2016年5月10日 星期二

南美洲4國新奇探險之旅2016-02-15第三天Part 2(晴天)

今日落左一兩場驟雨.....然後...小朋友又不用上學去了~~超多小朋友同我地玩呀今日~~~~~本身今日就無諗住出blog既~不過有個人話今日好想睇我寫blog~咁呀~好啦~~係你架咋~~~如果唔係我今日實偷懶~~~~~~~~~~順便打開個gip執下~~~~~



2016-02-15
Day 3---Part 2(秘魯,庫斯科 Peru,Cuzco->秘魯,奧揚泰坦博 Peru,Ollantaytambo)

本身都無咩買係手既..得哥幾隻草泥馬匙扣仔...但入到呢間...d女仔又有少少失控~~~~~~~~~~~~~~~~~~~~~~




發狂既原因就係佢地~~~~~~~有人買左呀~~~~~由於個gip唔夠位~~~佢就將隻草泥馬擺係包包30日~~日日跟身~~~好寶貝呀~~~~~~~~~~~而且價錢唔貴!!!大大隻才50hkd~~堅可愛!!






呀~有隻好可愛既貓貓呀~~~~~~~~~~~~我好鐘意睇佢地曬太陽架~~~~~~





同埋我都好鐘意佢地d擺得好密密麻麻既舖頭~~好顏色鮮豔~~~如果唔係之後要去其他地方同埋怕行李超重...其實我想買件秘魯披.............我覺得幾靚~




行下行下又行番黎呢頭~~~~~




其實出發之前上網睇呢...呢個月份黎係秘魯雨季黎架喎....點解可以曬到咁太陽辣屎忽既~~~~~~~~~極度熱...成頭汗....(要記得我個頭係3日幾無洗架喇下~~)





呀~係街頭見到少女著哂傳統服裝呀~~我地望多兩眼........佢一野將隻羊放係毛寶對手....叫我地影相...但.....少年總是太年輕................................影完即問我地收錢...................................................隻羊好臭呀.........(唉呀...乜得右面個女仔3日幾無洗頭都仲係咁靚架...唉呀.......~~~~~~~~~~~~~~)...係呢...你地幾時會頂唔順我認屎認屁?





轉個頭又......本身唔諗住再俾錢影....但草泥馬威力太大...





行行下太熱~~佢地去左買野飲~~印加可樂真身~~不過呢支係zero~普通哥支招紙底色係藍色~其實呢個位我行行下又開始有d高山反應......抖氣勁扯蝦...




行完一輪諗住搵野食啦~行過d內街見到有d地道人會去食的餐廳~~望住佢櫥窗d甜品打左個冷震~~~(因為望落好似好甜~~)




是日午餐求其搵間餐廳坐低...個樣好似澳門鮮果人哥d咁..仲有好多果汁揀...但櫥窗擺出黎既生果超爛~~~我地叫左秘魯國酒~~~~"Pisco Sour".....S/.15=36.7hkd....都幾大杯下喎~~睇d旅遊書講話黎到秘魯一定會試的....一飲....華~~~~好勁~~~~~~~d酒精味係咁湧出黎~~~~~酸酸甜甜咁..你話好無飲呀......太重酒味了...又太重甜味了~~佢整到好似一杯有強烈酒精的糖水................(可能老闆娘好驚佢自己整到影衰杯國酒...佢見我地飲左幾啖無飲...就不停問我地係咪太好多泡話再加番d酒俾我地~~)....實際上唔敢飲咁多...因為驚高山反應~




我叫左個Grilled Steak...S/.18=41.6hkd...牛扒好鞋~~不過個味係整得幾好味架喎...但最好味係舊牛油果~~~呢個價係秘魯黎講我覺得貴!!




阿Sam叫左個Hamb. Clasica/Huevo.....S/.10=23.1hkd....佢最鐘意叫漢堡黎食~不過佢叫哥時唔知係咩漢堡~原來係蛋漢堡~佢話好好味~




哈哈~頭先行街我淨係買左呢樣.....Coca葉做的糖果~我哥包無開~我食過佢地買哥包...唔難食既都係甜甜地...但舒緩高山反應得唔得就真係.......好難講..........重點係.....當我帶佢去到第3個國家時.......係網上睇到...發現南美國家常飲既Coca葉.....原來去到美國帶入境係違法的!!!!!!!所以....我二話不說係個gip搵番包糖飛入垃圾筒~~~~~~~~(超驚慌!!)........有時帶野去第度轉機或入境真係睇清楚先好帶!!好彩買左一包je~




食飽飽之後我叫團友們陪我去搵郵局....因為我想寄postcard.......行過呢個壁畫又大又鮮艷!!




郵局不難亦不易搵.......易既原因係大街...難既原因佢外觀根本唔似郵局...似一間超舊超舊既商場入口....個郵筒幾過癮




我唔知秘魯人係咪唔係好鐘意排隊....咁其實我未寫postcard既只係想排隊買郵票.....明明排緊下一個就到我...點知有個阿婆望都無望過我自己行左埋去寄包裹...快都話丫....又搞左鬼死咁耐......(寄包裹要打指模又呢又路...)....就當敬老我唔出聲.....此時我後面已經有成4-5個人等緊......之後阿婆就黎寄完....有個阿叔又行埋黎....我同佢講...我先架喎.....點知佢話佢寄個包裹好快.......你真係當我係笨蕉呀.....我同佢講好快都唔該係排隊丫(指指後面堆人)...佢又再氹我話好快架咋.....我望都無望佢.....同職員講我要買郵票........點知阿職員d英文係...可以話係零的....係講西班牙文的....好難先話到佢知我要郵票....點知佢就俾呢d我..............................我真係最憎呢種貼紙又無花款既郵票...............無特色可言...係唔知寄黎做咩........我問佢有無細細張有花哥d郵票..佢話無....聽日先有......郵局都無.........我都唔知邊度先有郵票.............................寄一張明信片番港澳...要S/.6.5=15hkd....平係幾平既...但重點係...我寄左3張番黎...兩張我自己既..一張寄俾人.......到目前為止....只有一張番到黎..................




好喇...番酒店攞野走......本身我地係諗住係庫斯科(Cuzco)簽完證...就係Cuzco搭火車去熱水鎮(Aquas Calientes)...再去馬丘比丘(Machu Picchu)的....但係由Cuzco開始上火車張火車飛上網睇貴到痴左筋(我無記錯大約要成3xxx hkd來回..可能我地哥時遲買)....而且個火車站同市中心都幾遠下....我諗叫的士都要坐成20幾分鐘先到哥隻....所以我地之前以為上網訂先咁貴...一度想咩都唔訂就咁出發.....黎到Cuzco d旅行社先問有無得買(對於少時間既人黎講絕對不適合咁做)........好彩~我地有個好叻叻既女人大比姐姐咋~~~~佢上網睇過...如果唔係Cuzco上車....改係奧揚泰坦博(Ollantaytambo)上車車費平好多好多~所以我地決定....租架車由庫斯科(Cuzco)到奧揚泰坦博(Ollantaytambo).....然後再係哥度上火車去熱水鎮~單程由庫斯科(Cuzco)去奧揚泰坦博(Ollantaytambo)車錢係一車56usd=435.7hkd...當然有再平既選擇啦..但我地想包車安心d.....加上....每人才百鬆hkd....架車都幾大下....坐得好舒服~



我地番到酒店...滿有希望攞番行李...執少少野出發去奧揚泰坦博(Ollantaytambo).....(因為我地之後番黎會再係呢間酒店住).....點知....3舊行李仍然未黎......................................請酒店職員幫我地打去機場開....回覆係今朝由利馬來的班機取消了...所以行李仍然未黎到......會試下今晚睇下可唔可以送到去我地今晚係奧揚泰坦博(Ollantaytambo)酒店.....唔係呀下.......我已經4日有多無底褲底衫同襪換喇.............仲要係睇下今晚有無得送到黎.....如果送唔到黎咁我咪要臭住上馬丘比丘?.....嬲住上車前往奧揚泰坦博(Ollantaytambo).............沿路越上越高........經過高d比較窮既地區.....竟然呢度有酒店..........可能遠離庫斯科去到郊區少少既地方喇.......周圍超大山~~~~~~~~~~~~~~~我覺得秘魯d山特別靚!!好有靈氣!






經過個多小時...我地就到左呢晚我地下塌既酒店喇...叫Tika Wasi Vally...地址:Calle La Convencion, Ollantaytambo, Peru......我地酒店係廣場行落少少.....轉入條路入面既.....reception不太會英語~但好處係如果行過去火車站只係10分鐘內既路程....但如果唔想行佢都可以幫你call好似泰國咁既tuk tuk車你去~好平的~2分鐘到





我地間房係3樓......我地訂兩間二人房...一打開..有3張床~衛生情況都唔錯!!每房每晚428.5hkd...每人214.3hkd....真不錯~





由於奧揚泰坦博(Ollantaytambo)的海拔高度比庫斯科(Cuzco)低一點...所以我也舒服了不少~我即刻要毛寶快d啦~快d攞你頭先買既野出黎俾我影下啦~~~點解我咁想影~~~因為佢買左隻好可愛既草!泥!馬!!!!!!!!!!仲要送帽囉!!!!得意到!!!d毛毛幾好摸架!!!!咁大隻你估下幾多錢~~~~~~才5x hkd咋!!幾抵呀可??




唉呀~~~~好可愛呀~~~毛寶仲買左頂咁有民族特色既帽俾寶寶呀~~~~~~好想攬住你錫錫呀~~~~啜啜<3




寶寶識到新朋友呀~~~開始嘗試同人做朋友仔~~





fd左~好喇~你地自己去玩啦~




呢d係我今日既收獲~~~~d匙扣真係好抵買~~~~~~




休息左一陣之後.....我地就出去搵食啦....千揀萬揀...揀左呢間





Vegetable Soup....S/.12=27.7hkd....味道正常...多菜...但係極度極度鹹....又係盲公陳開眼系列





大比叫的Mocha~忘了幾錢~但佢話ok好味~




Ensalada Mixta....S/.16=37hkd.....齋菜...咩都無撈




Ceviche de Trucha...S/.34=78.5hkd.....黎到秘魯點都要試下Ceviche~其實係一種生醃魚....係中南美洲盛行...發源自秘魯~一黎到...咁醜既......仲有兩大塊蕃薯係度....一入口....華...又腥又臭既.......我竟然夠膽係南美地方食d咁既生野入口.....我真係痴左線.....我feel到如果再食落去我一定腸胃炎既哥隻臭....




Lomo a la Parrilla(上圖)...S/.30=69.3hkd........同埋Brocheta Mixta(下圖)....S/.36=83.2hkd......盲公陳開眼系列之二......我未食過咁咸既肉...真係咸到...我寧願捱餓一晚....同埋個價錢都幾貴下...以秘魯黎講.....成餐飯....最好食...係個沙律.........................





番到酒店問佢我地件行李黎到未....點知佢唔識聽....之後我番房用姑姑燦事喱譯做西班牙話佢知我地有件行李係機場佢話會今晚送番黎呢間酒店俾我地...呢下佢終於明喇...多謝姑姑老師......番入房......戇居居又無衫換...諗諗下真係嬲到火起....你個AA地勤.....臭臭串串咁又答錯野....咩都唔使負責任....害阿姐我就黎第四日無底褲換喇....日日靠換護墊維生......嬲嬲地.....我即刻打篇超長既投訴信去AA投訴佢....呢鋪唔投訴佢唔得啦下嘛???我著緊對襪都第4日喇



俾毛寶睇過Send埋.......俾埋另外兩位團友睇埋.....10分鐘後...有人敲門....天呀!!!!!!!!!!!!!!!!!!!!!!!!!!!!!!!!!!!你們來到了?????????????????????????????????????我好掛住你呀!!!!!!!!!!!!!!!!!!!!!!!!!!!!!!!!!!!!!!!!!!好多謝Lan Peru幫我係咁遠個幾鐘頭車程既機場送去另一個鎮!!!!!!!!但改變不了我投訴的心意~係旅程中AA已經覆左我.....都係屁話一通會加強員工培訓啦....然後話如果我想AA賠償既話就將係秘魯買日用品既單據Send番俾佢地喎...等佢地跟進...唔使喇..多謝喇.....秘魯買野點會有單丫....得個搞字...多得個地勤唔少呀~攞到行李...高山反應又無咁勁~梗係即刻開gip去沖涼換條乾淨底褲慶祝下先啦~~~~~沖完涼我終於重獲新生喇~~~







2016/05/10的開心事:
內心諗住就黎有得去旅行~
係開心既~



報時:距離日本大阪之旅2016仲有---3日~
報時:距離"七公子"帥帥出使東京之旅2016仲有---143日~
報時:距離冰島環島自駕遊之旅2016仲有---178日~~~~~~
報時:距離合家歡台北聖誕之旅2016仲有---232日~
我希望出發同番黎哥日澳門都唔好落雨啦~~
同埋希望哥幾日大阪都唔好落雨啦~~求求你啦~~

42 則留言:

  1. 兩間酒店都唔錯,幾靚喎....
    係食野好似差啲,去旅行都係食啲穩陣嘢好,驚肚痛!!!
    咁最後有冇買到啲靚郵票?
    醃咗四日咸魚終於拎返個篋,完全感受到「重生」的感覺XXD

    回覆刪除
    回覆
    1. 係呀~都ok~~
      哈哈~~我都唔知點解我同毛寶咁勇咁都夠膽食落肚既~~
      保持神秘先~~~
      無錯.....沖涼哥一刻我好感動~

      刪除
  2. 投訴完只係回覆啲咁嘅嘢?你試吓話要該員工當面向你道歉睇吓點答你?
    完全想像唔到4日唔沖涼洗頭......
    行程好似冇乜嘢,但總覺四處帶一絲神秘......

    回覆刪除
    回覆
    1. 無錯...就係得呢d.....我又唔需要佢當面同我道歉.....我都唔想見到佢
      不過前幾日我都有d高反...所以我都唔勉強自己去沖
      因為大家都未去過...所以覺得好神秘~

      刪除
  3. 那隻可愛貓貓似公仔呀!太帥啦!
    您穿秘魯披一定形、帥囉~~~
    我都會俾錢同草泥馬影相。
    風景好靚,食物麻麻。

    回覆刪除
    回覆
    1. 係啦~仲要有蝴蝶結~幾可愛~
      野~~~好衰架~~~
      但哥隻唔算靚~~~
      一般啦...都入到口既...

      刪除
  4. 妳已經好懶啦仲想偷懶添.............

    回覆刪除
    回覆
    1. 妳今日肯定會偷懶執野啦.....
      咁就提早祝妳旅遊愉快、食得飽飽、買得滿滿、安全回來.......

      刪除
    2. wakakakka~人就係咁架啦~~~

      刪除
    3. 哈哈~~你真係叻叻喇~~~~
      喂~~~仲有今日有出blog架~~~~快d今日祝過啦~~~

      刪除
  5. 今日香港落大雨,仲要响我返工嘅時候,搞到我濕到上大脾:(
    五顏六色最吸引女仔,我覺得d包包都好靚,隻草泥馬又平又正,key ring同埋宝宝頂新帽真係好靚呀!!
    又話好熱,你仲著晒褸?
    Ollantaytambo 酒店幾好feel喎,兩座building 之間有條梯,可打意呀!!
    係咪有生以來發現沖涼洗頭原來係咁正呢^^

    回覆刪除
    回覆
    1. 唉呀....好慘呀....有d雨...唔知點解係番工哥時先落架..一番左工就停雨架喇...
      係呀係呀好靚呀~~~~可惜唔可以買咁多~~
      無衫換呀....焗住著呢d
      係呀~~都唔錯~~~~
      係!!!!!!!!!!!!!!!!!!!好舒服~~~~

      刪除
  6. 寶寶終於都又再出現啦,yeah﹗

    回覆刪除
  7. 好友★。゚☾好眠眠☁¨*☆晚安♦・゚✬
    ❥°¨º❣週三❤ღ╠╣aΡpy喇喂♥¤*¨♡

    回覆刪除
  8. 有隻好可愛既貓貓呀...貓貓鐘意曬太陽架

    回覆刪除
  9. 距離日本大阪之旅2016仲有---3日~好番末呀

    回覆刪除
    回覆
    1. 好番好多喇~我又可以大吃特吃~~~

      刪除
  10. 草泥馬大大隻好抵喎!
    牛扒咁鞋可能係草泥馬嚟喎! 草泥馬好難食⋯
    無底底換即買啦,又可以當手信,哈哈~
    Ollantaytambo我記得印象中好唔錯,可惜無住一晚,但食物貴左咁多嘅! 住宿也很貴⋯ 有講價嗎?

    回覆刪除
    回覆
    1. 係呀!!!真係好得意!!
      應該唔係~~~~因為佢有另外一個係草泥馬但我地無叫~~
      咦~~~~未洗過我唔會著架~~~~~~~
      我地一早訂定架~無講價呀~~~~~~~查實呢個價錢我地都接受到~~~

      刪除
  11. 恭喜恭喜~~終於有行李...
    不過你地今日餐飯真係慘, 咁難食!!
    沿途風景好靚呀!幅壁畫好大呀!!

    比我係郵局未必敢出聲...因為我啲英文差到爆..........都唔知點同人講叫佢排隊...

    回覆刪除
    回覆
    1. 多謝~~~~
      真係難食~又係一個經歷~~~
      我都覺得哥個好靚~~~

      唔緊要架~~你講中文都得架~~~因為佢地講西班牙多架~~~~~都唔係幾明英文架咋~~~

      刪除
  12. 羊駝超可愛呀, 價錢又抵。小t我想問下, 除左你有高山反應, 其他團友沒事嗎, 佢地一d都唔怕牙?

    回覆刪除
    回覆
    1. 係呀係呀~~~好可愛~~~~
      其他都有呀....一落機就有
      不過佢地休息左一個下午就無事~適應哂~~~得我一個咁渣~

      刪除
  13. 你知唔知, COCA 葉係用來做 COCAIN 咖? 哈哈哈....

    回覆刪除
  14. 終於有涼沖有unun換喇! 開水嗰一刻應該有好感動嘅感覺 ^^
    嗰兩隻公仔真係超得意超得意超得意呀!!!!!!!!!!

    回覆刪除
    回覆
    1. 你番左黎喇~~~~~無錯~~哥一刻我超感動~~~~
      哈哈~~~佢地兩個都好可愛~

      刪除
  15. hihi 小T, 我係上次問你攞著去冰島雪褲果個呀,唔該晒你同毛寶呀...睇你個BLOG幫左我地好多.
    今日先上返黎睇你個BLOG,見你又count down去冰島,真係嚇我一跳! haha....等你返來寫blog呀要!! ^^

    回覆刪除
    回覆
    1. 不客氣~~~~好無著呀條褲~~~~~大家交流下呀嘛~~~~~
      哈哈~~本身諗住去紐西蘭~~不過我覺得佢d野太貴...咩都要俾錢睇~
      所以就有個念頭"不如去冰島咯"...咁就買左機票~

      刪除
  16. 係囉,聽說係紅雨,但係一下又出太陽,咁嘅天氣最容易病呀,小心呀。
    再諗如果我冇行李四日時,AHHHHHHHHHHHHHHHHHHHHHH..........

    回覆刪除
    回覆
    1. 係!知道!
      係呀救命...4日無內衣換...臭臭~~~

      刪除
  17. 小t其實你每年大概會去幾多次旅行架?我總覺得你係密密的,係因為blog文嘅時間差距令我有錯覺嗎?

    回覆刪除
    回覆
    1. 我諗4次左右啦.....
      其實唔密架~~我去完今次日本要等到10月先再有旅行去喇~~~~成5個月架~~~~~
      但因為我不停寫旅遊blog你咪覺得我成日去緊旅行囉~~wakakaka~

      刪除
  18. 好彩最後都無高山反應
    草泥馬D毛好似滑嘟嘟,真係會忍唔住,見一隻買一隻,但.......行李又旨過重好茅盾

    回覆刪除
    回覆
    1. 去到呢個城市先好番d~~~
      係呀....d毛超好摸~~~

      刪除
  19. 哈!我都追唔到妳,,,寫得好快...叻叻!
    見妳之前準備到出發,遇上不少困難,坐30幾小時機,排除萬難
    見妳食咗高原反應藥,果然有效,加上高卡茶,可以好快適應!
    澳門特區護照去中南美的確好方便,香港特區護照就差少少,不過無得比較,
    太陽勁...喺女士的天敵,妳有時都無搽防曬都好勇
    幾日民宿都好正,又乾淨,前幾日紫色屋頂個間民宿天面有對風水嘢,幾得意!
    草泥馬真喺名物,公仔好cute!

    回覆刪除
    回覆
    1. 係咩~~~我懶左好多日喎~~~~
      係呀之前好多野要準備...機程真係好長~~~~
      我算比其他團友慢適應~~~~
      唔係呀~香港特區去南美免簽係多過澳門特區架~我地係用葡國護照先咁好咋!!
      無計啦...d防曬係行李度...仲要未黎到舊行李~
      我覺得乾淨係最緊要!!
      係呀好可愛~~~~

      刪除
  20. 嘩~個天色靚到呢!😲d草泥馬好得意呀!😍不過都唔夠隻白貓仔可愛!😻😻😻

    回覆刪除