2017-06-03
Day 15---Part 1(馬達加斯加,安達西貝 Madagascar,Andasibe->安塔那那利佛 Antananarivo->毛里求斯 Mauritius)
噚日好夜先訓...呢日又一早出門口喇~(起身既時候驚覺原來衣櫃入面....係有張80年代冬天一定吸既厚被.......好喇...我地轉轉個話題先......)呢日既行程都好緊湊~~緊湊都要食過早餐先既~~早餐都係無咩食~~馬達加斯加d酒店早餐真係麻麻喇~呀哈哈哈~(以笑遮醜狀)
好似係7點半出發~我地今日有成3個行程...第一站係Adasibe National Park...好似幾曬咁喎~
到達國家公園入口....入場費就個團包埋既...我地要請個導遊...等緊導遊黎時佢叫我地睇睇個展覽先~我地黎呢個國家公園係要睇野生狐猴(Lemur)的~~~
唔係下嘛!!!!有隻狐猴可以同毛寶差唔多高?!?!巧驚話!
呀~仲有隻係識唱歌歌喎~
導遊姐姐來了~同我地講好價錢之後就出發了!4人Ar150,000=376.3hkd....每人94.1hkd...合理!無導遊唔得丫...因為你係呢個國家公園根本靠自己係唔會搵到野生既狐猴~~~
好~~~出發~~~幾開心因為好多樹~~無咁曬~
好似有好幾條路線~我地係行Indri 2
係呢個時候仲係好輕鬆~行下平地~過下橋咁~
仲周圍睇下風景~
講真..我覺得呢度望出去幾似澳洲塔斯曼尼亞哥個塔胡恩森林(Tahune Forest)入面哥條侯恩河(Huon River).....因為條河入面有丹寧...睇起黎係啡啡地咁既色....仲話飲落甘甜既....被稱為塔斯茶(Tasmanian Tea)......唔知呢條~d水又飲唔飲得呢~~~(其實當時係澳洲都唔敢飲...何況呢條;目)
繼續前進~好似開始陰陰地天~(岩哂我)
入到樹林即刻戴番衰婆牌工人手套...因為有時行要整開樹枝前行...咁無謂整親手啦~(最衰我無戴防曬手套...我手臂真係整損左~)......未睇到狐猴之前....首先見到一堆植物...我覺得呢隻葉幾得意喎!d紋幾靚~
再行前d...華!!!!咁既色既菇呀!!我第一次見....食左應該必死.....望落好似掂下都會死
好靚唷~
勁大個蟻竇!!!!睇下同我對鞋既對比!!!
此時導遊姐姐攞個收音機既物體出黎....播出d動物既聲...原來係識唱歌既狐猴既聲~~引佢地出黎~
正當我以為呢個國家公園輕輕鬆鬆既時候....佢地導遊之間係有對講機互相通報邊度有狐猴既.....咁一收到風佢就會叫我地全速一齊跑....但...唔係平地....就好似呢種咁樣架....超多樹既樹林....而且係極度斜既向下跑(呢條已經係唔斜)....華....係斜到不停要搵樹去支撐自己如果唔係根本行唔到落去(仲要佢係用跑既速度).....有幾次仲要有打橫樹幹要係底下捐過去.....諗諗下其實都幾危險....所以工人手套同埋爬山鞋是必需的......如果你著普通波鞋....就祝君好運啦.....因為我著爬山鞋都跣左好多次.......有d斜路仲要上左去既人拉我地上去先上到....好辛苦...我以為Big Tsingy之後唔會再有辛苦野....點知.....請不要掉以輕心~
華!!其實都行左好一陣子先見到第一種狐猴呢~~佢叫光面狐猴(Indri Lemur)...又叫大狐猴~~原來就係你識唱歌仔呀~~我地都有幸聽到佢地唱一次歌~~好八咁喎~個屁屁趷到超出然後偷偷望我地~(喂..你地嘈住人地訓覺呀仲話人!)
er...雖然好變態...但...我幾想摸下佢屁股...個型幾靚~
都係衰公個相機先影得好d清楚d!哈哈~八卦仔又望鏡頭ing~
咁岩線影到佢地彈跳ing~跳樹跳得勁快~
呢段就咁岩較左慢鏡影到佢跳起~佢d姿勢勁靚~
影完第一個品種仲招招積積咁影合照~~邊個最似馬騮..唔使我講啦~
出現第二隻品種喇!!!又跑跑跑過好多樹林去見你~個人估計...睇番網上資料...呢隻係褐狐猴(Brown Lemur)?
基本上我睇衰公d相係清楚過我自己係現場睇既....因為d衰豬係好高既位置~~呢張我最鐘意!影得好有希望咁!
第三種類灰色馴狐猴(Hapalemur Griseus)....細細粒咁~
多謝你既照顧唷~又幫我地搵好位影相~同埋帶我地睇到咁多品種狐猴~~感謝~不過我個人認為都幾吃力....因為d路太難行~
華~~~大佬~~~都行左成3個鐘架...仲要d路唔係易行...真係要襯後生去~~
2017/11/30的開心事:
今日你同我一齊行番屋企嘛~
報時:距離日本大阪自由行之旅2017仲有---7日~
報時:距離新加坡熱辣辣聖誕節之旅2017仲有---21日~
我以為自己去日本之前會出得哂毛馬遊記~
原來係唔得~~~~~~(都怪我自己懶~)
聽你咁講,戈巴講左D好感人既野?
回覆刪除隻大狐猴係咪已經絕種?好多絕種動物都異常大隻的
近幾個月有喜事要籌備,又有幾個旅行要plan,再畀兩篇野打尖...先拖左咁耐,都唔算懶啦~~
祝黎緊旅途愉快!呢幾日好好保重啦~~
都幾感人架~~
刪除er...我都唔知呀....你知我啦....對資料性既野都.......
華~~~後生仔記仇呀~~~仲記住係兩篇打尖~~~~~~~~~~~
知道知道~~~我會食少d熱氣野~~~希望有用~~~~~
唔好咁講啦~~話緊你唔算懶架~~
刪除不過你又知...其實我仲大你少少...都算後生既...
哥兩篇係少女日記,唔出唔得~~~
刪除說明我對世界已失望,假定全部人細過我XXD
♦¨*☾好友🌜晚安☁・。。゚🌛
回覆刪除╭───────╮✬
│瞓覺豬呢💤│
╰───────╯✨
╭───────╮☆♫♩
│甜夢安睡💤│
╰───────╯★
O🌟
o❉♬
.∧_∧・。。゚
( ・ω・ )*♪
|⊃/(___◇۩۞۩ഐ๑
/└-(____/✾•ೋგஜ⊹
眨吓眼時間過得好快又週五嚟
仲有7曰...嚟
刪除哈哈~~周末總是過得很快的~~~
刪除希望呢3個工作天快d過啦~~~~~
刪除唔好講咁多,究竟接唔接到花球先.....XXD
回覆刪除幾有越野行山feel喎!啲馬騮都好大隻,似猩猩咁巨
你地企在大樹下影相,其實有冇啲驚佢會在樹上突然排泄XXXXXD
唔係我接到啦~~但係係其中一個7公子接到~
刪除勁辛苦~~~~行到腳都痛囉~
哈哈哈哈!!!!!我真係無諗過喎!!!!!!你真係叻~~有獨特既見解!!!!!
啲馬騮好得意,每次有啲唔開心睇到妳嘅遊記都會即刻開心返晒!
回覆刪除野~好衰架!
刪除畀錢請哩個導遊非常之值得,帶你睇到狐, 自己遊逛,一定行好多冤枉路... 好似去睇博物館,冇專人解釋真係睇完都唔知睇乜。
回覆刪除都一定要請~~唔請真係唔會搵到!!搵到都可能俾我地嚇走~
刪除無錯!!你講得好岩!
原來狐猴都有數種,真是辛苦晒呢!
回覆刪除七公子又進入新階段,希望好消息繼續有來。
堅多種!!好開心見到幾種~
刪除希望啦~~~~~~~
我跟你差不多時間去旅行 :)
回覆刪除我終於忙於我人生大事啦 可以密密黎留言啦 hehee
好想去日本 希望下年有得去
係呀係呀差唔多~~我地好似有幾次旅行都係差唔多時間出發~~~
刪除辛苦哂~~靚靚新娘~~~~
你幾時去想~你老公都會陪你去啦~~~~~~
妳都知自己懶呢.......哈哈哈
回覆刪除妳仲有一個禮拜又去旅行....小心下星期天氣轉冷啦....
少少懶咁啦~~~
刪除知道知道~~我會食少d熱氣野~~~
好難得既經驗,比動物園來得真實和自由
回覆刪除無錯!!!但真係追得勁辛苦!!
刪除恭喜晒麥公子,祝白頭到老!
回覆刪除我都想日日幸福呀,但無喇喇星期六日返咗工,搞到我都編唔到行程!
又到抽假期日子,祝好運好運好好運!係囉,你去過地方都唔少,下次去邊度大旅行好呢?
代佢多謝你呀下~
刪除咁慘!!!!!唔緊要!!!今個周末再plan番!!
去過地方唔算好少....但一定唔係多~~~~~~~~~~~~~世界之大~有排去玩~幫我集氣呀!!!我出年有個旅行好想去~~~~~
狐猴好得意呀!佢地爬得咁高,住係樹上面呀?
回覆刪除咦~~~我又無諗喎~~~
刪除係喎!馬達加斯加d生物都好出名喎~
回覆刪除打卜嘅野,我都以為好打得好快,但又要返工又要做其他事而拖慢進度。。。
係啦係啦~~依家暫未有旅行去你有好多時間呀~~~
刪除