2017年1月16日 星期一

南美洲4國新奇探險之旅2016-03-13~15第三十~三十二天(晴天)

星期五番工時仍然大壓力..一放工就去同七公子viva~~去左同主席擺壽宴~主席開心得hehe笑~~星期六突然地過香港~好開心~~食左好多野~~但好攰~~行左20001步~星期日中午毛寶請左媽媽去譽龍軒飲茶~~好開心終於試到~~然後去左買超市買料....夜晚整一品煲食~~食飽飽有氣有力就點呀~訂左機票囉~~~hehe~今日好攰呀....天氣凍凍又想訓晏d無奈已到星期一.....番工又係過隔離...接更先番自己度...好想快d唔使過隔離........



2016-03-13~15
Day 30~32(阿根廷,布宜諾斯艾利斯 Argentina,Buenos Aires->美國,達拉斯 USA, Dallas->香港 Hong Kong->澳門 Macau)

最後一日~~~~~~~~~~起身~早餐都未食~衝黎我地最後一個景點~由於呢日係星期日...所以我地黎左San Telmo區的周日市集逛逛咯~





最吸我地晴既係呢一檔~~~~~~檔主人很好而且很nice~




睇到佢賣咩無?





佢個管仔入面既公仔係由一支火柴雕成架~~係佢同佢老公hand made的!!!!超精細~~~




我極度欣賞呢個鐘呀!!!




跳緊舞既男女係秒針黎架!!!好精彩呀我覺得~~~呢舊野成400hkd......咁貴我都捨得買證明我有幾欣賞佢~



阿根廷喎~梗有關於足球既主題啦~




呢個射箭既先精彩!!!




佢話呢個係做緊當年世界盃好經典既上帝之手哥幕喎~




真係一對巧手呀!!!!!我地幾個買左超多!!




好~講講先~呢個星期日既市集係開10:00-17:00既~




行完手作哥區....又轉去二手野哥區睇睇先~





二手市集哥邊真係咩都有~有玻璃製品啦~舊玩具啦~銀製聖像啦~銅器啦~可樂啦~舊書啦~等等~而且仲擺得好靚~












呢檔賣舊相機既都好吸睛~




左手邊哥部係咪錄片架???我記得佢賣得勁平...我有衝動想買番屋企做裝飾~~~好似係100hkd...(但我身上已經無現金)




毛寶睇中左部相機....但由於溝通唔到...唔知佢仲係咪用得~所以放棄~因為要成3,000hkd




早餐都未食...連埋中午一起吃咯~搵左好一陣子揀左呢間~連名都唔知叫咩....





呢間餐廳有免費Tango睇....但....免費真係免費....跳得無咩力水...加上男女主角都er........




同Bar SUR哥日差好遠~~~



巧難食既都包...




叫左個自選沙律....$90ARS=45.9hkd.....毫不起勁的沙律..簡單一個字:霉




Empanada de Carne....$25ARS=12.8hkd...平但個皮極難食....智利車站買哥舊都好食過佢一百倍!




Fried Squid Rings....$180ARS=91.8hkd......又貴又難食....橡筋咁..............嘔..




Beef Ribs...$180ARS=91.8hkd.....成舊都係肥膏味...慘不忍睹..................................




好難得有一餐係由頭帶到落尾都咁難食...仲要係我係阿根廷市區既最尾一餐.....失望!!




食飽飽又再行下~個市集真係幾大下~





舊電話都有一檔~~~~




超多銀器餐具賣!!呢套我覺得好靚!!!!!!(其實因為放得好整齊所以我又好鐘意)......好似要3,000多hkd!!呢個市集好多野睇!!好多好靚既舊物!!!大部份都唔貴!!我其實好想買番澳門做裝飾!!可惜已無現金~~個gip又無位~可恨~如果黎到阿根廷有時間記得星期日要行下呢個市集呢~




唔知點解....又行番去頭先火柴哥檔又睇~~~~太好睇~




買完一輪見仲有少少時間~咁我地就去左starbucks嘆下啡~順便睇下頭先買哥d火柴戰利品~~~~我好克制~除左個鐘~就買左呢3個~~~




呢個我送俾表妹畢業既~




呢個因為可以代表我黎過阿根廷係度揮旗所以買黎送俾我自己~~~~~




呢個我送俾媽媽架~送花俾媽媽嘛~提早送母親節禮物~(真慳皮~但環保~)




呢堆係毛寶的......................




堅買左射箭~~~




喂!18禁呀!...咦....男男架喎.........................................




呢個幾得意~個工人鋸緊條火柴...上面在寫"我愛你"的西班牙文?




仲有其他~







飲完啡後....喂?!仲未捨得買完???????又睇~~~




你睇下佢地兩個...真係好欣賞架....wakakakaka~呢檔野...足足買左3次......直到買到無哂現金...為止...




我都好欣賞呢套~~~~~係成隊band咁~~~各自玩不同樂器~~~不過無買~好喇..佢地肯收手喇...走喇~~~番酒店攞番d行李喇~因為我地book架車由酒店去機場~明碼實價~價錢合理~唔使驚俾人呃~而且仲係大車~坐得勁舒服~




大約一個鐘度~我地就黎到阿根廷既埃塞薩皮斯塔里尼部長國際機場(華...個名長到~~~)....記得呢個係國際機場(EZE)...唔好去錯內陸機個機場(AEP)~




見到我地搭既American Airline個counter.....以為就咁排隊去check in...但點知佢又係要self check in左先...但....勁爆多人搭既一間航空公司....得幾部機自助??????self check in已經要排左長龍先喇...好辛苦我先迫到埋去做....部機又超多野問...有d仲要職員拍卡先過到版....咁學咩人self check in?好喇....之後再要排隊埋counter drop off行李....條隊長x到呢............長到我地排左超過個半鐘...超筋架....排到有一班就黎起飛...我仲記得係飛去Miami既機d乘客仲未drop off到...低能的~~~好彩我地逢親搭飛機都一定會預多時間到~~好耐未試過國際線要等咁耐...好似番左唔知幾多年之前




成日淨係食過中午哥餐難食野....依家個肚都nip哂喇~但又唔夠時間坐低食..要入閘喇~~~~唯有買麥叔叔啦~~(其實我係幾開心的~~去到阿根廷都可以試下麥叔叔)...俾大家參考下阿根廷機場既麥叔叔價位~




好白痴....買完諗住快快趣入閘先慢慢食啦~~唔記得過安檢唔可以有液體...兩杯可樂就咁拜拜................入到去先食~好彩仲係熱辣辣~唔食尤自可~~~一食原來阿根廷既麥叔叔原來幾好食喎~~唔通塊扒係用阿根廷牛既~~~我叫左雙層芝士漢堡餐~~同毛寶兩份食~毛寶都話好味~~~~不過滾水燙腳食完...去下廁所(都無時間刷牙)....要話要上機喇....我地預咁多時間就係唔想咩都咁趕...偏偏check in哥度就係令我地咁趕~




好喇....再見喇阿根廷!!!再見喇我個南美之旅!!!再見喇我既夢想!!!好喇...我地係搭American Airline既AA996係20:20由阿根廷既布宜諾斯艾利斯飛去美國既達拉斯...航程.....11個鐘!!!!!原來要咁耐架!!




隻機係3-5-3既坐法.....我未遇過中間哥行有5個人既玩法...勁唔想咁坐......坐中間哥個堅慘......最尾哥兩行無啦啦變左3-4-3咁坐....唯有揀最後黎坐啦.....飛左上穩定高度就派餐啦...長通粉好硬~無咩戲睇...我選擇用白酒麻醉我自己去訓覺...




然後就狂訓....但張櫈極度唔好坐.......都要訓...訓到唔想再訓唯有揀飢餓遊戲最後一集睇....咁多專有名詞無字幕真係好催眠~又捱到食早餐喇~~滿心歡喜諗住好似黎哥程個牛角咁好食...點知只係一個冷冰冰既齋牛角.........最好味係水果...(都幾姑寒...早餐全部凍野...蛋同腸仔都無條...大拿拿飛成11個鐘喎)




飛左11個鐘係清晨05:24到達美國達拉斯.....經過一系列都幾麻煩既入境又出境既手續......又回到轉機大堂.....實在太早....同埋頭先餐飛餐太差....所以我地要去食下野先...同埋有好幾個鐘既轉機時間要打發~~揀左呢間餐廳食食佢~




毛寶話唔想食咁多野...又唔想食熱氣野....於是叫左Pancakes....$8.99=69.9hkd......內文描述係Two Texas sized Buttermilk Pancakes.......一放上枱.....wow!!!!大到...我未見過咁大塊pancake....................望下隔離把刀就知有幾大...........................仲要唔係兩塊...係3塊..................




我叫的Cowboy Breakfast Sandwich....一樣是$8.99=69.9hkd.....份野大到.........................................





食飽早餐極眼訓....係閘口等上機等到訓著....因為要等7小時轉機....好彩有入出境食早餐呢d環節做下...唔係悶死..因為無咩行.......又係搭American Airline既AA137係12:05由美國達拉斯直飛回香港....航程係.......................17小時05分...................................................................我從來未搭過咁長機程....如果唔計轉機....由阿根廷番香港.....要搭28小時機.......................................................



好彩~一係香港-美國航段又用番77W呢隻機型黎飛~3-4-3坐法~隻機又係好大好新哥隻~意思係超多的戲等我看~吃吃喝喝welcome drink & snack先~呢隻巧巧食~




第一餐....勁難食...個叉燒炒飯簡直徹頭徹尾的不知所謂............個Caramel Brownie勁甜....係個沙律好食...沙律都唔好食我都無也好講.....




搞搞新意思見隔離行有人叫就貪得意試下~有d新意係唔應該搞.........我最憎既咳藥水味~~~~~




好喇...無訓過開波睇戲喇~第一套普羅米修斯(Prometheus).....唔知點解我真係好鐘意係飛機上面睇呢套戲~可能第一幕就係冰島既Dettifoss~~(咁其實你睇完第一幕可以唔睇架喇喎~...又唔得~我都幾鐘意個故仔~而且呢部係我唯一鐘意睇既異形片~).......好~睇完再黎丹麥女孩(Denish Girl)...華!!因為去旅行所以睇唔到呢套戲係回程時就有得係機上睇喇?AA d戲都算幾新喎~~~~.......然後再黎多套天菜大廚(Burnt)...台灣係咁譯..好似無港譯名唔知香港係咪無上過呢~...毛寶叫我睇...我一般般~睇睇下中場要派小食餵餵乘客個肚~個rice cracker同埋雪糕都好味(估唔到呢個時段派雪糕)....但個包唔明點解兩程都有鷹咀豆..................




食完又黎煲戲....睇左如果我留下(If I Stay)...又係之前想睇又無睇既戲~都幾好睇~然後再睇古天樂既巴黎假期...爛片一套無誤~~~~~落機前既一餐....又係麻麻....d粉好硬...呢程機三餐都唔合格...得d零食好食!




好喇~係18:10我地就到左香港喇~我地係3月13日既晚上8點先上機既....到香港已經係3月15日晚上6點...時差呢樣野真神奇~今次我地自己應承左自己~係唔會搭機場船咁辛苦既~(梗唔係自己抽行李出去搭機鐵去碼頭啦~咁樣仲辛苦..)....我地話咁辛苦搭咁多個鐘頭機番黎然後第二日即刻番工要好好慰勞下自己~決定左搭!尊!豪!.....勁過豪華位啦~簡直係噴射船既頭等~~~wakakakaka~點解咁講....好喇....記得如果要坐尊豪你就唔好入境香港喇~去番平時買機場船飛個counter度同佢講話買尊豪就得架喇~不過睇下個時間表你落機哥個時間仲有無得搭喎~(正常黎講就21:00前都有...因為我見佢d車係23:00之前...但個機場船counter收21:00...不過尊豪唔係班班船都有~)....500hkd一位單程...係貴架...但.....佢會叫你坐一坐..安排好會叫你過入境海關....入左境佢會叫你坐下...佢會幫你係行李輸送帶攞行李(所以你要留番航空公司d行李tag唔好唔要)......攞好叫你認埋然後check埋有無野爛就叫你跟佢行....但你係唔使推行李既~~~~~




佢地會安排好車由機場送你去上環港澳碼頭...再係港澳碼頭有人幫你落行李推埋帶你過埋海關出境後又係候船室坐坐...行李佢已經幫你送左上船....上到船d職員會好溫柔咁問你食d咩~~~~(雖然遇過好禮貌的但未遇過咁溫柔的~~)....咁我地要食麵~又真係成個餐咁攞出黎~仲要有茶飲~(雖然係即食麵用另一個碗裝~但你其實可以揀叉燒飯的~)....去完個咁遠既旅行...其實呢d對我黎講...都係美食黎架喇~

落左船又有人臭你...叫你入左境等等...又係認番件行李~再出到去又有架車等緊我地~直頭車埋你去到屋企樓下!!!!!!!!到哥時....我先再次掂到我舊行李....公主呀我真係~~~~(hehe).....所以如果你係一個人....俾500hkd坐尊豪真係抵到爛!!!!!!但我地係4個人一齊坐~~哈哈~~成2,000hkd啦哥度~但第日番工真係唔想咁辛苦~~~你諗下...俾500hkd坐埋船有哂人幫你搬野....再車埋你番屋企...沒話說~



巧喇~又講d之後既野先~華~睇下人地毛寶屋企個裝飾櫃幾靚~




巧喇巧喇~知你靚仔喇~




仲有呀!!!!!我隻Buenos Aires既starbucks杯.....番到黎竟然咁樣對我呀!!!!!!!!!!!!!!!!!!!!!!!!!!!!!!!我心已傷透.........................你怎麼捨得我難過?




總結:
1.使費:11,892hkd(香港來回南美機票)+1,928hkd(庫斯科至烏尤尼單程機票)+1,260hkd(烏尤尼至拉巴斯單程機票)+1,699hkd(拉巴斯至聖地牙哥單程機票)+6,200hkd(聖地牙哥來回復活島機票)+2,401hkd(聖地牙哥至納塔列斯港單程機票)+882hkd(卡拉法特至烏斯懷亞單程機票)+1,414hkd(烏斯懷亞至布宜諾斯艾利斯單程機票)+11539.2hkd(28晚酒店)+451.2hkd(熱水鎮火車飛)+16,000hkd(交通..餐膳..買紀念品大約使費)+9,327.5hkd(旅行中的碌卡費用+出發前碌卡費用)+722hkd(保險)+750hkd(來回船飛)=66,465.9hkd!!!!!!!計完好驚喜~~~~~原來玩到咁~~~食得咁好住得唔差~~都係66,465.9hkd去32日~~~~當然比起慳住去玩...可能我地係多左一倍錢~但係比起跟團我覺得去多好多地方又食左好多野~我地都係每程搭飛機先6萬多~我諗跟團要10幾萬~
2.如果去高海拔地區....記得一定要出發前買定藥呀~唔知係咪真係有用...但都傍下身啦...買埋得力素去沖就無執輸~糖或者提子乾都ok~如果到達時真係唔舒服記得唔好夾硬沖涼呀...如果唔係血壓升高會加速高山症發作!!
3.馬丘彼丘真的美!!由開始的大霧絕望到後尾既撥開雲霧見清天....美呆~仲要見埋正宗的馬丘彼丘草泥馬~一樂也~
4.我覺得秘魯人都幾純~而且都幾好人~唔錯~會再重遊~
5.去玻利維亞唯一想去既就係要實現我少女時的夢想~去睇天空之鏡....雖然第一次睇係陰天落雨...但無雨落又點會有之後咁靚既反射?感謝上天俾我見到天空之鏡咁多面睇~看見晴天的天空之鏡感動得沒話說......但個心好激動!!唔相信世上有個咁靚既地方..就好似天堂咁~
6.去天空之鏡記得帶墨鏡...記得多帶防曬...
7.雖然烏尤尼幾污糟下....但係為左天空之鏡值得一去!但叫我再去咩?我又無勇氣lu~
8.智利除了復活島的Moai和很好吃的民宿早餐...想不起其他
9.阿根廷真的太棒~~~~尤其阿根廷牛扒~~~真係好想再食~~我地試過係澳門既阿根廷餐廳食過一次阿根廷牛扒...真係好好味~但小小的一舊要$300多~真係好想再食到阿根廷牛扒~
10.佩里托莫雷諾冰川真係好宏偉好壯觀!!係我暫時睇過既冰川入面我覺得係最宏偉既~我覺得我哥日未睇夠~而且佢有團可以行上去哥個冰川架~今次唔夠時間~我一定會搵次機會再去多次阿根廷!!
11.今次有遺憾..因為無去過伊瓜蘇瀑布~下次啦唯有~
12.又係多謝人時間...好多謝大比姐姐全程既訂酒店!!住得我地妥妥貼貼又舒服!!!仲睇左好多行程既資料~~偉大既女人!!多謝毛寶係我最奶狗既時間細心照顧..高山反應時照顧得我好好~~見到我個咀紫哂又驚我死左推我起身..又起身煲熱水我沖茶~~好彩有你我先睇到天空之鏡~~多謝阿sam全程復活島揸車~~~~等我遊盡復活島一圈~得人因果千年記呀~多謝咁多位團友既照應~有大家~我才一圓多年的夢想~多謝~
13.今次呢個遊記係呢度暫時最長篇既blog...亦係寫左最耐既...由2016年4月出到2017年1月...我好佩服我自己之餘...都好多謝大家既耐性~
~The End~
~多謝收看~








哈哈~~我星期日終於的起心肝拆哂d利是佢喇~
原因係我想係黎緊既新年前拆哂~
我好驚要一次過拆兩年~~
咁好攰架嘛~~~
今年收到115封利是~~
我覺得好勁~~因為新年後番左兩日工..
就出發去左南美..都無咩機會豆利是~
港葡幣總額今年有成$5,010~~~~~~~~~~~
點解有咁多既?多謝哂~~~~
祝福各位善長人翁身體健康~~~~~~~~~~~~



2017/01/16的開心事:
今晚飲姑媽煲既鮑魚花膠栗子淮山豬骨湯...
華~好正~



報時:距離"七公子"帥帥出使釜山之旅2017仲有---87日~
報時:距離與毛寶慶生快閃台北之旅2017仲有---254日~
hehe~係呀~一早諗住攞假既~
不過無諗住去旅行既~
係見連住國慶假期有幾日~~
上網睇下機票又幾抵喎~~~
近住國慶才$1,251~~~又唔係廉航~~
哎呀~~~好啦~~~去啦~~~~
好野~~~食好野~~~~~~

40 則留言:

  1. 火柴幾別緻呀......
    嘩.....牛扒似肥牛膏喎...
    妳又報時真開心....

    回覆刪除
    回覆
    1. 係呀真係做得幾精細~
      係呀!!你都睇到....嘔呀
      人生就需要不停的旅行~

      刪除
  2. 終於寫完南美喇,53篇超堅。
    成個旅程都好正呀。旅行梗係要有D遺憾先有藉口俾自己去多次嘛。
    個火柴試管有無其他包裝架?寄倉好驚爛。更估唔到爛嘅竟然係個杯(呆)。
    唔聲唔聲又買多一套機票。哈,突然間好快手。

    回覆刪除
    回覆
    1. 53篇真係好攰~~~每個禮拜才出兩篇~
      無錯~我一定會再去南美的~
      我好似係hand carry的~又好似無喇喎~
      係呀~~~都話食飽有氣有力嘛~

      刪除
  3. 嘩嘩嘩,唔夠一星期又多咗個報時器!
    火柴公仔真係好靚呀,普通的幾多錢呀,個鐘真係特别,我諗我會忍唔住!!
    最後一餐又中伏,慘慘

    回覆刪除
    回覆
    1. Self check in 完又要搞行李,渾吉架,排兩隊呀大佬,機又唔多又低智能,餐又唔好食,咁嘅服務真係…………
      每次坐十幾粒鐘真係想屎呀,去嘅時候就興奮,返黎就……無言!

      刪除
    2. 六萬幾,三十幾日,接受啦,有限嘅時間但又要玩得多去得多,唯有飛機,睇成條數機票佔好多錢。
      原來有啲咁野,尊豪,伍佰大元,OK 呀,累都死死吓,揾人招呼自己都應該,香港去澳門船飛都佰幾蚊啦,家吓包船包車仲包人!

      刪除
    3. 食飽左個人有氣有力呀~~
      一dd唔同喎~普通款哥d無記錯好似係40幾hkd~~~~
      係呀...伏得不得了~~好彩麥叔叔救番咋~~

      刪除
    4. 係啦!!你話係咪無聊!我幫係入哂資料你淨係做bag drop都搞咁耐!!!!
      但係來回香港哥程飛機其實幾大幾好坐..又多戲睇...而且aa幫我儲左人生第一次亞洲萬里通~去一轉美國已經有一套來回台灣機票...沒話說了~

      刪除
    5. 係呀...如果唔坐飛機其實慳好多~但我頂唔順坐咁耐車~~~老喇~~~~而且我無咁多時間玩咁耐~~~
      係呀!!!普通港澳航班都有架~華..仲幫我搬埋行李喎想點~~~~500蚊去完旅行真係要俾架喇~我係去完旅行先捨得坐~

      刪除
  4. 比跟團你的費用都算抵,話晒都玩左一個月,我朋友玩左三個月南美,只是用左八萬多^_^坐咁多個鐘瞓得吾好真係想C呀>_<每人用500蚊送到你回家,抵呀。

    回覆刪除
    回覆
    1. 係呀~比起跟團係平左好多既~但比起其他自由行又多d~~大家各取所需啦~
      係呀...11個鐘呀...真係勁唔好坐囉...

      刪除
  5. 又多一個報時器~開心~
    原來咁耐架啦!好多謝小t仲有天團帶我遊歷南美!你地好西利!我就唔得啦,我咁公主,雖然28個鐘唔沖涼唔洗頭對我係XD濕濕碎~但坐咁多程機,真係少d耐性同毅力同動力都唔掂!多謝小t係呢咁多個月,為我地寫左咁精彩嘅南美之旅!

    回覆刪除
    回覆
    1. 係呀我都好開心~~~
      不客氣~~~~
      哈哈~~我覺得最辛苦係要適應高反~其他也挺過了~~
      好多謝你覺得精彩~

      刪除
  6. ☁*¨*★好友★。゚☾╠╣aΡpy週一
       ╭───────╮🌟
       │瞓覺豬呢💤│
       ╰───────╯
    ╭───────╮✨
    │甜夢安睡💤│
    ╰───────╯
      O
       o
     .∧_∧・。☆
     ( ・ω・ )
     |⊃/(___✬
    /└-(____/
     ̄ ̄ ̄ ̄ ̄ ̄•*¤💤

    回覆刪除
  7. 嘩, 乜南美遊我睇左咁耐了, 多謝你小T, 你帶給我無比的樂趣, 如果可以, 我真是想來親身握握你手, 親口說聲多謝.

    老實講, 我都未搭過17小時的機, 最長都是16小時多少少, 紐約上機, 我搭完每次返到香港, 都情緒低落一排. 唉....

    回覆刪除
    回覆
    1. 不客氣~~~好多謝你地成日都黎睇我添~~~
      我淨係覺得坐完長途機哥排好攰~~唔認老都唔得喇~

      刪除
  8. 我覺得火柴檔主的笑容是做出來, 全為生意, 只有遊客才會買佢, 當地人好窮的, 不會買, 不過個鐘300港元, 又值得的,很有收藏價值.

    美洲牛肉係好好食, 不過燒到失哂肉汁, 就一定唔好食了. 飛機餐不好食, 飛機殘舊又迫, 主要因為競爭少, 連DALLAS 香港程機, 都是AA自己玩哂, 國泰唔飛.

    回覆刪除
    回覆
    1. 我覺得佢ok呀~幾有禮貌~~好過去買野時店員不禮貌啦~~(遇過太多~)....所以是假的~我也接受~~~~~~我幾鐘意個鐘~~
      佢呢塊扒d味都怪怪的!!
      係啦!!!!兩隻機真的差超遠!!

      刪除
  9. 睇完你這南美blog大結局,唔知點解有D睇完一整套季節或者真情咁,真係有一絲絲感動唔係講笑.....XXXD
    原來已經寫咗成9個月,仲要係每一集都好精彩呢,好似同天團走完一次很偉大的旅程一樣^^
    btw,那火柴檔紀念品真係好精緻,尤其係個探戈鐘,係咪hand carry返來?好彩無爛到!!
    十幾廿幾個鐘機程真不容易應付,還未計去高山地區會有高山反應風險,所以真係要襯後生去!
    全程7萬有找抵啦,除返32日,每日才用2千,如果假期長D先可能搭巴士流浪,但在有限假期中去咁多地方算係超平了,犀利!

    回覆刪除
    回覆
    1. 哈哈~~套劇追左成9個月~~~火都黎~~~~
      好多謝你睇足9個月呀~~感動~~~
      係呀~~~我hand carry呀~~~唔想好似隻starbucks杯咁~~~
      係呀~~~~~我覺得最辛苦係適應高反~~其他次要~~~~
      我地搭飛機多~所以先咁貴~~但我接受到~~我唔想坐咁耐車~又無咁多假期~~

      刪除
  10. 我睇到你們需要飛咁多個小時已經有啲驚,佩服佩服。
    多謝妳寫這個旅記寫到咁詳細,我應該唔會坐咁長飛機去啦。

    回覆刪除
    回覆
    1. 哈哈~~我自己可能都要幾年後先再可以咁樣飛喇~
      多謝你地都陪住我寫左咁多個月~

      刪除
  11. 火柴人超正,不過買三次就有點兒誇張囉,哈哈哈
    反高潮是宇文公子變身小t公主,世界和平,呵呵呵

    回覆刪除
    回覆
    1. 哈哈~~佢地兩姊妹真係好鐘意~
      最後大團圓結局~~wakakaka~

      刪除
  12. 決定得好快呀 咁快又多一個報時器
    辛苦哂baby打左個咁精彩既遊記比大家睇呀
    好感激你打咁長咁詳盡既遊記 永遠令我眼睛去旅行
    哈哈
    阿根廷最後一個行程 市集既紀念品真係好靚呀 :)

    回覆刪除
    回覆
    1. 應該仲有一個黎緊~~~~但未買機票~~
      多謝你陪住我一齊打~
      大家都好好呢~~~睇足9個月~~真係好耐性~~~
      係呀~好精緻~~

      刪除
  13. 小t, 我3月去冰島啦~可唔可以快d出埋個冰島遊記啊~感謝感謝~

    回覆刪除
    回覆
    1. 咦~~~~有人記得我個冰島喇~~~~~~
      但我仲未開始排相喎~~~~~~~~~~~~wakakaka~

      刪除
  14. 南美之旅完美落幕......唔出書真係有啲嘥,暴殄天物......
    又學識1樣嘢-尊豪

    回覆刪除
    回覆
    1. 唉~我文筆咁差~邊有人搵我出書丫~同埋依家邊有人買書丫~
      我淨係去完旅行先捨得搭~~

      刪除
  15. 南美大長篇完結了。。。 睇你遊雞都喚起我當年的回憶。
    無錯,好似我慳住完係係半價,玩了42日,但每個人風格、價值觀不同,最緊要自己玩得開心,好似D人十幾萬南美團都好值得一樣。
    唔慢吖,我非洲都仲未寫完。

    回覆刪除
    回覆
    1. 南美之旅太深刻~絲絲入扣~~
      係呀~大家各取所需~用幾多唔係最重要~真係哥種方式自己舒服就好了~唔使太介懷同人地比~
      我追你個非洲blog都追得好貼架~

      刪除
    2. 你咁鬼忙都追,多謝捧場~
      係呀,唔知幾時開始香港人於旅行方面鍾意樣樣同人比較,玩得幾窮遊、要去到南北極點才算到過南北極、依時間長短來比較或分清為何叫流浪等等。。。

      刪除
    3. 下~我好鐘意睇你地d blog架喎~好好睇~睇blog都係我興趣之一~~~
      咪囉....其實只要自己開心就得~係咪~我真係識得有個人~佢就係你講哥類人~

      刪除
    4. 小T再次多謝你先~
      呢D人,我通常唔會同佢講旅行D野。

      刪除
    5. 呢d人..同佢笑笑就算~

      刪除