天團蘇格蘭高地之旅2018-10-24第十一天(微雨及後轉晴)

星期二...仍在病假中......(但我夜晚買左機票XXXXXD).....星期三.....上崗喇~~~~~一番到去衰婆就話我膚色好污糟~對上一次佢咁樣話我係去完南美哥次~~~XXD.....去完旅行番黎感覺唔似自己正式番工咁~幾好~同埋有人以為我去摩洛哥係自由行XXXD同咁多老野去我無咁大勇氣自由行咁遠~~~~~落雨嘛~跑步就由它去啦~(我真係好耐無跑~)....星期四.......今日塊面敏感~~~谷到又紅又腥.....我知我自己做左咩先會搞成咁~~~係我自己衰~...我好開心呀~~~~~~番埋聽日又過長周末喇~~~星期一佛誕節~~~~~同埋聽晚到我睇復仇者聯盟4呀喂~~好緊張呀~~~~~~~



2018/10/24
Day 11(蘇格蘭 Scotland,Onich->Castle Stalker->Glen Creran, Fairy Bridge->Glen Stive, Scenic Drive->Onich)
早呀喂~呢日決定唔係酒店食早餐~(因為早餐已經俾我同毛寶係前一晚食哂~).....出發去搵早餐食~呢個就係我地酒店外觀.....噚晚太黑無影.....房是不錯的..但不推...因為無服務可言....就係噚晚完全搵唔到鎖匙盒同密碼之下打佢提供既電話係搵唔到人的




酒店對開就係一個小碼頭......噚晚見到好多車等上船過對面岸~




我地搵左好多間....呢頭無咩餐廳.....只有附屬酒店既餐廳多...但由於已過早餐時間好多間餐廳都話不提供自助早餐連單點都無....(其實只係接近10點).......搵野食時巧遇一隻好乖好想there人既狗狗~好可愛~




最後竟然搵到呢個景點既cafe....再發現...咦...呢個咪我地因間去要哥個景點XXD....係喎...中午安排左黎呢度食...咁不如食個Brunch咪幾好~





cafe仲有野食賣~~




呢隻薯片係made in scotland架!!!食過個質感幾好食~~我買左包請神秘團友食....佢食過都話好食~佢後尾過香港發現原來香港都有售XXXD





呢個我真心想知...到底Bacon Jam係咩味XXD...唔記得我最後放下哥個心路歷程係點XXD




我地揀左靠窗位坐~可以一路遠晀個景一路食野~





佢無筋勞~叫左熱齋啡~£2.5=26hkd....也不錯~加上呢日天氣都幾凍~飲杯熱啡真係好舒服~




阿sam叫左Home-made 100% Scottish Beef Burger...£8.95=93.1hkd....阿sam說好吃~d伴碟既薯片就係頭先我話好食哥隻~~~~




我叫左Breakfast Stack...£8.95=93.1hkd.....喂~~幾唔錯喎~~咩都有d~~~呢度個black pudding真係幾好食~





毛寶叫左Smoked Salmon & Scrambled....£7.95=82.7hkd.....大比叫左Free-range Screambled.....£5.95=61.9hkd......兩碟都好似圍牆咁大~~~~不過麻麻..因為我唔鐘意d蛋咁熟~~(大佬唔係你食喎~~~)





好喇~呢個其實係景點附設既手信店+Cafe~都幾多野買~呢對杯墊尤其出色~





買了好多呢個hand made in scotland既潤唇膏做手信~~~我地買到佢間店斷市XXD




呢個八哥系到都好可愛架!!!





呢個我都覺得做得幾靚~而且要自己砌架~不過...唔買lu~




食完又買完終於去望下個景點喇XXD....佢有條路俾你行出去既~呢個景點係Castle Stalker





查實行左出黎....係咁遠咁望佢架~~~XXD






你有好少少既相機就Zoom埋去影啦~~~我就iPhone架咋~XXD...好彩我對城堡既興趣就唔係好大既~





好~出發去下一個景點~




好喇!我地今日又黎到另一個蘇格蘭既百大秘景之一!!!Glen Creran, Fairy Bridge.....淨係到入口....我已經覺得好靚~





我地係行呢條Trail~行之前梗係要影低下d地圖先啦~





好~係威係勢~起行~~~~~(大比手上係買俾菓子軒既觀鳥套裝望遠鏡~二姨~你做咩搶人地d野玩呀~)...我覺得呢度咁望...個畫面都幾有秋意~





一路行一路都有呢個咁可愛既公仔做標記~跟住佢行~




行左好一陣子....個景點真夠神秘....唔係一停車就見到.....直至依家行左大約20分鐘都仲未見到既!但係........大佬呀...一路行....一路既風景都靚到dum一聲呀!.....呢個位並唔係景點...只係順路行過...但....也太美了吧?!?!?!?!?!d秋色勁有層次~我感覺到好像有精靈就快出沒~








呢張超可愛好不好!d小草勁可愛!<3



沿路經過的小溪~美~...但行行下既時候..又開始落雨....行得越入個山...雨就越大~




行到黎呢個分叉位......諗左好諗行邊.....




紅色箭咀哥邊望過去就勁正常既...有櫈又有熊仔標記棒....本身想行哥邊......因為另一邊係爛路...亦唔似路~




但....毛寶開左mapsme看.....係爛路哥邊!所以.......




雨開始越落越大.....大雨就點呀.....d路超爛....行到我地鞋同褲腳都痴左超多泥!!!!!!!!!!!!!!!!!我就要看看....呢條Bridge到底有幾Fairy!!!!!!!!!!!!!!沿路仲跨過好多打橫訓既樹幹....有d樹幹真係好高...高到......我還是向下"娟"好了~





突然!!!!..........喂!!!!!好靚呀!!!!!!!!!!!!!!!!!!勁似魔戒d場景!!!!!勁靚勁靚勁靚!!!!!!當時在fb打左個卡.....發現根本無人係度打過卡!!!!!!!果然係蘇格蘭百大秘景之一!!!!!!!!大比好野!!!!!!!!!勁有靈氣!!!!!!!!!!!!!!!!!!!!!!!!!!!!




拿!!!!都話有小精靈架啦!!!!!!!發現有澳門小精靈一枚呀!!!!!!!!!我超鐘意呢兩張相呀!!!!多謝毛寶!!!!!!!!!!!!!!覺得剛才的辛苦是值得的!!!!!!!!!!!!!!!!!!!!!!!!!!






條橋d石塊勁得意!!!試下行下先~~~~條橋短而超拱形~~~~






站在橋上看的風景~狂影相期間又有人黎放狗喇~~~~d狗狗真係勁開心~~(華~~呢條路都幾難行~~~狗狗真叻~)




而且呢度周圍也勁好拍~~~小精靈也落力演出~





最後好好用眼睛記低當日情景....毛寶拍一張全景~回程了~



回程時開始無雨~仲好似有少少陽光~




上番車之後~~就諗住去下一個景點~~咁途中經過某休息站....咪落車望下囉~~~咦!有我細個好鐘意食既飛碟粉糖呀~~~~但...呢個勁難食!!!因為....佢個外皮唔脆既......




Walkers港澳都有架啦~~不過又真係無呢隻蘇格蘭高地特產毛牛形狀餅~~~又幾可愛既~~~但...我唔鐘意食walkers~




上番車係車遊Glen Stive, Scenic Drive.....咀仔痕~食下頭先買既呢個Doritos~不過佢係羅絲粉既形狀~都幾好食~




蘇格蘭高地d山都幾靚!!!!好宏偉...同秘魯d山一樣咁好望~聽大比講好似007之前skyfall有係度拍過d景~








唔知係咁空曠既地方自己一個住...會唔會好孤單呢?






我地見到景靚又停低車影下~







番到酒店休息左陣~噚晚因為附近太黑...最近既餐廳要揸30分鐘先有....但睇到地圖對面岸有餐廳~所以我地諗住搭船過對面岸食飯...本身諗住揸埋架車坐船...點知大比去望左....如果連埋架車坐船過對面票價都幾貴下....但人搭既話......係唔使錢架!!!!!!咁一於就咁過去啦~~反正個碼頭咁近我地~乖乖排隊等上船~





好像15分鐘有一班~等落哂d車...船員就示意我地可以上船~~





仲要有船倉有櫈坐!!!超好!!!




過左對面岸見到呢間The Inn....見佢附設餐廳....睇完餐牌...諗住睇下有無更好既餐廳...點知行左出去一陣之後發現.....其實過左對面岸....一樣咁荒涼~~~肉眼望燈都唔多盞...附近用腳程應該唔會有另一間餐廳....於是我地死死地氣行番入The Inn XXD........





叫左我最愛Camomile Tea~£2.5=26hkd....仲有餅跟~以為咖啡先有添~




見到佢醬料架d醬咁多款式又咁大器任用我就好想影佢~




毛寶叫左個soup of the day...係cream of cauliflower.....£5.25=54.6hkd....無記憶....應該中性吧(即唔難飲又唔係好好飲卦~)....不過我真係麻麻地西式忌廉湯~




叫左個Scottish Smoked Salmon....£7.95=82.7hkd....喂..又幾好味喎!我唔記得個醬咩味XXD但我記得配埋個餅同個醬係好味既!




阿Sam既Steak & Ale....£14.95=155.5hkd....初頭仲以為係牛扒XXD.....黎到成個pizza hut既蘇皮湯咁XXD....不過又幾好味喎!d牛粒又整得幾林幾入味~





主菜我同毛寶同大比叫左兩個三份食~~其一係Vegan Coconut Curry.....£12.95=134.7hkd.....都ok既~不過有陣中東味~




其二叫左個Pasta of the Day.....£12.95=134.7hkd.....肉醬意粉...加上個茄醬辣辣地....幾開胃...我覺得個意粉唔錯呀~




食左£61.55=640.1hkd...每人160hkd...還好啦~我覺得個肉醬意粉同埋煙三文魚是不錯的~




食飽飽就搭渡輪番對面岸既酒店~等船到左既時候......有個落船既人同我地打招呼...望真d...係噚日幫過我地既民宿主人呀~~~~~好似真係係蘇格蘭有朋友咁~~~~









2019/05/09的開心事：
好開心呀~~~~下周一放公眾假期呀~~~~~~~~
去完旅行可以好好休息下喇~~~~~



報時：距離狂歡三寶台北快閃瘋食之旅仲有---27日~
報時：距離九州自駕遊之旅仲有---149日~
報時：距離宜蘭聖誕親子遊之旅仲有---224日~
同毛寶一家一齊去宜蘭呀!!!
連菓子軒都去呀!!!!
到底呢個小小人會為我地帶黎咩趣事呢~~~~~
期待~