星期五下午忙得不得了.....放左工之後去食發達~食飽飽就去左睇街角遇見貓(A Street Cat Named Bob)...點解想睇呢套戲?因為之前我地去英國真係有想搵呢隻肥貓~~但點知去到d人話佢地已經變到好有錢唔使再行乞.......所以依家睇戲補番數啦~因為佢本尊有現身係套戲度~.....星期六中午諗住去食kokoro個午市套餐...點知星期六無...但單點的野食今次令我有少少失望~下午行北歐雜貨..飲咖啡......夜晚叫左宏安外賣~星期日中午食左北海道午餐set..不過今次食覺得麻麻~下午去左睇君士坦丁近代作品展~幾過癮佢d畫~~.....夜晚又食關東煮外賣....我地食到連人地都認得我地成日叫~~~~~救命~~仲送多左兩樣野食俾我地~~多謝哂~(如果你都想叫關東煮外賣係fb打關東煮手作坊就會見到)..係幾好味既~重點係飲完佢個湯都唔口渴~正~....飯後毛寶幫我剪個靚髮番工~星期一今日又唔算好多野做又唔算唔多野做.....不過番到屋企頭重重咁.....
2016-03-12
Day 29---Part 1(阿根廷,布宜諾斯艾利斯 Argentina,Buenos Aires)
早唷~唔記得講添我地酒店係無包早餐既~好~早上起來~第一件事就係要去我地酒店附近哥間starbucks走走~因為~阿sam要幫朋友買杯~~~~
我見到阿sam買...我又望下...呀...又係幾靚喎~~~佢有兩隻~一隻係Buenos Aires..一隻係Argentina...我個人就好欣賞Buenos Aires哥隻~因為佢後面有人跳Tango~~~前面仲有方尖碑~~呀~杯焦湯媽ki丫圖好好飲呀~
好啦好啦~買啦買啦~~~反正我都無咩手信俾我自己~~又過左哥程15kg既機程~~~~唔知點解一買就買哂兩隻~~~~~~可能又係諗住自己唔會再黎~~~~~~每隻$180ARS=91.8hkd~跟澳門價差不多~智利哥隻真係好抵~(暗喜)
行過附近超市~行入去諗住買手信~唔記得同大家介紹~阿根廷人好興飲一種茶叫瑪黛茶(Mate)...可以話係國民飲料~周街都有人飲~係一種健康飲料....對腸胃消化..神經..心血循環同埋免疫系統都有顯著效果(網上睇架咋~唔好賴我呀)....佢地好鐘意用一個波波球咁既形狀既杯黎飲....再用一支特別既飲管去飲的~超市呢個一套裝都幾得意~有齊杯~飲管同瑪黛茶~不過我怕隻膠杯番到去壓到變左形所以無買~
呢日大比生日呀!!阿sam話要食餐好既賀一賀佢~~~~揀左呢間叫Osaka既日本餐~~發現呢間係分店黎架喎~南美洲有好多國家都有呢間日本餐既分店~總店應該在秘魯~估你唔到~地址:Soler 5608, Palermo, Buenos Aires, Argentina
見到外國人做日本餐師傅感覺有點怪怪的~
睇個格局就知係唔慌平架喇~係呢...你班人到底要食幾多次日本野係南美???(計埋呢次...係南美食左4次~~但無食過中餐喎~~~)
d wasabi個形整到成舊馬介休球咁~~d薑又幾好味喎~
我叫左杯Ginger Mojito...$165ARS=84.2hkd...貴!!澳門酒店都唔使咁貴既貴~但幾好飲~
Seaweed Salad...$175ARS=89.3hkd....撈到極好食!!好開胃!!!酸酸的!!但唔大碟....貴!
Tako...$190ARS=96.9hkd....見佢係八爪魚前菜叫黎試下...點知細到咁~~~貴~~~~~不過幾好食~
叫左個OSK style sushi入面既Crispy Rice....$165ARS=84.2hkd....上面有d三文魚他他...舊飯燒過..脆脆的~加上醬汁~不錯吃~對比頭先個八爪魚前菜~呢個容易接受好多~
呢個係類似頭先上面個crispy rice既類型既壽司~但我認真地忘了係咩同埋幾錢~
呢個和牛壽司好好吃!!!但忘了幾錢~
呢個又係Kobe....$455ARS=232.1hkd.....生熟度剛好~~d汁又好食~~~
呢個卷物叫Tropic...$335ARS=170.9hkd....呢個一般般!入面有d天婦羅蝦...cream cheese...外面係芒果包住...仲淋上熱情果醬汁
再叫左呢個Mariscos al Fuego....$320ARS=163.3hkd....係一個seafood mix~呢個都唔錯~我覺得呢間日本餐野食都百錯吃......但好細碟而且唔平.........好多謝阿sam請我地吃~
好喇好喇~~食飽飽我地就搭的士去小保加(La Boca)喇~一早知呢區治安麻麻.....係落的士既時間...司機望住我地..同我地講....要好好小心銀包......可想而知個危險程度....................好驚話~呀...見到d檔仔好想食添~不過又驚~
呢度係遊客區~~同埋呢度出名既係好多五顏六色既屋~~~熱熱鬧~~(睇住個荷包~~)
樓上有教宗個公仔...呀!!係喎!!依家個教宗係阿根廷人黎架!
周圍行下~有兩邊...我地行左右邊哥邊先~呢邊賣畫既多~
彩色屋又真係幾靚既~顏色好鮮艷~
華~你好嘆呀~~~不過你做咩腳仔咁污糟既~
呢個位咁樣影我覺得好漫畫feel呀!!幾靚~
再轉過另一面行~呢邊多d手信賣~
係門口望入去幾過癮~行入去睇下先~
原來呢個小保加區係由貧民區改建過黎架!!幾好丫咁都活化左~
好嘉年華feel~
到此一遊照~
又俾我見到隻訓到me下me下既貓咪~呢度既貓咪都好嘆~
有機會黎下小保加區啦~d五顏六色既屋都幾值得一遊~
臨走見到呢間Havanna...係阿根廷好出名既賣朱古力既鋪頭~我都幫襯左一包~
2017/01/09的開心事:
就係心愛既chlo子終於回來我身邊了~
點解架點解架~~~
點解仲未有一個旅行落實架~~~~
個心好虛呀~~
拿~~~妳又頭重重、唔好掛住食。認真check啦......
回覆刪除下次去旅行証件同錢分開放、只想買少少野食個銀包放少少錢.比人搶都唔心痛啦
街頭BBQ正呀......
間鐵皮屋五顏六色......型
妳現在好似逢一.四先出blog....星期四見
我真係太為食喇...哭..但有時因為壓力大我都好想食野...
刪除我地都係咁架...無咩錢係見到既範圍
我唔敢食~~怕肚仔痛~
係呀靚呀
哈哈~~依家係星期四喇~hi~
我知妳壓力大用食野減壓、但都要顧下健康呀.......
刪除去到阿根庭食日本嘢呢件事都怪怪哋......
回覆刪除小保加原來係咁,以前成日買佢(馬會)都唔知,你去球場參觀嘛...
但食得多西餐有時好悶...好口痕想食wasabi同豉油
刪除又真係無諗過去球場喎...我都唔識~
每次喺外國食日本嘢都好擔心會中伏,特別見到唔係日本人開嘅就更心驚膽跳。好彩你食呢間都啱你口味。
回覆刪除小保加望落好乾淨,唔係離亂又唔似係D好危險嘅地方,不過去旅行都係要自己小心D。
你哋遇到個好心地嘅司機提醒你哋。
哈哈~係呀~我地每次都係本著揾笨既心態好食架~(太想食wasabi同埋豉油~)好彩又無咩喎~
刪除係呀....不過連的士司機都開口提..就真係要打醒12分精神呢~
好多謝佢~~~
街角遇見貓,港女話好想同我睇呀,好睇嗎?
回覆刪除我當年都好驚,但去到後,當見到D遊客個個胸前都一部大相機,我都放低戒心了。
都ok既~因為我地對臭bob有情意結~所以覺得唔錯~
刪除wakakak~原來係遊客們給你信心~
係呀,好多時因見到遊客個人會放心D嘅。
刪除我好中意有人情味的食店,熟客要珍惜😂. 七彩的屋好型啊
回覆刪除係呀..哥刻個心都幾開心既~
刪除哥度係幾值得參觀既~
賣相很好的日本菜
回覆刪除彩色小屋令人心情愉快呀
快d落實旅行 期待呀 :)
係呀~算係唔平呀呢餐~
刪除係呀最衰我太蓬頭垢面....影不到美美的照片~
終於有一個喇baby!!!!
咁你有冇睇貓侍和貓,全部都係貓?!
回覆刪除君士坦丁展有興趣,過開大海就來看
間日本野雖然貴,但看賣相都做得幾精緻.....秘魯以前總統係日本人,可能都多日本移民多日本餐廳!
p.s.啲彩色屋好襯你件columbia^^
無呀~~~~~~
刪除咦~如果你過開黎記得逢星期日免費呀~~~~~同埋好似去到5月唔知幾多號~~係幾值得睇呀今次呢個展覽~
係呀都幾好味既~貴得黎都合理~好過佢貴得黎得個樣唔好食~
咦~係喎~
食咗咁多餐西菜食返幾餐日本菜梗係唔過份喇!哈哈,今次無中伏,個相頭仲好靚仔!其實日本菜除咗响日本之外,响世界各地都算高級菜,貴但又未必好食!
回覆刪除我都好怕去冶安唔好的地方,始終心慌慌,唯有帶少啲錢,alert 啲囉,但小保加真係幾特色/
刪除哈哈~~你最好~~~~係啦食得多西餐真係有d悶~
刪除好彩我地哥次貴得黎好食咋~
係啦...所以次次去親日本台灣我都好安心...好舒服
刪除去呢轉旅行係10級戒備~~
在外國過生日,別有一翻情趣。
回覆刪除真的很少見靚模和毛寶這雙活寶貝在行程中出現,要抗議呀~~~~~~
呵呵呵
係啦~~係阿根廷過生日真係好有型~
刪除都有既~但係前段囉~~~~~~毛寶唔肯幫我影..嗚嗚
✨好友♦・゚☁晚安呢🌛💤週三╠╣aΡpy🌟
回覆刪除哈哈...我做完大掃除喇喂💕要預備辦年貨
瞓醒繼續...行街梯下有冇平靚正買定都好
❥*¨❣大家ღ❤2Ѽ17新年快樂喇喂♡。゚♥
刪除你好乖呀大掃除完~~~我咩都未做過~~~
刪除咁快又新年快樂~~仲有兩個禮拜~~
刪除雖然少貴又細件,起碼都好食吖~~可能之前果餐又平又大件有對比
回覆刪除房屋好色彩,掛住影相果陣真係要小心銀包手機
唔似你作風喎.....無旅行報時
咁又係呀~~~~好食咋好彩~~
刪除係呀..所以我收哂入衫入面~~~袋少少錢係褲袋咋~~
有喇有喇~~~終於有喇~~
留言太長,又被消失了XXXXD
回覆刪除出來了~
刪除D杯好靚!我都睇咗阿Bob,好感動!
回覆刪除我地哥時去英國仲有特登去搵佢~XD
刪除嘩.... 有點似美國 NEW ORLEANS,但也有點似我這裡。
回覆刪除你講彩色屋仔??你就好啦~一定好靚~
刪除睇見你地個餐日本野食就流口水啦,彩色屋仔好得意又靚呀!
回覆刪除我出左內藏山紅葉blog啦,來睇啦!
好彩哥餐好食咋~~~彩色屋仔好靚靚~
刪除好呀!!!我未親眼睇過紅葉~~我黎喇~~~~