天團蘇格蘭高地之旅2018-10-26第十三天Part 1(天晴)

星期五......下午某段時間無遲過籌..咁梗係有原因啦~一過5點又爆勁多野做~~~放工去左食好耐無食既田淵~佢d價錢又真係好似無咩點加...仲覺得有d平~某d幾好食~之後去左買雲姐既芋圓食~d芋圓又真係幾好食~星期六~我過左香港呀~~落少少講~星期日...中午去左金沙城個喜柏食....諗住試下佢個海南雞飯....我覺得好食過文華東方毛寶覺得一般~個叻沙勁漏勁油~而且個場地我覺比以前差~侍應勁少...搞到佢地做到勁攰~....食飽之後去左文化中心睇展覽呀~睇個土生土長既澳門人用水彩畫形式畫低澳門~我覺得幾值得一看~個展覽去到6月十幾號~逢周日免費入場~之後回家寫下blog~夜晚.....梗係痴痴貢啦~~~~~~星期一....er....我個喉好似有少少痛....係咪菓子軒你傳染我架XXD



2018/10/26
Day 13-Part 1(蘇格蘭 Scotland,Onich->格蘭芬南高架橋 Glenfinnan Viaduct->伊蓮朵娜城堡 Eilean Donan Castle->Sligachan Old Bridge->波特里 Portree)
早~~~我地今日會離開呢間酒店搬去另一個地方住喇~~~好開心呀~~~~~~唔使再食乾爭爭早餐~~~~~~




咦~~~個天氣報告又幾準喎~天色不錯呢~~~~




好天氣下出發~~~~~~~~~~





先經過噚日飲啡同晚餐的威廉堡(Fort William)~




太~陽出來了~~~~~~好開心呀咁好天~~~





有一個比較近我地想去既景點既停車場...不過不是正式的(不用收費)...但已滿~~~所以唯有泊去100米以外的另一景點正式停車場~(要收費)




呢個係Glenfinnan Monument既附屬停車場~對開仲有呢個塔~(無特登走埋去睇~~哈哈~~)




我地泊左車~去左景點附設既紀念品店+Cafe入面既廁所放低少少~出番黎見到....................喂......好得意呀你!!!!!!!!!!!!!!




佢主人應該去左廁所將佢放低係外面~~~~我地走過去同佢打招呼~~~~佢左望右望~~~勁驚~~~呢4個人太奇怪了~~~~同埋佢好細個咋~~~~~我好鐘意八哥~~~我地叫佢貨貨~




好啦~行番去個景點度先~~~~




入口~





慢慢見到我地要睇既景點~





就係呢條格蘭芬南高架橋(Glenfinnan Viaduct)~~~~~我地要黎睇我最愛的哈利波特火車的經過呢~~~~~~~~~~









我地企左一陣.....決定.....呢個方向大比同阿sam留守!我同毛寶跑上去高d捕住!!




華~個地圖清楚到XXXXD




於是我同毛寶就攀高高黎到呢個位等火車黎到!!!!!!想知火車咩時間會駛過黎....請參考此網址......同埋要留意....佢冬天係唔行駛架!2019年就係由4月22日至10月25日...要自己留意時間!同埋方向問題...因為佢好似係每日四班!.....係兩個點互相對開......哥兩個點就係Fort William同埋Mallaig.....車程大概兩小時....但係....幾點先會經過呢度...就自己再好好研究喇~我地呢日.....就係佢係2018年行駛既最後一日呀~~~呢日係10月25日~~~~~呢個時間就係由Fort William駛至Mallaig~




山頭上也極度多人等架~~~~~~~




大比同阿sam~~




我地企左個好位~無人阻到我地影相~~~等緊既時候影下合照~~(同條橋)...........我地先話....早知我就帶條哈波袍同魔杖黎影相!!!!!.......呢個時候極凍...仲有幾粒雨(但係晴天黎架喎)





等左足足45分鐘!!!!!!!!!!!







佢駛到黎哥時仲要特登鳴笛呀!!!!!!!!d蒸氣超靚!!!!!!!同埋車上面既人紛紛同我地打招呼...畫面真美~







超不捨~~~~~~~~~~拜拜~~~~~(即係下一班火車會反方向駛過黎).....我覺得如果係企我哥個位就Fort William駛至Mallaig比較靚~




送上短片~~~

我地番落去搵大比~~~~~大比送上低炒片~~~~~

唔同角度睇有唔同既美態~



傾下傾下....見到...................喂!!貨貨同佢主人呀!!!!!!!!!勁爆可愛!!!!!!!!!!!!!!!!!同主人一齊去旅行~真好~~~~~




影多一陣相~我地都走lu~(毛寶影得好靚)





好啦~行番過去停車場旁邊的紀念品店+cafe~食d野先~因為吹風吹到好凍.......同埋係時候食中午飯喇~




搵左靠窗位坐~叫左三文治+雜菜湯(£7.5=78hkd)....筋勞(£2.35=24.4hkd)....咖啡好香呀~三文治就正常野啦~




重點介紹係雜菜湯呀!!!!!!!!驚喜呀!!!!超好飲!!!!有實體蔬菜架!!!唔係拌成蓉哥種蔬菜湯~~~~




食緊野時望出去....喂!!!多狗到~~~~~~仲要咁多隻都唔同~




食飽飽行下紀念品店~~~wow~~~最出色係呢本哈波既怪獸的怪獸書!!!!!!!!超靚呀....其實我好想買的....但有點大本~~~~我又放下就是擁有..(但我依家睇番好後悔)....真係做得好出色~~~~~~之後番黎去香港都有見到....但見到貴過呢個兩百幾...我又唔捨得買lu~





***************************************************



今日適逢星期一呀~~~為大家密密加推我周六過香港既記事~~~(可能無人想知~但我係要post呀~).....咁呢~本身過去係有野做既~我又唔會無啦啦走過香港行街~所以呢~順路過去我又約左blog友見面~見邊個呀~你地都識架XXXXD~我其實之前已經同blog友個老婆率先見左面~(係咪好變態XD)...咁呢佢地黎接我地船~然後一齊去中環呢間Chullschick~係食秘魯菜架~~~果真香港真係乜菜都有得食~(澳門MGM cotai入面都有間食日式秘魯菜..係咪好複雜XXD)




秘魯紫粟米汁...$58/杯....又幾得意既~甜甜地~仲有d肉桂味~但係無粟米味~XXD




秘魯生漬魚...$78/regular.....應該係去親秘魯必食既Ceviche啦~




安第斯燒烤醬豆腐....$78......一黎覺得好似麻婆豆腐XXD....個味都唔錯既~估唔到秘魯都興食炸蒜呀下~(霞~~~~~~~~~~~~)仲有個飯送下~




阿根廷牛扒...$128......一見到阿根廷牛就發哂癲啦我同毛寶...仲要咁平?!?!?上次係澳門食過要300幾~不過呢塊我地4個一致覺得唔好食~(上面綠色既係阿根廷青醬)...我開頭食仲以為係羊黎添呀...唔知點解好似有陣騷味咁~




招牌秘魯烤雞1/2隻....$128......雞烤得唔錯~幾嫩~blog友同佢老婆仲讓左雞脾位俾我同毛寶食XXXD...那是blog友的愛嗎?XXXXD....薯條也不錯吃~




係咪好想知係邊個blog友呢~咪銀佬同港女囉XXXXXXD~~~~~之前同港女係香港已經食過一次飯~~~~哥個銀佬好難約架~~~~~~~好開心~呢餐飯仲做埋簽書會~佢地兩位作者為我前年買既"橫渡非洲"簽左名~好開心~~~




行經呢幅好多人影既牆....襯無人...跟影~




然後佢地仲帶我地去食蔗汁糕呀!...我覺得好兒時味道~不過澳門無蔗汁糕呢回事~幾新鮮~多謝你地帶我地去試~唉呀~銀佬仲請人地食蔗汁糕既~唉呀~點好意思呀~(咀裏不停說：點好意思呀~.......銀包從來無攞過出黎XXXXXD)多~謝~...睇住人榨蔗汁我會睇到發呆.....






同佢地道別之後我同毛寶就亂行一通....行斜路去PMQ....好熱呀....亂行左一陣又多人又熱頂唔順..走先





然後轉到黎大坑亂行(係咪好跳Tone?).....但係實在太熱...熱到我有d痴痴呆呆.....又走XXXD




然後又跳到銅鑼灣搵左間野食下甜品...點知咩蛋糕都無.....試左個豬腳薑雪糕...可以話.............勁難食.................我無開名架~合埋眼放入口完全唔知咩味....上面配上既係炸豬皮.........意外收獲係去到呢間野之前見到濕爬既CK~~~勁開心~~




又行去無印直頭坐埋係度打下書釘XXD打完書釘就去左某有釜飯Set既日本餐食晚飯.....但唔好食~




其實我地今次過香港既重點係：睇Jason Mraz既演唱會~~~~真係真係好好睇~靚聲王~~我成日都覺得佢係一個詩人之餘..仲係一個思想家....佢d歌既歌詞靚之餘...又總係會帶到d訊息俾人...同埋令人聽得好舒服~有d仲好鼓勵人~....可惜丫....唱我最鐘意哥首Let's see what night can do既時候.......我旁邊既人竟然行開左......................................................我成日都覺得同佢同台做野既工作人員都好開心~因為睇佢地表演總會覺得成班人係台上面自己都好enjoy個show~希望下一次tour我都有機會睇到啦~~~~~









2019/05/20的開心事：
唔............今晚食先辣款XXXXXXD
我食走辣咋XXXXD



報時：距離狂歡三寶台北快閃瘋食之旅仲有---16日~
報時：距離九州自駕遊之旅仲有---138日~
報時：距離宜蘭聖誕親子遊之旅仲有---213日~
好~想~快~d~去~食~野~