2016年5月3日 星期二

南美洲4國新奇探險之旅2016-02-14第二天Part 1(晴天)

今日真係算係咁....放左個5.1之後都無話多野做到失哂控....係個攰d...可能係食左d藥個人眼訓je...星期五多野做預左~~放工夜晚去食好喜歡的維康乳豬海鮮煲~~好味~~~~~~星期六我娘親生日~中午帶佢去玥龍軒飲茶~之後順便玩埋8字型摩天輪加蝙蝠俠~我發現我娘親真的很強...唔驚之餘仲要大叫好玩~轉場去銀河JW飲杯野..行一陣...之後晚飯再食天政(可惜我作病~全日個人超軟奶奶..應該發燒~可能我又再長高了~).....星期日中午食左發達~好彩無加三~仲要約埋朗公子同埋麥公子一齊去下午茶~之後又去左Garment Park~~然後又係食野環節~去左新濠影匯個東南匯試~不過麻麻.....星期一補假....一早起身俾我知道一樣令我好嬲既事..係咩...落少少講.......中午食左花道set lunch..唔錯~去左百佳買野...因為今日係最後一日有10倍易賞錢積分~(諗住換里數)...晚上食左尚皇..某d好食..某d一般



2016-02-14
Day 2---Part 1(美國,達拉斯 USA,Dallas->秘魯,利馬 Peru,Lima->秘魯,庫斯科 Peru,Cuzco)

成晚無訓....係飛機張櫈又直又靠唔到後又無個人電視睇之下.....唯有笑下左右隔離位(3-3坐法..所以我地3個女仔一齊坐..阿Sam係隔離行)......然後唯有填下我第一張的南美洲入境表~




填完都仲係好無聊.............唯有影下日出.......呢程機歷時6小時59分....好難頂.....粒星好勁!!日出中都仲見到佢好光~









好鐘意係機上睇日出~感覺上好有希望~又係哥句:I know beyond the dark the sun is rising~~Things are looking up~




見到秘魯喇~~~好興奮呀~~~




係早上6點19分...我地到了秘魯的首都利馬(Peru,Lima)~~~成塊面油到去一個點~~




(打呵欠)~~~落機喇落機喇~~我第一個踩既南美洲機場~




入境時海關人員都很友善~仲要有笑容~秘魯海關印長這樣~Peru字樣下方應該是納斯卡線!!!!!!!好靚~~~可惜我地今次唔夠時間去................................情人節當天在秘魯慶祝~~wakakaka~




我地入左境之後~出埋禁區~~機場好人山人海....




然後好搞笑...佢唔俾係室內打橫直接通過去轉機....唯有行出去再兜番入去~我開始提高警戒!!!左望右望睇下有無人打我地主意!!呼吸身一口南美的空氣~~~~~~~~~好激動!!!講左咁多年~~我終於都黎到南美洲~~!!!為自己的努力工作鼓一鼓掌~~(拍拍~~~)..天氣不錯呢~




我地行番入去之後....行左一陣紀念品店....d野極!度!貴!!!!一粒普通磁石索價6xhkd....嚇到我暈....唯有放下~就是擁有~~~之後我地都唔敢係禁區外久留(因為唔知點解好多人上下打量我地....感覺唔安全~~)....於是我地又直奔入禁區等轉機~~~~~



入左禁區...發現一蚊秘魯幣都無...諗住搵兌換店換換錢~~點知搵好耐都無...問人....發現呢個首都國際機場內無money exchange~~~發現呢部賣火車飛既自助機~~係買去馬丘彼丘既火車飛~~不過建議提早上網買....因為d飛都幾搶手的~~平飛好快賣哂~~~~~~~~~~~(而且我覺得d火車飛係極貴..)





我地行左陣紀念品店就乖乖去我地個閘口度等喇~發現呢部機好得意~可以同草泥馬自拍~~~wakakaka~




係紀念品店點會無野買~~好彩佢都收美金~(美金真係萬能喇~)....我好鐘意呢支筆呀~~~草泥馬好可愛~~仲要兩面唔同~~應該大約50hkd......我應該痴左..咁貴都買





呢個係扣針黎架~~著哂民族服好可愛~~依家都係計到大約價俾大家睇~因為我地俾美金~個價貴少少~呢個大約35hkd




呢個又係好得意啦..你話係咪先??(其實買黎都唔知做咩架...一等轉機既時間無野做就會出事~~)......唔記得幾錢~




真係呢....我係秘魯買左4張postcard....暫時得一張番到黎.....我有一張仲要係寄俾人架...唉~...呢度係其中兩張~




雖然呢程同香港來回南美係同一條機票買既~但呢程換上Lan Peru執飛~可能是聯營航班.....我地係10:20搭LA7264由秘魯既利馬飛去庫斯科(Cuzco)~




又係3-3坐法...完全唔知原來我地個位係最後一排...唔緊要....但重點係超窄而且無窗架!!!哥種壓迫感呢.....................好彩呢程只係坐1小時20分je~~~咦..咁短機程都有野食派...又唔錯喎~




有無對杯飲品既顏色感興趣???我就係見到特登問個空姐架~~~佢話係Inca Kola印加可樂~~~出發前阿Sam已經講話要試~係得秘魯有~~終於試到~~~都ok呀~唔太甜~好似忌廉咁既味~但隻色同忌廉一樣假~




除左食紅景天對抗高山反應外.....我地係上機前仲買左一排coca葉做成既香口膠咬住等降落.......唔記得講添~南美當地人佢地平時就係成日飲Coca葉浸熱水沖成既Coca Tea架喇~目的就係舒緩高山反應既不適~




好喇...我有少少緊張...因為落機喇.....同埋呢...同大家講...黎到高海拔地區......一定要記住!!要行慢d...唔好跑...唔好咁大動作!!!其實有時做開運動既人會比無做開運動既人會比較易會出現高山反應...因為佢地需要吸氧比較多..而高山地區空氣就稀薄................咁我一落機梗係慢慢行啦.....大力吸氧......一路行.....咦...個機場咁渣架左搖右擺咁既......越行越搖...仲同人講:個機場係咪豆腐渣工程....咁搖既?.....阿Sam:你係咪高山反應呀?..........自己諗諗下.....係喎....估唔到一落機....又之前食左紅景天一個禮拜...又咬住Coca葉香口膠落機都一落機就黎料..................左搖右擺後就係頭痛開始了................................補充:庫斯科既海拔3,400公尺..澳門係一百多.......




唔使過海關因為內陸機...搖下搖下咁樣行到出禁區...第一見到就係呢個information counter.....但我眼光一眼望到有Coca葉呢!!!!仲要有熱水.....仲要係free......即黎啦仲諗!!




即沖即飲......個味其實無咩野...淡淡地...........停一停飲一飲.....個人有舒服番少少




揸住杯茶行去行李輸送帶諗住攞行李....其實我地行到黎哥時已經無咩人...因為我地慢慢行又沖茶飲咁樣....華~個機場好印加味呀~





企係輸送帶前.....我係度諗.....其實我從來都未試過托運寄失行李.....唔會黎到南美先會...卦.......真係......有時唔好亂講野.....條帶停左...已經無哂行李...我地3件...不知所蹤........




有個職員見到我地仲企係度.....於是帶我地去航空公司counter......佢幫我地check.......原來我地舊行李仲係利馬....................知唔知我之前講點解咁嬲香港個地勤??因為我就係見佢串串貢又做野甩甩漏.....我特登問佢:我想問下我地d行李係咪直接去到庫斯科Cuzco?(特登中英對照地方名..怕人地鬼妹仔唔識中文)...佢超快答我:係呀!.......然後我再核實一次:係咪即係我地係美國達拉斯轉機同秘魯利馬轉機都唔需要再攞行李再寄就直接去到庫斯科Cuzco攞?...又係超快答我:係!..........然後點?然後我依家咪無行李攞囉........庫斯科呢個地勤同我地講:你地應該係利馬要攞行李再寄架...(有禮貌口氣).....我都唔係一野怪哂個香港地勤.....我問庫斯科地勤:我想問係咪最近開始先要咁樣自己攞行李再寄架?(如果係我真係唔完全怪哂佢..因為可能太新佢唔知..或者無人話佢知...但其實都應該要知...)...定還是一直都係咁????庫斯科地勤說:呢程機不嬲都要自己攞行李再寄.......................俾你唔係唔嬲下嘛....我搭左23小時機...等轉機共11個鐘......加埋我一早沖左涼唔係上機先沖...我應該有兩日無沖涼無換衫.............我依家連睡衣沖涼用品咩都無.....................好彩紅景天有幾日既份量跟身....如果唔係真係高山反應又無藥食真係好慘....我真係多得佢唔少....無禮貌都算........仲要亂答....唔識咪問同事囉...........(情人節快樂~counter仲有心心汽球~完全放錯重點)...不過呢個哥哥英文好好....禮貌又好~讚~佢話舊行李儘快幫我地跟下一班機過黎送番去我地酒店......最快要明天下午(依家先早上)......都無計啦..........................







有朋友話我知...(最少有6個..港澳地區朋友都有)
我有某張相俾人盜用左....
佢地係fb d人share出黎既文章度睇到既...
原文係一個叫"大榴蓮"既內地網站
個作者叫"屌柒689個仆街"...係咩地區人士...
相信都唔使我多講.....
篇文叫做"同呢D好煩既朋友 一齊去旅行,一生人試過一次就夠"
其實你自己都有去旅行...點解仲要用人地d相?
驚你d朋友知你講緊佢?
雖然我之前個blog有d相係無加名..
但.....代表可以咁樣俾你任意用?
有無問過人?有無標明出處?
即係影射我係哥d好麻煩既朋友?
我發左個聯系e-mail俾哥個網...希望佢通知作者收回張相
你個名鬧緊人仆街哥時其實我認為最仆街哥個係你呀
知醜未呀偷人圖!!
於是我send mail去大榴蓮個網度叫佢叫個作者delete張相..
好彩個網站真係有做野..如果唔係我更嬲!!!!!
然後我睇到又有個野係我另一篇留言質疑我話哥間野好食..
佢就覺得一般je.......
係呀...好食呀...吹咩...
我自己俾錢食野唔可以覺得好食架?我係覺得好食呀...
煩夠了沒???
我知對某d無聊人既言論我可以不太理會
網上世界係咁架啦.....
或者我應該豁達d唔好理佢....
畢竟呢個世代....留個匿名留言又唔使負責任..
偷人相用又可以無事..........
這是第二次我萌生退出blog界的念頭..
我以前好享受寫blog....
雖知道寫一篇旅遊blog其實要浪費好多時間...
留言哥d我都算..偷圖真係接受不了....
我真係覺得好累又煩了.......................................................(覺得不開心:[ )



2016/05/03的開心事:
5.1後的工作日非常順利!!



報時:距離日本大阪之旅2016仲有---10日~
報時:距離"七公子"帥帥出使東京之旅2016仲有---150日~
報時:距離冰島環島自駕遊之旅2016仲有---185日~~~~~~
報時:距離合家歡台北聖誕之旅2016仲有---239日~

64 則留言:

  1. 妳唔好嬲啦、我都試過比人偷野既感受......妳咪好啦只偷相
    我成個blog比人偷去加左D咸濕野呀......嗚嗚嗚.......真係唔點講好.......
    妳不要理佢啦.....繼續寫啦.....妳咁唔理我啦....嗚嗚嗚

    回覆刪除
    回覆
    1. 仲未嬲完、唔好嬲咁耐喎

      刪除
    2. 其實d人真係好無聊.....
      我無理佢呀.....如果寫得仲係開心就會繼續寫~

      刪除
    3. 我無嬲喇..我噚日感冒好攰...懶

      刪除
  2. 我見你d相都有簽名,咁都俾人盜,真過份。唔好唔開心,凡事都有讚有彈,無視吧。千祈唔好退出blog界,我都係睇咗你個blog好耐,近期先學寫blog。

    回覆刪除
    回覆
    1. 佢就係偷我之前未有簽名哥d.....偷相d人真係好衰!!
      咁要加油寫blog呢~支持~
      如果寫得開心我會繼續既....不過多謝大家支持我~

      刪除
  3. 唔好唔開心啦 不過我都好明果種感覺 唔係我都繼續寫啦 haha
    永遠支持你呀baby
    你仲有十日去搵哈波啦 所以要開開心心呀

    個香港地勤真係多得佢唔少 你地有冇記住佢個名呀?

    回覆刪除
    回覆
    1. 衰豬d相連fb都無po~~~~~~~
      多謝baby~~~~~~~
      我唔見左個哈波眼鏡...心碎中...............
      無記住呀..因為無諗過因為佢既態度差而投訴佢既...不過連問兩次confirm都係錯先氣頂

      刪除
  4. 小t, 不如妳諗吓我哋呢班忠實讀者平衡吓心情!
    理論上轉航空公司要自己攞行李, 但妳咁小心問咗個地勤咁多次佢都話直到Cuzco, 咁樣誤導妳哋, 帶嚟一連串麻煩, 一定要投訴囉, 搞到我都好把火添!
    原來啲葉咁有效, 好在好番啲咋, 旅程先剛開始

    回覆刪除
    回覆
    1. 梗係...如果唔係唔捨得大家可能我一早就拜拜....(依家我好似跳草裙舞d人咁~)
      佢本身咩都唔同我講添.....係我自己主動問架........即係無論點我一到都根本唔會有行李攞........我有投呀其實..本身都諗住開心出門就放過佢既態度差既...但唔知扮知咁樣答錯野哥下先衰
      係...一落機就奶野..

      刪除
  5. 我今日睇完呢篇blog, 我都(鄧)你好激氣, 點解個地勤咁不負責任, 咁唔專業, 簡直業界恥辱!!
    加上戈個偷圖怪, 更加令人髮指(怒)!!!
    不過, 你唔好俾佢地打沉你寫blog的熱情, 我相信有好多人好喜歡睇你寫既野, 同埋默默地支持你架, 加油 !!!

    回覆刪除
    回覆
    1. 唉...我都唔知佢諗咩.......做野又求求其......禮貌又差....真係.....無野講
      哥個簡直同賊無分別!!!!!!
      如果寫得開心我會繼續既....不過多謝大家支持我~

      刪除
  6. 唉吔,5好嬲,無謂為咗d仆街咁5開心,你睇佢個死人名都知佢係個不知所謂既人喇,呢d人自以為好醒但其實最無知。
    我知架,無論係寫一篇旅遊blog或者係飲食blog真係要用好多時間架,又要在旅行中記低好多細節,返嚟又要排相,真係要好有心先得架,所以我都好用心睇架,你d粉絲都係,唔好放棄呀。
    咁你事後有無去投訴個地勤呀,如係我,我會,就算係打份工都要professional,佢咁樣真係多得佢唔少!!!!!!!!!!
    唔止毛宝個書包大,大比個書包都好大,相比之下阿sam果個好小巧,應該同大比对調孭^^
    Cuzco 机場好窩心,有free coca葉俾旅客^^

    回覆刪除
    回覆
    1. 真係好不知所謂...佢篇野我仲見到日日都有人share出黎fb(好彩已經換左唔係我張相)
      你真叻.....旅途中我真係記低超多野...咩都影一餐..好似傻仔咁...就係為左個blog d資料完善d~好多謝你睇到背後既努力~~~~~~
      其實....我之後有投訴...因為越諗越嬲...因為佢本身咩都無同我講係我主動問佢架咋..但都係答錯
      可能佢孭大比個書包時又變番小巧架喇~
      係...好彩有咋~~~~~~~~~~~~~~~~

      刪除
  7. 我一向唔登自己塊面D相, 偷相也沒有用.

    很多次這些人想我登相來澄清我唔係佢地講的某人, 不過, 我好少理佢地.

    你不用煩, 係你朋友的人, 一見這些妖言, 就會一笑置之, 唔係你朋友的人, 你理來都無用.

    我有次係香港約BLOG友出來飲茶, 佢也同我講佢曾經被人 ABUSE, 我也安慰她不用煩, 唔好理這些人

    回覆刪除
  8. 其實, 每到一個國家呢, 大多數都要自己拿行理去清關.

    香港經美國去秘魯, 如果美國唔用清關, 秘魯也要清關.

    回覆刪除
    回覆
    1. 重點唔係我唔明呢個道理....重點係佢本身係咩都唔同我講添...我主動問佢但佢又答錯

      刪除
  9. 我最討厭啲人偷相>_<重有質疑話哥間野好食,其實口味好個人,你話好食吾代表我話好食,吾好食咪算囉,我都試過好多次中伏﹗

    回覆刪除
    回覆
    1. 真係好衰囉!!!
      其實我都好多次睇完人地d食評話好食但我食完覺得一般...唔通我又走去話人咩...口味既野人人唔同....唔好食咪第次食另外既野囉

      刪除
  10. 小t 唔好嬲 我地好支持你的 所以留言同你講聲 唔好唔開心 笑番 :)

    回覆刪除
    回覆
    1. 多謝~~~~~~~~~多謝大家支持~~~~~

      刪除
  11. 小T,息怒呀~~
    你諗下其實寫BLOG係FOR 自己既, 第時睇返都開心, 又可以同志同道合既人分享下。唔值得為啲無聊無左你既興趣吖~
    ^^作為你長期忠實讀者, 梗係唔想你唔寫BLOG喇, 因為實在好鐘意睇呀!

    你作病有冇睇下醫生呀? 定而家好番哂呀? 而家天氣成日轉, 食多啲維他命C, 做下運動啦!

    個日出好正呀, 我咁大個人都好似無乜點睇過日出, 仲有呀, 你一落機就高山症, 真係好恐怖呀, 比我實驚到暈!!

    你地啲行李好慘呀, 你返黎有冇寫信去設訴返個地勤呀? 免得有人又受害嘛!

    回覆刪除
    回覆
    1. 如果寫得開心我會繼續既....不過多謝大家支持我~好多謝大家對我不離不棄~
      依家轉左第二隻藥食好d..無流鼻鼻了...不過個人好散....
      其實....我係平地都未睇過日出~~~~~多數係飛機上睇~~~~
      好彩一早知會高山反應...唔係既話我會以為自己就黎死...
      梗係有~~~~~~

      刪除
  12. 留言又太長,又不見了><
    我實在有太多情深説話同你講!

    回覆刪除
  13. Hihi, 終於見到你的南美遊記喇 ~ ( 讚 )

    你哋好勇呀,一次過直飛 Cusco ~
    我哋上次去時都係先在 Lima 留咗兩日,
    一來我們要調整一下長途機後的疲累,
    以便身體適應高山反應;
    二來因為我們係要睇 Nazca Line ~

    睇完 Nazcu Line 當日的下午,
    去 Lunch 的途中,
    我們仲遇見一年只有兩三次的沙塵暴,
    就算我們將成架旅遊車的窗已經閂好,
    但成架車都入咗沙麈,
    Haha ... 我哋响車裡面仲要帶埋口罩防風沙,
    當時我們都好鬼狼狽,現在諗番起都好好笑 ~

    當傍晚返到當晚入住的酒店,
    發現成間酒店周圍都係沙麈,
    連原本預留咗比我哋果兩間房間,都唔住得,
    我們只好要求 reception ,
    幫我們調去無咁嚴重的房間咋 ~

    現在一邊睇番你的遊記,
    又令我想起在南美時的一幕幕回憶 ~

    謝謝你 ~

    回覆刪除
    回覆
    1. 多謝支持~
      哈哈..本身想留lima...但係我地好驚治安差...所以直接跳過就算~
      你就好啦...睇左nazcu line...我都好想睇呀!!!!但係今次唔夠時間!!!
      呢d又係特別既經歷..哥時狼狽...依家覺得好笑~
      別客氣唷~好鐘意同人交流旅行d野~

      刪除
  14. 偷相果D人真係好衰,但你都唔可以放棄寫BLOG,因為你的BLOG 好好睇,唔好放棄,加油!

    回覆刪除
    回覆
    1. 如果寫得開心我會繼續既....不過多謝大家支持我~

      刪除
  15. 偷相果D人真係好衰,但你都唔可以放棄寫BLOG,因為你的BLOG 好好睇,唔好放棄,加油!

    回覆刪除
  16. 衰人真係無品,唔好嬲壞自己.

    回覆刪除
  17. 下個禮拜又出發去大阪真開心,暫時將啲唔開心掉晒佢^^
    搭左23小時機...等轉機共11個鐘===>單單想像已辛苦,仲要無咗篋行李,想像到你地勁詛咒果個地勤:P 不過既然話會隔日送來,都係唔好理咁多先去酒店settle down先^^
    好似有係啲方法可以lock住啲相,要仔細研究下......

    回覆刪除
    回覆
    1. 好的唷~~^^
      都無辨法喇哥時心諗....都係去酒店休息左先好喇~
      下?!有架!!!知既話教下我!

      刪除
  18. 補祝您娘親生日快樂!
    又再長高?小t還年輕嗎,哈哈哈
    托運寄失行李好慘囉~~~

    回覆刪除
    回覆
    1. 多謝~
      哈哈~希望高少少啦~
      唉..多得個地勤唔少..

      刪除
  19. 個香港地勤唔好放生,要投訴到底!!
    偷圖嘅人真係......有乜謂?
    留言同你意見唔同都冇乜嘢,係睇佢態度係咪串串貢啫

    回覆刪除
    回覆
    1. 其實我之後投訴左~
      我都唔知佢有咩謂....
      佢覺得唔好食有幾閒丫....本身個個人口味唔同就係一個不爭既事實.....問題係我話好味你做咩懷疑我呢?托咩

      刪除
    2. 投訴完最緊要跟進,要有交代
      其實=阿媽係女人,啲人想拗乜?

      刪除
    3. 都係覆D話加強培訓哥D囉...都係廢的~~~
      想話我食野無TASTE囉~

      刪除
  20. 網上乜人都有,PK 嗡得出就嗡,何必為呢d 垃圾煩惱,繼續寫咯,我由yahoo 睇你睇到依家,差不多由細睇到你大架,只不過少留言。

    回覆刪除
    回覆
    1. 好多謝你睇左我個blog咁耐呢!!
      無喇..唔嬲喇~

      刪除
  21. 好友☾。゚★話咁快又一天☁¨*♦晚安☆・゚✬
    っˆヮˆ)っ✱・゚゚°•✾╠╣aΡpy星期四噃- ҈ -*¨❉

    回覆刪除
    回覆
    1. 係呀好開心呀~~聽日星期五喇~~

      刪除
  22. Aunty 生日快樂,身體健康!
    Tiffany 妳唔好生氣,咁樣激親唔靚㗎<3,當啲人識貨,知道妳嘅係靚相,所以才偷(當然係唔對)

    回覆刪除
    回覆
    1. 代媽咪多謝你~~~~~
      好多謝你安慰我!!*3*

      刪除
  23. 咦! 利馬?你無check利馬飛去復活島呢程咩?如好似我咁平嘅話玩左復活島先嘛~
    喂,小T,撐你呀! 唔好封筆! 你知偷你野乜原因嗎?咪因為你係人氣blogger,網絡好人囉,唔好嬲。我以前寫yblog時都有人偷過相,所以我壓細佢得1mb,加水印,咁細由佢偷,當然最好得我同意及寫明出處會更好。你見我po人地D嘅都寫明出處,如我經常po嘅wiki都寫明架!

    回覆刪除
    回覆
    1. 因為我去完利馬隨即去玻利維亞
      所以又真係無諗過係利馬飛過去喎~~~~~~(更重要係我唔知利馬有得飛過去~~都係睇你BLOG先知~~~)
      係啦...D人真係好衰!!!!好彩我唔退讓呀!!!腥左3個MAIL去哥個網佢先換相!!!!!

      刪除
  24. 我想問你張機票買果陣就係直飛cusco架啦?我本身都係想去cusco但唔知點解晌AA個site搵唔到,依家只係買到AA香港利馬來回

    回覆刪除
    回覆
    1. 係呀~我直接係aa度打hkg同埋目的地係cuz呀...香港經達拉斯再到利馬再轉機庫斯科我係同一條機票買架!
      我依家上左aa個網睇出年2月都有得咁樣買喎!
      你幾時去呀?
      唔通有月份分既?

      刪除
    2. 我十二月去啊⋯⋯⋯唔知點解呀,唉,又要另外買,灰左

      刪除
    3. 咁你係邊度回程??我幫你再上網看看

      刪除
    4. 我來回不同地方
      你一係俾埋你幾時出發幾時番
      邊度回程我再幫你睇過~

      刪除
    5. 我12/24由香港去利馬,回程就係1月7,都係利馬走。但其實12/24到左利馬之後想直接去cusco既,但當時無呢個選擇,最終買左來回利馬。

      刪除
    6. 我上網幫你check左呀..aa去程如果要去到cuz要揀到最貴個價格先可以揀12月24號...但回程經利馬只可以1月6或1月8走~
      價格係15630連稅
      如果可以26號飛1月7日走就12730連稅
      一係就25飛1月7日走13680連稅~
      報告完畢~

      刪除
    7. 原來係咁⋯⋯咁分開買抵啲呢,因為依家我只係10xxx一張咋,單程由利馬去cusco都唔駛一千。

      Anyway reli thanks for your prompt reply and help!!!

      刪除
    8. 你利馬去cuz搭咩機呀~~~
      咁你咁買都ok丫~~~~~~聖誕出發都唔貴喎~

      刪除