日本大阪自由行之旅2017-12-12第五天(晴天)

星期五...番工都一樣的多野做~但我呢日知道左supper個中國新碟發佈巡演加左珠海場呀~~~~~~點呀!!!唔係唔去呀下??但我仲係唔知點買飛~...放左工約左i子同埋衰婆去食新故里~~~無見i子半年~佢d皮膚靚左勁多!!!見到佢依家過得好好的..我真係好開心~<3愛你~星期六....好開心呀~我俾樓上個死0靚仔嘈住都訓到12點~~~(證明我好攰)...中午去左食大堂炸雞呀~~好開心呀~因為我話想食好耐終於有人肯做找數真漢子同我去食~我有成10年未食過!!依家雞脾餐(雞脾+野飲)...要成$43!!!!勁貴..但又幾好食既~...下午在家打打blog~夜晚同左阿媽食母親節飯~去左食八分目~星期日....一起身就收到好消息喇!!!!!Supper上到紅館喇11月!!!!!!!!!!!!!中午去左食園林...但魷魚失準呀!!!!下午因為太緊張supper個演唱會....所以要訓訓晏覺放鬆下~夜晚叫外賣~星期一....我今日心情超差....我要為自己唱番首心酸的情歌......無心機呀!愁左成日........



2017/12/12
Day 5(日本,大阪 Japan,Osaka->澳門 Macau)
早安~又晨早起身~因為我地呢日要走喇~首先check out左攞埋行李去搭機場巴士~




今次唔使係自助機買飛啦~因為第一日哥時已經買左來回票~




去到關西機場放低行李(有專人幫你睇住行李既counter)....詳情請睇番我之前個blog....亦有入銀仔哥種儲物櫃既~自己揀下~跟住就衝去12號巴士站去Rinku Premium Outlet...成人200円=13.9hkd.....大約20分鐘車程




時間表可上網預先看..第一班車係關西機場第一航廈開出時間係09:40...去到剛好10:00 outlet開~





呢日都好好天~有粒粒雲既藍天更靚~大約坐20分鐘度就到~




回程巴士時間可預先上網睇或者係站度都有~(預鬆d時間回程呀~唔好買到過左搭飛機時間~)




來到的時候商店也剛好開門了~Rinku Premium Outlet地址：大阪府泉佐野市りんくう往来南3-28....呢日都係好凍..好彩有太陽~(唔記得講其實outlet呢度都有大型locker既....不過我地唔想攞住舊行李搭車所以都係放係機場算~)




其實我今次又黎呢個outlet係因為佢咋!.....第一間就衝入nike!....我地係開門第一批客人~成間鋪得我地兩個逛真係好爽~~~~~~




揀揀下個售貨員問我地有無攞discount coupon....我話無呀~因為之前攞過但覺得無一個牌子我會買所以之後次次都無攞~佢今次提我nike有coupon有折~即刻衝去information度攞啦~~~~出示旅客護照就攞到~




睇我幾癲..買左成袋!!!個售貨員好抵錫~我買左好多跑步既運動野呀~~買左5件速乾衫(3短袖2長袖)...兩條速乾leggings...一件跑步風褸...一條短運動褲...3對跑步襪.....退左稅有埋discount....才38,170円=2,652.8hkd.....我唔知你點諗..我覺得好抵~~~因為澳門買最平哥條減價中既速乾跑步legging都要5xx!!速乾衫最平都要4xx!!家陣我買咁多件野喎!!!!




喪買完一輪.....仲未食早餐...去左outlet入面個7-11醫肚~因為佢有得坐住食~驚見便利店都有福袋~~~~




米芝蓮拉麵店同7-11 crossover出杯麵呀!!!入手~278円(稅込)=19.3hkd





坐低吃吃~(我想講...這是我的一人份..........................).....炸雞都係Lawson有肉汁d!





呢個幾好飲~似米水咁~




杯麵不錯吃喎!個麵質比我想像中好~湯底幾清~




好啦好啦~俾你去埋Beams啦~正正經經咁入去咪好囉~咪乖囉~係咪想知佢之前點唔乖法?傳送門在此




我地行完一輪就坐車番關西空港啦~攞番我地舊行李....塞番頭先d戰利品入gip...去埋check in.....(前一日其實已經做左網上check in揀好位...只得窗口同中間位俾我地揀..毒)....我舊行李去程9kg...回程19.1kg...算係咁~



check完in....我講過我今次要擦入呢個我上次四國入唔到既lounge!!!!!!!呢個係KAL Lounge....佢又係怪既...係禁區外...仲要休14:00-15:00...我地上次入唔到呀!!但今次因為班機改早左時間...我地就13:15衝到入去嘆大半個鐘!!!




哥時以為係最後一次用盡信用卡優惠時間..(信用卡公司宣佈此優惠延長至2018年12月31日)......同上次釜山入哥個差唔多佈置~(因為係同一間航空公司既lounge)....




好多杯麵仔同湯~睇下呢個人鏡入面真心既笑容~




酒都有幾種....我有試egg屎O!!!!但唔識欣賞~(最正其實係旁邊送酒既零食~)




都幾多野飲~




乜都食下飲下啦~我食左超多包零食~這是一人份~個口好忙~我地兩點前走左啦~費事阻人收工~同埋大阪個關都過幾耐~




嗚嗚!!又要走喇!!




我地搭澳門航空NX855號班機係15:15由大阪飛番澳門~飛機餐...好似係章魚丸~係幾日式~但不好吃~忘了睇咩戲~




係~又影~唔俾咩~








我地係19:00番到澳門~好啦~拜拜~多謝大家陪我地去左5日大阪~(毛寶話越黎越多相影!你咪拜拜得幾開心~)





總結：
1.使費：2,789mop(機票)+2,326hkd(4晚酒店)+123mop(保險)+3,127.5hkd(食買玩交通)+12,762.4hkd(食買玩信用卡找數)=21,215.3hkd.....去5日...又食左咁多樣...都...算係咁啦可~
2.去左第三次環球片場...我終於睇到活米村既夜景~今次係仲要睇埋雪+聖誕景~好靚~~睇到霍格華茲燈光表演更是興奮~
3.試左去一個新既城市~枚方市~叻~
4.仲要去埋之前去唔到既又講要去好耐既伏見稻荷大社~咁多鳥居真係好靚~
5.終於用正常價試左晴王~唔使捱澳門d貴價~
6.今次試食左兩間我未試過既餐廳~好開心~食左盒蒸鹿兒島黑牛同埋黑豬最開心~
7.我其實鐘意去大阪多過東京~

~The End~

~多謝收看~

要講番星期六先...
因為毛寶有d好醜既母親節花(文具店哥d)
佢想散貨....於是話要送一支俾我媽....
毛寶：小姐...買支花丫
我：唔要!勁醜...
毛寶：小姐...買支花丫....唔使錢架
我：唔要!唔使錢都唔要!
毛寶：但係你要左就有得睇sunny喎
然後我趕緊收下~~~~~~~~~~
點算呀點算呀!!!
跟住第二日起身......
佢地真係要上紅館喇!!!!
家陣連我媽都知要點對付我呀!!!
媽媽：幫我去關左個房燈!
我：唔制~
媽媽：Supper上紅館喎!
然後我乖乖去關燈了..............................



2018/05/14的開心事：
今日個心超酸呀!!!
酸到要唱心酸的情歌呀...
酸到今日不停搵人安慰我呀...
不停咁同凱公子傾......

又煩左毛寶成日~
仲要不停咁要blog友個老婆安慰我~~
(你無睇錯~~~係blog友個老婆我都唔放過)
心酸到.....我今日買左Supper中國新碟巡唱珠海站
黎解我心結....
我依家仲係好酸呀!!!
"你說了一句...天意.......
唏噓快將你吃掉.....
天意...領略做人迫不得已"
酸酸的.....酸到爆..........
有人要俾番d甜我中和下嗎?



報時：距離和歌山嘆溫泉自駕遊之旅2018仲有---34日~
報時：距離與毛寶慶生泰國食揼嘆之旅2018仲有---137日~
報時：距離天團蘇格蘭高地之旅2018仲有---152日~