和歌山嘆溫泉自駕遊之旅2018-06-22第五天Part 2(終於晴天到熱)

星期五...好多野做呀~但心情好好~~點解?放工番屋企執行李喇~~~yeah~~~~~星期六至二.....泰國viva中~我有一個非常美滿既假期~~~好多野想分享~雖然對大家黎講可能唔係咩新鮮野~星期三.....好~鬼~多~野~做~呀~~~不過放左4日假…預左XDD係唔爽有個阿叔話我九唔搭八！你提交黎既文件唔合規格我一拒絕你我就係衰人丫嘛！我明既~~放工跑左3.46km…星期四…上班日對我最重要既事就係唔好有煩人同埋準時收工.....今日中午準時唔到我嬲呀!....算啦~聽日星期五喇~去開我既公子壽宴喇~~~~~~~



2018/06/22
Day 5---Part 2(日本,和歌山縣,那智勝浦 Japan,Wakayama Ken,Nachikatsuura->田邊市 Tanabe shi->湯淺町 Yuasa chō)
好啦~行完大齋原之後我地就折返停車場哥邊個紀念品站睇睇同埋休息下~因為天氣太熱~涼下冷氣先~~~




佢買左野飲有得坐低飲既~咁呀....我買個雪糕解解暑先~望住個餐牌查實我都猶豫左好耐...因為我以前去日本都好鐘意食北海道牛奶雪糕既....但近期新寵係CREMIA丫嘛....咁.....咪兩個都叫哂咪得囉~~~~北海道牛奶雪糕...350円=21.5hkd....CREMIA...540円=33.2hkd......一食之下




北海道牛奶雪糕完全被比下去....對唔住....我以後淨係食CREMIA好了!!!!!!!!.....澳門依家都有得食....但要成50幾蚊一個....我還是去日本才吃好了~反正多吃凍野甜野無益(你係屁咁聽話~)




屁孩食完雪糕仲未夠皮~我仲要飲凍啡~~~~~~~~其實今朝已經飲左杯~無計~行完景點就要直衝今晚住宿地~要成2個鐘~~我驚我同司機大哥都眼訓~呢杯幾好飲喎~而且我幾鐘意望d冰係杯入面哥種通透既啡色~




今日車程好養眼呀^^滿滿的綠色~





揸左一個鐘度...穿越"無盡"既隧道後....俾司機大哥抖抖啦~~~~其實因為當時前面有架死神來了入面哥d運大型木既車.......都係算喇.....避避先~~~呢個芫茜味既辣椒人脆圈我地入左手....放左係毛寶屋企.....但...我好似番到澳門就無見過佢喇喎............去!左!邊!




之前都試過卡樂b既芫茜味薯片(唔好食!!)....呢個係芫茜味中加左d檸檬味...好囉..又試下囉....(超容易上當的一個人)




喂.....家陣係下午點幾鐘.....我問佢地竟然無一個人肚餓!!!!今朝個自助早餐我又真係食得唔夠多...(因為我唔鐘意係溫泉酒店自己攞野食...我會求其食下就算...).....唔理你地喇~我自己食~炸雞柳配上超耐無飲既爽健美茶!!有無見到爽健美茶有好可愛既米奇圖案?......其實我超愛飲爽健美茶...唔知點解澳門唔再有...嗚嗚!!!.....我想表達塊雞扒超勁好食!!!!脆脆!!!有汁!!!仲辣辣地!!!!!!!!下次去Lawson見到我會再買黎食~




估唔到又要上高速~呢段高速收費1,340円=82.4hkd





又入到市區...不過呢個城市好似比較細~




由熊野本宮大社黎到我地呢晚既溫泉旅館大約兩小時車程~終於黎到喇~~~~好彩路口有咁大個指示牌je~




yeah~~搵到喇~雖然佢既車位係有點難泊~但總算來到了~我地呢日係住係栖原溫泉...地址：和歌山縣有田郡湯栖原1363......Mapcode：146 425 878*75





呢間溫泉旅館就係我係呢個遊記一開頭講哥間要好好多謝哥間溫泉喇....因為係回程既路上我地完全搵唔到一間岩我地心水似樣既酒店......雖然只係住一晚...但話哂同毛寶爸媽出遊都想佢地住得開心d舒服d......之後無啦啦搵到呢間栖原溫泉房間不錯...d餐又望落唔錯之下決心回程最後一晚要住呢間!!!點知我地原先出發既日期最後哥晚呢間旅館休息......................但我地竟然會為呢間旅館延後出發日期兩日喎!!!!(呢件事應該好少會發生)......遲左兩日出發除左機票比之前每人平多$300之外......因為遲左兩日而避開左關西大地震哥刻已在日本!!!!!(佢係我地出發哥日早上地震...我地下午才到)......所以...我真係好多謝呢間旅館~



我地呢日到既時候3點都未到~(3點才有得check in).....一入去見到就係check in既地方~感覺很家庭式~同埋佢地好好人有提前幫我地check in~




check左in之後佢就叫我地揀浴衣~由於就番揀d細d既碼....所以.....我同毛寶揀左件我地平時完全唔會揀既色...................(陣間你咪知囉心急!)




呢間就係我上網揀既房喇~每人19,980円=1,228.8hkd.....都係兩人一房一泊二食價黎既~我幾鐘意呢間房個設計既~張床望落好想訓落去~~





由於呢間溫泉旅館係民居入面~所以係無景睇既~不過都無咩所謂~





佢地個廁所...(我又鬼祟登場)




然後打開我地房門.....OOOOOO.....有落差...因為我上網訂房係睇住毛寶爸媽哥個房既相訂......我地呢間同房型唔同裝修我覺得差好遠!!佢地木板地....我地就榻榻米.......而且隻牆身既色襯得麻麻~不過算啦~原諒你~我話過你幫我避開場地震你有咩不是我都會原諒你~






浸溫泉備品~好搞笑丫~俾我地裝野去浸溫泉既袋好似環保袋咁~~~~~而且俾我地著既足袋d花幾靚呀~





無幾耐旅館既人再黎搵我地...原來有招待茶點呀~~~~~~係綠茶啫喱上面淋上黑糖~~~~~~~~超好味~~~我覺得好好味~~毛寶就話一般~(因為佢唔鐘意黑糖~)




茶具~佢地都係用真茶葉的~




橫掂早左到又玩下泡茶遊戲先~~~食下下午茶~揀左芫茜檸檬味薯片黎寵幸~但......跟之前的一樣不好吃呀!淨係食到薯片同檸檬酸味...食不到芫茜味~失望~(此時下午西斜我地間房開左冷氣都極熱~~~~~~)




抖夠過隔離房搵兩老去泡溫泉~順便幫佢地影影著浴衣的家庭照~睇下呢張幾孝順女倒茶俾父母飲~好感動呀~




兩老說有這個女兒很幸福~(對話全部係自我想像)




由於無細件d既浴衣...所以我同毛寶都只可揀呢件紅色大花既浴衣.......老實說....你也穿得很醜....毛寶也說我穿完後勁似宮女~.......毛寶媽哥件d花好靚~




佢呢間旅館只有5間房....最後我發現...呢日好似得我地入住咋~~~~~~溫泉包場~~~~~~~~~~~~~~~~~~~~~~~~~




哈哈~~不過咁細間家庭式經營既溫泉旅館都可以想像到個溫泉有幾大既~~~~~~~~而且全室內....呢日幾熱~我地浸左一陣就算喇~~~~~~~志在落黎順便沖埋涼~毛寶爸可說完全包場~一個人玩哂~




我地預約左6點半食飯~期待~仲要有個室添呀~~正~






呢晚既餐牌~~~~~




我叫左紀州の零年梅酒...550円=33.8hkd.....好味~




先上先付......華~一整個吸引!外表靚~





華~~~~原來係有鮑魚~~~超好味~蝦也出色~~下面有d酸酸地既啫喱墊底~超開胃清新!




再來お椀.....超期待打開的一剎那!





湯頭清甜~~~有舊魚同埋有舊糯米口感的物體~不錯吃!....佢每次送餐既時候都會推一架餐車過黎....食完呢道之後我就好期待佢推餐車過黎既聲音~~~~~~~




黎喇!!!!!全餐我最期待既造り!!!!!!因為訂餐時特別訂了伊勢海老!!!!!!!!!!!!!!!!!!!!!!!!!!!!!!!(點呀我係咪好似做苦力既宮女呀)





一整個就是有氣勢!!!!!!!!!!!!!!!!!!!!!!!!呢隻大隻過噚日哥隻好多呀!!!!!!!!




而且佢仲要玩一雞兩味!!!!!!一邊是刺身~~~(上圖)...另一邊是火灸過的!!!!!!(下圖).....一整個用心!!!!!!!!!!!!!!!!!!!!!!!!





勝既~~~~




老實說~大舊過噚日~仲要份量多d~刺身的超超超好食!!!!!一整個爽甜的感覺湧入口腔~





再食輕灸過的....呈半生熟既狀態......入口....超香!!!!!!!火灸過的比起全生的反而更出色~~~~~~~~~~~好離譜呀好好味!!!!!!!!超滿意佢對呢隻伊勢海老既處理方法~




好喇~食完伊勢海老我就理下其他既刺身啦~~




服務人員很努力用英文+日文同我地溝通......但都係有點難理解...佢有極力用日文同我地介紹點魚生既呢3樣野....我都一頭霧水左好耐....但佢好努力咁同我表達....我唯有扮明~心諗左邊哥個似蟹膏...中間係豉油...左邊粉狀物體佢不停重覆powder powder!!係咪紫蘇粉既物體?




點知....點點下黎食先發現....原來.....一pat膏狀哥個...都係豉油黎架!!!!而且質感係泡沫!!!!!而粉狀哥個係豉油粉呀!!!!!!!!即係有豉油既3種唔同形態~~~大玩份子料理呀~~~~~~好有趣~~~~番黎查番我地住既呢個地方叫"湯淺"!湯淺係日本豉油既誕生地黎架!!!!!!呢間溫泉旅館真係有好好推廣呢個地區既名物喇~~呢個醬油組合好有趣呀~~~





用醬油組合食刺身很不錯吃呢~







焼八寸....全部都好好味~~~












蒸物係自家農園栽培の三宝柑の茶碗蒸し...一黎~~好kawaii呀~~~~~~~~




一打開....勁爆香柑味~~~~~~~~~~~好香好香!!!!!!!!好好味!!!





油物....佢哥舊炸野唔知咩黎架!!勁好食!!!!!






餐車又推黎喇~~~到ご飯~~~~好精彩呀!!!係魚仔飯呀!!!超香~~~加少少豉油撈黎食....勁正呀!!!!!.....唯一美中不足既係...點解個麵豉湯唔用頭先既龍蝦頭煲埋俾我地飲既~






甜品到~~心諗...成餐飯都好正...個甜品唔好衰收尾呀!!!黎到...好可愛呀!!!!!!個甜品係柑既造型架!!!!!!!一食....咦!!酸酸甜甜既柑味......也是泡沫的質感~~食完完全無負擔!!又refresh~~~雪糕也好吃~~~~~佢成個餐~~非常的賞心悅目!!.....又好吃....份量比一般溫泉旅館少....但係我覺得係剛好!不會過飽~~~而且比其他溫泉旅館好吃多!!!!!!!!!!!!!!係我暫時食過咁多間入面最好食的!!!!!!!!因為樣樣都整得又靚又出色~





呢篇既最後送上呢日寄既postcard已平安到澳門~~~~個郵戳真係好靚~~~~~








去完泰國番黎哥晚...
由於番到澳門時間尚早~所以叫阿媽同我一齊晚飯~
我阿媽話國慶補假..唔好出街食係屋企食..
點知係屋企食係食我阿媽係香港買番黎既：
1.挪威手切煙三文魚
2.西班牙36個月火腿
3.法國有機羊奶芝士
再係樓下7仔買左兩支細細支既西班牙白酒...
同埋一堆蜜瓜襯火腿..仲有沙律菜..
華!咁有品味個磨?
咁有人做老闆...
我呢d卒仔梗係要：黎!等我幫你整既哥碟火腿芝士煙三文魚拼盤影張靚相!
影完即刻send俾佢~
佢睇完之後...我見佢打字.......
我望下佢打字俾邊個....
我竟然望到....哥個係......係我!!!!!!!!!!!
佢按左send之後....
無一秒我見到我電話出現3個lam lam脷emoji
我：我家陣就你你隔離咋喎....都仲要覆?
阿媽：呢d叫禮貌..你明唔明?
明哂...我聽日開始會有禮貌做人...
呢個擺明係阿媽袋錢入我袋系列XXXXXD



係喎~Supper出左最新演唱會主題曲MV"撼動"~大家得閒去看看~(雖然我之前有嬲過呢個MV XXD)....仲有仲有!!佢地好威威狗!!!香港係國慶煙花第三幕背景音樂播出橙海呀喂!!!!!!勁呀!!

2018/10/04的開心事：
毛寶來探班~



報時：距離天團蘇格蘭高地之旅2018仲有---9日~
報時：距離鳥取自駕遊之旅2018仲有---57日~
報時：距離與三大長老聖誕台中遊2018仲有---78日~
突然覺得倒數條隊好短........
但係我又未知出年放假係幾時~
同埋主要未諗過出年大旅行想去邊..................
(毛寶不如你諗下)
預告：我下星期將會好乖咁樣星期一四準時出Blog~
出埋最後一篇和歌山~去旅行前再出一篇~
記得黎看我唷~