2017年1月23日 星期一

羅浮咖啡Louvre Cafe@COD

星期五...大慨學習真的有點太傷神..我又有點頭赤~放工就去左睇天煞異降(Arrival)....外星人片我一向都鐘意睇~~~但呢套.........算啦...打字去形容都費事喇...淨係完場我講左句:套戲講乜_呀........算啦..可能我真係太蠢..唔明~之後再去左食煲仔飯~星期六中午食左馬慶康~~食飽飽之後去左行山~~(呢個blog好少呢d咁健康既野).....去左行龍爪角~呢日天氣幾舒服~有太陽得黎唔怕太曬~有涼風~....而且難度不算太高~不錯呢~....健康完之後就去舊威斯汀食個下午茶先啦~~~夜晚去左食MGM自助餐~~婆婆哥邊團年~(但有少少失望d澳洲生蠔普普..並不出色)...星期日中午我同毛寶又去左之前哥篇blog提過既文華東方御苑餐廳呢~試佢$550哥個二人餐...見佢有比我地之前食哥個買一送一哥個餐俾多$50..兩個人有多半打生蠔~咪去試下啦~之後去左沙梨頭個新開既圖書館~~好靚好靚~~坐左成個下午~~之後夜晚好乖咁樣自己煮米粉吃~星期一...好野~~我終於番過自己度喇~~雖然聽日要ot...但我仍然想說一聲:yeah~~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



最近都好鐘意黎呢度午餐或者下午茶~就係COD入面既羅浮咖啡Louvre Cafe~佢個地理位置有d難講~如果真係搵唔到建議問下information點去啦~





佢除左係cafe~仲有其他野賣架~有茶啦~仲有魚子醬~~~






佢仲有個餅櫃~~有蛋糕有麵包~~~次次都吸住臨走既我地去望望的~






佢仲有d蛋糕都幾抵架!!....咁大個才$7x~~人少少既生日會買佢最岩~~酒店喎~




有時個櫃又會換下賣果醬呀蜜糖咁~幾吸引~




我幾想試下呢隻~但好貴~




聖誕哥期又有期間限定~~~雪人脆脆米~~整得好可愛~我記得係$3xx




平時擺d咖啡壺既裝飾...聖誕又會換上薑餅屋~~靚靚~~~





呀~其實我好鐘意佢個環境架~係我最鐘意哥種採用自然光呀~係室內享用到自然光真係好舒服的~~~而且又唔怕落雨~然後又唔怕熱喎~~佢又整d整樹咁~~~坐坐下又真係幾似係歐洲街頭既~~~幾寫意~








最唔鐘意呢種枱.....枱好矮唔方便食野~(實在做唔成貴族或貴婦~~~~~~~~~~~)




而且覺得他們家的餐具挺精美的~~桌面像澳門的石仔路~




拿~~我又係食左好多次~~我諗有7次~~~~逐次講下~~(不過好多野食都一樣~因為好食我會不停叫~)...呢個係凍印度奶茶...$45.......聽講如果鐘意飲奶茶呢度既係必叫的!!!...我就加多幾隻字...就係...如果你好鐘意飲奶茶而你又好愛肉桂味既咁你一定要叫........我就係哥種頂唔順肉桂哥類人!!食葡撻從來都唔落玉桂粉的!!!所以呢杯野對我黎講殺傷力很大~~~但個質感飲落係幾滑既~




凍檸檬茶....$48......一般啦~~梗係世記既好飲d啦~~




Iced Mocha....$45......竟然咖啡會平過凍檸茶~~~不過呢杯一般...好淡口~




我同毛寶就叫左茶飲~毛寶叫既係台灣燻茶...$48....佢個茶黎哥時會有個漏斗的~分1分鐘3分鐘5分鐘的...咁你壺黎哥時佢會同你講要泡幾多分鐘先飲的~~~套茶具同餐具配得埋一套~好靚~但呢隻台灣燻茶真係好燻呀~~燻到陣味勁似燶味...我對茶既了解真係少~~




我叫的水果花園...$48.....正常野~起碼無怪味~




三文治方面我地叫左蒙羅麗莎的微笑....$58....整得幾靚下~~味道也不錯~~~不過好難唔好食啦~~三文治je~~不過酒店食份咁靚樣既三文治才$58~~抵啦~~而且都幾大份~




仲叫左海龍文藝復興....$168.....點解呢個包又咁貴?因為佢係龍蝦包~~~跟一份小沙律仲有薯條~但個人認為龍蝦包一般~不算太驚豔~最驚豔係個薯條!!!!個幼薯條炸到超脆~~暫時食到無論係酒店的還是外面cafe的佢仍然係排緊No.1!!(只有龍蝦包有埋薯條跟~其他包無架~不過可以單點薯條~)





甜品類叫左個crepe~自由神像...$48.....之所以叫自由神因為佢內餡有new york cheese cake~~~~~呢個係麥公子推介的~~~好好味~~~~因為d cheese cake會溶左係crepe入面~~~軟軟的~~很好吃~~~但幾漏....最少4人share~~價錢合理~




另外叫左個香橙及黑朱古力慕斯,鮮橙及法式曲奇碎窩夫...$48....價錢合理...朱古力慕斯幾濃幾滑~但我不喜歡漏漏的朱古力口味~另有咸的窩夫暫未試過~




第一次黎viva我就係同呢幾個靚女黎架喇~呢度環境不錯服務有禮(最開心係壺茶加左好多次水)食物不錯(係度飲品差d)......才$667.7(新濠天地張會員卡有折~)....每人$133.5....仲包埋泊車~開心下午茶~




拿~第二次黎喇~唔知叫左咩茶..忘了~(不負責任blogger)




er....唔記得係咩咖啡~~~(我知你地實話我唔記得就唔好放出黎咪得囉~~但影左我又唔想浪費俾佢出下鏡嘛~~)




拿...呢個我記得呀~~因為我叫既...法式咖啡(有酒)...$70....入面有干邑橙酒....味道我覺得麻麻~~可能我唔鐘意橙酒隻味~~(人地都寫明係干邑橙酒仲學人叫~~咩喎~~後生仔咩都試下嘛~~~).....同埋溝左酒之後杯啡好凍~~但要讚既你佢跟啡塊曲奇勁好食!!!毛寶每次都搶住食的~





Affogato....$45........毛寶說麻麻..Affogato之前食過/飲過有兩間都不錯的...就係Terra Coffee House同埋Triangle Coffee Roaster都好過佢好多~呢度既飲品真係一般般~






叫左個法國貴婦Crepe Madame...$78....呀~好味~芝士香香的~磨菇也很好吃~~




普羅旺斯麵包一欄有一個係鯷魚及薯仔....$88.....麵包香香脆脆的~~好香~(基本上淨包我都覺得好好味~)....加上咸香既鯷魚成件事都加哂分~~~~~好可惜既係....佢目前既餐牌已經無左呢個選擇!!!好失望~




薯條....$38......佢個薯條真係勁!級!好!食!!!!!!!!!!!!!本身已經炸得夠香口~仲要用上來自法國的茄醬.....真係十級好味~~~佢個茄醬望落好似有茄蓉咁架~~~~甜甜的幾好吃~~~~每次去我地都會最少叫一個薯條!!






又叫自由神像...$48....今次俾埋個溶溶地既cheese cake餡你睇下喇~真係好好味~(記得要4個人share...唔係食唔到其他野~)





本次高茶人物~




第三次黎到~女仔們叫了Cappuccino同埋Latte...各$40





我那次試了羅浮精選咖啡...$80.....入面有Baileys~~今次呢杯我覺得好飲過上次哥杯法式咖啡~




佢地都有好多咖啡豆揀的....有來自危地馬拉..有埃塞俄比亞之類之類~仲可以揀沖泡既方式~都幾過癮~我就唔係好識飲咖啡~如果你地有機會試完話下俾我知啦下~





又叫左法國貴婦Crepe Madame...$78.....都幾多料~我幾鐘意食~起碼塊皮唔會好似邊邊邊度咁燶既仲要死雞撐飯蓋~(係呀..我係同方丈一樣咁小氣架~)





鯷魚及薯仔普羅旺斯麵包....$88.....真係真係好好食架!!!無左真係真係好可惜架!!!...因為我之後食左次叫左個新口味黎試....結果係鯷魚及薯仔完勝~(係我心目中咋..因為我鐘意食鯷魚哥種味...)....依家只能睇番相喇...




羅浮特色青口配香脆麵包...$138....係幾好味既...青口嫩嫩的~但抵唔抵就見人見智喇..因為我個人就覺得細個左少少~




呢次我記得係中秋節翌日黎既~我地3個約好左去岩岩新開既巴黎人行下食下野~點知巴黎人多人到連停車場搭電梯上去商場都等左10幾分鐘...野食又要等兩個鐘先有得食...心灰意冷之下都係去番COD算~我地食得好開心~(巴黎人我到依家都係去左兩次咋...上次Mr.黎倒數我都唔去.....我俾佢間懶高級既餐廳訂位嬲到我生蝦咁跳...自此無再去過~)




我地叫左埋單個薯條先黎~~我地話取消左同埋埋左單..點知佢又好好人咁話請我地食..好啦~好啦~見係你咋~~~~





哥次食左$459.4...3個女仔每人$153.1~都ok~




第四次黎~我同毛寶同媽媽黎~我又叫羅浮精選咖啡...$80...好味~




媽媽叫左意大利經典...$70...佢話唔錯~




咦~依家睇番先知我係食左3次~依然好味~




香蔥煙三文魚蕎麥班戟.....$88..不錯吃~





呢次又叫左個新野試下~係三文治哥類...叫達文西的芝士...$105...幾貴呀可呢個~但真係臭臭芝士愛好者既天堂~~我同毛寶一食完都要hip埋眼享受~~




又再叫羅浮特色青口配香脆麵包...$138




去呢次之前我同毛寶又去多一次~不過哥次無影相~第六次的羅浮咖啡~又來了~我地茶腳加多左一人~佢就係.....睇落去你咪知囉~~~我地哥次去羅浮咖啡既原因...係因為佢平時有d tea set既(但我從來都未食過..成日都係單點)....哥段時間永亨信用卡有半價優惠~~咁梗係要約去試試看啦~佢tea set有三種的....最貴那個$988(二人份)...最平哥隻$288(二人份).....最貴哥個太貴(有魚子醬和香檳)...好啦~叫最平哥個試下啦~~哥個叫羅浮咖啡下午茶~~隆重推介~我地個新茶腳~~麥公子的oppa~~~~(不定期現身)...堅真係oppa黎架~~~麥公子真係好叻叻~~d韓文郎郎上口~~~最佳外語能力公子當之無愧~~~希望我地既大食同嘈嘈貢無嚇親oppa啦~




我地哥日就係叫左呢個羅浮咖啡下午茶...$288....真係半價先好食...因為所有甜品都勁難食~~~~好多都有肉桂~~我勁唔鐘意肉桂~~可能哥期係聖誕tea set先係咁卦~~~平時我唔知~~未食過~~~~嚇到我唔敢再叫佢地d tea set試~









盒入面原來係macaron~~味道就............





薑餅人又係幾得意既~最後俾我地5個五馬分屍咁食左~~




個tea set包兩杯飲品~由麥公子同oppa叫左急不煎勞同埋充滿玉桂味的熱奶茶~拿....oppa鐘意玉桂味架~佢話好好飲呀~可見各人口味不同對唔同野食有唔同見解~~~所以如果大家鐘意玉桂味..同鐘意飲奶茶..一定要試試看羅浮咖啡的印度奶茶喇~(我地之後將d充滿玉桂味既甜品請哂oppa食~~)




除左個set包兩杯飲品我地另外再叫左每人一杯野飲~再叫多個海龍文藝復興(有沙律同薯條跟)....$168....感覺上和視覺上呢次既龍蝦比上次的多~~





第7次光顧~~~~~(真係好痴線~~半年內去左7次...有下午茶有午飯).......第一次飲既水果冰茶....$58....我終於覺得呢度有一樣飲品係可以推介下~~~~~幾清新~(毛寶話好似飲緊啫喱水咁~~但佢話好好飲~~)....同埋呢..佢入面有d杞子...係杞子乾黎架~~一咬落去硬硬甜甜的~





咦...餐牌加左新野~之前無的~龍蝦湯..$45.......質感較稀~但鮮味都唔錯~$45可以一試之選....下次就..




仲加左d主食類~呢個係蒜香法式田螺蛋麵....$60......個蛋麵幾得意~~~佢個汁有少少薯蓉撈係入面~又幾唔錯喎~




拿~無呃你架~真係食足咁多次~又同唔同既人去食架~同行除左天團之外...仲有毛寶的大姐姐姐夫和堂家姐~

呢度實在係下午茶之選~唔算太貴就有個酒店地方食下午茶/午飯~又有免泊車~有新濠會張卡又有折~雖然飲品比較弱~但叫壺穩陣茶咪乜事都無囉~近期試過水果冰茶都不錯飲呀~當然食物比較佔優~我還是會再常常去吃~如果有番鯷魚及薯仔普羅旺斯麵包會更好~






本身諗住...
我:呀~拿~我話定你知呀~星期四我唔會出blog呀~我要出去食團年飯~
毛寶:下?!點得架!!!星期三出啦!!
我:呀~咁好啦~星期一哥篇唔出喇~改係星期三出啦~
毛寶:下?!點得架!!!星期一d小朋友番工番得咁辛苦就係想放工睇下blog咋!!!!你咁都唔俾佢睇!!!!
之後麥公子都話:咁你都要祝blog友新年快樂架!!
好喇..打咁大段野~
我想講既就係...
我本身想懶但係依家唔懶~
星期三會出blog~~wakakkaa~
係呀!!出7公子日本遊喇~~~~~記得黎睇我呀~



2017/01/23的開心事:
梗係可以坐番自己哥邊啦~~~~~



報時:距離"七公子"帥帥出使釜山之旅2017仲有---80日~
報時:距離與毛寶慶生快閃台北之旅2017仲有---247日~

34 則留言:

  1. 我都好討厭肉桂味呀,頂唔順陣味。
    wakakaka,好鍾意你呢句"影左我又唔想浪費俾佢出下鏡嘛",同感(拍膊頭)。

    回覆刪除
    回覆
    1. 無錯...陣味大到我打冷震~~
      you know that feeling bro~

      刪除
  2. 好彩有咁多人監督住你寫blog,等你無得懶 hehe

    回覆刪除
  3. 我都唔鍾意肉桂味 我地又有相似的地方啦 yeah
    星期三我會來探你的 嘿嘿

    回覆刪除
    回覆
    1. hehe~相似度再+1~
      來看我啦來看我啦~

      刪除
  4. 🤗🤗🤗🤗🤗🤗🤗y e a h~
    小氣方丈😂😂好搞笑

    回覆刪除
  5. yeah~~順應民意:)XD期待周三

    回覆刪除
  6. ✨超快又週二╠╣aΡpy喇喂🌟
    好友♦・゚☁晚安呢🌛💤甜夢安睡
    ★ O
       o
     .∧_∧・。☆
     ( ・ω・ )
     |⊃/(___✬
    /└-(____/
     ̄ ̄ ̄ ̄ ̄ ̄•*¤

    回覆刪除
  7. 咁...你準備好哂過新年未呀

    回覆刪除
    回覆
    1. 好友♦・゚☁晚上好🌟週三╠╣aΡpy✨

      刪除
  8. 你去左咁多次,水準應該好吾錯﹗

    回覆刪除
    回覆
    1. 係幾好呀~而且唔算貴...其實同出面d cafe差唔多~

      刪除
  9. 恭喜發財新年快樂勤勤力力....寫多啲XXXD
    玻璃天幕和自然光都靚,馬塞克桌面又靚!!
    average百零蚊地方坐得舒服唔駛同人逼坐一個下午食物又ok,唔怪得半年去7次^^

    回覆刪除
    回覆
    1. 我~會~架~喇~~~睇下今年出左幾多先~
      係呀~環境唔錯~似係街飲緊下午茶..但有冷氣~我鐘意~
      哈哈~重點係有泊車又同出面d cafe差唔多價嘛~

      刪除
  10. 食咁多次就知好味啦~~
    環境好,桌與桌之間又闊落,酒店價錢算好抵食

    回覆刪除
    回覆
    1. 哈哈~重點係有泊車又同出面d cafe差唔多價嘛~

      刪除
  11. 看完這兩篇,真想過去走走。
    祝宇文公子一年帥過一年!小t旅途繼續愉快!靚模開開心心又一年!
    還有小t媽健康如意!

    回覆刪除
    回覆
    1. 澳門歡迎你~~
      哎唷~~~好衰架~~咁快祝福人地既~~~我又祝你身體健康心想事成~
      多謝你呀!!

      刪除
  12. 環境幽雅唔錯.女侍應幾靚女喎、我都過黎High Tea先得.....點去呀......哈哈哈
    祝妳新年快樂、身體健康.頭痛遠黎妳.雞年行好運.利是繼續來。

    回覆刪除
    回覆
    1. 哎唷~~俾靚女侍應吸引~
      多謝你呀~~我又祝你身體健康~心想事成~眼仔精靈~長跑長有~

      刪除
  13. 嘩~個女waiter成個女明星咁嘅!喺咁多款食物裡面我對嗰個文藝復興就最有興趣,一睇到就流晒口水!😍

    回覆刪除
  14. 我鍾意食公司三文治㗎,在澳門就一定食葡國雞,真係童年回憶。

    回覆刪除
    回覆
    1. 係呀我都好鐘意公司三文治~~wakaka~
      得閒番黎澳門行下啦~

      刪除
  15. 有酒嘅咖啡?我都想像得到不是我杯咖了。。。
    嘩! 日日po食,仲要好鬼正,我個港女實睇到好Happy~

    回覆刪除
    回覆
    1. 係呀~其實都ok架~不過如果唔飲酒就唔ok~~~
      我想出完一個大既旅遊blog去咁d野食相~~部電話無容量喇~~

      刪除
  16. 多謝毛寶同麥公子,推到個懶懒blogger 出blog ^^
    又一唔錯嘅介紹,睇你啲美食篇,真係想搬去馬交住!!
    哈哈,今日星期三喇,等你今晚個日本篇喇!!

    回覆刪除
    回覆
    1. 哈哈~~我真係俾人踢下先識郁~~
      馬交好悶架無野做~得野食咋..不過香港仲多野食~~~
      出左喇快d黎睇下我啦~

      刪除
  17. 你真係佢地超級FANS, 哈哈哈, 半年去次, 平均每個月去一次有多. 但睇落又真係唔錯, 好有歐陸風味.

    你每次出BLOG, 其實唔洗打咁多字, 求其你現身, 所有人都會開心的.

    回覆刪除
    回覆
    1. 但踏入2017年又好似去少左~~哈哈~~
      無計~如果相多~就會打多d~~hehe~

      刪除