毛里求斯渡假+馬達加斯加麵包樹之旅2017-06-03第十五天Part 2(天晴後陰天有微雨)

星期五...一番親晏既星期五5點後就特別多野做~放左工即刻去跑步~5.09km~跑完去左食阿鴻~佢d鹵水野真係幾好食~星期六好舒服咁訓到11點~好正~中午去左羅浮咖啡..但服務麻麻~之後去venetian行行街~~下午再plan新加坡行程~上網訂左餐廳~~買埋某景點入場劵~夜晚同左媽媽食蘇浙匯~~我終於食到醉膏蟹!!!好好味!!!同埋我都好鐘意食佢地個素鵝~夜晚回家瘋狂寫Trip Advisor評論~賺取里數~(好窮的一個人)..陪伴我瘋狂寫評論的...是Sunny bb.....美妙的歌聲~~~~~~星期日中午本身想食園林...點知排隊既人太無隊形...決定轉場食馬慶康~點知都係食唔到我好想食既煎肉餅太陽蛋飯~唯有食番叉燒煎蛋飯~下午在毛寶家劃下出年d假..同埋同大比研究下出年去邊~又睇下日本仲有無野未搵...又睇下新加坡d野~夜晚叫左外賣~星期一...呢個星期又番早喇~平時晏轉早會唔開心~因為訓少一個鐘~但今日又唔怕太唔開心~~因為~~~就黎去旅行丫嘛~~~~~放左工食左野去跑步~跑左5.11km~



2017-06-03
Day 15---Part 2(馬達加斯加,安達西貝 Madagascar,Andasibe,->安塔那那利佛 Antananarivo->毛里求斯 Mauritius)
去完Adasibe National Park....就起程去另一個景點Vakona Private Reserve....呢度係去睇圈養既狐猴架!但....我巧驚喎!咩識郁既野我都驚架啦~你地知架~(睇上次奈良鹿就係一個好好既示範~~)...門票個團包左~(只需最後俾貼士個導遊就ok)....行到入口...導遊過我地知要撐船過對面(其實好短)...佢就跟我同毛寶船(即係唔使我地撐~~)..衰公衰婆自己一條船.....




衰公衰婆好帥呀~~




過到對面...行左兩至三分鐘咋!!導遊吹吹口哨咋!已經見到成班野現身...你地睇到無?呢個時候有幾粒雨仔





先來褐狐猴(Brown Lemur)...喂...乜你地咁隨便架咋?諗緊頭先做咩要咁辛苦咁去追你!




下~~~~乜真係要上身架~~~~~我好驚呀~~~~~之後衰公影完相我不停推其他女仔出去~~~~




我明明nonono左好多次架...點解佢最後都係我膊頭上面既.....見唔見到我面色變左灰色...導遊會不停係我地隻手放香蕉引佢地落黎.....求下你唔好再俾香蕉我~




我從來未見過自己個樣笑得咁尷尬.......................個心既對白應該係：求下你快d走開~~~~





行去第二區....又到第二隻品種....領狐猴(Varecia Variegata)....華...大佬....成隻大狗咁大....都咁輕盈咁係樹上面來去自如~





點解!!點解你又忍唔住俾香蕉搞到你無哂矜持??(你遇到薯片都會無哂矜持啦..條頸都會伸到佢咁長)




好似有成隻班點狗企係我膊同手臂上面!有無型!成條皮草咁!但好重呀你!(拿..講明呀..我係唔支持著皮草架)




拿~佢表情都話你知佢有幾重喇~




好喇~仲有第三種~馴狐猴(Bamboo Lemur)....細細粒好可愛~~導遊話我地行近d樹遞隻手出去...佢就會黎食~~但佢唔會上我地身~~(最乖係你!!)....好小心呀你地~





黎啦黎啦~黎啦小可愛~好乖呀~你地怕怕醜醜咁好得我歡心~~






唉呀~俾人偷影左添~~好可愛呀~~(兩個都係)




玩完呢3種狐猴仔...我地問導遊：有無King Julian睇?(荒失失奇兵哥隻喎~我估個個黎到馬達加斯加都會想見下佢~)....點知導遊話：呢隻唔包架喎..要睇要另外加錢..........咁...一場黎到....無理由唔睇啦下嘛?只要每人俾多Ar.15,000=37.6hkd....唔係唔俾下嘛?.....之後導遊補給番d香蕉...再出發~.....又要再撐船!......呢次唔係就咁過對而岸咁簡單!......堅係要撐!!!!段路好長.....導遊都係跟住我同毛寶(即係我地印印腳唔使郁).....衰公衰婆就好慘喇....因為都係第一次撐....都幾難控制....慘!(而且段路都超乎想像的遠).....呢段路其實幾靚





沿路都見番頭先同佢地玩過既褐狐猴(Brown Lemur)~成班追黎追去玩到癲哂~





再行前d....呢個位勁似去左亞馬遜~~(但我未去過亞馬遜)





導遊黎到呢度就同我地講：到喇~......咦...咩都無既?




唔係喎....我好似見到有幾粒毛毛球既野注視緊我地喎





哥幾隻野癲到~~~一見到我地...即刻九秒九衝過黎~~~第二第三幅圖仲影到佢地係樹上面飛撲落黎既畫面~






我無諗過同佢地咁近架!!!(因為無得落船架..我地係船上面睇)




我無諗過同佢地咁近架!!!講真呢個鋪屎我覺得有d性感~盡顯背部啤梨型的身型~好喇~講番....身為國王既King Julian係叫做環尾狐猴(Ring-Tailed Lemur)...做咩你好似想食左毛寶個名既?




我無諗過同佢地咁近架!!!想唔想睇毛寶幫佢影緊張咩相~




喂~頂~好似影緊寫真咁~~~睇下佢~無哂矜持~手仔已經踏左係毛寶個膝頭上面~~




咩事?!下一秒同人玩到俾人影左小菊花都唔知!囡呀!阿媽教你做女仔既矜持去哂邊?(我唔排除其實係仔仔)




我都俾國王寵幸呀~~~~~~~~~下一秒又俾佢整蠱番~~(好彩有戴帽~~唔係又嚇屎我)





此時.....其他仔仔又聞風而至~~~~(應該係聞蕉而至先岩)






係成堆仔仔上哂黎開船P....好好玩....成堆仔仔上哂船發現......佢地係有極臭既臭狐!!!!!!!!!!!!就係正正係人哥隻臭狐....仲要唔係少少味.....係極!度!臭!!!!!!!!好震驚呀!!!頭先睇左3種唔同既狐猴人地毛真長過你..大隻又大隻過你.......乜得你呢個國王臭得咁交關?陣味真係永世難忘~~





隆重介紹~係國王隻手手!!佢地對手勁得意!!!!!佢有時會掂到我隻手...手臂之類....當佢掂到我哥時....我覺得好舒服~~~因為手仔涼涼軟軟黏黏的~~~~好可愛~~~~~~好想你地再掂下我~~~




喜歡跟人家小菊花拍照的衰公...衰婆要小心了~~(我記得衰公依家fb profile pic就是跟國王屁屁的恩愛合照<3)




可否不要如此深情的對望?




如果換做呢個係我..我應該會大叫左好耐...因為我接受唔到小菊花與我心跟心接觸的感覺




唔好蝦我衰婆呀!放開佢!(第二張相左邊隻國王好明顯望緊我喎....)





有無人覺得國王個樣其實...有少少似Mr.Bean?






仲諗緊你兩個為咩咁fd...原來selfie緊~~我都有份~






基本上參觀既過程中後段班友仔都係處於失控既狀態








好臭呀!到底你地幾多日無沖涼呀~




我發現佢地好鐘意用屎忽對住衰公..係愛呀<3..衰公個肩膀好闊!可以擺得落兩隻國王!(有無人覺得佢地條尾好似長條狀哥d擦樽刷?)




出發前上網睇到....有張相影到佢地成個人咁坐係度....我又以為好難得先影到......點估到你隨隨便便就咁係我面前坐低je~~~~真係好似人咁坐架~~






呢隻仲要豪邁踎!頂你唔順!


睇完國王就原船走....原來仲有一種狐猴未睇...那再前進咯~拜拜King Julian~我諗我都會掛住瘋瘋的你們既~



仲有你地!褐鼠狐猴!佢地d毛毛顏色好靚!






勁為食...係一名吃貨!!睇下佢!!捉緊衰婆隻手要食野!





之後衰公..之後到我...衰公最記得我講既說話係：噓...快d啦...到我喇!!(趕唔切咁..明明自己頭先就好驚)....我問緊導遊攞香蕉餵佢地...佢地笑我呢張相成個乞衣仔問人攞野食.....




無喇!放過我啦~~~~




餵第二次香蕉....左邊哥隻依然活躍地吃!有無人見到左上角有人搶鏡?!?!?!你做咩走過人地哥區呀~~~~~~




好啦~影到張靚相呀~走喇~




回程衰公衰婆辛苦喇~等你地做公主啦~到我地接力喇~




我第一次玩咋...拿...蛇ghere t又有少少驚喇呢個位...因為我唔識游水好驚反艇......原來都幾難架喎...我覺得雙人划更吃力....拿!我無講呀!我無講話毛寶划船揸流灘呀!....不過佢似乎唔係好識划....因為我feel到佢一划隻船會偏移左方位.......我記得我好似有講：er...不如你坐係度唔好划咯~~........好彩....原來呢段路.....算係好短~~~~




謝謝導遊叔叔帶我地探狐猴唷~我覺得好好玩~而且玩得舒服~~~哈哈~~我好懶~








係喎~~~~

唔知聽日定後日抽出年d假啦~~~

大家快d幫我集下氣啦~~~~~~

希望抽中!!!!!!!!!!!!!!!!!!!!!!!!

2017/12/04的開心事：
我11月4日咪去左赤柱睇Supper Moment既..
去赤柱之前.....
我去搵左之前有幫Supper Moment畫mv插畫個artist..
畫我同毛寶粒人像~
今日終於睇到個soft copy喇~~好開心~~~~
等左成個月~~~~~~~



報時：距離日本大阪自由行之旅2017仲有---3日~
報時：距離新加坡熱辣辣聖誕節之旅2017仲有---17日~
我諗~我星期四都係出唔到blog架喇~
我要執野嘛~
咁....依家講定...
記得M!記得E!記得ME!!!!!!!!!!!!!!
幾日後見~~~~~~~要掛我呀!!