2017年11月9日 星期四

毛里求斯渡假+馬達加斯加麵包樹之旅2017-05-31第十二天(晴天)

星期二.....呢日番工都幾多野做~放左工去左做運動~慢跑5.34km~個喉嚨好似有少少痛添~~好驚呀~~~~~星期三...工作keep住有野做但又唔算太密太密..都ok~但喉嚨還在痛~(請用古巨基腔唱出)................放工食飯去跑步~今日好叻~連續慢跑左40分鐘~5.21km~開心~跑完成身臭臭~~星期四....喉嚨仲係確確地...我覺得我把聲有變..但唔係話好痛..有d痕同確.....今日番工無咩野~今日係我定既法定休息日~不運動~(因為我要出blog~~~~~~)....周末有好多野做呀~~~



2017-05-31
Day 12(馬達加斯加 Madagascar,Bekopaka)

早唷~我地呢日好早出發~因為我地今日會去噚日買飛既荊棘貝馬哈保護區(Tsingy de Bemaraha National Park)....要早d出發原因係因為怕遲出發會好熱~好似6點半出發~好彩酒店6點有早餐~所以食埋早餐先出發~出到餐廳望出去...華...好似有層霧係樹林咁既?好靚!似仙景!




幾威威呀...呢間酒店都有泳池架!仲對住個咁靚既景~




早餐...太早~無咩食~求其食少少~佢地仲有自制果醬~




天色越光d霧都散咁d~






我地約左導遊6點幾係某個集合點接埋佢一齊去國家公園既~到左之後佢幫我地上安全裝備(咦...咁認真架?)




上完裝備佢就同我地大約講解下我地早上既行程...早上會行既叫Big Tsingy.....下午就會行Small Tsingy.........華下~個地圖詳細到.......




望過隔離既資料....呢個行程大約3km...4個鐘...就算我唔識法文我都識解個難度係Difficult.............er....我淆底




呢個就係我地既導遊阿約翰喇~點解要咁早出發係因為想避開如果正午行會勁熱~依家氣溫還好~開頭既路都算平坦~





跟住慢慢開始就係行山既路段喇~我仲頂得住~




行左一陣阿約翰就叫我地靜d靜d....然後就叫我地企高睇...佢話發現左小狐猴呀~~~你地見唔見到佢呀??都有d遠~要衰公部相機先影到~




呢~~~佢係樹窿仔入面訓緊覺呀~~~~~




行下睇下行下睇下...約翰話呢度以前係海洋....呢d石上面既痕跡可以睇到....呢d係化石來~利害~





然後就山路的上上落落上上落落....er...都有少少攰既...但還好...因為有著爬山鞋~同平時係澳門行山的差不多~






聽講...呢棵樹既樹幹入面...再生出多一棵樹.....好似係..除非唔係~係咪即係等於我個心入面住左Sunny bb一樣呀??(唔好打頭呀)




我開頭以為我地上哂裝備....係要由下而上咁攀上去用繩....好彩~唔係~




但原來.....都唔好得好多~~~~頭先哥d上上落落只係前菜....主菜係.......要不停上....全部都係好高既石....原來要不停咁用雙手拉住高石拉自己上去...........................繩只係安全設施....唔係用黎拉你上去.....講真...係幾好玩既(開頭)....玩玩下...我大汗疊細汗......熱到最後連帽都帶唔到.......流左超多既汗........呢度好難影相....因為越爬越高....下面全部尖石......攞唔到電話影相~除左攀尖石...仲要行吊橋......爬梯...仲有好多遠距離既石....所以如果要去行呢個Tsingy既朋友....記得買番對工友手套~如果唔係你想用手係石度借力都唔得...因為d石好容易整損手......另外一樣好有用既野就係頭燈...因為有好幾次要入洞行同埋個身幾乎烏到幾低爬出洞...所以頭燈比手電筒方便及優勝!!好彩衰婆醒有買定手套頭燈....重點係幫我地準備埋d咁叻既女係邊度搵?



我都唔知爬左幾耐....終於!!!!!!!!!!!!!!!!!!!!!!!!!!!!!!!!!(go pro影得好美~)




上到黎呢個睇尖石林既觀景台喇!!!!真係要為我自己鼓一鼓掌!!!!!!!!!!!!!!!!!!!!對我無做開運動既人黎講.....呢個簡直係一個不可能既任務....我喎!!!攀石喎!!!....個景係靚既!睇下我條頸既汗...真係不得之了既帥氣!!好!!我地一齊歡呼:小t~~~~~你同Sunny bb一樣咁帥~~~~~~~~~~~~~~~~~~~~~





呢張衰公幫我影的~幾有氣勢呀個景!!




都話左耍帥咯...你做咩望鏡頭je~~~~~~




跟約翰一起合個照~




落番黎之後要等前面既人行左先~咁我地係度等陣先行......毛寶發現有舊石好適合幫我拍帥照....叫我爬上去影....係幾帥既~似唔似國王坐既王位?但我是美美的公主~(不要打頭).....但第二張係跪拜國王既奴婢~咩角色我都駕馭到~呢兩張相可題名"神又係你鬼又係你"~





正所謂...你頭先爬左幾多石上山.....你就要爬番幾多石落山....由於之前上山既路....我諗我消耗得太多體力(早餐食得太少).....流得太多汗.........補充水份不及流失的快(水亦帶得不夠多).......下半段我走得非!常!辛!苦!.........平時我會扮無事繼續行......但我忍唔住主動提出我要坐低休息下(因為我開始覺得頭痛...我懷疑我當時有d中暑)........我要飲水食餅......抖左一陣再行.....好辛苦....我先走過哥段路....又要爬梯........然後又出番去上上落落......然後再到平坦路.....最後出番出口哥段平坦路我基本上係拖行自己身驅出番去......比入黎時....平坦路用多左之前2倍多既時間先行番出去.......好辛苦....行幾行要停低飲水...好多謝毛寶既照顧.....查實有一刻我覺得自己會虛脫暈.......但好險行下抖下飲下水.....最終捱到上車........上到車.....我應該呈虛脫狀.....訓左係毛寶膊...佢問我有無事...我話我唔想講野....然後合埋對眼....將手....伸入我書包狂搵...然後氣若柔絲跟毛寶說:我終於搵到條善腸喇...幫....我...開................(擁有非常健碩身型的人好像不配氣若柔絲說話.....但那刻我已無力~)......毛寶話我揸住條腸個樣好衰~出番國家公園.....經過村莊.....衰公衰婆落去買左超冰凍既可樂俾我飲.....飲完成個人醒哂!!!!即刻番哂黎....不停咁講野~~~可能飲番d甜野血糖升番卦...唯有咁講~差d以為自己會無命既Big Tsingy之旅.....完~



番到酒店...中午左右....我地就同衰公衰婆講....我地退出下午既Small Tsingy之旅~雖然Small Tsingy比Big Tsingy行既時間少好多....但係d石要跨既空間仲大過Big Tsingy.....以我既體力....er....算吧啦~我有叫毛寶唔好理我...但毛寶都話佢要休息下~所以我倆放棄了~我地無即刻入房休息~我地係大堂坐下望下風景飲下野上下網~(係呀..房無wifi~)...突然覺得成個下午可以休息....好疏肝~(前衛輝mode)




嘆完野飲同上網就番入房沖涼洗衫啦~成個人臭崩崩咁~洗完衫就點呀?嘆我地帶過黎既冬蔭功味既杯麵囉!!!好正呀~~~解鄉愁~~~~~~~




食完麵之後我地就盡情咁灘係張床度休息...聽歌....閒聊笑到肚痛(唔知點解呢兩個人咁多野講)......係張床度碌黎碌去整相時毛寶話我知.....原來我地呢日經歷左好多~




整個下午都在耍廢~但休息得很爽.....晚餐食帶過黎既無印湯飯~好好味~~~~~~又解鄉愁~




衰婆話下午的Small Tsingy也很攞命~~雖然Small Tsingy個尖石林既規模望落係細過Big Tsingy....但就可以接近個尖石林多d囉~(望住張相就想問衰婆坐落尖石度屁股痛無?)......多謝衰婆借相俾我post係度~等我地大家都有幸一睹Small Tsingy的風彩~我想講衰婆好強...無運動開都捱到兩個尖石林之旅~~~勁~




雖然呢個Big Tsingy差d令我虛脫~但無後悔行上去呢~因為個景真係好開揚好靚~有機會大家都要去感受下Big Tsingy~~(其實係想知係咪淨係得我一個虛脫:P)








er....
噚日俾我知道左.....
Supper Moment下個禮拜會黎澳門呀!!!!!
點算呀點算呀~~~~~
行黎行去中~~~~~~
好想見到Sunny bb~



2017/11/06的開心事:
又過一個工作日~
同埋終於今晚可以食飽d~(因為不運動~)
阿媽仲整涼瓜蝦炒蛋~~~~d蝦我岩岩行過見到勁大隻~~
快d食飯啦~~~~



報時:距離日本大阪自由行之旅2017仲有---28日~
報時:距離新加坡熱辣辣聖誕節之旅2017仲有---42日~

24 則留言:

  1. 一定係SunnyBb太掛住你了。
    與其說像你心住了sunnybb,不如說sunny bb的心住著妳。
    打完打了個哆嗦

    回覆刪除
    回覆
    1. 如果是真的...那我這一生都在粉紅色的夢了~
      我也打了個哆嗦

      刪除
  2. 好特別的地方,我朋友來馬達加斯加話最好玩是這個尖石林,合味道杯麵我好耐都無食啦﹗

    回覆刪除
    回覆
    1. 其實係幾好玩既~我都覺得好玩架..但真係好辛苦....同埋有少少危險~
      點解呀~覺得唔好味?定唔健康?

      刪除
  3. 嘩....個景堅靚呀))))而且天空又藍人又靚女~~哈
    你好勤力呀,要堅持5K

    回覆刪除
    回覆
    1. 野~~~~~靚女係咪話哥個叫小t既女仔呀~~~~~~個景真係幾得~但要用好多力先睇到~
      一個禮拜3-4次左右~不能日日跑~~~~

      刪除
  4. 見到他記得問他囉電話號碼喎

    回覆刪除
  5. 你咁講又有D似喎 ... 但寄生植物會慢慢控制宿主個喎 ...
    玩唔到下半場有點可惜,不過以你而家既體能應該會好D
    你下次帶朱古力去行山嘛,可以幫助補充體力架~~
    Sunny咁快又黎過?你有約佢的嗎?

    回覆刪除
    回覆
    1. 你講到好似異型~~~~
      我都唔確定以我依家既體力會唔會攀到咁多高石...真係好辛苦~~~係有d可惜既..但下午耍廢又好舒服~
      以~~~~人地唔鐘意食朱古力架~~~~~~~~
      我都想我約佢就過~~~~~~~~~~~~~~~~~~~~~~~~~~~~~~

      刪除
  6. ♦¨*☾好友🌜晚安☁・。。゚🌛
       ╭───────╮✬
       │瞓覺豬呢💤│
       ╰───────╯✨
    ╭───────╮☆
    │甜夢安睡💤│
    ╰───────╯★
      O🌟
       o❉
     .∧_∧・。。゚
     ( ・ω・ )
     |⊃/(___◇ഐ⊹
    /└-(____/✾♪♫♩♬ஜ
    *•ೋგஜ╠╣aΡpy週五๑۩۞۩

    回覆刪除
    回覆
    1. 點解呀點解呀又到周一了~~~~~~~~~~~~

      刪除
  7. 天氣轉變保重身體!
    你都行得好遠喎,有咁多行山裝備係你自己帶去㗎,我見個化石遣乜都冇做保護..., 好易受到破壞,好可惜!

    回覆刪除
    回覆
    1. 知道~~但個喉嚨仲係痕緊~~
      唔係呀係導遊提供架~~~
      都係呀...可能未有呢個意識...

      刪除
  8. 飲多啲水與潤肺嘅飲品呀。

    回覆刪除
  9. 有冇用支野噴下喉嚨,唔知有冇效呢?
    靚喎個晨早仙境,雲霧堅靚......@@
    依家經常跑步踩單車係咪體能已經好好多?
    今次係咪都會去碼頭接船呢?

    回覆刪除
    回覆
    1. 我有呀~~狂噴~~~~
      對對~雲霧景真係一流~
      我都唔知~之後得閒搵日係澳門行下山先~
      要啦!!!!!!我點捨得唔接佢呀~~~~

      刪除
  10. 辛尼又去搵你呀?唔使咁痴纏嘛......
    你由虛脫到善腸嗰段好好睇.

    回覆刪除
    回覆
    1. 真係好驚喜~~~相見不到半個月又再見了!!心心眼中~~~~~
      真既..係咪好繪聲繪影呢~~~

      刪除
  11. 啱架,行完一轉發覺自己支持唔到同無信心,真係唔好夾硬嚟,老實講行四個鐘平路其實都很累,但要爬石喎,好彩你做到,亦睇到美景,但要我再行,我都投降!
    估唔到你上到車竟然第一件事唔係休息而係~揾~善~腸~哈哈,好配合你個性!

    回覆刪除
    回覆
    1. 係呀..我唔想陀衰家要人照顧呀.....真係驚暈左以我既體重應該無人抬得我郁~~~~真係辛苦既..但又真係值回票價~
      我有休息呀~我有合埋眼同人講野~~同埋隻手一路搵腸囉~~~~~~

      刪除
  12. 辛苦啦毛寶,否則我們見不到美女小t呢~~~~
    哈哈哈,宇文公子加油!

    回覆刪除
    回覆
    1. 哈哈~哥次真係好難忘~~
      好的~多謝~

      刪除