2017年1月25日 星期三

"七公子"帥帥出使東京之旅2016-10-01第一天Part 1(晴天及後微微雨)

星期二...呢日i子回歸一天呀~~好開心~~~三劍俠好耐無試過同一更~~~i子仲請我地食左早餐~好開心~~~雖然開ot~但也得到滿滿的愛~星期三.....最特別既是係我以為今日係星期四~~~哈哈~~聽晚又有團年飯食喇~好開心~番埋聽日~~後日番半日~然後再放5日~加油!!就快放假架喇~~~~~



2016-10-01
Day 1---Part 1(澳門 Macau->日本,東京 Japan,Tokyo)

千呼!萬喚!始!出!來!!!!!!!!!七公子帥帥的要出來了~哈哈~~其實我都好開心~~~終於出到七公子blog了~~~~~~~~~~我地終於可以7個人一齊出遊喇~難得杯可以暫時放低兩粒人仔~~~7公子相約2016年10月1日一齊出遊~哥日我地約左07:30係機場見~多謝毛寶車埋我同貞公子一齊去機場~辛苦哂~哥日到左機場...因為一連有4日公眾假期~大家都一齊湧去旅行.......所以超多人係check in counter...但又遲遲都未見我地班機個counter開喎...多得醒目的麥公子!!!問一個團體counter無野做緊既...佢知道我地已經上網check左in所以話可以幫我地check左先~~~~~~好彩咋...唔係條龍咁長都唔知點好........一入禁區就來一張帥帥的合照!!!!!!!!!!!!!!先來介紹...由右至左(按瘋癲程度排序)....宇文公子(即係我..本blog的瘋瘋主人翁)...貞公子...杯公子...麥公子...三公子...朗公子...凱公子......就是帥!!!!!第一張相就係七公招牌"就是你"!!!




呀~我地7個一齊入去Plaza Premium Lounge度食早餐~係禁區入面Gate 5附近上電梯就會見到~點解咁爽爽....因為我之前申請左張大豐銀行既Visa Signature信用卡~2017年12月31日前可以免費任入澳門同香港機場既Lounge呀~~~(仲有其他優惠遲下講).....叫左個白魚蛋羅漢齋米食~正正~佢地d春卷都好好味~(杯咖啡我偷人地黎影架咋)...順便講下匯率先~舊年去貴啦~換錢成7.3呀!(即100円=7.3hkd)




慢慢食飽飽去埋廁所就等上機啦~~我地係搭澳門航空NX862係09:30由澳門直飛去日本東京~~~~我好耐無去東京喇~~~~




仍然係同ANA聯營呢條航線~




登機遲左少少咁多多啦~七公子第一次超帥的機倉合照!!!




呀~晴天真靚~咦....下面係咪香港黎架~因為飛左一陣就見到~hi~香港既朋友~




好喇~食飯前我要填填入境表先....毛寶慣性俾我填....然後後面兩位說:呀~我知你鐘意填呀~我俾你填丫~...........我依家澄清:無!無d咁既事~~~~~~~~~~~~~~~~~~~~~無人性架你地~~~~~~~~~~




先來welcome drink~襯得閒搞埋張電話卡先~~~都係淘寶買~好似係RMB$4x......有1G流量係4G既..過左1G之後就任用3G上網.......都幾抵~不過記得上機前要先下載個程式先用到~




上飛機餐喇~今次揀左食魚~~~~~~~澳門出發哥程通常都唔錯架~~~沙律酸酸的很開胃~~好鐘意食冷麵~~~睇下飯上面既黑芝麻~幾趣怪幾日式~~~~~~(呢個餐一定好食過AA係美國回程香港哥3餐)




呀~~~~~好靚呀藍天~~~Things are looking up~~~~~





其實坐澳航飛去東京又真係幾悶既....無個人電視....靠睇公眾電視..個mon又細....但無計....澳門飛係最吸引既原因.....呀~~~~到喇到喇~~~~~~睇天氣報告一早知天氣麻麻~





係Terminal 2到達~~背影都仲係帥帥的七公子~





算快的過左關就去攞行李喇~公子去廁所~我同另外的公子等行李~行李都算快的出到黎~攞埋行李就出禁區囉~




一出左禁區就行過去對面d counter度搵番Keisei Skyliner既counter度搵番飛先~因為偉大的凱公子預先幫我地上網買左車飛出市區~~唔再揀Narita Express搭~因為太慢~Skyliner標榜既就係快~由上野去到成田機場只需41分鐘(其實應該唔使...應該大約半個鐘度就到~)....而Narita Express出到新宿已經要90分鐘...所以Skyliner勁快~你上網可以睇下佢有d咩優惠組合車飛...好似我地咁....買左來回既Skyliner由成田機場去到日暮里駅+一日24小時既Metro地下鐵車飛(不包含JR)....只需4,700円=343.1hkd....依家咁樣比起分開買兩樣野平左成1,240円=90.5hkd架~~~去到counter攞飛時佢會俾最近哥班既時間你~回程哥張換車飛劵佢會俾埋你...你先看睇定時刻表預番時間回程時去到你想搭既哥個車駅換飛就ok~佢都係俾最接近你既哥班車~佢另外一個比N'EX優勝既地方係佢d班次密d~




好喇~攞好飛就見到"鉄道"字樣搭扶手電梯就ok~因為Skyliner同埋N'EX都係呢度落架~




已經換左車飛~所以今次落到黎可以直行直過入閘~




拿~~入左閘之後~認住呢個橙色口落去就岩架喇~~




係呢個月台上車~




等緊車既時候又講下點樣睇張車飛先~架車會15:42到駅...16:23就會到達~架車係30號車~我地係搭4號車卡~我係坐11C~所以知道自己坐4號車卡就企定係哥個位上車就岩架喇~地下會顯示幾號車卡~




真係好快就到上野~~~考你眼力~見唔見到佢鬼鬼祟祟咁出現左??(晴空塔呀~係條罉度出現左~)




到駅咯~我地係日暮里駅轉車~同我上次搭有d唔同~因為我係即場買飛既..佢會搭埋張JR既車飛俾我轉車~上網買d無包轉車飛~除左要入頭先張車飛之外仲要搭一張SUICA卡一齊過~(即入完車飛再bit一下SUICA卡先得~當轉車俾錢)...因為我地張SUICA卡無錢~所以出閘前先入錢~就咁入卡..然後揀要入幾錢再入錢就OK~





要咁樣一齊用~先入車飛再bit一下SUICA卡再出閘..係咪好靚呢我張SUICA卡~




好喇~再次入閘後我地就要轉山手線喇~




係日暮里駅轉山手線去到池袋駅~今次我地租左民宿~又係住池袋駅東口~我真係好鐘意住池袋~我地租左同一屋主同一層既兩間屋~點知一入屋....其中一間屋係咁...................................好驚囉.....搞乜呀......................即刻上網聯絡屋主.....佢話可能係日本清潔公司搞錯上一家既退房日期...所以一間有執一間無執...話請我地去另一間休息先..佢即時叫番清潔公司去處理.....我想講.....點解上一手可以用到咁污糟架????????????????????可以用驚嚇黎形容囉!!呢間就係叮噹房....另外一間係吉蒂房~







我地放低d野去埋廁所即刻跳出去...太驚!!途中經過一間小神社...有超多隻貓貓~~~~~其中一隻~~~超得意~~~~~自己乖乖坐係度hip眼訓~~呢~朗公子忍唔住出手喇~~(小心番去孖八嬲你~~~)...面罩貓好可愛既呢~





說時遲那時快~喵~你係幾時跑左去門口架喵~我諗呢度有最少3隻貓~經過呢頭既人都會同佢地玩~




間民宿太驚嚇喇...去附近間7-11買d野飲定定驚先~~~佢地話呢隻檸檬茶好飲喎~~~又確係唔錯喎~哥時去仲有萬聖誕節版~~呢個時候有少少雨粉粉~但可以唔使開遮~




第一站要去地方係....................................M記~~~~~~~~~~~呢個係我指定要去既~~~因為我出發之前已經發哂癲~~~大家都知我好鐘意船梨精架啦~~~~~~咁岩哥期去日本既開心樂園餐換緊船梨精玩具呀~~~~~~~~~~~~~~~~~~~~




好開心呀~~~~仲換到我最想要哥隻船梨精呀~~~~~~~~




呢隻船梨精真係勁!得!意!!!!因為佢扮緊麥叔叔!!!!個假髮同佢超襯~~~~~~~





將佢拉前拉後然後佢就會滑行~~滑行中佢個假髮會郁下郁下~~~~~勁過癮~~~好開心換到~~~




而且個開心樂園餐個紙盒都係勁靚囉!!!!!好可愛~~~





好喇~試下日本M記d野食先~今次既期間限定有森永哥隻焦糖味既糖既奶昔~好甜~好彩叫左一杯je~




期間限定既仲有呢個萬聖節版既薯條~有南瓜+朱古力醬bit落去~多謝凱公子隻手bit得咁好睇~





結論係:好_難食.............................wakakaakkaak~(所以咪期間限定囉~~出一輪d人食過唔好食都唔會再食第二次啦~wakakakak)




好喇~~衝入去池袋夜晚最熱鬧哥條街~~~~~~




首先行行Sanrio俾凱公子選購一下蛋黃哥啦~(佢最愛)....我自己都有d收獲~兩個Melody月曆係送俾人的~蛋黃哥幾得意~我覺得佢個蛋殼幾得意而抽的~~裏面係咩唔知~因間睇下抽中係咩~




以前細個澳門都有Sanrio既專門店架~以前儲落好多佢痴係膠袋送既小禮物~~勁靚~依家睇番好懷念~




好喇~然後殺入去Tokyu Hands喇~~地址:東京都豊島區東池袋1-28-10...營業時間:10:00-21:00...好左好多啦~以前收20:00~鐘意佢咩都有得買~




我阿娘講到明要收到的~Potter灰色斜孭袋~10,000円(稅拔)=730hkd




我又忍唔住買左隻新色喇....我揀左藍色...因為好sharp醒~~~我之前都係買呢個牌子~但唔同款~2,980円(稅拔)=217.5hkd




其實呢隻裝我都有心動...係超細杯裝...但真係細到得兩啖~~最後放下...就是擁有~~因為細既都2,480円=181hkd.....(但毛寶有買...佢話佢就係鐘意佢得兩啖~)




呀~d噴濕氣機都得意過人既~




其實佢d植物都好靚好得意~可惜唔知點帶番去~





買左新一年月曆未呀你地~




以前細個好鐘意既動畫書~~~~呢~~kit快d就會變動畫既呢~




硬係覺得日本哥d靚d~尤其係呢本~



依家毛寶愛上寫藝術字嘛~你地都睇過佢既作品啦~(即係我張生日卡~)....咁味鐘意去睇下唔同顏色既墨水囉~




有d仲要成支大香水咁~




連裝飾貼紙都懶過人~~~不過幾靚既~





我知我知有左好耐~~但成日唔捨得買~因為我唔想再撕d銀行信~所以買個印仔吸~我姑寒...買左最細size哥個~800円(稅拔)=58.4hkd~





佢d卡都係非常過癮的~好多時公子生日都會係日本互買生日卡~




好喇~最後又提提大家~如果碌銀聯卡會有5%off.....其實你出示護照都一樣有5%off既優惠卡~兩個優惠事但用一樣~我地出發哥時d円好高~所以我選擇出示護照攞優惠卡俾現金~同埋記得佢收錢時會收你稅込價...記得去tax free櫃檯做番退稅~~~~逢過5,000円就可以做退稅...但記得一般物品同埋消耗品係分開退稅的...即同一類既貨品過5,000円先得~

好喇~講到咁上下~集齊女仔去食飯喇~







今日係年廿八呀~~大家有無洗邋遢先~~
我就梗係........................
拿~我真係有乖呀~~~星期三出blog呀~
點解呀~因為要同blog友們拜個早年呀~
我同本blog blog主祝你地~(根本係同一人..諗住人多d有氣勢d)
新年快樂~身體健康~
雞年行大運~閤家平安~
團團圓圓~事業順利~
吉星高照~心想事成~
總之咩都好啦~~~~~恭喜恭喜~~~~~
本blog年廿八收爐~初六啟市~~~~
星期五番半日~同公子飲個收爐茶~
就正式放假~放到初六先番工~
正呀~~~好多節目呀~~~~~~~~
初六見~



20167/01/25的開心事:
最開心係今日推出公子日本blog~
雖然係人地踢我先出blog既~~~~~~



報時:距離"七公子"帥帥出使釜山之旅2017仲有---78日~
報時:距離與毛寶慶生快閃台北之旅2017仲有---245日~
快d有第三個報時器啦~~~~~

44 則留言:

  1. 間民宿真係好驚嚇呀 好恐怖
    新年快樂 心想事成 環遊世界 身體健康
    Yeah 我都想放到初六呀 我初五開工嚕

    回覆刪除
    回覆
    1. 咪囉..一打開門入去亂到呀~~
      多謝多謝~~大家咁話~~~
      今日開心還好..因番一日聽日又話到星期五..我是幸福的~

      刪除
  2. 🎉齊齊2Ѽ17🎆新年快樂🎊
    *健康•╔══╗╔════╗🎇
    *順景•║╔╗║╚═╗╔═╝🐤
    *幸福•║╚╝║╔═╝╚═╗🐥
    *如意•║╔╗║╚═╗╔═╝🐔
    *開心•║╚╝║╔═╝╚═╗🐣
    *心想•╚══╝╚════╝🐓
    💞💜💖💛💕💙💗💚

    回覆刪除
    回覆
    1. っˆヮˆ)っ好友♦・゚☁瞓覺呢🌛💤年三十╠╣aΡpy
      🐥齊齊🐣2Ѽ17🐔新年快樂🐤健康財氣一齊來🐓
      ╔══╗────╔╗╔═╦╦╗─╔╗╔╗🌟
      ║╔═╬═╦═╦╝║║║║╠╬═╣╚╣╚╗✬
      ║╚╗║╬║╬║╬║║║║║║╬║║║╔╣★
      ╚══╩═╩═╩═╝╚╩═╩╬╗╠╩╩═╝☆
      ──────────────╚═╝✨。。゚

      刪除
    2. 🐓╠╣aΡpy2Ѽ17🐔
      ┏━┓ ┏━┓ ┏━┓
      ┃年┣━┫一┣━┫樂┃
      ┗━┫初┣━┫快┣━┛
       :┗━┛:┗━┛:
       🐣  ..🐥  .🐤

      刪除
    3. ╔═════ღೋ*ഐ❉═════╗
      ✬█▄█.█▀█.█▀█.█▀█.█▄█🐥年初三🐓
      ☆█▀█.█▀█.█▀▀.█▀▀.─█_🐣。。゚🐤🐔
      ╚════♪♫¨★2Ѽ17♩♬✾═════╝

      刪除
    4. 多謝多謝~~大家咁話~~~

      刪除
    5. 今年新年食左好多野~~

      刪除
    6. 呢個新年你做左咩呀~~

      刪除
  3. 7公子一出場好有氣勢^_^麥記雪梨精個郁的髮型好攪笑,我都祝小T及家人新年快樂﹗身體健康﹗去多啲旅行,快啲有第三個報時器,恭喜恭喜﹗

    回覆刪除
    回覆
    1. 係呀le係呀le~~~~
      係呀佢好可愛呀~~~~~
      多謝多謝~~大家咁話~~~我都祝你去多d旅行~~~~身體健康~~

      刪除
  4. 多謝妳咁早同我拜年
    我祝妳同伯母
    新春大吉!
    身體健康!
    青春常駐!
    步步高!
    心想事成!
    金錢滿屋!
    恭喜恭喜!!

    回覆刪除
    回覆
    1. hehe~~多謝多謝~~大家咁話~~~
      我都祝福你家人都身體健康~~~

      刪除
  5. 可以由澳門出發直航真方便,
    日本交通可以網上買喺方便,
    換票又唔喺繁複,有識普通語職員仲正。
    日版potter袋我都like,
    我喺香港專賣店買呀,
    要二三千蚊1個...

    回覆刪除
    回覆
    1. 係呀我都鐘意直航~~因為過香港飛搭多程船真係差好遠~
      係呀唔錯~~
      我媽指定要~~~~你地都好有型~~
      華!!乜咁貴架!!!你係咪買皮哥d質地呀??

      刪除
  6. 陣容強大,有氣勢^^
    ANA飛機餐有保證...
    日本人做野又好少咁蝦碌喎竟然無執房?!!@@
    麥叔叔船梨精盞鬼,尤其係個假髮XXD
    印仔幾實用

    回覆刪除
    回覆
    1. 係呀le~~~~~
      係share code je~~都係澳航執飛~~~
      係呀佢話搞錯之前個客退房日期喎~算囉~好彩佢即時幫我處理~~
      船梨精真係好可愛~~~~~~~~~

      刪除
  7. 知你乖啦洗邋遢,就緊係無啦,wakakaka~~~
    4個人都難就,仲要就晒7個,佩服!
    ANA? 我去美國時都坐ANA架!

    回覆刪除
    回覆
    1. 我有好多年無年廿八去洗邋遢喇~~~waakakakak~
      我都覺得我地好勁~
      華!!!你就好啦~~~我覺得ANA幾好坐~

      刪除
  8. Tiffany , 祝你與家人身體健康,心想事成。

    回覆刪除
  9. Yeah 出東京遊記喇,我遲d都諗住以東京做落腳㸃,再去東北果边玩,家吓有你有圖有真相,了解吓机場出市區,我想問skyliner 可否即場買架

    回覆刪除
    回覆
    1. 日本真係好難放下...就是擁有....
      玩東北呀~~一定好正~~~希望你到時fb會post啦~~
      可以呀~我第一次去哥時就係即場買~佢都係俾最近哥班俾你...上網買可能平少少咁解~

      刪除
  10. 成班人一齊住先好玩,估唔到咁烏龍,無執屋!哈哈,可能你地住完仲亂呀!!!
    朱古力南瓜味薯條…………接受唔到!!
    我都鍾意去東京手,好多野睇,正!

    回覆刪除
    回覆
    1. 哈哈~~我地特登揀呢間黎租~真係開心好多~~
      好難食~~
      係呀~~~實有一樣野買到落樓~~

      刪除
  11. 祝你、小t媽媽,小t的好朋友身體健康,心想事成,美美滿滿,吃喝玩樂,豐衣足依!!

    回覆刪除
    回覆
    1. hehe~~多謝多謝~~大家咁話~~~
      祝你同你家人身體健康要咩有咩~

      刪除
  12. 祝你雞年身體健康,萬事如意,財星高照。

    回覆刪除
  13. 恭喜發財小t
    祝今年升職加人工事事稱心好輕鬆

    回覆刪除
    回覆
    1. hehe~~多謝多謝~~大家咁話~~~
      華~~加人工~~~好呀~~~

      刪除
  14. 小t祝你青春美麗,一家幸福美滿.

    回覆刪除
    回覆
    1. 呀~~~好呀~~~多謝~~
      祝你同你家人都身體健康~~~開開心心~~

      刪除
  15. 好期待你個東京遊呀!! 個本動畫書好正!!

    係度祝您
    雞年身體健康!
    萬事如意!!
    財源廣進!!

    回覆刪除
    回覆
    1. 多謝期待~~~~
      hehe~~多謝多謝~~大家咁話~~~

      刪除
  16. 真係好開心, 毛寶個杯得兩啖, 莫非他用來裝酒?

    回覆刪除
  17. 小t祝你雞年身體健健康康,事事工作順順利利,七位公子一齊出發登陸東京氣勢強勁呀!

    回覆刪除
    回覆
    1. hehe~~多謝多謝~~大家咁話~~~
      七公子就是帥~~

      刪除
  18. 恭喜發財!身體健康!事事如意!

    回覆刪除
  19. 七公子出巡,好開心!
    可惜到現在還祇是分辨出兩位,呵呵呵

    回覆刪除
  20. Hello....好耐無見啦,妳快啲寫啦,好想睇呀

    回覆刪除