2017年1月5日 星期四

南美洲4國新奇探險之旅2016-03-11第二十八天Part 2(陰天及後天晴)

新一年喇~~~2017年第一blog~~~~我係度祝大家~~~Happy New Year~~~全年都咁開心~~~~~~~~~話實在.....我寫blog都寫左好多個年頭.....我諗都應該差唔多有10年.....想當初既少艾....如今己變成輕熟女.............(唔知做咩今日咁感慨~~拭淚中)......星期五晚上食左enjoy deli~之後行左一陣塔石廣場個聖誕市集~不過無咩行~星期六中午食左搬左新鋪既永安~依然好味~不過仲多人左~夜晚天團去左上游打邊爐~好味~~~然後我放棄左Mr.係巴黎人既倒數呀~~同毛寶係我屋企開住電視睇香港d煙花食住薯片倒數呀幾毒呀我地兩個~~~星期日成點先起身~~直接去羅浮咖啡中午+下午茶一齊食~~晚上叫左越南野外賣食~一路睇一年一度的叱吒!!!點知我很愛的Dear Jane同Supper Moment都攞唔到組合金...失望...十大歌曲都無......明明Dear Jane哥三部曲都好勁架嘛~~~星期一中午去左試重開番既新潮~~之後下午去左接我親愛的娘親機~~(係呀我娘親又去左旅行呢幾日都係得我自己一個人~)....晚上食左新故里~~真係好好味~星期二放左3日假梗係好q多野做啦~~~~~~~~~~~~~~~~~星期三放左工有野做..同媽媽出去食齋拍拖拖~1月1日開始感冒....呢幾日咳到痴肺.....同d客講野時個喉嚨好似有舊塵咁超痕要喪咳...小病是福~但希望快快好~星期四...工作多...ot..........呢個禮拜都覺得好攰...食左d感冒藥個人好散~好咯好咯~~聽日星期五~~又玩兩日先~(下個禮拜又變番5天工作周..我驚我唔慣無哂假放~~)



2016-03-11
Day 28---Part 2(阿根廷,布宜諾斯艾利斯 Argentina,Buenos Aires)

好喇~到晚餐時間喇~~~行下行下~最後選定呢間Las Cabras~地址:Fitz Roy 1795, Palermo(ver mapa), Buenos Aires, Argentina...我地好似6點鐘黎到...無咩人~




輕鬆格調既餐廳~可以望到入裏面睇到廚師們整野食~





佢安排左我地係一張靠窗既枱坐~望住出面~我又覺得好寫意喇~




點好菜...先上麵包.....麵包普普......勾唔起我追落去食既慾望~(d形容詞硬係有點怪怪的)




佢地叫左呢個野飲...我一望...唔錯喎~決定偷飲佢地d~~~大佬~~~勁好飲~~~好似我地係復活島每朝早餐民宿主人哥d新鮮果汁咁~~~佢類似檸檬沙冰溝薄荷~~~勁好飲~~~~$45ARS=23hkd...平~




先黎Bife de Lomo...$160ARS=40.8hkd.....雖然牛肉味不錯..但係好鞋~不過勁平~~~




由於佢係全西班牙文餐牌無英文.....我地都係估估下~呢個我地本身以為係湯黎既~~~~點知叫左出黎佢係一個好似焗豬扒飯既物體..但係無飯既~酸酸地...有d薯仔蕃茄同少少肉粒...就係咁係唔知點既...如果有個白飯都ok既~




呢個係Gran Bife Las Cabras......先不說價錢......想你地估下.....佢一黎哥時....華....咁大份既....如果好似頭先塊扒咁我真係搞唔掂~但真係好大份...咩都有d~橙色哥pat係好似南瓜蓉黎既..甜甜地....不錯吃的~快d估下呢份野幾錢?下一幅相係答案...




一切開舊扒.....痴筋架!!!勁靚喎煎得!一食入口..........我從來未食過一塊扒咁好食!!!!!!!!!牛味超濃...生熟度可以用完美形容!!!呢份野震撼左我地4個好耐!!因為真係好好食!!!而個價錢係$179ARS=91.3hkd?!?!!?!?!?!!?!?咁大份喎!!!!!!!!!!又有蛋又有薯條又有扒又有蔬菜又有飯...................$91hkd?!?!!?而且舊牛有質素到咁????????????????????????????我知阿根廷牛好食...但呢個價位...有呢個味覺享受.......我不能相信....................................................................每食一啖都是享受~




哥份牛扒旁邊仲有一舊咁既野...我地望左好耐....一食...原來係燒過既芝士!!!!!!!!!!!勁香!!!!!!!!!!!!!!!!!!!!!!好好味!!!!我唔明份扒平到咁.....仲要有咁多side dish.....才91hkd?!?!?!?!!?係澳門應該係食左陣風....呢份扒到左依家...我地4個仲講緊!!呢舊係我呢生人食過同佢既價錢最唔相乎既一塊牛扒...但最驚係佢唔係貴得黎唔好味喎(呢d我成日試)....佢係平得黎好味到超乎想像........我認真講...我食過既澳門酒店(雖然唔多)...幾貴都好(我能力範圍內).......都無呢舊咁好食....真係好震撼!!




4個人食~都夠哂~




呢間餐廳走休閒路線...估唔到遇上我人生中暫時食過最好吃的牛扒.......................我的福氣~




呢餐食左$533ARS=271.9hkd....每人68hkd....我無眼睇喇....阿根廷你d野食太抵喇......到底澳門d野食係幾貴幾難食...呢個價係茶餐廳貴少少既價.....連cafe都食唔到..........打哂冷震.....堅希望我有生之年可以再黎呢間Las Cabras~係我地酒店附近架咋~




呢晚仲有活動架~所以我地番酒店休息下先~或者沖左涼先~我就襯毛寶沖涼影下相先~(唔係影佢~我無咁變態~).......呢個係我係哥間得意文具買既插畫~係咪好可愛呀~




毛寶就係幫我地整相哥間野買左佢地d相番澳門做裝飾~都幾靚~




好喇~~~休息左陣又出去~~我地呢晚既節目就係.......可以話係布宜諾斯艾利斯既重要景點~~(對我地黎講)....就係去春光乍洩其中一個取景地...Bar SUR





喂喂~見唔見西裝骨骨既黎耀輝(梁朝偉飾演)企係門口!!!!!!!!!!!!佢真係出黎now客架!!!我地行埋去佢問我地邊度黎...然後佢話:Happy Together!!......睇黎真係好多人為左呢套戲而黎~




影低價目表俾大家~如果淨係睇show就一人$700ARS=357.1hkd.....如果睇show加晚餐就$1,100ARS=561.2hkd..........我地食左晚餐喇..就淨係睇show~(其實呢間睇show真係貴架...我都覺得貴...我地係為左佢既名氣而黎...因為有某d cafe如果你幫襯佢食野已經有免費show睇...至於係咩show...你睇落去咪知囉~~~~我上網睇得知原來唔同季節去係唔同價既...淡季去平好多架!!)




一入去原來就已經有人表演緊演奏音樂~黎耀輝就帶到我地張檯坐低先~欣賞下表演先~




一路欣賞一路睇下有咩野飲~(睇表演唔包野飲)...睇緊哥時我地發現.........我地加埋好似唔俾現金俾...............因為我地話夜晚出街好驚所以唔好帶咁多現金(係阿sam同大比咋~我同毛寶夠俾架~)....呢個時候阿sam好冷靜咁話:碌卡囉~碌卡囉...(仲要講左兩次咁多!!).....跟住我同毛寶就好安心咁叫野飲喇...因為我地兩個根本為保安理由連信用卡都無帶出黎~即刻係餐牌上見到支Mumm...只售$450ARS=229.6hkd....即刻開左佢同我~~~~~~~~~~~~~~~~~~~~~




叫左野飲之後第一輪表演都完結~咁我就影下個環境啦~因為除左我地之外仲有另一個叔叔睇緊~跟住就諗起何寶榮係度跳舞哥幕~





好懷舊feel~



呀~~~~仲有佢地張劇照放係度~~~~~~~~~~不過呢度燈光暗~所以好難影~




俾大家睇下黎耀輝既真身~~~我地笑說黎耀輝係度做到老哂~




呀!!我地想睇的Tango表演要來了!!!!!呢度地方超細~~~但佢地跳得好好睇呀!!!!!!!!!!!!





而且跳的是靚仔靚女!!真係睇得好開心~支酒黎左喇~飲緊既時候我地發現.................阿sam原來無帶信用卡.........................................頂~~~你仲講咁大聲話碌卡~~~心裏無張驚慌之下~~~~醒起鞋墊內仲有美金~~~~~~~問下黎耀輝收唔收美金~好彩佢話收~如果唔係就要留係度洗碗~做到黎耀輝哥個年紀喇~(到時就到我等你地黎探我~~)





跳完之後佢邀請我地出去影相....但....有必要呢個鋪屎咩!?!?!?!?!?!?!?!?勁尷尬呀大佬...我著哂迷彩褲成個軍人咁喎~~~~~~~~~XDXDXDXDXDXDXD...d身高差超醜~~~~






拿....你哥張最正常架喇~幾得戚個樣~




之後到叔叔表演彈奏鋼琴~再有人唱歌~再有3人演奏.....佢地係同Tango輪住表演的~






表演小短片~




其實佢地既表演由20:30開始....一直輪住表演直到01:30..即係不停的彈鋼琴->Tango->獨唱->三人演奏...做完一round又重新黎過彈鋼琴->Tango->獨唱->三人演奏...表演唔同既舞唱唔同既曲.....如果你俾左錢係可以由20:30坐到01:30不停咁睇~~~~~~咁計落又真係幾抵~



睇睇下又到番Tango~佢地跳完之後又邀請岩岩入黎既人影相~~~~~~~華~~~好彩我地頭先無人咋~~~~原來睇人地影係咁開心的~~~~~~~~~~:D...睇下叔叔幾開心~~~





黎耀輝幾俾心機影相~




我地可能早黎~只有我地同埋另外一枱個叔叔~後黎漸漸多人..多人到滿座!!所以想睇都係早d黎好~都幾多唔同既人黎睇~有我地啦(澳門)~我地隔離枱個叔叔(巴西人)~有英國人~仲有玻利維亞人~隔離枱個叔叔仲要係第二次黎~




呢度睇表演真係好有feel~環境氣氛啦~靚仔靚女dancers啦~電影加持啦~如果睇過春光乍洩又欣賞呢套戲既話一定要黎呢度坐坐呢~




影左Tango小短片~佢地兩個計到d位好準~個場好細~但佢地d起腳位真係計到岩岩好~好似好幾次都見到佢地就黎踢到d枱咁架喇~~但又無野~~好勁~~~~~



毛寶呢幾張我勁愛!!!!!影到好有味道!!!!!!!!!!!!!!!!!!!!!!!!!好靚好唯美~~~好似電影劇照!!!!!!!!!!尤其第3張!!好似有一個愛情故事係入面咁~




我地差唔多12點半就走了~(都睇左成3個幾鐘~咩都抵番哂~)...臨走邀請黎耀輝合照...雖然黎耀輝做到變老..但講真...以叔叔黎講...佢又高又有型!!!!帥!!





壞喇壞喇你班人!!人生路不熟!!咁夜先番酒店!!!講真~我地一來一回都成300hkd的士錢!!不過我覺得安全d嘛...有d錢都係唔慳得既~話哂我咁靚~好危險架嘛~(你夠膽就當面柴我台!!黎丫~~~~)




坐坐下的士隔離有架大巴經過....隔離d女仔揸住條假x具fing下fing下好開心咁...咩玩法?饒恕我個人比較內向唔明白...我內心仲係好純真架!!我內心只有兒童王國!!(誤)




回程時途經七月九日大道(Avenida 9 de Julio)上的方尖碑(Obelisco)~原來夜晚既你係咁既~幾好~順便睇埋~








2017/01/05的開心事:
今晚食左媽媽係台灣買既新竹米粉~~
又幾好味喎~

30 則留言:

  1. 妳係咪財多所以身體弱呀......祝妳快D好番
    見到妳食牛扒咁靚.....我就想起加拿大D牛扒又平又好食...
    妳應該同佢跳番Part Tango嗎~~~哈哈哈

    回覆刪除
    回覆
    1. 下..我就係財唔多喎~咁我咪好慘囉...
      真係好正呀..牛味仲要超濃~~~搞到我都好想食下加拿大既牛扒添~
      wakakaka~我出去影相塊面都紅哂啦~~咪搞~

      刪除
  2. 個扒估200左右,點知91咁平,真係你的福氣強大呀
    毛寶補捉得好好,好有專業感,好實在

    回覆刪除
    回覆
    1. 我覺得200都值..但91真係平到開巷~~
      我都好鐘意哥幾張~

      刪除
  3. 個跳舞甫士好攪嘢,個牛好生吓,我就吾食吾到啦,咳好長手尾,要快點睇好。

    回覆刪除
    回覆
    1. 真係好尷尬~~
      我好鐘意食牛~~生都ok~~~
      好彩依家又無咩野喇~~

      刪除
  4. 小t新年快樂!!祝你同愛人們個個都身體健康~
    毛寶d相好!有!feel!
    比你個迷彩女郎笑死我啦XDXDXDXDXDXD

    回覆刪除
    回覆
    1. 貞我都祝你新一年事事順利~~你和家人都身體健康開開心心~~公子們今年繼續viva~~~
      係呀...我好鐘意跳舞第三張..好靚~
      係咪好正呢~

      刪除
  5. 好友♦・゚☁晚安✨唔該周公子見呢🌛💤
    週五╠╣aΡpy🌲🏠💒🏡瞓醒才繼續忙大掃除

    回覆刪除
    回覆
    1. 好友♦・゚☁晚安✨我都早D瞓覺🌛💤
      瞓醒有精神繼續做大掃除🏠週末╠╣aΡpy

      刪除
    2. ╔═════╗✾
      ║░═══░║¨**
      ╚═════╝░╔═╩═╗
      ░══╬══░░❉╬╬
      ░░░║░░░░❉╚╬═♦
      🌈好友⛅・゚☀我的早晨☕你的午安好☁*`☼
      我瞓醒繼續做大掃除🏠🌲洗廚房&廁所喇喂

      刪除
    3. 你好乖呢~分幾日大掃除~

      刪除
  6. 好想吃扒呀 ! ! ! 好像很好吃呀 ! ! !
    咁平真係好抵 ! ! !
    毛寶影的相很有feel :)

    回覆刪除
    回覆
    1. 咁生你食咩~~~~~~
      但真係好抵既~
      第三張真係一流~

      刪除
  7. 少艾有少艾玩法輕熟女又有輕熟女玩法,最緊要係enjoy享受生活,同埋新年最緊要身體健健康康,先有精力繼續周遊列國寫多啲好嘢我睇wakakakaka....
    91蚊?!@@要移民ARG了!!!!
    早知有得同帥哥影探戈合照,係咪好後悔無帶埋條大露背吊帶靚裙去XXXD
    mobo第三那張真係好靚,有電影味道,要email返去畀間bar叫佢拎來晒做廣告poster^^

    回覆刪除
    回覆
    1. 唉~年過30真係覺得自己大左...係個身體話我知既~~(好唏噓~~)...但我仍然會繼續玩~~~
      係咪好離譜呀!!!勁好味囉!!!
      wakakakakka...我完全無諗到咁樣~~~就算知都唔會帶~~~~~
      係呀....真係..毛寶真係好有攝影眼~

      刪除
  8. 新年快樂呀靚女。
    現在好啲嗎?多啲休息與飲溫水呀。

    回覆刪除
    回覆
    1. happy new year~~祝你同家人都身體健康~~
      好左好多啦~不過今日番完工有d頭重重~

      刪除
  9. 第一眼見到你哋坐的士張相,心諗你哋租咗車咩? 再睇D字先知係的士。哈,因為佢哋架車中間收音機位唔見咪錶即刻以為係私家車(蠢)。HAHA。
    好同意有D錢係唔慳得呀,小心駛得萬年船嘛。

    回覆刪除
    回覆
    1. 仲要阿sam唔係揸車哥個~~~~wakakaka~我地成程南美淨係復活島先有租車呀~~~
      係呀...費事因小失大~

      刪除
  10. 您一停下來便病,要快些有新旅程。
    看不明菜單估估下會有驚喜。
    四位公子哥兒戲迷上身啦!哈哈哈...

    回覆刪除
    回覆
    1. 我都想呀...但仲未有落實的任何一個旅行~
      今次真係亂估的~亂點點中好吃的真開心~
      wakakak~但好怕醜~~

      刪除
  11. 一份這樣份量的扒,唔好比廚技和肉質, 因為比較唔到, 係我這裡, 都係20元加仔咋, 其實, 牛扒這些野, 港澳食就真係好貴囉.

    唔知點解, 你果張餐廳台椅相, 個背境令我想起舊時的澳門黑沙灣.

    回覆刪除
    回覆
    1. 咦~都差唔多價錢~都好抵~~係呀....港澳真係好貴..仲要未必好味!!!
      我知你講邊間..係咪葡餐~~~
      我地唔會叫黑沙灣架~我地淨係叫哥個地方做黑沙~因為另外有個地方叫黑沙環~

      刪除
  12. 的士費咁費,牛扒就咁平,你講到我好想食塊牛扒呀!!
    阿兒童王國,你唔明不如都試吓揸嚟揈揈吓可能會開心過佢哋
    你靚,邊敢柴你台吖,忍笑都嚟唔切啦
    講開"春光乍洩",我覺得何寶榮做得好過黎耀輝,有冇同感?

    回覆刪除
    回覆
    1. 哥塊扒真係一絕架!!我地4個成日講希望有機會再去阿根廷時要再食番呢塊扒!!
      咁耐無黎留言..依舊毒舌...但我鐘意~~~~~~~~~
      其實我覺得兩個都做得好好~~但何寶榮既演出真係一絕~~~~~~令人大拍手掌~~

      刪除
    2. 唔係呱,好耐冇留言咩?
      但攞康城影帝嘅係黎耀輝呢......

      刪除
  13. 黎耀輝做左咁多年,當然老啦,wakakaka~~~
    我都想個得戚樣呀~
    喂! 你係南美食到你一生人最好食嘅牛扒,我都係南美搵到架,不過係拉巴斯

    回覆刪除