2016年5月12日 星期四

南美洲4國新奇探險之旅2016-02-16第四天Part 1(晴天及後雨天)

星期三天氣好好呢~好耐無見過~~仲要係藍天白雲加乾爽喎!!!!(乾到得61%).....搞到我出街番工時以為自己去左外國~~~~~唔唔.....今日下午又無啦啦好多野做.........做到個膊頭都就黎爛......我幾乖呀....噚晚打開左個gip黎執下野呀~所以咪無上黎寫blog囉~



2016-02-16
Day 4---Part 1(秘魯,奧揚泰坦博 Peru,Ollantaytambo->秘魯,熱水鎮 Peru,Aquas Calientes)

沖左涼訓訓得特別好既~~~~~~(不過都有因為少少頭痛而痛醒要坐起身做吸氧操~)......小旅館早餐都ok喎~算多野食~




有隻煎蛋已經贏哂所有~~~~仲有好味麵包~




今日會搭火車去熱水鎮~但係中午先開出~酒店又同火車站近~我地食完早餐仲有成3個小時得閒~梗係跑出去行下先啦~~行去廣場哥頭~酒店職員同我地講話附近有兩個印加遺址...一個唔使錢既就易行d....另一個易行d就要收錢既





行左出黎10分鐘都無......係曬到熱到.....就黎熔咁滯.....我已經頂唔順要開遮黎擔住行......但係覺得都唔係辦法下下揸住把遮好煩~~~~於是我地四個就一齊去買左頂帽喇~~~又幾有型喎~~~~每頂大約40hkd~~~仲要有Machu Picchu~~~~





呢位先生...呢個係咩戴法?!




我地諗住唔俾錢~去哥條免費既印加遺址睇睇~




其實我地唔知係邊架..邊咁行架咋~~行入一條小街~我地覺得好靚~於是狂影相~






野~好衰架~影到人地咁有型既~




我都好鐘意呢張~~~因為我覺得佢地d衫好靚~~~~可以不經意同佢合照真好~




周圍都好靚呢~







越行越遠~但都唔知哥條免費既印加遺址條路點行~唯有回頭~好熱~仲好q曬~




行番去我地酒店哥頭....咦~原來要俾錢哥個咁易見到架咋???噚日到哥時都差唔多天黑~睇唔到原來就係前面~





好喇~要買飛先既~華..都幾貴喎....成S/.70=161.7hkd一個人....





0我~原來買一張飛...係可以入4個景點睇既!不過以我地既時間黎講都只係睇到一個架咋~





好靚話~地面仲有維修工程進行中~






秘魯d山係幾靚既~





好喇~佢地開始攻頂喇~呢個時候開始勁熱........又曬...





邊個影得靚d!!講!!





其實行上去就唔係好耐既....好似唔使半個鐘...不過d級好大級




我同毛寶講:你唔使理我架~我行到自己認為行唔到我就唔繼續上架喇~~~(其實我志在踩下個古蹟架咋~)




我大約行左兩層樓咁高...我就放棄了...我真係好懶~~~





然後我自己行番落去....搵個蔭地方坐低等佢地~~(其實幾爽~~~又涼~~~)....我其實今次都有帶吉祥物黎南美架~佢就係馬來貘喇~~~~~(不過我淨係呢個時候咁得閒先記得攞佢出黎~)




佢地落番黎之後話我聽行到上去好靚架~睇毛寶張相..係喎~又真係幾靚喎~不過我決定留力~聽日上馬丘彼丘~




毛寶話落黎時見到3隻草泥馬~~話帶我去睇~~~仲要3隻唔同色~





你地3個挑戰成功喇~我就..唔好提喇~









2016/05/12的開心事:
其實今日無咩開心野~
不過諗起聽日番完工然後就出發去旅行~
就覺得好開心~~~~~~雖然短短幾天
不過好過無丫~~~



報時:距離日本大阪之旅2016仲有---1日~
報時:距離"七公子"帥帥出使東京之旅2016仲有---141日~
報時:距離冰島環島自駕遊之旅2016仲有---176日~~~~~~
報時:距離合家歡台北聖誕之旅2016仲有---230日~
哈哈~~~唔好咁開心住~~其實聽日係要番工的~~~~~
就咁既~~~~番埋聽日工~~~
就要出發去大阪喇~~~~
我~~~~好好好好好好~~~~開心~~~~~
我又可以去玩哈利阿波喇~~~~~
我又可以去食好多野喇~~~~~~~
希望哥幾日天氣都好啦~
同埋飛機唔好有delay啦~~~~~~
咁我約定你地下個星期三見~~~~~
想我唷~

58 則留言:

  1. 再再祝妳旅遊愉快、食得飽飽、買得滿滿、安全回來.......
    呢度D景幾靚喎......妳載左頂帽好似呀嬋呀.......哈哈哈

    回覆刪除
  2. have a nice trip!!!!!!!!!
    我都好鍾意呢類酒店,好有家庭feel温馨感^^
    估唔到呢個地方咁乾淨整潔,加分!!
    咦,乜你地帶咗個model去旅行咩,佢好似冰島果個廣告美女model 喎^^

    回覆刪除
    回覆
    1. 多謝~~~~
      都唔錯呀~最開心係個gip都番左黎~
      係!!我覺得乾淨最重要~
      唉呀~~~~~咁都俾你發現了~~~~

      刪除
  3. 放左工就即刻去飛,簡直開心啦,明天你實無心機做嘢﹗

    回覆刪除
  4. 唔緊要啦, 量力而為
    個天藍得好靚, 影相一流, 但人就真係會曬到好燶, 草泥馬勁可愛
    小t, 旅程順利呀, 影多啲靚相 ^.*

    回覆刪除
    回覆
    1. 係呀..真係極曬~~~仲要未有防曬~~~
      多謝多謝~~我今次真係好開心~~

      刪除
  5. 好友★。゚☾好夢☁¨*☆晚安♦・゚✬
    ❥°¨º❣週五❤ღ╠╣aΡpy喇喂♥¤*¨♡

    回覆刪除
  6. 日本大阪之旅仲有-1日~執好野呢...回來見呢

    回覆刪除
  7. 唔一定上到頂先叫成功,因為我都好懶,好怕行樓梯~~~哈哈
    出發去大阪就要慢BLOG了,等你返嚟呀

    回覆刪除
    回覆
    1. 拿!!!我就係欣賞你呢種人喇~~~~邊個話到頂先叫成功?!好句!!
      番黎喇好衰架~~~~

      刪除
  8. 小T, 你咁靚仔, 哈哈哈.... 你不如.... 哈哈哈.... 改著男服去做真正的靚仔..... 哈哈哈.... 之後, 追番個女仔回來....

    不過, 做靚仔呢, 還要身體強健一點, 才會容易追得成女仔咖喎, 所以你快D做得多少少運動,

    回覆刪除
    回覆
    1. 我平時已經著得幾中性架喇喎~
      我係帥~但不是靚仔~我是帥帥的小女孩~
      雖然是帥~但點解要追女仔??????????

      刪除
  9. 我去旅行, 習慣著有領的薄T恤或恤衫和戴有大邊的帽.... 防止哂到條頸呀

    回覆刪除
  10. 喂.... 喂.... 喂.... 小T呀, 有個問題想問你, 我這裡時不時有些個人性格相片大賽, 你有無興趣參加? 如果你OK, 我只需發你幅靚仔相去, 就有好多好多鬼妹爭住來認識你了.

    回覆刪除
    回覆
    1. 千祈唔好!!!!!!!絕對無興趣!!!!!!!!!!!!
      唔鐘意呢d野!!!!!!!!
      唔想識鬼妹

      刪除
  11. 個天藍到咁~!!!!!!!!!!!!!!!!!!!!!!!!!
    真係好掛住咁好既天氣呀~~~~~~~~~~~~~~~~~~~~~~~~~~~~~~~~~~~~~~~~~~~~~~

    風景靚到好似卡通咁!!!!

    回覆刪除
    回覆
    1. 真係好藍~~~~好曬~~~~~~~
      秘魯真係幾靚~~~~~

      刪除
  12. 真係好好好好鬼靚,好彩毛寶佢地3個好勇咁行到上去,我地先可以睇到到頂有幾靚.

    回覆刪除
  13. 放工出發上機真開心^^影多啲靚相!!!!
    秘魯啲山好尖好特別,上不到山上去也不要免強啦,話晒行程才剛開始,你又有高山反應,行得急反而危險,都係留力慢慢適應好啲...
    話時話你件外套風褸都好colourful,趁晒佢地啲民族服飾喎,小街上影果張靚呀

    回覆刪除
    回覆
    1. 其實我星期六先上機~~~~~
      係呀..我就係驚...自己身體反應又唔係醒....再行咁多梯級真係驚我無命~~~~~~~~~你真係通情達理喇~~~~~
      真架真架!?!?!?!?我都覺得我件風褸好靚架~~~~

      刪除
  14. 靚模終於又再出現!好帥喎!
    地方好靚!
    您自己一個離開大隊,可以好危險架喎!
    新旅途愉快!

    回覆刪除
    回覆
    1. 咦~~~~好衰架!~~
      無錯!
      呢個地方俾我感覺又ok喎~
      多謝~真係好開心~~~

      刪除
  15. 回覆
    1. 我10幾個旅行都帶緊同一幅超喎~

      刪除
    2. 死火,係咩?我見第1幅四人合照你副超大大的幾好睇幾型,原來舊嘢

      刪除
    3. 我對你好失望..仲話龍兄鼠弟

      刪除
  16. 毛寶果張靚D~~~hahaha
    睇見你D相就好想衝出去影相啦~~好靚呀~~~D小巷~~~

    回覆刪除
    回覆
    1. 以~~~~好衰架!!!我果張唔靚靚咩~~~
      d小巷真係好靚!

      刪除
  17. 早餐冇返隻煎太陽蛋真係唔似樣!哈哈哈~🍳你哋個look超掂呀!🉐🉐🉐

    回覆刪除
    回覆
    1. 無錯無錯~~我好鐘意煎蛋~
      哈哈哈~~~~我地傻傻的~

      刪除
  18. FB 有一位靚女,她以前在yahoo 有寫博文,自從yahoo 收檔之後佢冇再寫,認識她幾年,前幾日她在FB 邀請有興趣遊南美的人,不分地域不分男女,不是窮遊要用就用,可和她結伴同遊,可惜我有時間冇銀両,有就跟可能她一起去,問題是全部人都唔識,唔容易結伴同遊,因為要大家互相遷就適應。

    行程21天,不去睇印加遺蹟,她説可以慳返回四天喎,主要去聖谷,天空之城,天空之鏡,預留一天玻璃維亞簽證喎,我尋晚留言同她說,Bolivia 呢d 南美三流國家,貧窮落後仲諸多留難香港特區護照持有人,她說留難港人都要去,都有他的價值,真無奈。

    回覆刪除
    回覆
    1. 不是窮遊要用就用都還好~~~~~~不過全部人都唔識呢樣....其實我都唔得......
      即係精華遊喎~~~~~其實我都唔明架..點解玻利維亞咁窮但個旅遊簽證門檻咁高?!?!?
      不過其實依家無咁難簽喇~~~~

      刪除
  19. 小t 我剛剛好似見到你同毛寶呀(日本時間 15號下午4㸃幾左右)但因為當時大家過緊馬路 我是向大阪站方向 你就離開大阪站方向 而且來得太突然 我發覺的時候已走遠了 所以來唔切打招乎呀 但係嗰種感覺好得意呀 :)(無睇錯的話 你是穿灰色丅 毛寶戴白色帽)

    回覆刪除
    回覆
    1. 我係你留言俾我一小時之內我已見留言.....無錯!!!!!!哥個真係我地~~~時間岩哂!!!我地係哥段時間行過哥度!!!!我地住係大阪駅內既酒店~~~~岩岩放低戰利品再出發!!!!描述完全正確!!!!我係灰色衫同埋毛寶白色帽!!!!!!!!!!!!!!!!!!!!!!!!!!!!!!!!!
      我一睇到你段留言我已經即刻同毛寶講....然後我同佢講你係邊度居住...佢都話我同你好有緣!!!!!一個澳門...一個外地....然後一齊去日本旅行撞到!!!
      真的超有緣!多謝你見到我*3*

      刪除
  20. 有好味麵包已經好滿足啦,嘩,又有靚蛋添。

    回覆刪除
  21. 頂帽唔錯,有時留返D野去到當地先買,又可當手信,我經常都咁做架,你有無見過我件冰島冷衫呀?
    係囉,開頭見你話去易果個,我都抓頭點解你行咁遠,傻仔,wakaka~
    呢個遺址好貴,沿路前往Aquas Calientes都有好多小型嘅印加遺址,山卡啦唔收錢,可能沿路睇得太多,加上媒體出現率超高,攪到我去到天空之城無個驚喜了。。。

    回覆刪除
    回覆
    1. 哈哈~都係~~~~之前睇你個blog有呀~~
      我地諗住假睇下又唔使錢嘛~~~
      係呀真係好貴~~~不過佢地話好靚~~~~(我無上去睇你知啦~~~
      咦~~咁咪好彩我無上去~上到天空之城我ok喎~~~~

      刪除
    2. 你無上去可能係好事,你試下睇天空之城之前連續睇幾個呢D遺址,當堂無癮,哈哈~

      刪除
    3. hehe~好彩我既懶惰救了我~

      刪除
  22. 今日先有時間黎探你,要追番你D精采遊記..原來你已經去左大阪啦,仲剛剛好今日返黎,WKAKAKAKAKA...我下個月去大阪唔帶BB去AR,想偷閒一下AR MA...KEKEKEK..不過到時冇得見又可能會後悔仲咩唔帶埋佢...秘魯真係巧靚靚AR!!!!!!!

    回覆刪除
    回覆
    1. 我噚日番左喇~~~~~~~~~
      0我~~唔帶bb去就玩得輕鬆d啦~~~買得多d野~~~~~~~都唔會既~~大阪真係要用好多腳骨力行街買野~你下次有個舒服d既地方先帶bb一齊仲好啦~佢又唔使辛苦~~~~~~沖繩呀台灣哥d幾好呀~~~~~
      無錯~秘魯真的不錯~

      刪除
  23. 啲景真係好靚, 好似外國咁, 個個古跡都好正呀, 我估如果比多啲時間你, 你就可以上到頂架喇~~

    回覆刪除
    回覆
    1. 要多d時間呀真係...因為得45分鐘左右要番酒店..所以我驚我累大家~就放棄了~

      刪除