2017年1月19日 星期四

御苑餐廳Vida Rica@澳門文華東方酒店

呀~星期二番工仍然要過隔離~幾時先可以脫苦海呀~夜晚放工呀~毛寶請我去美家食煲仔打邊爐呀~話我寫完南美blog同我慶功呀~~~~~~我終於都有稿費喇~~waakakakka~星期三..朝早諗住對自己好d...去法國佬開既麵包店買麵包食..點知原來佢d有餡包都幾貴下...唯有買兩個無餡既包啦...$20大圓~工作上無咩特別~一時係哥邊一時係另一邊~星期四...工作上又係差唔多~~少少kick手野啦~~不過可以自己搞掂既~~最開心係聽日又係星期五喇~~咁辛苦番左一個禮拜工真係要對自己好d先得~~~~~~~~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



華~完成左個南美旅遊blog出兩個食記先~抖抖氣~再出七公子日本blog~(其實係電話d野食相太多我好想寫寫然後快速delete~)好喇~今天來說說我近半年好鐘意去食既御苑餐廳VIda Rica...位於澳門文華東方酒店(Mandarin Oriental Macau)入面...地址:澳門皇朝區孫逸仙博士大馬路...簡單來說MO就在MGM酒店隔離~訂位電話:8805 8918...記得訂位..因為都幾多人食~~呢次係我地第一次去食~約左公子們去食....近排食得咁密既原因..就係因為我之前7月份時申請左張Visa Signature既信用卡....而且佢吸引我申請既原因...其一係因為...去呢間餐廳..食佢地既set lunch...係會買一送一的~~~~~~~~~~~~~~~~~~~~~不過一定要訂位同埋訂位時講明你會用Visa Signature先得!我地第一次去時6位...但佢搞錯我地4位....朝早confirm時知道搞錯可能外面又無位..佢安排左我地坐房喎!!(估計有最低消費..不過又唔係我要求..所以哥次不在低消限制~)..華!~你睇下間房幾有氣勢~公子好似開緊六國峰會d領導人咁~




但講真...d餐具唔算好靚~




我地就係為左呢個set lunch而黎~3 courses就$368...4 courses就$468......買一送一嘛...即時覺得唔貴~我地呢次叫左3 courses...重點係佢地餐牌改哥d餸名改到好靚...一睇名就吞口水~每兩個禮拜轉一次餐牌~(但12月時那個餐牌維持一個月)




好有趣~你鐘意飲中式茶又得~西式茶又得~(當然要另外俾錢啦~不過你都可以就咁要熱水都係可以的~)





同埋最有趣既地方就係~係呢間餐廳你可以食西式既set lunch又得~中式飲茶又得~~公子做人咁全面~梗係咩都試下啦~中式醬料及中式開胃小點~




西式的就是麵包咯~




仲有兩隻牛油揀~最有趣係個味~一個原味...一個係紫菜味~~我成日都會要哂兩隻牛油的~蕃茄包與小法包都是我的最愛~





西式set lunch送的小前菜~當時小前菜是每個月轉一次的~這是自製鴨肝球~我d口水味係咪好好睇呢~毛寶話佢接受唔到鴨肝配上外層的朱古力~我覺得還好~





哈哈~~個set lunch黎之前中式點心要先來了~~~素菜菠菜餃...$55...不錯~但皮如果再薄d就好了~




黑松露上海小龍包...$75....佢地個小籠包係幾好食既~裏面超多汁~點解我知..因為之前飲下午茶個tea set其中一個鹹點就係佢~~~~




鮑魚燒賣皇...$70.....我無食~佢地話ok~




和牛春卷...$65...呢個麻麻地....內裏既餡真係食唔出牛味...




鳳尾蝦多士...$60.....我唔係幾鐘意佢咁擺....好似古時城牆外掛係度哥d xx....純個人觀感~覺得好唔吉利~~而且我覺得做得有少少油~




好喇~西式set lunch上場了~我地咁多人...梗係咩都叫黎睇下啦~頭盤有薄切香料牛肉配干邑芥末及松露薯片伴醺蛋黃及菜苗...這個好吃~




我就叫左呢個煎柚子老虎蝦配西蘭花中東米及黃菜頭蓉伴青瓜及青檸蛋黃醬...個蝦幾好食~而且個汁幾清新~




到主菜~朗公子同毛寶叫左煎挪威三文魚配海盒及小麥卷伴薯仔青蔥及生蠔忌廉汁.....個魚好鞋...唔好吃~其他我無試過呀下~




麥公子叫左煎法國雞胸配小胡瓜意大利芝士餅及菠菜伴南瓜及黑松露汁.....我個人認為一般...因為舊雞胸又係勁鞋~




只有我一個人叫澳洲羊扒配燴亞枝竹及甘筍仔伴黑蒜....我覺得我叫哥個羊扒係咁多個主菜中最好食的~~而且超大份...超多羊扒~生熟度剛好~讚~




點都好~帥帥的來一個合照先啦~點解最右邊哥個女仔咁靚既~(怕醜)




毛寶叫的意大利忌廉芝士慕絲配柑桔啫喱及香橙醬....開頭以為會好甜....但配埋柑桔啫喱同埋香橙醬又幾fresh喎~




法國朱古力奶凍配榛子穀物碎及啤利啫喱....我不嬲都唔鐘意食set lunch既時候叫朱古力既類型...因為怕好甜好漏...但佢一d都唔怕喎~~~~仲覺得食落幾輕盈~而且好美~




我就叫左時令鮮果碟配各式雪葩....個雜莓雪葩酸酸地幾好食~

總結第一次....公子都覺得一般...因為覺得佢個主菜好弱....但甜品佢真係無得輸~



本身係唔應該會出現第二次再食的....因為第一次既麻麻地主菜....但哥時我睇完個人氣食評家1 man既食評話地下大堂個lounge有個好抵食既set lunch..我就好想去試...但...我懷疑佢介紹完勁多人去食~~~~我無訂位~~哥時1點...但walk in要兩點半先有位但個肚又好餓架車又泊左係酒店停車場既情況下....我地又諗起有個買一送一既set lunch~~~~wakakak~原來已經轉左餐牌喇~~~~~




今次見佢有個Signature Tea喎~~咁把炮梗要試試啦~




華~~個Signature Tea成$88個架~~~~~成舊水飲個茶喎~~入面有薑..香茅..班蘭茶...我諗佢仲加左d糖~幾好飲~甜甜的~薑同香茅都幾出味~不過如果要refill加成$44一次~~毛寶仲不停的密密飲~~~留番d俾我啦~




小前菜仍然是自製鴨肝球~




食包包先~




毛寶的頭盤干邑忌廉龍蝦湯配蒸蛋及天婦羅龍蝦伴鱒魚子~~好好味呢~~~




我的頭盤挪威三文魚配生蠔及柑橘啫喱伴青竹瓜沙律及墨子汁....生蠔配柑橘啫喱很小清新呢~~三文魚也很好吃~就是擺盤很美喇~~




毛寶的主菜是煎澳洲牛柳配松露薯蓉,牛骨髓及蜜汁紅菜頭伴大蔥及紅酒汁......牛柳煎得好好吃!!!那個牛骨髓簡直係妙筆~~好香~




我的主菜煎比目魚配豌豆蓉及甜洋蔥餃伴青蘆筍及檸檬水瓜柳牛油....魚同上次一樣一般.........汁幾好味




毛寶的甜品乳酪奶凍配柑橘忌廉,紅桑子啫喱及乳酪泡沫...又好食又靚又唔漏~~正~




我的甜品又叫左時令鮮果配各式雪葩..正常野~




自從俾我知道左佢每兩個禮拜就會換餐牌之後...我就個心成日好癢要知佢換新餐牌有咩食....(好變態)....所以又黎第三次~




送的小前菜變左做蟹肉咖哩脆筒!!!呢個比起鵝肝球更靚更好吃~~~~




又來最喜歡的小法包與蕃茄包~




毛寶的頭盤波士頓龍蝦配鷹咀豆麵包粒及香橙汁伴芹菜根蛋黃醬.....好鐘意佢d頭盤....尤其龍蝦的做得特別好吃~




我就要左香料及火焰吞拿魚他他配西柚沙律及墨西哥沙律醬伴檸檬汁...這個也清新開胃~但都係龍蝦正d~




毛寶的主菜燒和牛牛肩扒配燴牛面頰餃及芥末薯蓉伴黃油菌汁......和牛好好味呀~~~芥末薯蓉也好好吃~~~




我的油封脆鴨腿配蘇格蘭鵪鶉蛋及燴小扁豆伴蜜汁甘筍及鴨汁.....我覺得好難食....真係未食過咁鞋既油封鴨腿.....以前係噴水池附近的小小法國餐比起呢度好吃多了.....




我的甜品青蘋果雪葩配甘菊泡沫...超清新~~~又救番成件事~~~~個甘菊泡沫其實幾好味...可惜可能放耐左先攞出黎個造型都塌哂喇.....




毛寶的雲呢拿雪紡蛋糕配鮮莓及馬達加斯加雲尼拿雪糕....一上枱....極度靚好不好?????我真係好鐘意佢地d甜品又靚又好味又唔漏!!!





哈哈~~有一次約左我的Chlo子食飯~~其實我地之前黎過一次呢度食早餐~~~今次我想推介下佢食呢度既午餐~剛好又過左兩個禮拜轉左餐牌嘛~~hehe~




好~呢個月仲係蟹肉咖哩脆筒!!Chlo子都說很好吃~




吃麵包~




我地今次每人食4 courses呀~~~瘋瘋的~~於是每人揀左兩個主菜~有其中3個人揀左呢個頭盤~薄切日式帶子配紫菜啫喱及蟶子伴醃製蔬菜及青蛋醬......超大體啦個頭盤好不好~~~~~~~帶子超新鮮的!!!!!佢醃既蔬菜都好好味~~~




Chlo子的老公叫了雲尼拿椰菜花湯配蟹籽餅及蕃荽油...感覺creamy~不喜歡~




毛寶的另一個頭盤牛油果及車厘茄卷配提子醋珠及多士伴羅勒沙律....好靚呀~~~~而且也很好吃~




我既另一頭盤煙法國鴨胸配鴨腿三文治及青蘋果伴蔬菜沙律及芥末醬..不錯吃!!個芥末醬同鴨胸好襯呢~




到主菜~Chlo子老公叫左松露卡邦尼意粉配溫泉蛋及巴馬臣芝士....我個人其實係麻麻呢個意粉.......所以出街我係唔會叫呢個意粉.....(我對卡邦尼有偏見..你地唔好理我喇)




毛寶同Chlo子都叫了烤鱆紅魚配海鮮汁,生菜及薯仔伴提子醋水瓜柳及牛油汁....都係魚一般~但墊係魚下面薯勁好食~外脆脆的~





我叫了黑毛豬柳配脆麥米,葡腸丸及粟米蓉伴蘆筍及鼠尾草汁.....全部配菜都好吃....豬很鞋~




好啦好啦~俾你地睇下我Chlo子既蘆山真面目啦~你就好啦~咁瘦~但最靚的還是右二那位~(怕醜)




甜品叫左椰子慕絲配士多啤梨啫喱及西柚.....靚!椰子慕絲清新不怕漏!讚!




我呢就叫左檸檬撻配柚子雪葩及法國蛋白餅~佢d甜品成日出黎個樣都唔係你想像既樣~驚喜~~~柚子雪葩好吃呢~蛋白餅也很可愛~




好喇~呢個係最近一次食既~12月整個月都係呢個餐牌~呢次可謂久別重逢~~因為同之前哥次隔左成兩個月先再食~呢個餐牌唔錯呀~~可以話係咁多次餐牌之中最好食的~~所以我同毛寶食左兩次~第一次係我地兩個人食既~第二次係同埋大比同我娘親一齊食既~(怪怪的組合~)




唔知係呢個月既餐牌無定係依家已經改左無餐前小食送~食兩次都無~~唯有食3個包~~~~~~好味~




第一同第二次去食時毛寶都係叫呢個柚子波士頓龍蝦配椰菜花蓉,醃製洋蔥伴黑松露及香草油....我就第二次先有叫~因為第一次食過太出色~~~~第一同第二次都好似有少少唔同喎擺得~~~但真係好好味~柚子同龍蝦估唔到咁夾~





我第一次哥時係叫左呢個煎鴨肝配紅菜頭醬及開心果麵包伴醃製蔬菜....基本上鴨肝配上酸酸的汁及醃製野食一定無衰~衰在個都包麻麻有陣益味咁~巧靚呀擺得~





黎兩次係因為佢~~~~和牛西冷扒配牛尾,脆牛根及茼蒿蓉伴烤甘荀及洋蔥汁....出色!!!佢5成熟既牛料理未失過手!!!!我食兩次都係食佢~




毛寶第二次竟然鼓起勇氣叫魚!!!(睇完個餸名其實我都想叫的!!但好驚佢又搞round個魚料理)...係慢烤南極雪花鱸魚及北海道帶子配青口及黃油菌伴薯仔及青蒜....點知這次極度的好吃~~~~~~~可能係雪花鱸魚的關係~~唔鞋之餘仲好香魚油~~~~~~帶子也很!好!吃!!!!!!!!!!!!!!!!!!!!!!兩個主菜都完美~




四位客官都好滿意~最靚係邊?唔使我講啦~




栗子蛋糕配法國奶油及蜜餞黑加侖子伴栗子忌廉及冧酒雪糕~~~都話諗唔到佢d甜品既形態架啦~~~~~第一次毛寶叫~第二次我都有叫~~~個冧酒雪糕好好味呀~~~第二次係咪因為臨近聖誕呢~~~~多左片雪花~~好可愛~





可愛的栗子蛋糕~栗蓉好好味~唔似坊間d假味~平時毛寶完全不會吃栗子蛋糕~但都成個食哂~




忌廉芝士慕絲配椰子雪葩伴雪紡蛋糕及鮮雜莓...呢個都好食~但栗子蛋糕更出色~




時令鮮果碟配各式雪葩




哥次我媽餐後叫左杯double espresso~我媽說不錯~我睇番張單...呢杯點都估唔到....係$25呢~~~~出面街普通cafe都唔得啦...大酒店喎!!!!.....總括黎講呢度既前菜同甜品無得輸!!!甜品係極出色~主菜就一時時~如果係牛就次次都ok~~~魚得就一次覺得好食~~~~羊都ok~其他一般般~~但吸引我黎既係坐得舒服~服務唔錯~加上有信用卡加持買一送一優惠~同埋我好鐘意我食左咁多次...我未見過前菜主菜同甜品有相同的菜名~非常佩服~個優惠好似做到2017年尾~我會繼續去~




當時臨近聖誕~大堂d聖誕老人裝飾好可愛呢~~~~~


佢近排又出左新野喇~有個二人餐~雖然唔係買一送一~不過轉左新野我又好想去試下~好啦~~就星期日去試下再話你知啦~







2017/01/19的開心事:
我最想聽既答案~~終於係雞煲口度聽到喇~
yeah~~~~~~(雖然是我不恥下問)



報時:距離"七公子"帥帥出使釜山之旅2017仲有---84日~
報時:距離與毛寶慶生快閃台北之旅2017仲有---251日~

44 則留言:

  1. 終於都捱到星期四,明天星期五喇(累)。
    睇到最尾已經數唔出你幫襯過幾多次,哈。
    點解澳門D酒店好似做好多信用卡優惠咁,D優惠仲要係幾吸引;香港通常9折或套餐或送小食或幾多倍積分(呆)。

    回覆刪除
    回覆
    1. 星期五永遠難捱到~
      應該有6次~~~上個周末岩岩食左第7次~
      都係折囉~同埋本身如果間酒店有賭場既話佢地本身都有哥d卡有折~

      刪除
  2. 這次吃的餐...見到我都想吃,因為中西餐都有
    ☁*¨*★好友★。゚☾╠╣aΡpy週五
       ╭───────╮🌟
       │瞓覺豬呢💤│
       ╰───────╯
    ╭───────╮✨
    │甜夢安睡💤│
    ╰───────╯
      O
       o
     .∧_∧・。☆
     ( ・ω・ )
     |⊃/(___✬
    /└-(____/
     ̄ ̄ ̄ ̄ ̄ ̄•*¤

    回覆刪除
    回覆
    1. ┏━┓ ┏━┓ ┏━┓*¨`*💞
      ┃快┣━┫每┣━┫刻┃¸.•*¨`*•💛
      ┗━┫樂┣━┫一┣━┛
       :┗━┛:┗━┛:💕.⊹
       ✾   *   ❉
      💝°¨💜・゚。💚。・゚゚💗・。。゚💙
      🌟好友♦・゚☁晚安✨唔該周公子見🌛💤週未╠╣aΡpy

      刪除
    2. 🌈好友⛅・゚☀黃昏好☁*`☼
      齊齊❥*¨❣時刻❤開心萬事得♥。゚♡
      ┏┓┏┓*。・゚゚ƸӜƷഐ
      ┃┗┛ appyღೋ❉星期一
      ┃┏┓┃¸.₡•*¨Ϡ.。ʚïɞ
      ┗┛┗┛*¨・✾。。゚°•♩¤。♪.♬。♫
      ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı

      刪除
    3. 哈哈~~都幾彈性呀可~又中又西都得~

      刪除
    4. 星期一平平安安順利的過了~

      刪除
  3. 睇賣相其實每一款都幾精緻,買一送一真係幾抵唔怪得成日去,仲有menu常轉新款也讚....

    回覆刪除
    回覆
    1. 係呀~~我最鐘意係佢成日轉餐牌~~~~搞到我想一直追落去!!!

      刪除
  4. 睇過酒店名就知高級...,質素唔使講...good,咁價錢有番咁上,
    但4百一set都唔喺好貴,仲買一送一,勁抵,生意真難做,
    我覺得西式好似多啲款式,Espresso超抵$25

    回覆刪除
    回覆
    1. 買一送一先會去食~無既話梗唔食~~~
      依家都係架!!我都覺可以經濟差左酒店做多左優惠!!
      個咖啡真係抵..媽媽仲要話唔錯~

      刪除
  5. 最靚係左一,唔係就左二左三,對不對?
    餸名唔係好靚啫,又長又盛,寧願佢亂咁改個意頭名等我估餐死或睇括住嘅細字註解好過

    回覆刪除
    回覆
    1. 不對...一定是右一~
      我鐘意喎~~~~~~

      刪除
  6. 哇 如果係我 次次都會揀牛呀
    甜品又極度吸引
    我好想試下紫菜味牛油呀 好新奇有趣呀

    回覆刪除
    回覆
    1. 哈哈~~但佢唔係次次有牛的~~但如果有牛我都一定會揀~~
      甜品真係唔錯架~~~你知我唔係好鐘意甜品啦~但都覺得唔怕太甜同好食~
      我另外有同事試過話紫菜味唔算好出~但我同毛寶都好鐘意~

      刪除
  7. 係呀,係呀,而家d麵包真係好貴架,閒閒地都十幾蚊個,買兩個都廿幾三十蚊架!
    哈哈,好勁呀,同一間餐廳可以出到咁長嘅文章,但係原來用咗好長時間先可以有咁長盡報告,真係多謝你,如果淨係睇第一次的lunch 選擇,真係無咩興趣,因為主菜無牛囉!

    回覆刪除
    回覆
    1. 係囉!!!有餡既唔得添呀!!!
      係呀~~食左幾個月架~~~~哈哈~~
      其實佢地整羊都唔錯的~但首先....你要食羊~~~~

      刪除
  8. 不過真心抵,買一送一,四百幾蚊果個仲有兩個主菜,真係豐富,而且甜品仲好靚仔!
    最靚梗係帶黑框眼鏡,短頭髮果個女仔啦,咦,好似有其他人都帶黑框眼鏡,短頭髮喎!

    回覆刪除
    回覆
    1. 唔見咗之前個留言啦又!!

      刪除
    2. 佢d甜品真心讚!!我唔太鐘意食甜品既~但都覺得唔怕甜同漏同好食~重點係靚~
      野~~~~係我呀係我呀~~我靚靚~~~

      刪除
    3. 唔使驚~有我係大廳~~(好爛)

      刪除
  9. 今篇咁多野食,我流左好多口水啦,飲番杯水補充先!
    七公子日本blog好期待!

    回覆刪除
  10. 妳同都一樣鐘意食果間店.就成日去食。
    但有分別是妳食高貴食店、我食平日車仔麵。.........

    回覆刪除
    回覆
    1. 提早祝妳新年快樂&身體健康.雞年行好運.利是常滿。

      刪除
    2. 周末要對自己好少少~~~~~~~~~~~我都有好多間鐘意食既成日去係平價之選~~~~

      刪除
    3. 我星期三都出blog呀~~~到時再祝多人一次啦~~~

      刪除
  11. 啲麵包好吸引喎,一睇就覺得好正宗。

    回覆刪除
  12. 右二那位真係最靚靚喇~~
    買一送一真係好吸引,好識食又識搵美食~~叻叻

    回覆刪除
    回覆
    1. 係咪我呀~~~
      其實我係為左食呢個買一送一而申請呢張卡~~~~~~~~~~~

      刪除
  13. 紫菜味牛油和D點心,正~~~~
    見到D食物,流口水添!

    回覆刪除
  14. 嘩~粒鮑魚燒賣冇偷工減料喎!😛

    回覆刪除
  15. 要嘆吓啦~
    個Tea係酒店來講算平啦,以前港女係IFC飲一壺茶都過百啦。。。

    回覆刪除
  16. 回覆
    1. 以呢個價錢..都算幾唔錯既~(我講有買一送一既話)

      刪除