和歌山嘆溫泉自駕遊之旅2018-06-21第四天Part 1(微微雨及後轉晴)

星期五....放左工我無街去我無街去我無街去.....番左屋企食飯~放工前又有少少頭痛~....星期六....中午終於試到哥間tap house...得部分野好食…下午呀…我同毛寶走左去上一個名為如何成為淑女既課程…課程內容包括批灰…油牆…唧玻璃膠…鑽木…裝門鎖…換電燈電制…換左電線著到燈哥一刹那…我覺得我贏左全世界…有無人想揾我同毛寶呢兩個裝修孖寶裝修?XXD…夜晚同左屋企人去氹仔papermoon食飯…星期日...中午食左好耐無食既永安!!!咖哩膏加公仔麵真係一絕~~然後再跳過隔離Bloom食番個咖啡軟雪糕affogato~~再黎一杯long black~~~~下午寫寫blog啦我無咩貨仔~~夜晚又痴人地住家飯食~星期一.....極度多野做!!!!!!!!!!!!!當我9點望下出面等候區時....我見到成棚人坐係度而呢堆人包括一堆小朋友時.......我感到奇怪....然後我隔離counter哥個四眼男仔幽幽的說：今日教師節呀~d小朋友放假~.....................er.......點解我以為無得放?



2018/06/21
Day 4---Part 1(日本,和歌山縣,串本 Japan,Wakayama Ken,Kushimoto->那智勝浦 Nachikatsuura)
早呀~不過噚晚訓得麻麻~一起身...天陰陰的~不過叫做好彩無落雨喇~~~~




落左咁多日雨.......睇睇關西地區既天氣預報....總算係有番d太陽喇~~~~~~但.....我地係兔仔哥個位...(即成個和歌山唯一可能會落雨既地方....)...會咁黑個磨?




落去食早餐之前...我就上日本氣象廳個網....睇睇橋杭岩哥度既潮漲潮退時間表....因為哥度潮退先可以行到落去影相~但望住個表.....我好無助....我完全睇唔明.......我都係落去食早餐先喇~






約埋隔離房毛寶爹娘一齊去食早餐~早助餐形式~





哈哈~餐廳有支大水好想影低俾大家睇下~因為平時食飯都可能會叫到~咁大支好得意~




雖然間酒店有d舊.....但對住橋杭岩呢個景食早餐係真係幾招積~





早餐佢都算多款式揀既~主要都係d好送飯既野~左下角哥個魚熱熱的..有d甜甜的汁煮幾好味~(海苔醬真係很好下飯)




check out後都無理佢係咪潮退就衝去我地呢日既唯一一個景點(hea 到).....就係橋杭岩(はしぐいいわ).....地址：和歌山縣東牟婁郡串本町橋杭....Mapcode：324 245 079*81......由酒店黎呢度係........4分鐘.................(仲要係唯一一個景點XXD...導遊點做野架!XXD)





睇睇維基百科上既解釋：是由對著紀伊大島的海岸西南一列大概850米長，共約40塊大小不一的岩石接連所組成。地質學的解釋認為，橋杭岩是石英斑岩因火成活動侵入泥岩層中，日後因侵蝕差別效應，較為柔軟的泥岩很快就消蝕殆盡，而殘存堅硬的柱狀石英斑岩所致。.........係維基睇到個民間傳說都幾有趣：日本民俗傳承，弘法大師（空海上人）與天邪鬼打賭，看誰能在天亮之前完成從串本到紀伊大島的石橋，弘法大師役使法力，很快就完成大部分的橋墩（橋杭）。天邪鬼眼見不敵，於是學雞鳴，弘法大師也以為黎明將至，轉身離去，只留下橋墩在當地至今。.......個傳說好似冰島個黑沙灘哥3塊精靈石~



影下合照先啦~~呢邊望仲有水~






我上網睇過人地d相....呢度睇日出日落係超靚的!!!!當然...首要條件係有太陽~(我希望我有機會同我心愛既人係呢度睇一次日落或日出~但唔要再住噚晚間酒店~).....呢度仲係日本朝日百景之一!....(突然好想搵哂朝日百景出黎同你睇哂每一個日出)





沿路行過另一邊......原來呢度有間餐廳對住橋杭岩食!勁招積~




行到黎另一邊望原來佢潮退ing架!!好靚!!!





你話喇...我係咪影得佢好有型?




3個影耍帥照!...最衰你睇唔到..因為毛寶爹娘先係最帥氣那個!




我都唔差~因為我本身真係勁有型~(又再進入自吹自擂mode)







個人認為呢個景點好值得黎~遇上潮退仲可以落去影埋相...勁有型~當然最好可以日落或日出黎影啦...因為夾埋天色真係勁靚!.....同埋如果好天時藍天白雲黎影潮退時黎影係水氹影埋倒影既藍天白雲~簡直一絕~




行完呢個景點才...........早上9點30分.....如果整日得呢個景點...我驚老人家心理不平衡......覺得跟錯團.....所以我呢個聰明的領隊即刻調動行程~~因為聽日有3個行程可能會比較趕...我將係今晚住宿附近哥個景點行左先~咁聽日咪無咁趕囉~而今日咪係攞房前又有野做囉~(非常聰明的一隻猩猩)




其實調動既呢個景點....係過左我地今晚既住宿架喇~不過景點與住宿才19分鐘車程......兜路來回都唔算太浪費時間既~好過聽日趕頭趕命咁參觀~同埋因為距離我地check in時間仲有成5個半鐘XXD(我次次都覺得過完呢d隧道會變成千與千尋食到好肥哥d豬)






向那智山方向走~





見到我地要去既地點既路牌喇~~就係那智の滝!!要不停的上山上山上山的~但都係靚路~放心~





終於到左呢個可以睇到那智の滝既飛瀧神社!.....地址：和歌山縣東牟婁郡那智勝浦町那智山....Mapcode：246 001 565.....橋杭岩過黎大約要45分鐘左右.....呢個mapcode係類似禮品店既私人付費停車場....費用為500円=30.8hkd







專業既領隊除左帶團之外...仲要識得幫團友影下相!咁先可以博多d貼士~~~做咩唔拖手仔je!





華!下!!!乜咁多樓級架~~~~




wow!wow!wow!....成個行程我其中一樣最想睇就係那智瀑布(那智の滝).....本來那智山既所有瀑布都係統稱做那智瀑布~依家通稱既那智瀑布都係講緊呢條~....而呢個飛瀧神社係熊野那智大社既別宮~(但....我想睇既哥個景....同呢個有d出入...明明有個紅色塔襯托架...但瀑布就明明係呢條架喎!)





望下神社周邊d符先~不過我無買~








勁大個求籤筒~~~~~~可能要兩個壯漢先求到XXD





咦!!!望望地圖先知原來我想睇哥個紅色塔加瀑布原來要再上d架!!!唔怪得啦~~~~~~~~~~咁呀...睇埋呢度先上去啦~我覺得呢個圖相當清楚!




洗洗手先~




有得付費行近少少個瀑布睇架~成人300円=18.5hkd.....個入場劵仲整到係一個延命御守咁~~~超得意~~~~





延命長壽の瀧水喎!!!!!咁好意頭唔係唔掂下下嘛?





有個平台可以近睇既!!不過行上去小心d...因為好濕滑!!





黎啦!大家舉高雙手接受延命長壽既水直撲埋面啦~~~~毛寶爸媽拍照勁配合~




我也來沾沾延命長壽水先~~





再對上仲有個觀景台~~再幫先生夫人合個照先~~~hi~~~呢張送個真身俾你睇~~~~哈哈~~~~呢條瀑布同華嚴瀑布...袋田瀑布合稱為日本三名瀑~勁犀利~搞到我又好想睇埋另外兩條~





回程落番入口時....經過呢個小小既神社...到底呢個係飛瀧神社本尊定係另外既神社呢?我也傻傻的分不清~





落番黎望多次呢個飛瀧神社+那智瀑布(那智の滝)呢個組合~走喇~查實咁樣睇都幾靚~




弊喇...要行番樓梯上............老人家們~~~加油呀~~~~








2018/09/10的開心事：
我飲左我最鐘意既長黑...
雖然不是我最喜歡的咖啡師整的..........
我最喜愛的咖啡師...你在那?


報時：距離與毛寶慶生泰國食揼嘆之旅2018仲有---17日~
報時：距離天團蘇格蘭高地之旅2018仲有---33日~
報時：距離鳥取自駕遊之旅2018仲有---81日~
報時：距離與三大長老聖誕台中遊2018仲有---102日~
下!!!!!!
原來仲有一個月多dd就要去大旅行喇!!!
好緊張呀~~~~~~~~