2017年11月13日 星期一

毛里求斯渡假+馬達加斯加麵包樹之旅2017-06-01第十三天(晴天)

星期五...呢日番工真開心...剝到成地花生殼..好耐無試過咁精彩...雖然都多野做...但係放工都有去運動....做完之後熱升健身谷既3位成員去左食Kokoro~~又炸雞又燉牛肋骨又飯卷真開心~~~~星期六.....中午去左飲呀~~同事結婚~我第一次中午去飲咋~仲見到好耐無見既i子~*3*~原來見到一個識左13年既人結婚真係會眼濕濕架喎~下午就好乖好乖咁樣排下大阪個行程啦~進展都唔錯既~~夜晚去左garment park~同埋去左華生堂飲湯~星期日..是我期待已久的燒烤日!!中午去左食starbucks先...之後會合其他人買野~由於呢日落雨~所以我地揀左個室內場燒~~要俾$500一個爐12個人..咩都唔包~全部野我地自己帶去~超多海鮮燒~有長腳蟹~奄仔蟹~蝦~扇貝~蟶子~蜆~魚~一堆扒呀丸呀腸呀漢堡扒呀~(唔係我認屎認屁呀..我燒既漢堡扒係一等一的好吃~).....蔬菜類呀~好好味呀!~~超開心~~~~~~~一年一度燒烤日~~完~星期一....起身哥時完全唔想起身..好想繼續訓唷!天色昏昏暗咁~工作還好~我今日食左好少野...早上一杯麥皮....中午食左半份三文治+一碗西洋菜湯(入面有兩塊響螺片既~).....下午放工前食埋哥半份三文治就去做運動~慢跑5.22km~~今日都跑左40分鐘架~加油~不過我個健身室會籍就快到期了~



2017-06-01
Day 13(馬達加斯加 Madagascar,Bekopaka->穆龍達瓦 Morondava)

好啦~今日離開呢區番去穆龍達瓦(Morondava)喇~即係意味住又要坐好耐車程了~食飽d先~想食飽d都唔得...因為都無咩好揀...但佢左下角類似叉燒既物體幾好食~同埋今日有右上角既菜粥狀物體...乜你地都興食粥架?好驚喜~不過淡淡地~




望多一眼呢片神秘的煙霞...(唔係..霧).....就入房執野走啦~





又揸車去到碼頭....點知額滿...要等下一部船~噢~有排等~





拜~要等下一轉過河~




咁無聊影下呢幾日陪住我地既車~我開頭係以為坐哥d開頂食塵無冷氣既四驅車~點知有冷氣真係喜出望外~其實張相係我叫毛寶幫我影架...因為我在車上耍廢(我在前座呀~hi~)....到底有幾多廢我可以耍?(個個都落車行下)




呢~~我地之前食飯買既用黎吸住支汽水樽口以防有烏襯進入既藤帽仔~~買黎俾阿寶戴架!!!毛寶幫佢加左條繩固定~~~講!!!係咪好可愛~~~好襯你呀!!!!你好得意呀~~~





好喇~終於排到我地喇~辛苦哂你落河睇位!




默契之配合~




過左河之後又係一系列咁樣既悶路....我記得呢段路衰婆要求要去小解....我有少少急屎跟埋落車(我懷疑係食左今朝碗粥).....點知我一除褲勁多烏蠅衝埋黎...(我屎忽有無咁香要衝住我黎?)....之後我勁驚....優番條褲...決定忍!反正仲忍到





然後路上見到....華......好驚呀!!!!好彩唔係有車經過佢隔離先反車咋.......如果咁岩線我地架車經過佢咁樣反咁多貨落黎實死x梗!!!搞左超耐..好彩有第二條小路兜走...




又經過呢個大水氹~司機信守承諾搵番哥個小朋友幫佢測水深!




好喇~又去番哥日哥個鎮哥間餐廳食飯喇~我地本身想試另外既餐廳....點知行係市面望完....好似都係呢間最好....算啦~食多你一次算喇~又唔係唔好食~Karibo Hotel入面既餐廳~




今次我飲菠蘿味~勁正常~每我諗起韓國既芬達菠蘿味汽水~汽水各Ar2,000=5hkd...今日無叫前菜喇!




我同毛寶叫左燒龍蝦(定大蝦?)兩份食~Ar18,000=45.2hkd....啖啖肉真係好正~爽爽的新鮮的~




然後我同毛寶再叫多個燒雞黎share~Ar19,000=47.7hkd...你能想像雞比海鮮還要貴係咩玩法嗎?....仲係雞脾位!!!燒得唔怕乾~~~嫩嫩的!!!而且醃得極好食!!!出色!!!




衰公衰婆又係叫左個燒龍蝦...另外再叫一個魚...都唔錯既!!Ar18,000=45.2hkd.....但就燒雞出色好多囉~




呢日食左Ar77,000=193.2hkd...每人48.3hkd...抵!




臨走時佢地仲要送左4頂帽仔俾我地!上面仲寫住歡迎!暖呀!(原來酒店名解歡迎~)




馬達加斯加的人都很友善~~~~多謝你地呀~~~呢兩公婆搞咩可以咁夾!!!!無夾過擺咩鋪屎影相但係可以擺到同一個鋪屎!!!!!人生遇到可以同你一齊低能既人其實好幸福!




食飽飯又再出發啦~點知去到碼頭又岩岩好額滿要等下一班渡河船~咁唯有等一陣啦~碼頭周邊都有好多小食店早餐店....不過我真係...唔係好敢食~我驚肚仔痛~




都好似等左成大半個鐘~終於到我地~





唔知點解覺得呢條河好似同之前黎哥條有d唔同.....好似d色深色d咁既?






仲有d小朋友係河邊游水~




講真...坐車時間真係無咩做~因為連最簡單既睇景都無野好睇........我已經訓左唔知幾多個鐘~




好彩既話有時會有牛車經過俾你望下~我想講佢地d牛呢...條頸有個瘤凸出黎....佢地仲笑話唔通叫瘤牛?上網查過...真係叫瘤牛...又長知識了~




呢日既唯一一個景點~Baobab in Love(Le Baobab Amoureux).....佢都係包包樹入面既twins~但佢地係戀人關係~~~~睇唔睇到佢地幾纏綿~





然後我地兩兩咁樣同Baobab in Love(Le Baobab Amoureux)合照...一張係衰婆幫我地影既...另一張係毛寶幫佢地影既....然後衰婆托我係呢度請大家幫佢評!評!理!!!!!!佢問邊張靚d?(次次睇親都笑~)





我地又同痴頭芒包包影張合照~今次呢張終於我地3個都有帽戴喇~~~~呢棵包包附近都有d幾靚既猴麵包樹既擺設...但個價企得好硬~我地買左少少...番到猴麵包樹大道兩旁既鋪再買~出乎意料猴麵包樹大道既平d!




然後又住番Hotel Palissandre Morondava~一到酒店...又飲哥杯綠綠地色既welcome drink....大家記唔記得我較早前扮清高怕烏蠅走入我屎忽忍住篤屎唔痾呢件事?....飲飲下...衰公衰婆仲同史奈達講緊聽日既行程(百力滋不知人在那方?只有在電話對話)....我已經忍唔住講:我唔得喇我好肚痛呀....我要入房先喇....................之後快快趣入到房...我同毛寶講:快d俾消毒濕紙巾我!!!!(命令狀).........因為我去外地邊度都好....個廁所我一定會自己消毒左先去......這是習慣...毛寶成日話我係偽潔癖者........點知毛寶未攞到出黎.....我已經話:我唔得喇!!!!!!!!!!!!!!!!!......就係咁....我第一次去一個未消毒既廁所.....急到差d無命....我諗我痾遲一秒會賴屎!(如果我係一個少女blogger一定唔會將自己就快賴屎呢件事寫係度話俾大家知)



又係包晚餐既~薯蓉湯既物體~不錯~




又有好好味既蝦同埋魷魚啦~長通粉係無咩味~但衰公醒目啦~唔會再加辣醬喇~~~




甜品~堅唔記得係咩~但我記得塊餅好食!




黎左咁多日都係買唔到正常樣既postcard..得d老老土土既....但咁多日都無...應該都係無架啦...算啦..係酒店點都買幾張傍下身先啦!.....點知揀揀下時毛寶發現做裝飾既postcard....問職員賣唔賣...佢個樣覺得我地好奇怪..但都話ok~你講喇~長方形哥張係咪靚好多喇?同埋買左呢個磁石~唔知點解好難搵到磁石買!




間酒店有d刺繡既枱布賣(墊枱哥d)...問佢幾錢...佢話要成套買....千幾蚊!!!!唔係馬達加斯加錢!!!係hkd!!!!!!!!!!!!!!!!瘋了....毛寶覺得呢個狐猴擺設幾靚.....驚好貴....然後我幫佢睇下價錢計一計....才3xhkd....是什麼物價?

入房...再爆多次屎........好肚痛.......之後毛寶發現:喂!!有熱水沖涼呀!!!!我沖完唔關水快快趣到你沖!!!!驚有人搶熱水你就無!!!!.......之後我地兩個都成功沖到熱水涼~點知發現....衰公衰婆都係無熱水......我地住108...佢地107......佢地打出去問....原來101至107號房係無熱水既..........................我以為後面既房全爆.....又唔係喎~唔怪得...之前無熱水啦~(因為我地之前住101同102)...咁點解佢唔俾有熱水既房俾人住既?放晚呢度幾凍架喎沖凍水涼好難頂喎!







2017/11/13的開心事:
毛寶今日見到我甜笑...問我笑咩?
我:我諗起星期六見到Sunny就好開心~~~
毛寶:使唔使笑成咁呀????
點呀點呀..我帶咩去接船好呀!!!
無理由攞兩梳蕉下嘛~~~~



報時:距離日本大阪自由行之旅2017仲有---24日~
報時:距離新加坡熱辣辣聖誕節之旅2017仲有---38日~
大阪有排左少少..個心定少少...
重點係.....我發現我有間餐廳好想試呀!!!
但佢要打過去訂架!!點算好呀!!!
我好想試呀!!!

22 則留言:

  1. 可能老闆記得你地買過帽,覺得你地好鍾意,所以送幾頂畀你地
    D河水深色到好似茄汁咁 ... 望落都幾恐怖
    麵包樹個樣本來已經夠特別,原來仲有再特別D
    八層得一層有熱水?咁房價係咪一樣?

    回覆刪除
    回覆
    1. 哈哈~係咩~依家有好多頂呀~早知唔買啦~~(不過唔買佢又唔送俾我~~哈哈)
      都係呀...我有幻想過自己趺左落去...
      係呀~有錯體版~~哈哈~~
      無架...係一間間屋咁既...起係沙地上..係架...同價架~

      刪除
  2. 阿寶帶藤帽仔.....襯到絕一絕
    狐猴擺設好高檔又估唔到咁平
    旅行期間都好驚爆屎,好彩已經到酒店咋
    無熱水沖涼我唔得架@@

    回覆刪除
    回覆
    1. 真係好可愛呀可~(迫人話可愛)
      係!!絕對估佢唔到!!
      咪囉!!我寧願嘔都唔爆屎呀!!
      我都唔得架...我係哥種夏天沖凍水涼都會病哥種人

      刪除
  3. 終於都睇到阿寶戴帽的靚相,好靚呀,河水黃得好緊要﹗

    回覆刪除
    回覆
    1. 哈哈~~佢真係好可愛~
      我有諗過自己會唔會跌左落去~

      刪除
  4. 我都喜歡...他們送的小禮物
    ✨好友🌟晚安🌜瞓覺豬呢🌛💤
    💛*¨*💞・゚。💚。・゚゚💗
    ╔╗╔╦══╦═╦═╦╗╔╗∧∧*¨💙
    ║╚╝║══║═║═║╚╝║・ω・)*。💘
    ║╔╗║╔╗║╔╣╔╩╗╔╝⊂ノ。゚🎈
    ╚╝╚╩╝╚╩╝╚╝═╚╝週二💓
    💟*¨◇💖∴º°¨⊹💕∵*`💜

    回覆刪除
  5. 阿寶戴住頂草帽仔好靚好襯啊^^
    $500開爐費都幾貴,咁室內場又無計?
    提議你帶晒上次合照果張相去接船,晒出來叫佢地簽埋名^^
    果棵纏綿包包樹好有趣,我仲以為你地會攬住咁影XXXD
    咁最終你有冇叫佢地來你地間房沖涼?沖凍水好慘喎!
    p.s.你真係好勁可以忍足一日,我仲以為你在午飯間餐廳已經解放了........???

    回覆刪除
    回覆
    1. 係呀~~~佢真係好得意~~
      真係無計..因為哥日真係落好大雨..但得哥日最齊人~
      下~~~~~好怕醜架我~~~好驚呀~~~~~
      應該攬佢唔哂喎~~~我地咁瘦~~~~
      我有呀~但佢話唔想抽住d野話黎沖...最後就咁沖凍水算喎
      哈哈~~中午哥時感到有篤屎係肚..但唔痛...所以無理XXD

      刪除
  6. 你問邊張靚d , 兩張一樣靚,因為你地企o既位置一樣,構圖差不多囉。
    我就鍾意你地3個有帽戴個張,靚d又可愛d!

    回覆刪除
    回覆
    1. 差少少既~~~有張影唔哂張包包~~~
      哈哈~~突登影一張3人一齊戴帽的~~

      刪除
  7. 我今次覺得衰婆影果張靚d 不過其實兩張都靚 棵樹好宏偉呀
    好開心你咁快又有得見sunny ah 好正呀!
    我去旅行都試過極肚痛 腸胃太差 次次都出事咁制 hahaha

    回覆刪除
    回覆
    1. 哈哈~~所以衰婆咪想有個人幫佢評評理囉~~~~~
      個心卜卜跳ing~~~~
      下!!咁慘!!!!爆屎真係好驚囉!!!

      刪除
  8. 阿寶靚晒,好厲害仲搵到條繩幫阿寶整好頂帽!
    好驚險,成架車冧咗,乖嘅小朋友福大命大好彩,最好彩係仲有另一條路走!
    真係好難估佢,枱布要过千,果個金屬擺設只需3X-HKD,落差咁大!
    係囉,竟然俾無熱水的房間人住,我最怕沖凍水涼,大熱天都唔得

    回覆刪除
    回覆
    1. 係呀~咁岩線有~
      真係超驚.......打左個冷震~
      咪囉!!!!過千喎!!!!!但一定要一SET買無得分開買...咁梗係唔買啦~
      我都唔得架...我係哥種夏天沖凍水涼都會病哥種人

      刪除
  9. 哈哈,就係鍾意你每個點滴都講吓,好鬼有親切感^^

    回覆刪除