2016年5月30日 星期一

南美洲4國新奇探險之旅2016-02-17第五天Part 3(陰天及後轉雨)

哎呀~星期一過左喇~又係過左隔離學野~星期五放左工去食新濠影匯間麵棧...一般~不過貪哥度無消費都有3小時免費泊車~星期六節目超勁豐富~~中午同公子們去左食有米芝蓮既Don Alfonso 1890~~去左Garment Park血拼~~再去科學館影左張好有氣勢既鴨仔相~~再去晚飯食韓餐~~然後再去St Regis飲野~~~~~~~好開心~~~~~(我會快快出一篇呢日既公子一天遊~~真係好開心~)...星期日中午食左好鐘意食既馬慶康~~呢間算係我其中一間好鐘意食既茶餐廳..佢d飯類多到不得了~~~~次次都係自己食緊個好好味既飯....眼望隔離枱又覺得人地哥碟好食d哥隻~~不過真係人太多~~下午在毛寶家搞掂左我地11月個冰島之旅既行程喇~~~一個鐘就搞掂~~~~毛寶你好叻叻~~~~~~~夜晚食左一鍋風...佢依家有二人餐...都幾抵....可能證明仍生意差...或者真係經濟差左少左人幫襯.....我都仲係咁鐘意食~



2016-02-17
Day 5---Part 3(秘魯,熱水鎮 Peru,Aquas Calientes->馬丘比丘 Machu Picchu->奧揚泰坦博 Ollantaytambo->庫斯科 Cuzco)

其實我地仲未食早餐架~~參觀完依家已經成12點喇~~因為我地趕住上山酒店早餐都未食~我地之前哥日Check In時佢建議我地係酒店買埋午餐上山食...因為山上的食物很貴....所以我地一早帶定上山~但因為馬丘彼丘內唔俾食野我地就出左黎先食~不過我無望到到底佢d野食係咪真係咁貴~個包一般啦~反而d薯片好好味~




坐係落山車站附近食~~對住呢個景.....令我覺得自己好似去左日本咁.........





食飽飽排隊上車~呢張相影黎係想話俾大家知....d車有幾密.....沿路不停有對頭巴士的~~~~




同埋真係幾多人行落山下....不過有好多人睇得出係行行下想放棄折我地坐緊哥部巴士...但佢地係唔會開門俾你上...所以...諗清楚係咪真係想行上山/落山....




好咯~番到落熱水鎮咯~~~~真心開心~~~因為睇到馬丘彼丘~~




之後離上火車走仲有d時間~又行左一陣紀念品攤...佢地d手工藝品真的不錯呢!!d地毯真係好靚!!




佢地仲買左支小小的Inca Kola做紀念品~~好可愛~




番左酒店攞左行李未夠鐘坐一陣上網......然後再出發去火車站~~~~~出發時落大雨.......好彩雨褸未dum~~~有用~~~超級感謝上馬丘彼丘時一滴雨都無!!!!!!!落番黎先落雨!!感激!!




唔知係咪落雨既關係...水流特別急!!




值得留意既係....原來落車哥日同埋今日上車既站係唔同的!唔好去錯地方上車喇~





又係Peru Rail~拜拜喇熱水鎮~~~~~~





呀~~~~陰天咪幾好~~~~~~唔怕曬既玻璃頂是不錯的~




今次醒目~~揀甜的來吃~~




番到奧揚泰坦博(Ollantaytambo)...又book左車黎車我地~番去庫斯科(Cuzco)~~~我地住番第一晚哥間酒店~~Tambo del Arriero Hotel Boutique......地址:Nueva Alta, 484, Cusco......呢晚我地訂左一間家庭房4個人一齊住~~~平過之前哥兩晚而且間房好大~~~~呢晚係US$100=778hkd....每人才194.5hkd~~~~~仲要有兩層~~~~








咁夜費事貢出去啦~咪又係酒店食囉~好彩呢間d野食算係咁~叫左Sopa de Verduras.....S/.15=34.7hkd.....諗住叫菜湯無死~點知有超級多我最惜既青豆...好頭暈........但味道是挺不錯的~





今次叫左個上次食過既牛扒同埋一個雞扒..牛扒同上次一樣咁好味~雞扒都唔錯~S/.15=34.7hkd




其實我番到黎庫斯科我d高反又開始黎料....心勁跳...腳步勁浮....頭有點痛...........連我支hand cream都跟住我一齊高反...........................................




之前提過....紅景天既口服液掂好多~~~~好彩阿Sam有朋友岩岩去完西藏!!!!!!我一飲.......即刻無事!!!無誇大...唔再勁心跳...變番正常~~~




為我地明天再去一個全新既角度飲杯~~~~~~~~~~~!








2016/05/30的開心事:
開開心心又一天~
同埋今日約左好刺激~星期六要有個早餐會~
星期六喎.....我會忍住眼訓~但我真係好想試~



報時:距離"七公子"帥帥出使東京之旅2016仲有---123日~
報時:距離冰島環島自駕遊之旅2016仲有---158日~~~~~~
報時:距離合家歡台北聖誕之旅2016仲有---212日~

34 則留言:

  1. 間房好正呀~~~熱水鎮個名真係好QQ~~哈哈
    期待你地既全新角度~~~

    回覆刪除
    回覆
    1. 我都覺得好qq~~~
      個blog主囉~~佢話暫停南美blog先喎~

      刪除
  2. 妳呢幾日食左咁多野~~~~肥肥肥

    回覆刪除
    回覆
    1. 又唔頭痛唔房舒適~~~定偷懶呢!!

      刪除
    2. 哈哈~~周末係要咁架啦~

      刪除
    3. 呢幾日都好攰~放工要休息~

      刪除
  3. 酒店環境唔錯呀!
    慘慘, 上番高地又嚟料, 好在有紅景天傍身咋

    回覆刪除
    回覆
    1. 係囉~又平~最緊要乾淨~
      係呀..真係唔俾面..一落車即刻腳步浮囉!

      刪除
  4. 紅景天真係好厲害喎~~~最怕有反應咩好心情都無晒
    酒店係2層好過癮

    回覆刪除
    回覆
    1. 係呀...同埋我一有反應就會頭痛....好慘~咩都無心機~
      係囉~~幾搞鬼~

      刪除
  5. 好友★。゚☾快樂時間過得好快
    又瞓覺豬喇喂☁¨*☆好夢♦・゚✬晚安

    回覆刪除
  6. 哥間酒店...好正呀
    好彩D口服液...掂

    回覆刪除
  7. 我要記住紅景天口服液, 下次我要上番去萬4呎

    回覆刪除
    回覆
    1. 如果真係去不妨買!我覺得好過藥丸裝~

      刪除
  8. 好彩落返黎先下雨.....
    四人房真係好抵喎,又夠大,兩舊水唔駛真係好平,而且食野都唔貴丫!!
    都想睇你個一天遊,血拼有乜斬穫?記得post^^

    回覆刪除
    回覆
    1. 係囉!!!!!仲要幾大雨下~~~~
      咪囉~~~~~間房仲要咁大先驚喜~~~~
      hehe~~買野無影~~~出埋日本blog就出~

      刪除
  9. 交通都好危險!
    支小Inca Kola好可愛~~~
    每人才194.5hkd,超正!

    回覆刪除
    回覆
    1. 係上哥段山路je~~
      係呀我都覺得好可愛~~~
      好平~

      刪除
  10. 我睇到你高山症我就有啲驚驚喇~好彩你地有藥飲住呢~~~
    你地個GIP無野琴住, 會唔會入水架?
    個天對你好好呀, 等你參觀完先落雨~~

    回覆刪除
    回覆
    1. 真係幾勁呀哥隻野~~~~多得佢咋~
      又好彩無喎~~~
      我都超級感謝~因為開頭諗住係睇唔到的~

      刪除
  11. 個包放低半日都仲幾好樣喎
    正呀,間房大成咁,超抵呀!!
    紅景天,好嘢!!!!!!

    回覆刪除
    回覆
    1. 都ok既~真係無得要求咁多~~
      真係好抵~又乾淨~
      紅景天萬歲~~~

      刪除
  12. 間房好正,有兩層,條樓梯好靚,大家一齊飲杯紅景天^_*

    回覆刪除
  13. 馬慶康之前冇聽你提過嘅?你食咩飯?
    第1幅相個包好似有4隻手指......

    回覆刪除
    回覆
    1. 哥d咩豆仔肉碎飯呀....頹飯哥d囉~係園林附近架~
      不嬲都覺得香腸似手指~~~~

      刪除
  14. 有日文又真係好似係日本咁喎,哈哈~
    小的Inca Kola好得意呀!
    呢隻湯係秘魯都應該幾興,我都覺得味道幾好呢,可惜小T你唔like青豆

    回覆刪除
    回覆
    1. 係囉~~我真係諗起宮崎峻的天空之城~
      係呀係呀~~~~~~
      下係呀~~~不過個湯個味其實OK~

      刪除