和歌山嘆溫泉自駕遊之旅2018-06-21第四天Part 2(微微雨及後轉晴)

星期二.....以為今日少d野做~點知我仲做得多過噚日.....放左工去!跑!步!~~好開心呀~~成個月無跑~終於過左七月節喇~~(7月節不跑步揮手區XXD).....我唔敢Call仕燊出黎係我耳邊唱歌...因為8月份既情傷我仲未釋懷XXD(真既一樣)....我只敢Call瑪耶茲出黎問我"今晚做乜x好"XXD.....我d笑話好似越黎越爛~~~但我呢日跑得勁差~~唔知關唔關無聽仕燊事呢?跑左3.57km....跑得勁慢....成組器官都反下反下~~老喇老喇~~~~星期三....好慘呀!無啦啦凌晨4點半爆頭痛地醒左........唯有起身食藥加退熱貼...好彩訓得番到起身番工..........所以今日就豁免我自己唔跑步了.....星期四....反高潮地3號風球但唔算多小朋友黎同我地玩喎~好野~~~聽日星期五~~~~~星期六有七公子生日會開~~同埋會去探八寶少爺~期待~



2018/06/21
Day 4---Part 2(日本,和歌山縣,串本 Japan,Wakayama Ken,Kushimoto->那智勝浦 Nachikatsuura)
根據頭先哥個非常清楚既地圖所示...我地應該係要再上山去熊野那智大社(くまのなちたいしゃ)....先可以見到我好想睇既三重の塔+那智の滝個景!!




轉錯彎位...但呢個位d繡球花絕美!!!!!!!!!忍唔住跳落車睇下!!!!!!!因為咁多隻花...我最鐘意係繡球花!!!!!勁靚!!!能激發起我的少女心!!!!!我係勁唔鐘意收花哥類人...但如果係繡球花我會答：野....好衰架~~~~~~~~~~~~~~~~~~~~~尤其愛藍色~~~~




呢個時候黎日本繡球花簡直盛開~~~~隨便街邊既都勁靚~~~





我勁尊重佢地~~~我用iPhone既人像mode影架~~~d少女靚到呢...我流哂口水~~~~~藍色少女勁靚!








好啦~行番條岩既路再上山~




泊左係熊野那智大社個停車場.....成800円=49.2hkd!!!!!不過包一個人入宝物殿囉......(但我地無入囉XXD)




華!!!下!!!!又考我夠唔夠誠心呀~





好辛苦咁上到黎~見到有塊大絵馬~我上網睇過人地d相佢地塊絵馬d公仔唔同架~我推斷係生肖黎既!(今年是狗年嗎?)




鏡頭轉向右邊.......好彩我唔係專程黎睇呢個神社咋!!!如果唔係見到佢維修我會崩潰!!!!!我上網睇過都幾靚架鮮紅色的~





行左一段路就見到三重の塔個指示牌喇~~好緊張呀~~~心仔撲通撲通咁跳~~~~




係喇!!!我就係想親眼睇呢個景喇!!!!!好靚!!!!




三重の塔即係有3層咁解?




咁辛苦黎到..點都想合照下(雖然無咩美感)




雖然佢唔似哥尼XX瓜大瀑布(永遠記唔到個名)或者E娃su哥種瀑布既宏偉....但係有時睇野又唔一定睇大睇勁既.....呢個成條線咁既瀑布係sell淒美感~呢個淒美感配上陰天...效果更佳!我覺得同個塔勁襯~我好開心我睇到~(其實呢邊都有個停車場..但可能要經另一條收費小路上黎)...如果呢個再配上漫山紅葉應該浪漫到極緻!





回程路上見到呢個見晴亭~橫掂仲有時間~慢慢嘆埋個中午先咯~老闆老闆娘係一對公公婆婆~




坐低老闆娘即送上冰冰涼涼既水~毛寶爸說此水很清甜....望一望後面塊牌...原來係那智の滝既水黎架~~~~~




呢間餐廳仲有少少紀念品賣~毛寶入手左可愛小擺設~真係好小...小到好難對焦~




我同毛寶叫左薑味飲品(右)同埋用米麴加生薑釀製而成既日本甘酒(左)....各300円=18.5hkd.....薑味飲品凍既...甜左d~一般~甘酒係無酒精成份既....我地叫左熱~極~度~好~飲~~~如果有機會試下甘酒~好正~




毛寶爸媽各叫左個山菜蕎麥麵....700円=43.1hkd.....好好味!!!!清清地!!!!唔錯喎~隨餐附上自家製芝麻豆腐!!好好味!!!好錦既口感~




毛寶叫左個山菜烏冬....700円=43.1hkd...又係好味!!山菜好好味~烏冬也彈牙~




湯麵類會配上呢個炸粉粒俾你任加!!!好味!!!




我覺得天氣好熱所以我就叫左冷蕎麥麵~700円=43.1hkd~不錯~




我地send呢張相去毛寶家人whatsapp谷度俾佢地睇...阿sam問我地係咪虐老XXD點解佢地個樣好似十年無食過野咁~~~~~~~~XXXXXXD




飯後來一個甜點~呢個黑色雪糕係黑糖雪糕....300円=18.5hkd....呢個雪糕極!度!好!味!!!!!!!!!!!!!!!!!!!好耐未食咁平但咁好味既雪糕!!!!我從不愛黑糖味...但呢個真係好好味~呢個質感傾向實實地......真係好好味!!!出色!





食到咁底仲有雪糕...堅抵食!




食飽飽起程去攞車~行番去熊野那智大社哥邊見到有排放酒既裝飾~幾靚~我同毛寶每人影左張帥照~邊張帥d?(如果你話我帥d即係因為我本人真心帥...如果你話毛寶哥張帥d就因為我影得好~點答都無輸~)





華~呢度仲有個勁大繡球花!!!成個毛寶個頭咁大!!!!好靚!!(我有少少怪你做咩唔邀請我叫我同繡球花影番張..我嬲你)





臨走在熊野那智大社留影~




樓楊旁邊都有好多繡球花~但好似頭先誤打誤撞哥度靚d~






距離check in仲有少少時間~所以都係行下便利店先~華!!!好靚呀!!!我終於見到一包包煙花喇!!!




叮噹煙花超美!!(改不了口叫多啦)...仲有個眼鏡俾你望煙花會好多叮噹頭噴出黎~~~~





麵包超人也很可愛~~~一包入面好多款式玩!!!!才700円=43.1hkd!!!抵!!!可惜我唔知今晚有無地方燒...所以放下...就是擁有...........嗚嗚!!!我好想玩呀!!




終於見到lawsonX屎忽甩皮既盆栽!!!!但....勁重....放下啦!!我其實想種蕃茄~




最後帶走既係麵包超人扇一把!








喂...
我好驚呀....
星期日有個超勁颱風山竹話要打黎港澳喇...
又話個路徑同天鴿超似...
又話會登陸澳門......(依家好似路徑改左少少會登陸雷州半島)
但仲要勁過天鴿....
我唔想再見到舊年天鴿過後既澳門呀~~~~
好慘架~~~~~~~~~
岩岩d樹先有番少少生機咋~~~~~~
er..........希望佢臨到前憑空消失啦.......
(老天爺爺呀~~~~求你保佑港澳朋友們呀~~~~~~~)
大家星期一上黎互報下平安呀!!!!!!!!
我都係咁意買左兩包薯片抗颱風!!
(記唔記得呀我買親薯片哥次都無風打架!)



2018/09/13的開心事：
食左麥叔叔做早餐~



報時：距離與毛寶慶生泰國食揼嘆之旅2018仲有---14日~
報時：距離天團蘇格蘭高地之旅2018仲有---30日~
報時：距離鳥取自駕遊之旅2018仲有---78日~
報時：距離與三大長老聖誕台中遊2018仲有---99日~