狂歡三寶台北快閃瘋食之旅2019-06-07第一天Part 1(天晴)

星期日...中午阿媽煮 台式拌麵吃~食完就fika~然後做家務....一做就4個鐘...又換床單又抺塵又消毒又洗廁所...攰~沖左涼就學習語言~夜晚在家吃~........星期一...朝早做哥個崗位做到 我 嘔血~D臭小孩明天番學喇~我好開心~~~放工我又飲少少熱sake~食少少 零食~點解? 呢個星期要驗身喇....梗係試下放縱情況下有無超標啦...好驚呀我好似特登玩緊踩鋼線~.....星期二....呢日超開心~因為我同朗公子同毛寶3個中午都放同一時間!我地稱為天狗食日~所以一齊去我屋企食KFC慶祝XXXXD......星期三...噚晚訓得好差...俾某樣野嚇醒....所以今日心情有啲差....完~........星期四...終於訓番個好覺~心情好番好多~~不過下午開始頭痛....er.....星期五喇....醒少少好無........星期五.....凌晨頭痛到醒左....夾硬翻訓;(.......起身呢日約左體檢....發現係5年前同一個醫生幫我做番....佢話我瘦過5年前...但個肚腩要減減XXXD....下個月再睇報告..放工又去左食hiro...今晚帶埋阿媽同神秘團友去試~.....星期六...呢日起身做左少少家務~然後貢出街~去左Gorilla買少少野~再去奄豬奄間沙北吃中午~再做左好多體力勞動~包括買少少懷舊零食~再去另一度買米~(真係好勁..買左10kg米).....再去買納米樂~20.9一支真心抵~呢日d活動好師奶仔~然後剪頭毛~夜晚痴痴貢~



毛寶問我：呀~你出左好多篇食記喇喎~....幾時出台北篇呀?..........既然你咁想睇...好啦~就依家啦~now~is~the~time~~~



2019/06/07
Day 1-Part 1(澳門 Macau->台灣,台北 Taiwan,Taipei)
hi~終於來到了舊年6月去既台北遊記~一路寫~一路感到非常稀虛~已經有一年無去過台北~超想念台北的一切呢~到底幾時先有得去旅行?我好掛住去旅行既感覺呀...哥種一路番工一路期待去旅行既感覺....家陣只有番工...沒有期待的感覺好差~好喇~介紹下我地既團友先~~有我~毛寶~仲有杯公子(又名軚泰)~ 呢日~軚泰老公健佬車埋我地一齊去機場~軚泰跟先生人真好~今次搭廉航呀~我窮呀~我無買行李呀~隨身行李去程5.2kg~(好像同行人士都無買行李~)




搞掂check in後梗係衝去lounge食早餐先啦~點解紙皮麥樂雞我觸過咁多次焦我仲會攞黎食既?(脆片勁好食~)....當時去台北仲係網上簽入台證...依家?暫停左網簽啦...將來?我也想有將來；[




呢日係搭台北虎航IT302航班係09：15由澳門直飛到台灣台北~天氣看來不錯呢~





搭廉航~又無錢買餐~最好既解悶方法是：影雲溫~






飛飛下雲溫都無埋XXXD那我要幹什麼好XXXD




咁呀...講下當時匯率囉~當時匯率係3.89(其實係用左兩次匯率溝埋一齊既匯率...一次3.87...一次3.9).....TWD$3.89=1hkd......講講下就差唔多降落啦~







同時刻表一樣的11:05到達~台北的天氣好像 蠻不錯耶~






入境入境~




又幾快過到關喎今次~好快就出埋禁區~因為我地連行李都唔使等~




出左禁區向右行就會有兩間定三間電訊公司係度...我同毛寶未有電話卡...買買佢~我地揀電訊商既要求係：無人排隊XXXXXD(反正價錢沒差)...A係NT$300=77.1hkd..3天任上網...仲有NT$300的通話費...B係NT$300=77.1hkd...但係任上5日網..另外有NT$50通話費...我地揀左A...雖然一樣價既B有5日任上...但我地真係去3日咋XXXD咁要多D通話費算喇XXXD(幫我地買卡個姐姐好似大隻版劉珮玥XXD)




買卡好快~買完老爺帥帥的轉身就走~好喇~搭車去台北市~




我地已經夠懶...但旅伴比我地更懶~所以我地話搭的士軚泰點會唔應承?XXXD...坐的士出到台北市係NT$1,130=290.5hkd...每人才96.8hkd...很ok呀~我地最憎行黎行去轉車~40分鍾就到左酒店啦~




可惜現在才正午~酒店未有房俾我地住~所以放低左行李去食飯先啦~第一餐好像...好像係坐捷運既!(我地咁懶又似係搭的士喎但係XXXD)....呢間餐廳係軚泰揀既~叫樂軒松阪亭....地址：台北市松高路19號新光三越信義新天地A4館6樓....我當時係佢官方FB有個搶先預訂按鈕進行預訂~都幾方便~只接受一個月內的預約~





餐廳外有撻空間都係佢地既~睇呢個裝潢都知道是吃那一國的料理吧~




報上訂位資料後~就帶我地走入神奇的和牛隧道~進入餐廳~(係..唔記得講...呢間係專食和牛既...軚泰真識揀~)




一邊係放酒...一邊係和牛~~~




牛肉櫃好壯觀~~~睇下佢地幾靚!






餐廳有分幾區既~我地被安排坐係開放區~(另外有半圓沙發區...同5間房)





坐係開放區對住就係開放式既中央料理台~




見到中央料料台上的牌後....毛寶：玉女の貞呀~話緊貞係玉女呀~我地要食玉女貞呀~.......我：塊牌寫緊係王女の貞呀好不好?......上網睇過王女の貞係被譽為日本第一的伊藤牧場給予最高等級和牛專門銷售證明書~天呀~我開始期待~




但餐具同杯望望又沒有特別~




先來看一下餐牌~靚牛可以揀食燒肉~也可選すき焼(壽喜燒)~...軚泰立心要後食壽喜燒的!去馬!(而這邊的壽喜燒也有相當好的口碑~)....想食壽喜燒都要揀埋部位~上網睇推薦係揀羽下位置壽喜燒做法....NT$5,800=1,491hkd(雙人....佢D餐都係雙人價..如果3人就係呢個雙人價加多一位NT$2,900=745hkd的慨念...唔個點解要咁計..可能每樣都係要兩位起~單人黎無得賺?一係就一人黎但要點雙人餐?)....價錢是套餐價...套餐有開胃前菜..越光米白飯..漬物..主廚湯品..蔬菜拼盤..玉子飯..甜點...(食呢種餐廳真係要食中午~因為同一樣既set...夜晚就係會貴好多!)





個心一心想叫A5羽下....但係佢一推呢盆肉出黎後.....




台灣人真係好識為D野食改名....又王族..又絕對自信咁......但我對眼俾中間無名牌既美女吸引住!(睇下D雪花靚到!).....店員話今日既推介係呢3種...尤以中間無名牌既A5爵士Sirloin最靚....個心悄悄的芳心暗許....問話同行的老爺和軚泰意見....大家都話去馬餐牌中壽喜燒餐入面最貴既餐!就係A5爵士Sirloin!A5爵士Sirloin套餐價為NT$6,800=1,748.1hkd(雙人價)..單人為NT$3,400=874hkd




叫完野食之後就到叫野飲~想飲梅酒~唔會叫一整支啦~咁多~我想叫一杯咋~但得一款揀...估唔到係紅酒類選擇最多....但佢杯裝酒選擇都係得好少...多數都係要成支叫...soft drink選項也不多~




飲料先上~唯一可以叫既梅酒....Yumechibiki夢響五年樽頂級梅酒...NT$600=154.2hkd(杯)...一杯都幾貴喎!成支叫要NT$3,980=1,023.1hkd....好驚~好睇可以叫一杯試下~望落仲要細細支咁....(之後哥次九州之旅我有再見到呢支梅酒...記得個價無嚇人得咁犀利)




wow~我第一次飲梅酒用高身酒杯!仲要用招積的球體冰~




老實講....係貴!但真係味道好好!點樣好法?我鬼識講咩~如果澳門都有得買就好喇~






一黎先上漬物...漬物都係樂軒自家製的~有小黃瓜~蘿蔔~泡菜~...3樣都好食~但係蘿蔔同泡菜係要用極度出色黎形容!蘿蔔漬係有柚子味哥種小清新!食完一round...胃也開了10分~而且一點也不姑寒~一食哂就會問你使唔使再加~大器~(我真係好鍾意食漬物的!連中式既梅菜沖菜都好鍾意~call me漬物怪~)




開胃前菜(呢個一人一碟)...一個係魚一個係干貝...老實講...普普....講開胃我覺得漬物開胃D~呢個做唔到開胃效果~




下~~主角突然咁快出場既~~A5爵士Sirloin小姐~(呢碟係3人份).....三角形哥舊係牛脂啦...起鑊用....對!!他們還送每桌客人一塊有點厚度的小牛扒~




看看小姐美美的雪花~




3人份的蔬菜盆~




食壽喜燒點少得生蛋漿?用上竹東不催生土雞蛋!講究!




除了沾雞蛋還有其他的配料(但我們很少用就是喇)




米飯是越光米~(這個不夠也可以再添~)




來~先合照一張~




小牛扒先下鑊~怎麼這塊牛扒形狀那麼像台灣的地形?XXXD





喂~好香呀~




每桌都有專人服務~不用擔心自己弄不好~外表好像已經超熟...但裹面還是粉紅的狀態..美!...入口很香油脂而且生熟度是完美的狀態...只是...大慨每人有3顆...是很好吃...但我覺得....開始有點膩........呢塊小牛扒都無A5爵士Sirloin哥D油花咁多食咁少都覺膩口.....有點擔心之後既情況.....(在吃漬物減膩)





好~正式黎喇喂!....攞牛脂起起鑊先~





襯起鑊睇睇佢D裝調味料器皿先...wow...原來係用日本皇室御用既瓷器“香蘭社”...好勁呀~好有態度呀~




而且佢地用黎極壽喜燒既糖都唔簡單...係用比砂糖高級好多既和三盆糖~一般係用黎整高級和菓子~看來好細密~






華~好香呀~







同埋個壽喜燒汁都係佢地秘製的~偏向關西風~平時日本食落好鬼多汁...呢度反而落少少的(有時D野又唔一定要多既)....同埋望落係比教稀既質地





喂!寫緊都流左滴口水呀!係唔錯既...超豐富的油脂.....壽喜燒個味唔怕過甜~係好食既...但亦都因為超豐富既油脂...令我地食左一舊.....已經覺得...夠了XXXXXD咁你可想而知有幾咁油脂重XXXD





然後到蔬菜盆~有介紹豆腐是來自彰化的~






鼓起勇氣!下一round!






但第二是來點不一樣的!猜到是甚麼嗎?




wow~黑松露耶~咁勁個磨!





對我黎講係新鮮感滿分~因為未試過~但試過後....又覺得無乜必要XXXXXD




再第二round蔬菜!蕃薯都好好吃~





主廚湯品是蛤蠣清湯..不錯耶~





再到玉子飯...其實我已經好漏好飽~但網試看這個也是招牌~要試~但試後感個人來說覺得玉子弄得有點過熟~過熟玉子味唔夠香~







最後到餐後甜點~美美的水信玄餅~好味~




呢餐食左NT$12,210=3,138.8hkd...每人1,046.3hkd....價錢不便宜...都唔錯既~但你話係咪吸引到我再去.........我有D保留(我後來去別的地方吃到好好好好吃的...但不在台灣)












我同毛寶最近好鐘意周末睇一個Netflix既 TV show...
叫somebody feed Phil~~
超鐘意睇~
講每個城市既野食~少少旅遊~
我本身麻麻鬼佬做既旅遊節目....
但好鐘意睇因Phil好鬼馬~好好笑~
同 埋係節目入面睇佢同父母 既互動~搞笑又溫馨~
(可惜第三季已經無乜見 到Phil 媽媽... 因為佢媽媽患上 漸凍人症....聽到都覺得好唔開心....希望佢媽媽會好番；[ ...)
可惜我地已經睇哂3季喇~
希望快D有第四季啦~~