2018年5月17日 星期四

媽媽生日會2018@灃收火鍋

星期二...好~多~野~做~呀~......我心情都未平伏番...仲唱緊心酸的情歌架喎~唯有放左工去跑步解解悶...跑左5.27km....好耐無出現過既數字...呢日熱到我懷疑人生...星期三.....放左工去跑左3.55km....幾勤力呀~我係勁惹蚊哥類人....我已經噴左蚊怕水先去跑...但.....仲係有超多蚊咬我呀!!!!妖!!!!!!!!!!!!!!!!!星期四.....我估唔到我今日無飲啡....會黑得咁犀利........全部申請都係麻煩人麻煩野.......仕燊可否幫我打打氣!!?!?!?好彩聽日終於都到星期五~~~我發誓我聽日我要飲杯啡!!!!!!!!!!!!!!!!!!!最好係凍既~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



係好耐好耐之前~佢剛開業時...我食過一次....但哥時覺得佢好貴好貴又食唔飽.....所以無再去~但經過時間既洗禮....我由一個貧窮既上班族......變成一個更窮的上班族~所以橫掂都咁窮咯~再去試咯~.......其實我最近一個月內食過兩次~一次係同Diana~食過覺得好吃~之後再帶阿娘去慶生~所以我一次過講哂兩次食咩啦~~~~~~~~呢間火鍋店叫灃收火鍋...地址:澳門筷子基俾若翰街349號地下H座(綠楊花園,面向皇宮船海邊)....電話:6676 6288......記得!一定要訂位!!一定要訂位!!係一定要訂位!!!!!!!!!!!!!唔訂堅係無得食~但都好方便...因為兩次我都係透過fb messager或whatsapp黎訂位....訂既時候不妨問佢有咩要預訂啦~因為海鮮哥d好多都要預訂架~(店員回覆都好有禮貌~)..我幾鐘意佢外表中式既設計...尤其個閘~






我訂左7點.....但7點零3分我地仲泊緊車.....我都知我地唔岩~所以7點零3分店家打黎哥時問我地係咪訂左7點時我都即時講唔好意思我地仲泊緊車....就快到....但店員都俾左一輪說話我聽:你地仲有幾耐先到?....我:好快~~因為我地係你附近個停車場泊緊車...10分鐘內一定到~......店員:因為如果你唔黎...陣間有walk in客我地就會俾你張枱俾佢架喇...我:我真係黎緊喇~~~~~~然後又再問我仲有幾耐先黎....我再答佢10分鐘內...(其實第一次我話我10分鐘內一定到段對話可以完啦.....後面段說話就擺明係俾說話我聽架喇.....)..真係唔好自我想像每間餐廳都有10分鐘寬限時間俾你~其實我都鐘意準時~



裝修同我幾年前黎既時候一樣~我第二次同Diana黎哥時佢安排左中間長枱俾我地坐~我個人認為唔係幾好坐~同其他人share同一張長枱雖然佢有d鳥籠隔開~但係周圍勁爆嘈.....我連Diana講咩都聽唔到~第三次我醒呀~同我媽慶生~我請求左店員幫我安排唔好坐長枱呀~因為有老人家~店員都好好~哥次幫我地安排左坐圓形哥d卡位~圓形卡位雖然好坐d傾計都好d~但係衰在個冷氣向住你吹....即如果你打邊爐既話d煙係直撲你塊面......如果可以改善下就好喇~







隻木碟有佢地自己既Logo架~




先上welcome drink~利害~連火鍋店都有welcome drink~係荔枝蜜~好飲~




用電子餐牌~不過有點難控制~佢有d煲都幾特別既~店員呢個時候催促我地叫左野食先~咁我地快快手睇啦~因為坐中間長枱...要商量食d咩都有d難度...因為張枱大...周圍又嘈.....佢地又有度好....就係d野食可以叫一份或一碟...人少少可以叫一份...多人就叫一碟~




佢d野飲都幾特別架~




除左有冬瓜茶呀~羅漢果茶呀~仲有燒酌!....再望下..仲有有酒精既中式特調~~~~要試要試~好似幾得意咁~睇名除左第一個之外...我全部都估唔到~(後來我去第二次時問左店員..佢話貴妃係荔枝味..四季係桂花味..甘辛係薑味..繁星係Vodka同埋紅高粱..我唔記得係咪紅高粱..總之係Vodka加一種中式酒~咁勁係咪飲完會醉左所以改名做繁星?!XXD)




仲研究緊餐牌哥時佢就攞兩盆好有氣勢既醬料過黎~咁正常我地梗係研究埋餐牌先啦~點知佢又催我地:麻煩揀左醬料先啦...驚一陣會有其他客人要用




跟住我又唔知睇餐牌先好定整醬料先好之下....咪整左醬料先囉~都幾多選擇...而且全部都滿滿的...唔會話有一格得番少少咁落唔到~




咁多樣醬料唔知點解我覺得最特別係呢樣!!我望左好耐...原來係腐乳~~我覺我佢特別既地方就係....佢好固體狀!!(定係我食腐乳既種類太少?




我其實你俾幾多醬料我都好...我永遠打邊爐食黎食去都係豉油+辣椒+大量芫茜哥種人~我食芫茜哥個大量既程度..就係本身人地只有一個小小的醬料碟...我問人地攞個食野碗黎裝芫茜~(今次我仲攞左少少腐乳試試~)




我地睇餐牌前已經叫定左個煲....叫左椰青礦泉雞煲(椰青2個,半隻雞)...$168.....之前睇人地食已經好想食~先攞馬蹄爆爆佢~




然後落一支B字頭既礦泉水~




再落兩個椰青~




仲有半隻雞~(上網睇先知係BB雞)




之後佢仲會整埋d椰青肉出黎~~~~~




個煲佢地會幫我地睇住~~一ok就會俾我地先飲飲湯~食下d雞.....啖湯極!!!!!度好飲清甜~~(成兩個椰青喎~)......好好飲~~好好飲~~~d雞又夠嫩滑~




仲有d椰青肉都係超嫩嫩的~建議大家飲哂d湯佢~~~飲哂佢會幫你加雞湯再打邊爐~~所以飲哂都唔怕~~




飲完湯野飲就黎到了~diana叫左個凍既冬瓜茶...$30....聽佢講好像不錯~




我就叫左個中式特調-貴妃(有酒精)...$58....又幾得意喎~




好香荔枝味~其實酒味唔算太勁~但我幾鐘意~而且飲到食飽先飲完~





花竹蝦刺身...$68(隻)...需預訂..要2隻起.......係擺得幾靚~係幾賞心悅目既~





超鮮甜~~~~好好味~~~




再黎蟳醬白玉...$98(一份兩個)...需預訂




帶子刺身上有一條蟹膏~睇下我既形容...就知改名的重要~~好好味呀救命~~~~~~仲要有金箔~~




大花甲....$114(半斤)...需預訂......砌得好靚....但係我覺得鮮味一般~同埋殼大肉不肥美~~




鮮鵝腸(份)...$28.......我覺得都算幾大碟喎!同埋呢d都算係麻煩野....仍洗得幾乾淨...我第一次食鵝腸~唔錯喎~呢個價錢算係又平又多~




黑松露墨魚滑(份)...$62.....期望過大....無黑松露味亦無墨魚味....無味到我點腐魚食...一舊無味既墨魚滑...我不推薦.....





野食係砌得幾靚~




梅酒千層肉(碟)...$98.........華~好認真呀~~塊塊都砌到成座塔咁!!而且酒香都幾入味~千層肉即係肥瘦肥瘦一層層既肉啦...但食落唔肥呀仲爽爽的幾好食~





澧收肥牛皇(碟)...$198.....一排咁幾有氣勢...但稍嫌牛味不夠~





海苔響鈴(7條)...$48......去到中後段先出.....一放上枱店員就介紹:係我地自己炸架響鈴~你可以就咁食又可以放湯食~........咦~叫人就咁食應該挺有自信喎~~~




一咬.....華!!!!!一咬落去就食到有好多層!!非常的脆!!!加埋海苔的香~~~~~~~~~~我就咁食左一條....非常好食~再黎一條放湯食~又有另一種唔同既感覺~~~~~~(發現放湯3秒再點腐乳食都好正!)....大推薦呢個海苔響鈴~





皇帝菜(即茼蒿)...$40....金菇菜...$34....菜都砌得咁靚...吹你唔脹~





同你食飯永遠食得開心話題不絕~(多謝你送我的手信~)




食完再叫甜品~之前成日見有朋友黎食d甜品都好靚~我要來試試看~




我地揀左雪人~$52......個造型係雪人啦~~~好可愛~~同相中個女仔一樣咁可愛~佢仲可以揀用豆腐味雪糕或薑撞奶味雪糕黎整呢個雪人~~~~~咁我梗係揀薑撞奶味啦~~~未食過丫嘛~~~~~~又幾好味喎~~~~~





焦糖海鹽明治..$56......佢係用兩塊炸饅頭夾雪糕再加好多的焦糖造成既甜品~~~~~~~~~~~~~~如果你同我一樣鐘意食炸饅頭點超多煉奶黎食.....你一定鐘意呢個甜品.....炸饅頭加焦糖也正正有這個效果~~~~~~~~~~




而最毒既你知唔知係咩?????係佢上面哥層白色係燒溶左既棉花糖!!!!!!!!!!!!!!!!!!!!!!!!!!!!!!!!!!!!!!!!!呢個甜品好好味好好味!!!!但不宜一人食哂~兩人share剛好~




呢餐食左$1,291...每人$645.5~係幾貴....但係幾滿足(視覺+味覺)...除左墨魚滑唔係幾好食之外~其他都幾好食~除左開頭催你做呢樣催你做哥樣之外....其實後段d服務都唔錯~起碼勤力換碟服務到位~




隔左一個禮拜我又再黎食~問阿媽想食酒店中餐定精緻打邊爐慶生...佢自己揀要打邊爐~好啦~先飲welcome drink啦~




今次我黎之前諗左好耐到底試一致好評既雞煲蟹好丫...定係叫番上次食過好食既椰青礦泉雞煲(椰青2個,半隻雞)好丫?.....最後決定叫番呢個!因為個湯真係好飲~同埋我怕雞煲蟹個味食完太濃會影響我其他野食既味道~(因為上網睇佢個雞煲蟹似辣雞煲)...好有氣勢的倒椰青~





我訂位時請求店員幫我安排唔好坐中間長枱..因為怕媽媽坐得唔舒服~店員都好好幫我安排坐最靚靚既圓型卡位~不過呢個位d冷氣兜面咁吹....個煲d煙不停撲面~




依然好飲~~~~清甜~~~~雞嫩~





我今次叫左熱既烏梅汁...$30.....我咁乖打邊爐會伕熱飲既原因只有一個!...自己諗下......都唔錯~幾好飲~




毛寶又叫左我上次飲既貴妃...$58~




我媽叫左四季....$58.......我以為個個中式特調都好似貴妃哥個咁呈上~呢個又幾平實喎~係桂花味既~好好味~~~毛寶話鐘意四季多過貴妃~





來來來~先上日本直送象拔蚌刺身...$398(需預訂).....華~d花勁似母親節呈獻~~~~~~~





好正~~~好新鮮~~~~好鮮甜~~~好爽~~~~~我覺得$398都ok喎~





龍蝦二食(刺身+鮮打龍蝦丸)...$628(需預訂)........我覺得佢第二食幾得意~用鮮龍蝦整龍蝦丸喎!我真係未食過~要試試!





佢地係用澳洲龍蝦~唔算好大隻~但係刺身好好味呀~~




龍蝦丸最多可打6粒!但係如果你打咁多粒即係刺身會少d!....所以我只揀打3粒好了!




食後感.....上網睇一致好評...但我個人只係覺得還好~因為佢要溝其他野一齊打龍蝦丸.....d味會被搶走....我覺得刺身是最好食的~




之後佢仲幫我地放埋個龍蝦身放湯~原來入面仲有d肉架!!我覺得就咁食原肉比打龍蝦丸更好吃~






個頭條觸鬚我都拆到咁大條肉!!超彈牙~




蘇格蘭蟶子皇...$72(隻)....兩隻起需預訂~真係幾大隻~




我地一淥...店員就趕過黎幫忙~我諗淥左一陣咋!但係佢淥得剛剛好!!!超嫩!!!超勁好味!!!!





美國澧收黑牛皇(碟)....$198.....由於上次叫哥個肥牛皇麻麻~所以今次叫其他試~呢個不錯喎!




但我覺得呢個更正更重牛味~手切安格斯牛肩胛....$148....而且呢個也更抵食~





松板豬...$72.....切到一條條咁~砌得靚靚的~





後尾望真d佢一條係切開左三層架!





好爽口~豬味也佳~推薦~




日本芝士竹輪...$42.....我成日叫哥間關東煮最鐘意叫既菜式~~~呢度打邊爐竟然有!!!!!!!係貴!!!但係入面流心既芝士真係好好味!推!




芝心響鈴...$36(4條).......因為上次叫過海苔響鈴勁正...想試下另一隻味.......呢個都係即炸....但係芝士會令響鈴變林....而且有d漏~所以都係海苔最佳~





香菇雞肉福袋(份)...$36....一份剛好有3粒~手工野~肉不多~菇多~我覺得幾香幾好食~





什菌...$36.......d白色菇好正~好香~好肥美~




西洋菜...$40....都幾多下~




我之前同店員溝通好~要將甜品變成生日糕~華~呢個女人終於都識得笑住影相喇~睇下佢開心到~生日快樂~身體健康~又叫左雪人~$52....






許左咩願呀~




另外又叫左個焦糖海鹽明治..$56.....呢個牌更靚~~~~俾左兩個願望你~相信你的願望裏有我~






有兩個咁靚既女仔同你慶生你開心無?(佢地兩個都讚個甜品好食~)





呢餐食左$2,510......我荷包連續兩個禮拜出血~呢間打邊爐係幾精緻幾好味既~但係唔可以成日食~貴呀~








2018/05/17的開心事:
心裏想著下星期要去看仕燊~
然後下星期二放佛誕...都叫有番少少番工既安慰~



報時:距離和歌山嘆溫泉自駕遊之旅2018仲有---31日~
報時:距離與毛寶慶生泰國食揼嘆之旅2018仲有---134日~
報時:距離天團蘇格蘭高地之旅2018仲有---149日~

26 則留言:

  1. 💝❥*¨❣時刻開心萬事得💖
    ╔═╗萬事如意♥身體健康💟
    ║╩╠═╦═╦═╦╦╗🎉- ҈ -🎁*
    ║╦║╬║╬║╬║║║ღೋ♡🍾🍷
    ╚╩╩╩╣╔╣╔╬╗║💐۩۞۩🎂
    ────╚╝╚╝╚═╝Birthday🎈
    💞天天都過得歡樂精彩💕
    💜✾💚◇💗❉💙ഐ💛

    回覆刪除
    回覆
    1. 正正正...的乖乖女,媽媽心中富有

      刪除
    2. ♦*。。☾好友🌜晚安☁・。。゚๑🌛
         ╭───────╮✬
         │瞓覺豬呢💤│
         ╰───────╯✨
      ╭───────╮☆
      │甜夢安睡💤│
      ╰───────╯★
        O🌟
         o❉♬
       .∧_∧・。。゚♫♩
       ( ・ω・ )*♪
       |⊃/(___◇۩۞۩ഐ
      /└-(____/✾•ೋგஜ⊹
      眨吓眼時間過得好快又週五嚟

      刪除
    3. 我阿媽真係幸運喇~有個咁乖既乖女~(有無人會咁讚自己?)

      刪除
    4. 好野~~到星期五喇~~~

      刪除
  2. 每一味菜式個賣相擺出來都好精緻好靚呀......
    happy birthday^^

    回覆刪除
  3. 椰青礦泉水雞煲好正喎......
    雪人雪糕同妳一樣咁可愛呀....哈哈哈
    火鍋好新鮮好正.....擺設又靚

    回覆刪除
    回覆
    1. 係呀~~個湯好好味~
      梗係梗係啦~~~~~
      係呀我覺得睇得又食得~

      刪除
  4. 蚊係鍾意體溫高同體味濃既人,可能係你跑時體溫高左同出汗多左...不過麻煩人點解會出現就好難解釋...
    唔係過左好耐喎...祝伯母生日快樂!
    隻雪人又整得幾得意喎~~但我直覺上覺得小鹿會仲得意D~~

    回覆刪除
    回覆
    1. 我成日都熱辣辣~~~~唔知同血型有無關?我未跑哥時都好多蚊嬲我架!
      多謝多謝~~~~~
      都係架~鹿係得意d...但鹿係朱古力雪糕整既~我不愛吃朱古力~

      刪除
  5. 補祝伯母生日快樂!
    個雪人好靚!生日牌上的字又好靚!

    回覆刪除
    回覆
    1. 多謝哂~~~
      係呀~我覺得個生日糕糕咁都幾得意~

      刪除
  6. 保持威力,食到咁多嘢,但點解好似兩個人食得仲多過三個人嘅?
    個椰青湯咁簡單,你唔試吓自己整?

    回覆刪除
    回覆
    1. 係咩?但3個人哥時都好飽喎~~可能有3個肉~
      因為我唔識劈椰青~

      刪除
  7. 冰冰笑得好靚好甜丫~~~有你呢個乖囡同阿嫻一定好開心~~♡

    回覆刪除
    回覆
    1. 因為佢咁甜..先生得出我呢個咁甜既女~

      刪除
  8. 請問會去isle of skye嗎??如果去又係渣車去,我強烈推薦 sky pie cafe個 fish pie,超好食,http://skyepiecafe.co.uk/menu/

    回覆刪除
    回覆
    1. 會去呀~~~我睇左你俾我既網址...即時流口水~~~~
      如果有機會我一定去試~~~~多謝推介呢~

      刪除
  9. 祝小t媽咪生日快樂,身體健康,荷包出血但係能夠令到自己至親開心都係值得嘅!😊btw,我都bookmark咗呢間嘢,有機會去澳門一定要試下,話曬我都係一個千年邊爐怪!😋

    回覆刪除
    回覆
    1. 多謝多謝~都係既~最緊要開心~
      有機會過黎玩去試啦~

      刪除
  10. 我都係好惹蚊的,所以夏天都穿長褲,好熱....試過長褲都咬左兩粒
    祝你媽媽生日快樂啊))))))身體健康

    回覆刪除
    回覆
    1. 我噚日去跑步又咬左3粒....
      多謝~

      刪除