2016年5月23日 星期一

南美洲4國新奇探險之旅2016-02-17第五天Part 1(陰天及後轉雨)

呀....今日星期一又過左隔離學野喇............腦筋急轉彎~星期五...放工就衝去星際風味居食飯~好味又抵~真係幾唔錯~星期六成12點先眼晴微微張開(真可愛~真少女~~).....好喇~其實我約我娘中午1點食飯係即刻彈起身~~~~食左北海道之後我就陪左佢去800伴買野~~夜晚去左食丹桂軒既任食火鍋~~佢4位送一隻既片皮鴨係幾好食既...但火鍋配料係一點都不吸引...不推薦~星期日中午同左屋企人去老記飲茶~~行超市~~下午茶係TFT(但真的要宣佈...佢杯咖啡真係有d退步了...近兩次飲都不好飲...我不再想念了.........但原味蛋卷就黎無喇~~倒數20天)....再去Garment Park(同屋企人一齊都成套公子綜合症自己做哂).....晚上再去吃小炒~~正~~~(其實我好鐘意食小炒~~~~呢晚食左個好好食的鐵板茄子)



2016-02-17
Day 5---Part 1(秘魯,熱水鎮 Peru,Aquas Calientes->馬丘比丘 Machu Picchu->奧揚泰坦博 Ollantaytambo->庫斯科 Cuzco)

噚晚訓訓下毛寶話聽到出面雷雨超大聲(我訓到咩都聽唔到)......去到5點幾哥時出面無哂雨....再check天氣報告話大左雨係10點之後先再出現....即刻拿拿臨起身!!!極速沖涼洗頭刷牙洗面一行人浩浩蕩蕩咁出發!!!!!!!!呢個時候應該係6點幾~依家行緊去巴士站~前面綠色哥架就係喇~




排隊等上車~都好快~因為一架上完接住另一架~呀~佢仲係上車前睇埋你張入馬丘比丘入場劵架~我地係黎到庫斯科先上網買的~~~再叫第一晚間酒店既職員幫我地列印出黎~將入場劵係S/.133.16=307.6hkd(一人)




我地坐左係司機後面個位~~~話俾大家知~我成日以為馬丘比丘係山上面......以為海拔一定係最高...但點知佢比庫斯科...奧揚泰坦博....甚至比起熱水鎮還要低~所以~唔使擔心上到去會有高山反應~




俾你睇下d路喇...真係好難揸~~~又窄又S型轉彎~~~



經過25分鐘車程終於上到黎喇~~~唔講你又唔知喎~以為上到山海拔又高d啦!錯!!!!馬丘比丘比起之前既庫斯科...奧揚泰坦博同埋熱水鎮既海拔高度都要低~真係估你唔到~




有張地圖講大約有咩景睇~




仲有話你聽有d咩唔可以做....原來唔俾帶野食架....唉呀...我地仲帶左係酒店買既午餐諗住可以對住個靚景食添~~~(而且早餐都未食~~~~同埋只可以帶小背包(20L或以下...但我唔知佢有無嚴格執行)....行山杖都唔俾帶...但我見超多人用




好喇~入場喇~我地一入場就俾人叫我地要放低袋野食俾佢地保管~~




好咯~開始參觀~





我地係入口攞左張地圖~~但完全唔知要點行~~因為我根本出發前無關心過有咩點要行(誤).......其實佢係入口有好多人Now你問你要唔要導遊的.....不過我地唔要所以無八佢要幾多錢~




係呀...天氣報告話無雨落呀....但無話佢唔會有霧呀!!!!!!!你睇下...............能見度....我諗得5米左右.....勁大霧....真係.......點算呀!!!!!!!!!!!!!!!!!!!!!!!!!!!!!!!!!!!!!!!!!!!!講真.....呢個月份黎....絕對唔係馬丘比丘既最佳旅遊月份黎架....但點解要揀呢個月黎???因為我地要就玻利維亞既天空之鏡嘛.........要揀佢地既雨季去先會有鏡面可以反射.......真係順得哥情失嫂意.....就到天空之鏡就可能就唔到天空之城?嗚嗚...




我地係咪玩完喇??淨係睇到咁多咋喎.......




唔理喇...跟住d箭咀行先.....咦...咁大挑戰?!我早餐都未食就要我行上................講真....我有扯哂蝦~你都會估咁早上山會超凍啦........點知極度熱囉................................等我仲著多左衫添....




上到頂之後扯緊蝦時發現....野~~~~~草泥馬呀~~~~~~~你睇下~~~~落霧搞到佢d毛毛都超濕~~一餅餅咁~~~~~~~~




救命呀~~~你地好可愛呀~~~~~~~我仲要超咸濕個鏡頭對準佢超耐~~~~~背面又影~~~R痕又影~~~~~







睇下大霧到....根本咩遠野都影唔到...........不過叫做影到正宗秘魯馬丘比丘上的草泥馬~~~




其實....我真係好鐘意睇住佢地食草~~~聽到佢地扯d草出黎食既聲~~我真係好愛聽~~~~~



我地既後面.....就係影馬丘比丘最靚既位...但可惜....嗚嗚嗚





正係企係度哭泣之際.......咦......好似d霧慢慢散咁d喎!!!!!咦~~~後面太陽伯伯出緊黎咁喎!!!!!!好彩我係自由行!!!!!我地有時間!!!!我等!!!!!







拿!!!俾大家睇下短片!!!!!真係好大霧!!!!!



出黎喇!!!!!!!皇天不負有心人呀!!!!!!!!!!!!!!!!!!!!!!!!呢張全景我好鐘意~~~~~




好感動呀~~~~自拍一張先~~勁似key上去咁~





我地開始樂觀喇~見佢d霧開始散~所以我地想等多一陣~希望d霧再散開d~於是我地就再同草泥馬再玩一陣~







寶寶都有一齊上黎馬丘比丘架~佢噚日先同草泥馬公仔做左好朋友~今日就見到實物~呢個小朋友真幸福~




咦...點解又好似大霧番d既?唔理喇~~~影左合照先~





er.....又變番霧霧的.................




但佢d雲霧係佢d山之間穿插...其實我覺得幾有味道!!





咦....突然間又出留黎~~




一出黎就要把握時間啦~~~~





其實我覺得佢黑白色都好靚呢!!!!!!








星期六下午太熱唔想係街行黎行去~~
番左屋企宅~~~~~(其實我真係可以好宅~~)
一路寫blog一路聽梁詠琪~~
點點陽光灑進房中~~~~~
想起聽呢隻碟時的點滴~~~
好少女呀~~~~~~~
曾經我也變成像梁詠琪一樣的短髮少女~~~
當然最後我現在就進化成一頭短髮的灰諧女~~~



2016/05/23的開心事:
很開心....準時收工



報時:距離"七公子"帥帥出使東京之旅2016仲有---130日~
報時:距離冰島環島自駕遊之旅2016仲有---165日~~~~~~
報時:距離合家歡台北聖誕之旅2016仲有---219日~

46 則留言:

  1. 嘩, 我睇到都覺得好感動呀, 終於守得"霧"開喇! 之後嗰幾張都好靚, 有少少霧掩吓, 好仙景feel

    回覆刪除
    回覆
    1. 無錯無錯~~~我真係一度以為自己睇唔到~~~~
      我都鐘意有雲霧~有意境~

      刪除
  2. 妳影得好靚呀........後面個景呀.....哈哈哈

    回覆刪除
  3. 揸車揸呢d路真係好驚,仲要無欄杆,好驚!
    隻草泥馬拎轉頭張相好似問你影夠未呀咁!!
    係實你成日話熱到爆,点解你地無除过褸咁嘅??
    真係多謝老天爺喇,否则我地都無相睇

    回覆刪除
    回覆
    1. 其實要行晒馬丘比丘都應該要好耐咁喎,你有無行落去呀?
      阿宝側面張相好正呀,好似吹緊d霧咁^^

      刪除
    2. 無錯~我坐窗邊位望都覺牙煙~~~~~~
      wakakakaka~茅咁啦~未影夠呀~~~
      我除哂入面d衫呀~~~~~~我鐘意件雪褸影相夠sharp醒~~
      多謝老天爺爺~~~~

      刪除
    3. 其實又比我想像中唔算耐喎~~~~
      我地大約係馬丘比丘玩左4個鐘啦~但其中有成個幾兩個鐘都係同一位置影相同等佢霧散~~
      呀~~你真係形容得好喇~

      刪除
  4. 難得一見馬丘比丘有如仙境一樣的景色﹗

    回覆刪除
  5. 好彩等到無咁大霧,半霧半清仲難得啦

    回覆刪除
    回覆
    1. 我只相信我看到的己是上天給我的最好~~~~

      刪除
  6. 好友☆・゚✬甜夢安睡☁¨*♦晚安☾。゚★
    瞓醒就是24號*房署每年安全檢查囉
    早上9:00-黃昏6:00冇水*冇電*馬桶冇水
    我吃飽早餐♥。゚♡無得回家上網啊
    ❥*¨❣週二╠╣aΡpy 喇喂❤ღ

    回覆刪除
  7. 霧鎖天空之城真係幾靚,唔知藍天白雲時會係點呢?

    回覆刪除
  8. 其實有啲雲霧襯托住,更加似「天空之城」,像浮在天空一樣^^
    羊駝也很可愛,近鏡見到眼睫毛似公仔一樣

    回覆刪除
    回覆
    1. 係呀係呀^^
      你實在是看到重點了!!

      刪除
  9. 我再次講一次我非常鍾意啲草泥馬,太可愛啦!<3

    回覆刪除
  10. 馬丘比丘環境唔錯喎!
    真的草泥馬超可愛~~~~~

    回覆刪除
  11. 寶寶頂帽好靚, 草泥馬好 Q ~

    回覆刪除
    回覆
    1. 係呀我都好鐘意佢頂帽~~~~
      係cusco買架~

      刪除
  12. 草泥馬真的好可愛呀
    皇天不負有心人 比你地睇到靚靚既景
    不枉你地冇食早餐就上去呀 :-P

    回覆刪除
    回覆
    1. 真係好得意呀~~~~~
      拿~你又睇到重點了~~
      就係"不枉你地冇食早餐就上去呀"

      刪除
  13. 馬丘比丘好靚靚呀,加埋獨有嘅草泥馬,好有特色.

    回覆刪除
    回覆
    1. 最衰向住古蹟個方向無隻草泥馬~如果唔係仲正~~

      刪除
  14. 草泥馬好正呀, 我都覺得佢地好CUTE, 佢地食草都過癮呀~
    個全景超正呀, 你地真係好好彩呀~等到啲霧走哂~~
    同埋你地都好堅呀, 乜都無食就上左去~~比我真係可能會暈喇...

    梁詠琪...HAHH好耐好耐無聽過LU

    回覆刪除
    回覆
    1. 佢地扯d草聲好好聽~~~
      我幾驚一場黎到睇唔到...因為我地只留一日~~~~
      唉呀~~~人地都好肚餓架~~~~

      我有時得閒都聽~

      刪除
  15. 我成日都12點先懶腰微微伸展,真中坑,wakaka~~
    我又二月去,咁我真係好好彩。因早一日大霧落雨,到我去果日就出太陽。

    回覆刪除
    回覆
    1. 呀~訓到12點真係好舒服~
      你又係架~~~~~~~~咁你真係好好彩啦~因為哥時佢地係雨季來的~
      但我去你度睇下有陽光既馬丘比丘先~

      刪除
  16. 果度真係好似首太空船, 飛係雲霧中咁呀. 其實你這個季節去, 才是最靚的.

    回覆刪除
    回覆
    1. 不過網上就話我地呢個季節係雨季....所以係馬丘彼丘既淡季..但都好多人去囉~~~不過我都覺得係幾靚~~

      刪除
  17. 雖然無太陽, 加埋雲霧好似仙景, 好靚!

    回覆刪除
  18. 好少見有霧既馬丘彼丘, 特別d又靚.

    回覆刪除
    回覆
    1. 其實係我睇唔到晴天版..然後夾硬話自己睇到最好既je~~~wakakakaa~

      刪除