和歌山嘆溫泉自駕遊之旅2018-06-22第五天Part 1(終於晴天到熱)

上星期二....都還好既~無番一日工...但又唔算太多人黎~重點係咩呀??8寶少爺呢日上黎搵7公玩呀!!!!好開心呀~~~~~最衰主席無番啦~好開心~~~放工跑左3.43km....真係好喇!今次松山塌樹唔算多!(可能係天鴿站得住腳既樹都係真漢子!無野難到佢地!)....上星期三.....放工後跑左3.49km....跑幾多都無用...因為我媽想食酸辣粉...俾佢害屎!(其實我都好想食XXD)......上星期四...無人話你地知咩~本小姐收工有人約...食左puffin cafe做晚餐....之後去睇"我老婆日日扮死".....幾好睇~~~~上星期五....放工又去左開毛寶生日會~~同唯三大學同學去左食海雲臺韓燒~~~好好味~~~~~~上星期六…中午食左紫來坊~臨去大旅行前我想食d中式野~~佢個蕃茄湯烏冬幾唔錯~~(烏冬好似唔係中式野喎!)....下午係屋企煲劇~訂酒店~~夜晚又痴餐~上星期日…中午毛寶請我娘去巴黎人間法國餐廳話慶祝中秋…真乖…食飽再去mgm間starbucks reserve嘆啡…下午又係煲下劇寫下blog…夜晚毛寶媽整左浸雞呀!!!好好味!!星期一…好!X!多!野!做!呀!…放工去左新故里同媽媽慶中秋…食飽飽同媽媽去影花燈…係喎!我曳!我無出Blog!補祝大家月亮節快樂!人熱朗填弦XXD…星期二…放假嘛…去左巴黎軒飲茶…之後毛寶幫我剪頭毛準備去旅行…星期三....多野做到你唔信…做到就黎窒息…好彩放工可以跑下…跑左3.5km…跑完輕鬆哂:D…星期四…我唔明....點解又可以遲30分鐘(查實又係d高分低能搞成咁~~~)...我心好累呀....



2018/06/22
Day 5---Part 1(日本,和歌山縣,那智勝浦 Japan,Wakayama Ken,Nachikatsuura->田邊市 Tanabe shi->湯淺町 Yuasa chō)
6點幾起身.....華!又幾好天喎!




講好左架嘛~第日起身試埋露天風呂嘛~~~~~呢個正好多~~幾舒服呀~~~浸完成個人鬆哂~~~




落左咁多日大雨!!個天終於賜我一個大晴天!!!超感謝的!!!






呢度訓又訓得舒服~溫泉都好正~但....唯一令我有少少唔舒爽既係.....我唔鐘意早餐係自助餐囉...嗚嗚...我鐘意一set set佢整靚靚我食~又係對海食~





不過其實佢都算幾多野食既~又西式又日式咁~




仲有叔叔即整玉子燒~~~~熱辣辣勁好食~~~~




想講下佢野飲好搞笑!!有溫泉水又有那智山清水~~~我唔敢試喇~~我驚肚仔痛呀~~~我飲番齋啡好喇~~




都算係幾好餸既~玉子燒上面哥個魚好好味~





食飽飽行出黎見到...咦!!!原來有咁多遊樂設施仲有夾公仔!!!(但應該下午先開)...仲諗緊做咩噚日番意唔到時...望下夾公仔機d公仔....算啦~好彩留意唔到咋~




原來仲有多一間餐廳!!!唔知食咩既呢?




好喇~走時埋單~計埋房錢呀~晚餐飲既酒呀~溫泉稅呀~111,120円=6,833.9hkd.....每人1,708.5hkd~




好~出發~今日本身有3個行程既~但由於噚日行左個喇~所以今日鬆動d~




今日行既路都係主攻山路~




我舉機影呢張相時我問毛寶：你知唔知我呢張相係想影d咩?...毛寶：你想影左邊鋪滿青苔既牆丫嘛..係咪?........以..你又真係幾了解我喎~







d山好靚~天氣好~點影都係靚!(令我諗起秘魯d靚靚山~)





由溫泉旅館出發大約1個鐘度去到第一個景點...(係呢個旅程算長架喇~後座團友有呼呼入睡~).....咁中間停一停俾團友上上洗手間~俾司機伸一伸腳~突然見到停車點.....華!!!!又有繡球花!!!!!靚丫!點解個女仔矇哂都仲係咁靚既?






好~又再出發~




再經過一條頗有美感既隧道~





好~終於揸到黎田邊市(田辺市)喇~




好喇~由溫泉旅館黎到呢度大約一小時左右~第一個景點就係熊野本宮大社(くまのほんぐうたいしゃ)~地址：和歌山縣田邊市本宮町本宮川口....Mapcode：478 318 186*24(Mapcode係呢個樹の里停車場既~係咪好貼心呢~上網睇過有兩個停車場...好像呢個比較近...而且不用錢~)




停車場行過黎3分鐘度~見到喇~




唔知大家有無留意到?我地噚日去睇那智の瀧時哥個叫熊野那智大社...呢個就叫熊野本宮大社~我諗係咪圍住熊野古道既附近..都有好多熊野乜乜大社咁既呢?






睇google map時已經知有條長樓梯架喇~~~~~






呢日天氣實在好...係咁多日以黎最好...所以忍唔住自拍下這張我帥帥的側面與藍天的帥照




開頭仲以為兩老會放棄~點知佢地又肯慢慢行上去喎~加油呀~~~~~~~~






上到黎喇~~~~你地兩個好勁呀!!!!!!拋我乎優!!我數過~總共係130級~





呢個係以前既繪圖~




熊野本宮大社真身!!靚~






行埋入去望下~勁爆曬~




唔好忘記~~旁邊有一系列賣野既地方~不過.....護身符呢d除非真係靚到痴哂線啦~如果唔係我都唔會買....




呢度有個超大既御守~~~~~~(黃色同紫色哥個)....大個塊面~~~~~唔通會勁d既~~~




而吸引我一定要買要做既就係......呢度有個全黑色既八咫鳥郵筒~~~~~~~可以寄繪馬形既明信片~~~而且有超漂亮的郵戳!!!!!!!相既上方有個小郵筒既裝飾~~我其實幾鐘意...覺得酷酷的!




係咪靚先!!!好似繒馬咁既明信片~~~~我最失敗既係咩呀?係我唔記得帶朋友們既地址呀!!!!!!!!!




呢個就係郵戳喇!!!係咪好靚呀!!!




買明信片後佢會俾張大貼紙你貼係塊繪馬明信片度寫野~~~繪馬明信片一張500円=30.8hkd......寄全亞洲郵票係220円=13.5hkd....




仲有超酷酷的黑色印章俾你吸落明信片~~~




我記得呢個時候寫postcard寫到我自己發忟....因為熱到我標煙喇!!!!!!!但不知為何仍是帥帥的美美的!!




係咪幾靚呢個印~~





寫好就去尋找郵筒啦....喂咪住先!!點知個黑黑酷酷既全黑八咫鳥郵筒隻雀......變左金色既?!?!?!?!




發生左咩事?!我無眼花嘛?




唔通我又睇到特別版?!(但我想看黑黑酷酷的喎)......點都好啦~寫好左就寄啦~(點解第一幅相個女仔可以咁靚既?!)





好喇好喇~我地依家由相片哥個上方既熊野本宮大社....行落去下面既大鳥居大齋原喇~




到底點由熊野本宮大社行去大齋原?...我話你知啦~行番長樓梯落去先....藍色箭咀就係熊野本宮大社正門入口.....向綠色箭咀方向行~(我地架車繼續泊係頭先個停車場途步行過去)



跟指示過對面馬路




過左對面都有指示俾你....其實呢度直行盡頭轉右....




你就會見到全世界最大鳥居~~~~大齋原(大斎原).....原來呢度係熊野本宮大社既原址.....自1889年水災之後就搬左....Mapcode：478 288 662*41




做人做事最緊要有氣勢....我地一係唔睇鳥居...一係就要睇最多...或者最大既鳥居!!!!!!(曬到hihi咁)





有個超好人的日本叔叔主動話幫我地合照~影得好靚~毛寶爸仲超跳皮咁戴反鴨舌帽~





呢張知唔知想影咩???就係毛寶特登為左俾大家睇到到底鳥居有幾大而跑左去企係鳥居下做個對比~~~~她人真好~(因為太曬我唔會為左大家跑過去XXD)




來點酷酷的~帥帥的合照~(我都話佢地兩老影相配合度好高架啦~~~好好玩~~)





影多幾張帥照~我地就走喇~真係好熱好曬~同埋覺得熊野本宮大社和大齋原真係好值得一黎參觀~
















咁多日無出blog~
有無人掛我呀?
中秋節哥晚發左個仕燊夢...
甜到我自己都驚...........................(誤)



2018/09/24的開心事：
今日中午食左小上海既鍋貼!!!!!!
好好味~~~~~~~~~
(話唔好味既人我係唔會理你既意見)



報時：距離與毛寶慶生泰國食揼嘆之旅2018仲有---1日~
報時：距離天團蘇格蘭高地之旅2018仲有---16日~
報時：距離鳥取自駕遊之旅2018仲有---64日~
報時：距離與三大長老聖誕台中遊2018仲有---85日~
由於太耐無出blog...所有倒數都好似突然前左好多~
番埋聽日工就出發了~
剛好做到咁攰就可以抖抖了~
下周四出blog見~要想我呀~拜~