蟹膏整既蟹膏粥~真係真係真係好好好味...好掛住呀大佬!尤其依家邊度都去唔到...我真係好想飛去台灣食呢個蟹糕粥....呢度個粥好食過日本食蟹哥D餐廳~




甜品加生果~我次次都係食杏仁奶酪~不過不得不承認....佢既甜品好弱~生果今次有芒果~~~




食左NT$5,651=1,452.7hkd....每人食左484.2hkd~




食飽再番酒店附近行下便利店~又發現到D奇奇怪怪味道既零食~





呢個味會有D怪嘛?XXXD....不過好台式~




其實呢個我都好想食!之前有人請我食過可樂果...其實佢勁味精...但隻味又好抵死好想追住食....呢個味幾想試喎~




今日都算有少少收獲~




計埋噚日就總共買左呢D啦~台灣真係好適合快閃~我勁掛住台灣!










唔知係咪剛過秋分~
個天真係早左黑~(使講)
放晏時個天突然黑哂~
又到左番晏時放工已無日光普天照~



毛寶呢個禮拜不停同我講：
好多謝你將每個旅行都有寫blog呀~
呢個禮拜我睇哂你個南美blog~又好似去左次南美咁~
我：唔使客氣~係我興趣黎既~XXXD
多得你欣賞~多得你支持~