和歌山嘆溫泉自駕遊之旅2018-06-20第三天Part 1(大雨)

星期五...本身學埋今日野...但今日有同事無番我提早學成歸來~~~~~~~~~~~~~~獎自己食麥當當~~放左工去左食studio city某意大利餐...食完都唔知間野叫咩~星期六.....一落街我最想見既畫面終於都出現喇!!!!學生今日開學了!!!!交通非常擠塞~~~~中午去左mgm cotai間Starbucks Reserve飲飲啡食中午飯~覺得自己好有品味(其實因為落大雨)......成個下午幸福忙....plan緊鳥取遊~夜晚痴毛寶家餐(有蝦蟹食..好好味~~)....見到好耐無見既菓子軒~感覺又長大了不少~....星期日.....中午又食左仰光小館既魚湯粉...真係食極都唔厭~~個魚湯粉個豆餅個春卷個豬扒.....寫緊又流口水~~~之後試左洪馨椰子雪糕Affogato.....下午假執野....夜晚又痴毛寶家餐~又過左一個星期~星期一.....好開心丫~學成歸來的感覺真好~突然明白留學生漂洋過海讀飽書回到故鄉既心情是如此美妙~(雖然我並沒有讀飽書就回來了)



2018/06/20
Day 3---Part 1(日本,和歌山縣,白濱町 Japan,Wakayama Ken,Shirahama chō->串本 Kushimoto)
早呀喂~~~晨早....真係好早...好像6點...我就貢左起身....因為我要放水服侍老爺起身浸浴~





望住海浸係有另一番風味~不過聲明這只是普通的熱水~唔係溫泉水~~




可惜一起身呢日又係天陰陰...呀~唔係~係落緊密密雨~(這是命嗎?...我第二次住既向海溫泉旅館又係陰天~又係落雨~硬係唔俾我睇靚靚日落/日出~)






放咁大缸水真係要成半粒鐘!.....到咁上下老爺就醒了~老爺說佢係先生同夫人既奴隸...而我...我係奴隸既奴隸.......................難怪我在counter~.....有人幫放水既奴隸影張辛苦工作照呀~真幸福~(點解影到我面形成個蠟筆小新咁既?個頭勁亂~~~~)




放埋個檸檬落水~(查實落左都無咩味~)




假假地都浸左一陣~浸完梳洗好就去食早餐~昨晚在右邊的餐廳用餐~今朝係左邊~




我地噚晚揀左和式既早餐....除左有和式佢準備好既早餐之外....仲有少少其他野食係自助既~都幾豐富~仲有飲品都係任飲的~大器~




華!!!!!!!!!!!!!左邊3碟同埋咖啡係我自助攞既~其他都係個早餐有既~~~~~~~~~好豐富~




非常澎湃的早餐!!!!





呢個圓盤入面既野都好多好出色~~~全部都極好送飯~







佢仲提供個火爐仔....個圓盤最上哥行既魚啦~魚乾啦~魚蛋啦~都可以烤熱佢食!!!!好好食~~~~~~~個魚乾烤熱左超出色~魚也非常出色~我地每人都食左兩碗飯~





好啦~食飽飽就check out啦~~~~~走時先俾錢~事前完全係無係網路上俾過錢~現場俾就最好啦~因為我地換左d平円嘛~一泊二食+入湯稅+晚餐酒錢=118,200円(稅込)=7,269.3hkd....每人1,817.3hkd.......哈哈~呢間係比較大型~設施都比較多~但係缺點就係太多住客~你有可能得唔到你應有既服務~但係服務既人員係有禮貌既~餐點都不錯~溫泉很一流~房間也一流~




好啦~出發啦~我地今日第一個景點千疊敷(せんじょうじき).....地址：和歌山縣西牟婁郡白浜町2927-72....Mapcode：184 010 091*14......由浜千鳥の湯 海舟出發黎只需....4分鐘~一落車....華...橫風橫雨呢!




係上面望落去....好靚呀!!!!!!!官網介紹：千疊敷(如一千張榻榻米堆疊而成)是由於怒濤侵蝕而形成的階梯式鋪石地。一幕幕彷如雕畫的景色展現在您的面前。....超勁大浪!!!!







落左一陣車已經就黎褲全濕......本身唔敢落去..因為真係好大雨.......但上網見到d人可以行到超出身....又想試下.....因為我對鞋平時落雨好跣的.....所以都諗左一陣落唔落去好.....就慢慢試下....點知呢種地質完全唔跣...好過係澳門行出街踩石仔路~就落去下影相~呢張全景影得一般~左邊影到有條邊分開左兩截色~




查實我都想再行出d...但係驚再出面既地會唔同地質....你知啦....今次真係會跣出公海架!!!!!!算啦~影完呢張上車喇~因為成個人都好濕喇~(好彩有著Mont bell~)





又出發下一個景點~~~~三段壁(さんだんべき)....地址：和歌山縣西牟婁郡白浜町2927-52......Mapcode：953 580 467*75....由千疊敷過黎...只需4分鐘車程~~~~~~~~~我呢個Mapcode係一個要付費既停車場~無記錯好似係500円=30.8hkd....泊好車跟住指示牌行~




好勁呀!!!!有個三段壁足湯架!!!!!可惜既係....因為呢日大雨....暫停...................(令我想起上次四國足摺岬既万次郎足湯..又係浸唔到)





本身可以浸住足湯望住呢個景架!!家陣又無左喇!!!




見到喇見到喇~~~~





天氣差到~~~~個景都朦哂~~~~~~







大雨嘛~影幾張相咪諗住走囉~大雨都無咩心機行黎行去啦~行番頭先足湯哥棟建築物哥度發現...原來三段壁唔止影呢個景架~~~~仲有野玩架~




要買入場劵架~~你估係咩~~~~~大人1,300円=80hkd......




就係可以搭電梯落下面個三段壁洞窟~~~~~~





搭電梯落到洞窟下~有35米深~





一入洞窟有個姐姐幫我地影團體照~用左佢個相機同我手提各影一張~好似去左遊樂場咁~




佢個洞窟有好幾個點可以睇下~呢個位直望出海...d浪超爆洶湧~~~難怪佢d洞俾浪沖到一級一級咁~~~~







第二個點有呢個十像岩~




放大d你睇下睇唔睇得哂佢哥十像~但佢長年俾海浪咁拍打可能拍拍下都唔同哂喎?





張圖表達緊以前既熊野水軍入洞情景?!好大浪喎~~~~點入洞呀~~~~~




洞窟入面仲有間神社




入廟前要乖乖洗手~





乖乖參拜....佢地都有乖乖學習人地既參拜方式~讚~




呢間廟d許願既貼紙又幾新式喎~~呈動漫風~~~






跟住行到以前熊野水軍住係洞窟時既水軍小屋...但我想下入面咁樣生火唔合怕唔怕呢?因為周圍係木喎~呢度住唔知會唔會好嘈呢....d浪拍打d石好大聲~~





跟住出番黎行到某個位又係可以睇浪拍打洞窟既...但呢個位今日太多風浪拉起左條繩唔俾靠近...華...又真係幾大浪喎....




我係呢個洞窟影相時成日都好驚部電話會跌落海~~~無硬~~






俾少少資料大家睇下~我都想見到晴天既三段壁~






小心電話呀~~~唔知好天哥時黎會唔會都係睇到咁大浪呢?








有個位望出去呢個景......我不禁想問：會有人爬出去架?!?!




最後一點欄住左無得睇...太大浪~




參觀完就會出番頭先入口哥度...我地出黎時頭先一入洞影哥張大合照曬左出黎喇~(無強迫買架自由選擇~不過見第一次同兩老四人自由行買番張俾佢地紀念下都不錯~1,000円=61.5hkd)





上番黎望下佢d紀念品~唔係幾吸引~但吸引到我望佢d相同剪報.....希望下次有機會好天睇多次三段壁同埋千疊敷~




如果可以夾岩埋時間係洞窟呢個位睇日落當真係世界級~到時希望同我一齊睇既係...你~然後我會精選一首我超鐘意既歌....要你同我一齊聽一齊睇呢個日落~(諗起都甜到惹痰)...有無人諗過點解一張剪報我都可以有咁多廢話?




然後仲迫佢地兩個做桃太郎~




然後行番去停車場啦~記唔記得停車場俾左500円?如果你係佢地個附設紀念品店買滿1,000円可以用呢張停車場飛當500円用架~咁梗係臨走前望下有咩買啦~同埋用下佢地個廁所丫嘛~~~~~~我真係估唔到d女仔係呢度買瘋了....我係咪餓得大家太犀利?呢個女仔一望到日本既幼麵就會失去理性~




d女仔睇緊手信時我又望下其他野.....我本身幾想買佢d龍貓毛巾仔架.....因為摸落質感不錯....以為實係made in Japan架啦....點知我一望...我無諗過原來係呢個地方......大家都估下~

係made in Portugal喎!係咪好出奇呀??



仲有好多紀洲梅賣~當時梗係無買啦...我都唔鐘意食日式酸梅既....但依家打blog先諗起可以買番黎俾我媽蒸排骨我食~~(係呀我家蒸排骨係用日本酸梅)





我仲有扭左蛋呀~~~~~因為某公子個偶像好鐘意miffy的~~~隻杯仔做得幾精緻~~~





又出發去下一站~又係落雨....哼~




好開心沿海揸~見到海就會好開心~可惜上一次係四國沿海揸哥時都係落雨.......嗚嗚~~




靚靚的鋪滿植物的隧道~




去到下一個景點之前入一入便利店先~我見到呢隻我細個好鐘意飲既Orangina既軟糖~~~~要買要買~~~~番工哥時咬一兩粒都不錯~




另外一樣要買既係....一杯熱辣辣既啡~因為我同司機有d眼訓~而下一站對於今次黎講算係"長"既車程~(查實又唔係真係好長...只係對比上兩站哥d 4分鐘車程就算長XXD)....老實講Lawson杯啡真的不錯~幾香~








2018/09/03的開心事：
學成歸來!



報時：距離與毛寶慶生泰國食揼嘆之旅2018仲有---24日~
報時：距離天團蘇格蘭高地之旅2018仲有---40日~
報時：距離鳥取自駕遊之旅2018仲有---88日~
我其實勁期待今年個大旅行~~~~~
好緊張呀~
唔知姐姐安排我地去食咩呢~~~~~
仲有呀!!!!我星期六超勁呀~~~~
由揀邊間...食咩餐.....
一口氣book左最煩哥3晚既溫泉旅館呀~~~~~~~~
叻唔叻呀~~~~~(超勁啦~)
我又有少少蠢蠢欲動加個旅行..

隻手好痕.....
唔知成唔成功呢?