2017年11月16日 星期四

毛里求斯渡假+馬達加斯加麵包樹之旅2017-06-02第十四天Part 1(大霧及後天晴酷熱)

星期二...唔知點解仲多野做過星期一...無命喇...........放工食飽飽做運動..慢跑5.37km~星期三....一起身發現自己頭重重....膊勁痛...流鼻鼻....我最唔想發生既事終於發生...覺得個人round round地...但我竟然仲出到門口上班去....見到樓下藥房咁早有開我即刻衝買感冒藥俾自己嘆....本身剛上班仲屎屎下.....點知食完藥一個鐘度我就龍精虎猛!為免加劇病情我呢日都係暫停運動好了~......星期四....朝早就靜蠅蠅....下午就都幾多野做~可能因為賽車第一日~對~一年一度的賽車又開始了~~~為左唔想塞車令到自己今日無哂時間...我決定將今日為法定休息日不做運動~~呀~~~點算呀~~~周末要來了~~~即係話見Sunny bb的時候到了~~~我好緊張呀~



2017-06-02
Day 14---Part 1(馬達加斯加,穆龍達瓦 Madagascar,Morondava->安塔那那利佛 Antananarivo->安達西貝 Andasibe)

呢日...我地又好早出發喇~因為前幾日.....去影包包星空時...衰公部相機影得唔夠皮~話想再去~同史奈達商量好..佢都同意呢日又4點出發(辛苦哂)......又黎到猴麵包樹大道(Allée des baobabs).....衰公再用佢部機試下再影...我地就借左大比哥部機嘛~我地都影....但呢日...唔知點解我地同衰公都影唔到......係漆黑一遍時有用燈照周圍環境...咁多塵飄飄下既???又影唔到多星喎...點解既點解既?(又影到包包接住粒星)




影左一個鐘之後開始日出.....終於知道答案點解呢日影唔到.....因為...有霧!!!!!!影唔到星都可惜既...但.....有幾多人見過猴麵包樹大道(Allée des baobabs)係有霧呀??







我覺得有霧之下勁有味道喎!





天都光齊~小朋友同狗狗都開始活動了~走啦~我地睇左星空下~日出~天晴~黃昏~大霧下的猴麵包樹大道(Allée des baobabs)~夫復何求?




好喇~之後番酒店...剛好時間有早餐食~都無咩好揀...叫做有隻煎蛋食下~馬達加斯加既蛋都不錯吃唷~




之後就各自番房休息一陣....訓一陣...執埋d野...再出發~今日我地會離開穆龍達瓦(Morondava)返回首都安塔那那利佛(Antananarivo)然後再轉去另一個城市安達西貝(Andasibe)....我執緊d包包既擺計唷~最大同最細哥個包包都係Baobab in Love哥度買既無拋光的....勁靚!其他都係猴麵包樹大道買的~




好啦~我地check out走啦~同史奈達影張合照留念先~佢都算係黑人之中既帥哥!





去機場前仲有d時間既~咁就去下呢個Morondava Beach參觀埋啦~但入海灘前好似要經過d民居既地方咁既.....無啦啦有幾隻細狗仔衝過黎~仲要狂追住衰公同佢玩~





除左狗~仲有唔理人既貓貓~架古董車好美唷~





我地行緊去個沙灘時4隻狗仔一齊跟住我地~隻Ginger好可愛~~




華...乜原來仲要行多咁多路先睇到近d個海架....唔好喇~~好熱好曬呀~~我咁樣睇得架喇~(我仲懶過衰公衰婆~).....原來呢個Morondava Beach對住既海係莫桑比克海~hi~我太懶喇~掂唔到你d海水喇~





然後我地要求去酒店附近既紀念品店逛逛~因為呢個程真係無咩收獲~呢間唔錯呀幾多野買下~






衰婆好欣賞後面d杯墊..我同毛寶就想買前面哥d~




我就係買左呢4舊磁石喇~終於搵到d有特色d同埋靚既磁石喇~




另一間無咩買~但影左d好可愛既貓貓子~




呢間就賣木雕多~我地無收獲~





呢間都好正~店主會說超流利英文~~~勁~~~而且d紀念品都幾靚~~我都買左d~佢呢間鋪頭叫做La Sobika Company...佢解釋俾我地聽係解做Big Baket~毛寶買左下圖隻環尾狐猴木雕...超得意~我仲係呢度買左兩張好靚既postcard添呀~~





睇完紀念品店我地就叫史奈達車我地去大街哥間郵局喇~順便寄埋postcard~溝通左好耐...我同個郵局職員講我要買郵票.....講講講左好耐我都唔知佢想表達d咩......最後....我終於諗到佢想講咩.....佢話無郵票......要到下星期二先有郵票(依家先係星期五!!)....咁大間郵局都無郵票真係嚇壞我~~我勁驚寄唔到...然後衰婆就安慰我話番到首都再試下寄啦~








2017/11/16的開心事:
朝早的清閒令我有點開心~



報時:距離日本大阪自由行之旅2017仲有---21日~
報時:距離新加坡熱辣辣聖誕節之旅2017仲有---35日~

22 則留言:

  1. 日出前的麵包樹藍藍的天空好有氣氛。

    回覆刪除
  2. 霧景原來都幾靚喎!!!Amazing....
    包包樹木雕一整排擺在家,係咪好有氣勢?

    回覆刪除
    回覆
    1. 係呀..開頭黑munk munk時攞燈照仲以為周圍好大塵...點知原來係霧~~~~
      哈哈~有d係手信黎架~

      刪除
  3. 連有霧既包包都睇埋,真係難得呢
    一排包包樹木刻好得意

    回覆刪除
    回覆
    1. 其實有霧都好有型~我都鐘意~
      有d送左俾人lu~

      刪除
  4. 正呀...有貓🐈又有狗仔玩🐶&同行🐾

    回覆刪除
    回覆
    1. 好友☁¨♦晚安🌜甜夢安睡🌛💤
      ✨開心萬事得╠╣aΡpy週五🌟
      ╭~╮
      ╰╭╯
       O
         ☆
       .∧_∧o。⊹
       ( ・ω・ )
       |⊃/(___∵★°∴
      /└-(____/₡Ϡ¨*✬
      ❉•ೋஜ¤ഐ๑*۩۞۩✾

      刪除
    2. 下個月又可去日本吃喝玩樂

      刪除
    3. 周末總是過得很快的~

      刪除
  5. 包包樹木雕很可愛呀 超有紀念價值!

    回覆刪除
  6. 在漆黑的夜裡,不見皎潔的明月,亦失去繁星點點,我迷上了,我迷上了!
    在嫵媚多姿的樹影下,犬吠聲從霧中破出;朝陽初現,小貓兒們待在路旁向我招手。
    我迷上了,我迷上了!

    回覆刪除
  7. 有霧既麵包樹大道好似真係好少見,日出時睇又有另一種美感
    你將D包包木雕咁擺法令我諗起俄羅斯套娃

    回覆刪除
    回覆
    1. 對對~雖然影唔到星空~但又係另一種姿態~都正~
      哈哈~又似喎~

      刪除
  8. 正啦!上次有包包星空,今次就霧景,賺晒啦~

    回覆刪除
  9. 運動前唔可以食咁飽呀........
    點呀.....見到Sunny bb 無??? l hope you dream come true......

    回覆刪除
    回覆
    1. 我知呀~我通常都係跑前一個鐘食半個包~
      見到呀~~~~~~~~~~~~~~~~~~~~~~~~~~~~~

      刪除