新加坡熱辣辣聖誕節之旅2017-12-22第一天Part 2(晴天及後大雨)

星期五....放工去左食氹仔某葡餐..唔好食~都係紅鶴好食d!之後去左venetian間uniqlo買叮噹衫~(叫叮噹實在太曝露年齡)....星期六...中午食左Terra......之後就去準備買野同公子們去燒烤~~~~yeah~~~好多野食玩得好開心呀~~~~有大蝦有蟶子有扇貝花蛤...星期日...晨早番左大陸...去左富華里...為既係supper moment嘛!....落少少再講~星期一.....由於噚日又曬又熱...我病左.....................



2017-12-22
Day 1---Part 2(澳門 Macau->新加坡 Singapore)
毛寶話我上篇阿坤完得好突然喎~好啦~食飽飽阿坤..咁我地就出發去行下啦~要搭地鐵去既~首先買飛先~買單程飛佢可以再增值用到6次~仲要係輕觸式的~先進~呢程距離車費係SGD$1.5=8.7hkd....其中入面有SGD$0.1=0.6hkd係Deposit





去到多美歌(Dhoby Ghaut)站....我地既目的地係福康寧公園(Fort Canning Park)...地址：River Valley Road, Singapore 179037.....出左MRT站時突然落勁爆大雨!!!!!!係勁爆大!!過左對面馬路有指示我地去呢個公園(原因係圍哂板地盤起緊野先有指示~)....行到黎呢個隧道口就岩喇~




今日既唯一景點就係要搵呢條美美的螺旋樓梯喇~咁睇唔係好美?




試下望上去!....圓形頂仲有棵大樹架~





我地再具體d...搵個幾靚既魔豆示範下俾大家睇....加多個魚眼鏡影.....拿!!!係咪又靚又有型呀!如果無落雨我會坐係度影囉.....呢個景係我上網睇到的~~靚唔靚呀靚唔靚呀~~




其實呢個公園仲有其他野睇既~俾埋個地圖你~其實入面仲有歷史野睇...有古建築物之類~而呢度仲係殖民時代既升旗山~




行既時候沿路仲經過呢間酒店..幾靚~




帶著爸媽去旅行~行下公園都唔錯丫~呢個公園除左有好多古建築物外..仲有超多的樹~行下都幾舒服~(行行下又無雨~)




個女仔好靚呀~~~~~~條腿又長~~~~~~(事實上當時毛寶又話我：你條腿好肥好短呀!.........阿毛寶...其實人唔使生得條腿長既...有個識影長你條腿既人咪得囉!你睇下圖中個女仔幾靚靚~).......我仲俾蚊咬左好多野!!!!太香甜了~沒辦法~




走啦~諗住搵的士去晚飯地點~開始有少少微雨~同埋呢個放工時間好似一d都唔易搵的士~唔知點樣無啦啦有存的士係我地面前停有人落車...我地就叫阿sam大比同左兩老上車先去餐廳坐等我地..我同毛寶就自己去taxi stand度排隊慢慢等的士~




的士哥哥車到我地係附近停....話我地穿過某座野就會搵到(但我地搵黎搵去都搵唔到~)....搵搵下仲見番早上車過我地既大比~~~哈哈~~(穿過呢幢野時覺得紅綠紅綠燈有點詭異氣氛~~)




唯有再問人啦~~~咦~原來餐廳係河畔架~~幾靚喎~




終於搵到今晚既晚餐地點喇~~大比佢地揀左食中餐~因為怕兩老剛到當地唔習慣~呢間叫Empress...地址：#01-03 Asian Civilisations Museum, 1 Empress Pl, Singapore 179555






我估唔到環境係咁靚的!(呢張枱仲有入枱式轉盤)....但我建議中午黎食好d...佢環境唔錯!而且好多玻璃可透日光~晚上好昏昏暗~





佢個蝦片同埋炸芋片都好正!估唔到既係食哂佢竟然會再加!讚~




碳烤澳洲西蘭花乳酪沙律....SGD$14=81.4hkd....新鮮~好味~開胃~




黃金豆腐粒....SGD$12=69.8hkd....呀~原來係咸蛋黃豆腐粒喎~~~可說整得很出色....脆脆的外皮...掛咸蛋黃情況異常理想~啖啖都食到滿滿咸蛋黃~讚~




化皮西班牙燒肉....SGD$18=104.6hkd....不錯呀~(其實我最緊要個皮夠脆~)...呢間肉同肥既分隔比例很好~




碳烤招牌西班牙叉燒.....SGD$18=104.6hkd....佢個外皮黑到呀...以為佢燶左...因為佢唔係局部黑...係成餅黑.....但入口又唔係燶黎既~~都唔錯喎~(但我還是覺得玥龍軒的最好食~)





椰皇瑤柱鳳尾蝦竹笙燉雞湯.....SGD$14=81.4hkd....阿sam叫的....我無試過..不過佢話好飲...但我覺得少少貴~




我就叫左茶水黃燜海皇餃伴春卷....SGD$14=81.4hkd....幾得意丫可~睇外表羸左~我最鐘意呢d~.....個湯其實清清地ok好似既~海皇餃同春卷就一般啦~咁樣飲湯好日式丫~哈哈~~但用紫砂茶壺同杯~




露筍松菇蛋花湯...SGD$8=46.5hkd....全素的便宜很多~但很普通~




老虎蝦二食(辣椒身﹑咸蛋頭)...SGD$48=279.2hkd......加炸饅頭(4粒)...SGD$4=23.3hkd.......蝦很新鮮~~兩種整法都好好味~~~用辣椒蟹的做法做成蝦都幾好食~~個汁點饅頭超正~~有4大隻都算係咁~~~~





荷香古法蒸深海比目魚...SGD$32=186hkd...全餐最難食!!!!又油又腥~~~~連我都頂唔順~




點餐時侍應姐姐用腦記...覆又覆漏..同埋到最後都係漏單...之下.....我地重新再叫呢個餸又等左一陣...(其實你用紙筆寫低咪好囉...或者係公司有規定用筆寫唔美觀...咁你要好好練下d記性喇).....陳年醋荔枝咕嚕肉...SGD$24=139.5hkd....好彩漏左都有翻叫.....好好味呢!!!!外皮夠脆~~個醋又好味!!!讚~~~




招牌皇后炒飯...SGD$20=116.3hkd...都唔錯~炒得幾粒粒分明~配料亦可口~




呢日係冬至呢~所以呢餐係冬至晚餐~




到上甜品~班蘭葉焦糖布丁...SGD$12=69.8hkd....ok~但未算好出眾~




茉莉花茶低溫浸水晶梨伴清湯冰沙...SGD$13=75.6hkd....呢個幾得意~用茶浸個梨...d冰既味都幾清新~




呢餐食左SGD$379.7=2,207.2hkd...即每人367.9hkd...都唔算平喎....食環境囉~佢有某d野食係唔錯既~但服務勁甩漏~




臨走仲話每個女仔都有一包蛋糕仔攞走做禮物~多謝~




好啦~番酒店喇食飽飽~我地行去搭的士啦~諗住行去呢間Fullerton Hotel截的士~望佢外觀幾靚~同埋好有聖誕氣氛~等等下的士落雨~~~好彩有的士上咋~~









5月26日...記一記低...
係公子燒烤日...識左咁多年...
原來我地7個係無一齊燒過烤~
簡直係一個壯舉!!!
因為....5月已經超!!!!!!!!!!!!!!!!熱!
出左超多汗...成個人超lup...
好多謝各位出力既公子!!
大家又完成左一個壯舉~
我想講....驚覺小孩們都無啦啦長大了!!
小公子會用刀切翠玉瓜~好感動<3



5月27日...查實就係噚日...
我地一行4人(有我啦毛寶啦朗公子啦神秘團友啦)..
一齊番大陸.....其實係我唔識去富華里..
我向朗公子同神秘團友單單眼叫佢帶我地去~
然後請佢地食中午.......
去到富華里我地就去最最最多人哥間太二酸菜魚攞籌~
坐低等緊哥時(因為目測最少要等兩小時..)
我同毛寶提議：我可唔可以去攞左supper張簽名海報先再過黎食野?(我以為入場跟攞簽名海報是分開的)
於是佢就同我一齊去~
點知去到門口...我已經發現有粉絲排緊隊等入場!!
然後我就賴死唔走話唔食酸菜魚要排隊...
(我有叫毛寶去同佢地食酸菜魚架我唔係變態架)
哥時先一點咋.......................................
個show 8點先開始.....追星的事外人真的很難理解
喂...我喎.....平時食飯等枱要半個鐘就拎轉身走喎...
家陣等個show等7個鐘!!!!!!!!!!!!!!!!!!!!!!!!!!!!!!!
好!我等!!!為了仕燊!!為了supper!!
好彩我醒呀..我有帶個大垃圾袋去鋪地坐...
其間都發生左d不愉快事件..因為有人尖隊..
你明啦...唔同港澳睇show..
其實我早7個鐘去排....我屬於第3批人
第一批人聲稱5個...(記住係聲稱)
第二批係平時見開既香港粉5個
我同毛寶兩個...只係入到場企係第一排既最側面兩個咋!!
7個鐘前去排喎!!!!第一排最側面喎!!!
好彩我其實最後都送出左支香檳阿雞接左~~~~
但係內地睇show真係唔係人咁品....
除左打尖.....仲會睇show時不停向前推...
將你夾埋欄杆...勁恐怖...
(重點係條欄杆係鬆既如果我馬步唔夠穩條欄杆推跌左我應該已經俾後面d人踩死)
我對小腿俾佢地推向欄杆兩大撻瘀左.....
最後我接到阿達既小禮物~開心<3
番到澳門之後諗諗下驚佢地太多野攞忘記攞走左支香檳..
特登係ig send番我寫係香檳上既memo俾佢地睇..
點知佢地4個都有覆我喎!勁有禮貌!!!!!!!!!!
又成就左我驚喜的一夜...
雖然係內地睇show真係下次制唔過.....
但我覺得又有少少收獲..我好開心~
仲識左4個內地粉...好有愛~
(佢地係不打尖哥批...而且勁好傾)
覺得係港澳睇show實在係太舒服!!
而且大家不會打尖唔使勞氣.........
也不會人推人......
講番先...噚晚係新碟dal segno發佈巡演~~
唱哂全隻碟~~
258km/h /一樣不一樣/靈感床/同一/不要死在祟拜裏/
橙海/全世界暫停/說再見了吧
外加3首encore~~
飛/風箏/無盡
有唱無盡真係意料之外~~好正~



2018/05/28的開心事：
我今日係ck個ig story度見到...
佢地中午食飯開左我支香檳飲呀!!!
我好開心呀!!!!!!!!佢地真係有攞走同埋有開!!!!!!!!!!
甜親人喇~~~~~~~~~~~~~~~~~~~~~~~



報時：距離和歌山嘆溫泉自駕遊之旅2018仲有---20日~
報時：距離與毛寶慶生泰國食揼嘆之旅2018仲有---122日~
報時：距離天團蘇格蘭高地之旅2018仲有---138日~