2017年1月12日 星期四

南美洲4國新奇探險之旅2016-03-12第二十九天Part 2(晴天)

星期二雖然好多野做...但係有人請我食塔斯曼尼亞車厘子~又覺得自己賺左~星期三...叫做比之前舒服左少少~但5天工作周適應唔到(因為之前聖誕回歸除夕放得太爽...)...所以想出街街食食飯....最主要係慶祝慶祝一番!!!!!!(慶祝d咩?睇落少少)..去左食新麻蒲慶功~今日.....嗚嗚...又過左隔離喇....仲要唔係學野喇..自己一個人坐counter呀.......坐左成日放工覺得壓力好大....衝左去屋企樓下7仔買左包大既我心中第二位既薯片番屋企.....我完全係狂塞入口....完全控制唔到自己.....我好辛苦........聽日星期五可唔可以快d放工;[



2016-03-12
Day 29---Part 2(阿根廷,布宜諾斯艾利斯 Argentina,Buenos Aires)

行完又坐的士番酒店休息下~途經呢度有超大支阿根廷國旗~




睇下頭先既戰利品先~~~係Havanna度我竟然無買最好出名既朱古力~~因為我唔鐘意食朱古力~~我買左檸檬餅~~我真係好騎呢~~~~~d同事食完奚落我話好似以前d嘉頓餅~~~~仲有d磁石呀~~小擺設呀~~




超市買左兩包瑪黛茶(Mate)~~~一包自己既~~一包俾有飲開瑪黛茶既舅父~~




呢支就係我之前講既飲瑪黛茶既飲管~~~就咁整d茶葉係杯...就咁插飲管落去就飲得~隔埋茶葉呀~茶壺都慳番~




磁石我買左呢幾個~~~右下哥個型係模仿緊飲瑪黛茶隻杯型同埋支飲管~~幾得意~




我仲買左呢個屋仔裝飾~~真係好得意~~又細粒又易拎~唔怕太重嘛~~做手信最岩~




佢仲要做到屋仔既側面都超精細~~~~一係有貼海報~一係側面有樓梯~~~靚!







番去放企左d野我地就去番噚日間Frame Photography Deco攞野喇~記唔記得係咩呀~~~我地噚日send左d相攞去俾佢整既呢~攞完好興奮要開封~~~~搵個地方先~~~去番噚日哥間Mark's Deli & Coffee House飲下啡先~~~~~




開封~~~~~呢張係毛寶影架~~~~~毛寶整左大框~~依家放左係屋企裝飾~~~好靚呀係Moai黎架!!!!!




呢盒係我既~~~緊張~~




打開~華~好靚~d夾仔仲可以自己襯色呀~仲會俾埋麻繩你自己DIY佈置~好靚~~




呢d係我既~我好鐘意呢兩張~(咦~但左手邊哥邊係2015去冰島哥時影架喎~亂入~)...因為我都好鐘意冰島哥張~所以曬埋囉~佢d質地唔錯呀~因為係d好硬身既卡紙feel~又可以抹佢表面清潔~唔錯~




呢4張我係揀我地哥4個check point覺得影得最靚之作~~~~~好鐘意!!




呢3張我也大愛<3




我最最開心係整左呢兩張磁石貼!!!!!!!!!!




一張既主題梗係4個check point啦~令我一睇個雪櫃就會想起我去過呢4個check point喇~~~~呢個磁石是獨一無二的~~




另外一張係天空之鏡既不同美態~天空之鏡係我人生既一個小心願!!最難得係佢最靚最差既狀態我都睇哂~好多謝上天俾我睇到~




呢張是毛寶的~~




大家開完自己哥盒~開開心心的飲野~~~




我叫哥杯係Cappuccino Frozen...$61ARS=31.1hkd...不過一般~




坐到咁上下我地就去我地行街一早睇中既餐廳~~(仲要夜晚8點先開囉~~真係有性格~~).....呢間餐叫做~La Carera...地址:Cabrera 5099, Palermo, Buenos Aires....我地知佢開8點....7點45分左右黎到諗住等佢開...點知...勁爆多人企係門口等!!!!!!!....明明中午行過無咩人架喎....等到8點有個reception既女仔出黎....逼下逼下逼埋去聽.....似個個都有訂位.............然後我地劣一劣喇...我地無喎...點算.......點知我地逼埋去話table for 4既時候..佢問我地有無訂位....我地話無....佢疑似唔知點樣同我地講......所以就.......




直接帶左我地入去坐喇~~~~~~~~~~~~~~哈哈~~原來有時溝通唔到都有好處架喎~如果想黎食記得訂位~~~網上都有得訂位架~






牆上面有好多寫滿野既碟~我地問侍應哥哥係邊個寫架?佢話全部都係名人~其中一個係碧咸添~wow~乜我地揀餐廳咁叻架磨~~~~~~~~~~連碧咸都黎~~~~~~




餐牌有兩版~一版係前菜沙律意粉之類....另一蝦全部都係肉類主菜~~~揀呢間餐廳其中一個原因見佢好似有好多唔同牛扒食~~~~~~~~~話哂呢晚大比生日~~梗係要食好d~~~~~




點好菜~乖乖坐~~~




先上麵包~~中間哥個類似肝醬~好味~d欖都好好味呀~




叫左杯紅酒配今晚呢餐~呢杯$232ARS=118.4hkd....幾貴~但幾大杯下~咩味呀....er...我唔識呀~幾好飲囉~(廢)




Salad with Avicado, Tomato and Egg.....$178ARS=90.8hkd....一上枱....華~估唔到佢真係一篤沙律醬都唔俾架下~不過好彩今次d料幾新鮮~唔係霉霉的那種~但覺得有點貴~




Kobe Beef Wagyu Bife de Chorizo(500 Grms)...$1,088ARS=555.1hkd......和牛才500多?!?!?!?!?好抵話~~~一大舊喎大佬~~~~~~~




另外叫左Rib Eye Steak(Medium)...$330ARS=168.4hkd....佢地d扒真係好抵................




跟牛扒上的小配菜都好好吃~~~兩邊都不同的~





仲有呢兩個醬既物體~但唔係好記得咩味~




我地4個人就係叫左呢幾樣咋~不過都夠啦~和牛漏架嘛~祝姐姐生日快樂身體健康去多多旅行常常美麗~睇下我個頭...去左一個月旅行成隻長毛狗喇.......





d牛真係超!好!食!!!!!!!!!!!!!!!!!!!!!!!!!!!!!!無野講......




調味佢地放低左兩支超高的鹽和辣椒係枱俾我地~支喜馬拉雅山粉紅玫瑰鹽太少女~~我都係好少女~所以我整左d點下牛扒食~~(好怕醜)




仲叫左甜品食~Creme Brulee....$143ARS=73hkd...呢個真係我地去到邊都會叫既甜品.....阿根廷的不貴...但不好吃...我好掛住冰島哥個呀!!!!!!!!!!!!!!!!!!!!!!




Banana Flambe....$133ARS=67.9hkd.....呢個甜品我食過一次之後我就好鐘意食~香蕉外皮有脆脆糖包住~加埋焦糖~好好味~~~佢地話呢個太甜...我平時好憎食甜...但我覺得呢個好好味~




$2,442ARS=1,245.9hkd....每人311.5hkd....食哂和牛飲哂紅酒才312hkd~~佢地d牛又靚~煎得又靚~阿根廷出名食牛扒~今次一黎真係甘拜下風喇~~~呢餐d牛都係一樣咁正~但計埋價錢就噚晚哥餐震撼d~

我想講...呢晚係最後一晚係阿根廷喇...嗚嗚嗚..依家番去執行李喇.............所以...下一篇係最後最後一篇南美blog喇...大結局喇...嗚嗚嗚.......






2017/01/12的開心事:(文長...慎入)
hehe~訂左今年第一飛既機票喇~
(其實係噚日訂既...但我開心到今日得唔得丫~)
我地上一年商討緊...因為七公子一齊去日本好開心~
咁難得梗係要有第二次啦~
但係講去邊度都有d難度既...
我地商量好今年係復活節一齊去旅行~
講完時間講地點....因為我地想係澳門飛..
所以地點都好有限...揀揀下講講下...
七公子最想去既首選係澳門都有得直航飛既釜山!
但舊年12月睇...睇好耐釜山航空都係出到2017年3月..
咁我地就諗...佢可能係只出3個月既機票..
所以等1月啦~點都出到4月啦~
其實有check下其他機票...但勁貴........最貴哥張係$7xxx
雖然我知復活節去一定貴架喇....但...$7xxx喎...
歐洲都唔使咁貴...
但到1月1日我地入官網睇..點知都未有4月.....
我地心諗:釜山航空係咪要執喇??
最後貞公子忍唔住打去熱線問....得知原來1月11日會出4月份機票...
所以我地忍到1月10日時.....係fb睇到d機票既page話
1月11日釜山航空會出特賣!!!!!!!!連熱門假期都有~~~
咁我地個個都好緊張~~~等1月11日10點網上發售啦~~
點知超多人入個網...
佢地有上網睇既公子話:睇到佢寫話我前面有8000幾個人~~要等20分鐘先進入到揀時間哥版~~~
最後....靠神之手手(今次唔係毛寶)....我地既貞公子!!!!!
我地既貞公子!!!我地既貞公子!!!
一手抽到7張特價機票!!!!!知唔知幾錢??
係每人1,078mop呀!!!!飛去釜山呀!!!!
好開心呀!!好開心呀!!好開心呀!!
然後今日經麥公子研究後........加上凱公子搵訂酒店優惠碼
仲訂埋酒店添~~~
3晚酒店....每人才1,018mop.................................
加埋成個旅行先2,096mop!!!!2,100mop都唔使!!!!!
好平呀!!!我無諗過復活節去到個咁平既旅行呀!!
仲要係同七公子呀!!!!好興奮呀!!!貞你好叻呀!!!!!
麥公子你好叻呀!!!!凱公子你好叻呀!!!!!
所以..................



報時:距離"七公子"帥帥出使釜山之旅2017仲有---91日~
好開心呀!!!!!今年第一飛呀!!!!!!
仲要係我未去過既韓國釜山呀~~~
之前都淨係去過首爾咋~~~~
仲要係七公子一齊飛呀!!!!!!!
好開心好緊張好興奮呀!!!!
突然覺得七公子齊心.......原來真係可以移山..(你講咩呀)

30 則留言:

  1. D相真係整得好靚,正好為你地今次南美行程畫上最完美的句號啦....
    嘩~~~~復活節假期都book到咁平,好勁呀

    回覆刪除
    回覆
    1. 係呀~~我真係好鐘意哥日整哥d相~~~
      勁開心~~~~仲可以同七公子一齊去~

      刪除
  2. 💕大家💙2Ѽ17💜╠╣aΡpy💞
    。。゚💚開心預備農力新一年💛
    2017年91日之後又可吃喝玩樂了

    回覆刪除
    回覆
    1. ✨好友♦・゚☁晚安呢🌛💤週五╠╣aΡpy🌟

      刪除
    2. 好緊張呀好想快d去旅行~

      刪除
    3. 話咁快又到周一喇~~

      刪除
  3. 話咁快就寫完南美之行,需然耐左啲但比我寫得快^_^我記得睇你第一篇是七公子首爾之旅,你壓力好大呀,薯片番屋企.....我完全係狂塞入口,咁樣好易肥架﹗

    回覆刪除
    回覆
    1. 係呀...好唔捨得呀嗚嗚
      下~~~~~~原來你第一次睇係七公子首爾之旅呀~~你好好記性呀~~~
      唉....我都知...我會忍下架喇~

      刪除
  4. 嘩嘩嘩,阿根廷D牛點解會平得嚟又好味架? 無得食嘅人表示好氣憤!
    睇你買機票個段睇到好緊張呀,復活節咁嘅價錢飛真係抵到喊,可以留返D錢食多D好嘢。

    回覆刪除
    回覆
    1. 呀~真係好想再去阿根廷呀~~
      係呀係呀~~~仲已經訂埋酒店~~真係好快手~~

      刪除
  5. 😂😂😂😂😂😂😂😂😂七公移山!
    睇你今篇blog~我好g dong!!!!

    回覆刪除
    回覆
    1. 哈哈~因為有貞的奮鬥史~~貞真係好叻~~

      刪除
  6. 復活節去到咁平既旅行真係好正呀 !
    我都想復活節去旅行呀 正正呀
    釜山好似要去海雲台呀 同埋七彩屋既景
    最後一篇南美blog 但仲有東京同台北呀嘛 haha
    A new start ! :)

    回覆刪除
    回覆
    1. 真係好開心~~~~~終於都有報時器~~~真係好熱血~~~
      你係咪都係放4日呀~~~
      係呀!!你好叻呀~~~好似已經排左話去七彩屋~~
      點解無人記得我仲有個冰島blog架~~~~~~

      刪除
    2. 死火添 仲點自稱做忠粉呀 ! 對不起呀baby haha

      刪除
  7. 我都鄧你開心,又有計時器喇,七公子一齊去仲要咁平喎,恭喜恭喜!
    啲相好靚呀,我都好鍾意果張可囗可樂廣告女郎呀!
    唔使喊喎,仲有日本,台北未寫呀你,努力呀!

    回覆刪除
    回覆
    1. 係呀~~~買得平先係最威威~~
      我都好鐘意呀~~依家仲係我手提鎖屏照~~我一禁手提就睇到~
      點解無人記得我仲有個冰島blog架~~~~~~

      刪除
  8. 如果個個星期都係放三日就好囉,當然係薪金一樣才算啦,哈哈哈.
    真係好彩啦,啲飛機票咁平,一定好玩㗎。

    回覆刪除
    回覆
    1. 好呀好呀我支持呀~~~~
      依家已經好開心喇~~~

      刪除
  9. 我剛剛送咗一支約旦國旗給你,加埋應該有82支。

    回覆刪除
    回覆
    1. 下~~~真架~~~多謝你~~~番左黎喇~~~好玩無~~~

      刪除
  10. D手信好靚,最正是自製的那些。
    因為您們是少有的講真話,又或者四位都帥帥的,才放您們進去。

    回覆刪除
  11. 睇見D牛肉流晒口水啦..........
    壓力大就要旅行減下壓或食下野啦......但都要留意下健康喎

    回覆刪除
    回覆
    1. 真係巧巧吃呀救命~~~
      知道~~~~我想我自己輕鬆d~

      刪除
  12. 好鍾意你d屋仔呀!呢幾年我都有儲,遲d比你睇啦!

    回覆刪除
  13. 阿根廷這種國家, 蔬菜係貴D咖, 但肉類會平過東亞.

    回覆刪除