天團蘇格蘭高地之旅2018-10-26第十三天Part 2(天晴)

星期二......wow....噚晚我喉痛同打乞痴都嚴重左...即刻食感冒藥呀我......點知凌晨訓訓下個喉無啦啦痛到窄醒左~~~訓左好耐都訓唔番~~~到臨天光仲打冷震~~起身尖寒尖凍~~~好啦~講咁多都係要起身番工~~食左成藥係有好少少既...起碼放工個喉無咁痛...如果我份工唔使講野既..你話幾好~仲想跑步呀~慳d啦~星期三.......今日我做每個申請人都異常辛苦...因為.....我唔舒服戴住口罩接待....然後一路做一路講.....口罩內係有兩行鼻涕一路流緊落黎.....但又唔可以係申請人面前打開口罩去抹(如果唔係咪俾申請人見到我哥兩行鼻涕囉!咁我無哂形象喎)......哥兩行鼻涕係我講野時一路了下了下我....勁痕...申請人一走我即大力抹鼻涕...勁爽~...不過相反黎諗...有個口罩幫我遮住都係好既...好過我一路做一路抹咁樣衰丫~星期四.....今日好似好番好多~係咳多左je~不過把聲有少少變~工作上幾好呀~~唔知係咪因為今日落雨所以好多人都無黎~如果日日都係咁就好喇~~~~....周末又安排左好多節目~~好開心~~~~



2018/10/26
Day 13-Part 2(蘇格蘭 Scotland,Onich->格蘭芬南高架橋 Glenfinnan Viaduct->伊蓮朵娜城堡 Eilean Donan Castle->天空島 Isle of Skye->Sligachan Old Bridge->波特里 Portree)
好啦~我地食飽飽又出發啦~~~~離開格蘭芬南高架橋(Glenfinnan Viaduct)....再向北面進發~只是途中經過一教堂覺得成個畫面好靚而影低~




天氣好好~沿途風景又靚~






然後來到了伊蓮朵娜城堡(Eilean Donan Castle)....停車場滿滿的車呢~聽講呢個城堡係蘇格蘭高地擁有很高的人氣~





我地泊好車一路行過去一路影....遠既又影...越行越近既又影....行到最近有水氹反映個天既又影~瘋狂影~






由左行至右...再影!.....呢邊影都靚~呢個城堡影相確係唔錯!.....查實可以俾錢入城堡既...但...你明啦~其實我地興趣真係唔大~影下外圍就好了~~~XXD





影張帥合照就走了~凍到狂流鼻水~





又由右行番去左邊.....咦....今日明明大晴天架?!





然後上番車唔夠兩秒.....華....好彩咋~




就係咁又落下雨...又停下雨~




我失敗呀!!!唔記得影過橋呀~~因為過左條橋...我地正式來到天空島喇(Isle of Skye)!!!!!!!!!一黎到落大雨~~~~然後又晴天~~~~~然後又晴天又落雨~~~~~然後就晴天了~~~~~~








今日來到天空島仲有景點~就係Sligachan Old Bridge~望住呢座三角型山我諗起了冰島哥座扭紋雪糕山~





有太陽就覺得望落周圍d風景都好靚~





影橋既另一邊~背光~





好啦~出發去今晚既住宿喇~




今晚既住宿位於半山~叫Loch Eyre House....地址：Eyre House, Portree, IVS 1 9XE




攞行李落車時就覺得落望山既風景好美~






食早餐既餐廳~~




餐廳哥度行落去有個Open Area~~~~華!!!!靚到!!!!!!!!!!我最鐘意個大玻璃窗!!!!!!!如果屋企都有就好喇~




不過房間就小小的~廁所反而算幾大~我地會係呢度住兩晚~一晚房價£110=1,144hkd...每人每晚572hkd...包早餐~





安頓好我地就早d去番市中心哥頭食飯~大比搵左間正餐廳~日落中~靚~






就係呢間Sea Breezes...地址：2 Marine Buildings, Quay Street, Portree, Isle of Skye, IV51 9DE, Scotland.....好細間...建議想食既一定要訂位....由於我地係剛開店到...所以先有位咋~~~~~~~





餐牌得一版架咋~同埋有d每日新鮮既~侍應會為你介紹~




點都要叫杯茶黎溝下賢者飲啦~~~~食大餐喎~我最愛既洋甘菊啦~£1.95=20.3hkd~




我另外叫多杯Rosé...£6.5=67.6hkd...隻色真係好Rosé XXD




毛寶叫左支Sparkling Wine....£6.5=67.6hkd....幾唔錯~




好鐘意佢個開殼工具XXXD





毛寶叫左個Soup of The Day~£4.2=43.7hkd...我地叫之前有問佢係咩...佢話今日係Manhattan Chowder.....我地就諗係哥種白白的...很漏的周打蜆湯...點知一黎...紅紅的....而且....湯唔係creamy哥種...係清清的...茄味的海鮮清湯....勁!!!!!!!好味呀!!!!!原來Manhattan Chowder是這樣的!!我又學多一樣野~~~~湯入面超多海鮮~全部都好好吃~而且我覺得呢個價錢好平~




Caesar Salad....£6=62.4....好食~溏心蛋好吃話~下面d菜都好爽脆~




另外有個時令推介係炸魷魚圈...£7.5=78hkd.....天呀~~~~~~勁爆好味呀~~~~~~~~炸粉超薄然後魷魚係吃得出的新鮮!!!!!!!加埋個啡色汁係超襯呀!!!!!!!!!!我地一口接一口接一口....好快食哂...然後：one more please~(令我想起烏斯懷亞那次吃king crab吃到的炸魷魚圈~也是同樣的好吃~)





Skye Mussels....£13.95=145.1hkd.....超勁好食!!!!!!!!!!!!!!個汁係白酒汁....清爽!!!!新鮮!!!!!!成個旅程最好食既青口!!!!!!超高質!!!!!!!好平呀!!!!!





Uist Scallops & Pork Belly......£21.95=228.3hkd....帶子煎得好好!!!!我發覺黎左咁多日帶子佢地係完全無失手過~~~~~下面d豬都好好食!!!!!!!!!!!!!!!!!!




時令主菜仲有Langoustines~~~£22=228.8hkd......超大堆頭!!!好抵!!!!但抵都要好食既!(堆蝦好似外星生物)




天呀!!!!!!!!!!!!d肉超級彈牙的新鮮!!!!!!!!!!!!!!!!!!!!!!!!!!!!!!!!好好味呀!!!!!!!!!!!!!!!!!!!




然後隔一陣：one more please~....無錯~~黎多一碟~~~侍應都笑了~~~~~~~~呢碟裝飾仲要有棵蔥~~~燒哂煙花咁~




救命呀!!!!!!d蝦膏勁好食!!!!!!!!!!!!!!!!!!!!!!!!!!!!!!!!!




墊底既薯仔也是攞命的好吃~~~~~~~




飯後有個意想不到的人叫左杯Baileys送甜品食~£3.6=37.4hkd




Sea Breezes Sticky Date Pudding.....£7.5=78hkd...係甜架喇!但我真係覺得呢個整得好好食!!!!!加埋d焦糖醬.....勁無敵!我發現原來我幾鐘意食Sticky Pudding~




Tangy Lemon Tart....£7.5=78hkd.....如果點都要係呢餐揀一樣我唔會再食既....我會揀呢樣....全晚唯一既一般!




我極度推介黎天空島既話一定要黎呢間Sea Breezes!!!!真係好好味!!!!!!!!!!!!!!!!!!!!!!!!!!!!!!我覺得黎左咁多日暫時最好食係呢餐!!!!!!!!!!!!!!!!!!!





而且....呢晚食左£144.65=1,504.4hkd....每人才376.1hkd....高質海鮮喎!!!!!好味喎!!!!!!飲埋酒喎!!!!食埋甜品喎!!!!!我地討論緊聽日再黎食架~........點知我地食食下既時候毛寶偷聽到話：佢好似話開埋今日咋喎!......於是埋單時咋咋帝問下佢聽日開幾點....點知佢話呢晚係佢地今年既最後一日開喇!!!!直到下年3月先再開喇~(即2019年3月).....華~冬天咁早休息個磨~好彩趕到尾班車~

其實我地本身想試有位blog友留言推介我食既Skye Pie Cafe.....但係佢地執左..................................我試唔到了.....嗚嗚.....................







2019/05/23的開心事：
我好掛住仕燊呀~~~~~~有成3個月無見過佢~~~~
噚晚睇完濕爬個fb...
個心又痕痕地喇~~~~



報時：距離狂歡三寶台北快閃瘋食之旅仲有---13日~
報時：距離九州自駕遊之旅仲有---135日~
報時：距離宜蘭聖誕親子遊之旅仲有---210日~