2016年5月5日 星期四

南美洲4國新奇探險之旅2016-02-14第二天Part 2(晴天)

救命~~姐這幾天都在打乞痴......鼻涕眼水直流.....我懷疑我淨係噚晚成晚打左超過50個乞痴.....已經食左3日藥...仲係咁.......希望快d好番...呢幾日有無神無氣.......今日轉左第隻藥....下午d鼻水即時抽乾...無哂鼻水....但整個呼吸道感到超乾.....聲都變哂........個人又散.....下午其實我都唔知自己做緊咩........................好野~聽日又到星期五喇~我聽日仲攞左假唔使番工添~~~~好少唔係因為去旅行而放假...如果貪心少少聽日可以high個tea咁就好喇~



2016-02-14
Day 2---Part 2(美國,達拉斯 USA,Dallas->秘魯,利馬 Peru,Lima->秘魯,庫斯科 Peru,Cuzco)

好啦~聽日中午有行李..咁都係唯有忍多一日啦~機場有小小紀念品店...草泥馬真的萬分可愛!!!!!




臨出機場前...有兌換店..咁就換換錢先啦~秘魯新索爾(Nuevo Sol)兌美金匯率為3.38....根據神探珈琍t既精密計算...秘魯新索爾兌港幣匯率為2.31...即S/.1=2.31hkd




秘魯的貨幣長這樣~




拿~講明先呀下~我地唔係慳錢團黎架~.....咁呢~我地一早網上訂好左~有車黎接我地去酒店~~~~因為我地驚(重點係自我想像...無驗證過)治安唔好嘛~費事俾人見到我地一出機場傻傻搵車個樣....(而且無研究過點樣搭巴士..亦唔想抽行李搭巴士......大比真係好叻~俾佢搵到上網book車~~我本身幻想一落機自己會好驚又唔識搵酒店..點知佢話我知book左車我成個人超踏實).....其實一出機場都係有好多的士司機now客...客官自己格價啦~信唔信得過..我都唔知~我地租哥架車係貨van咁大~坐得幾舒服~S/.40=92.4hkd...其實除4個人都係20幾hkd je......(我知10幾蚊10幾蚊慳會慳到好多...但係我地想穩陣嘛~)...機場外貌~華...大佬...好曬呀....




好彩預約好車咋..我唔想一路高山反應一路搵車~~庫斯科係一個山城~係港澳...我相信住得越高...或者住半山先代表你越有錢....但這裏是完全相反的








司機一路上介紹我地景點...我地話呢個教堂好靚~佢話佢都好鐘意呢個教堂~




又曬又熱~睇下活動街景~



我地見出面好多人聚集...唱哂歌又封哂路咁...問下司機咩事...佢話今日係有巡遊...係節慶.....會周圍向人噴泡泡.....(係咪即係好似泰國潑水節咁??因為我地無考究)....華!!!!!!!!唔好噴我呀!!我有兩日無沖涼呀個gip又未黎到無衫換呀!!!!!





呢個..好可能係佢地d巴士~




大約搭左15分鐘車左右就到左我地第一晚住既酒店喇~叫Tambo del Arriero Hotel Boutique...地址:Nueva Alta, 484, Cusco.....透過Booking.com進行預訂..從車上觀察..比較遠離市中心~




一行入去....華.....靚到....(我想像中的南美酒店應該好差)






我個人認為呢間d裝修都唔錯....舊得黎帶點新...新得黎又帶點舊...又有地方特色(有無人知我講咩?)......係欣賞呢個新舊交替酒店既時刻......我高山反應又發作~~~~~~~~~個頭好暈....頭開始痛....個心跳得好快....腳步極度浮.........................好彩酒店大堂深知世界各國旅客唔適應既需要.....係大堂擺放Coca葉同埋熱水任沖.....我即沖一杯急救.....仲要口含一塊葉壓驚...毛寶說:你條咀變紫色....(咁x大獲...)....阿Sam說:快d做吸氧操!!!!..........所謂吸氧操呢個名其實係我地自己作既je.....阿Sam教我要大力吸氧...慢慢呼氣.....目的體內儲多d氧......仲叫我得閒要大力吸....努力吸




一入房....wow~唔錯丫!(我想像中的南美酒店應該好差)......二人房一晚504.5hkd....每人才252.3hkd....我覺得性價比高丫!!我知會有一d更平更平既選擇.....但舒適對我個人黎講也很重要呢~(各有各方法令自己玩得開心~無話邊樣係最好~有辣有唔辣~任君選擇)....而且床舖廁所各方面都過到我個人自訂的衛生標準有多(這個標準應該無人想知)....大比揀的房就是有質素和性價比高的保證~~





房內都有Coca葉隨時侯命!!(還有茶包裝...但個人認為就咁用葉沖會快見效d)......記得d水煲兩次呀高海拔地區





我諗呢個時候仲係中午一點左右....我地呢日係無安排任何行程....目的係搭完超長途機想自己休息同埋慢慢適應高山反應(因適應後就會無事....當地應該有地方俾你買氧氣黎吸.....但比較不建議一開始就吸....因為你未試過去慢慢適應就頂唔住去吸氧....咁你身體就會有依賴性....之後成個旅程會唔吸唔得......咁當然..呼吸開始困難個人發哂紫梗係要吸啦...唔通就死都唔吸咩).......唉.....無gip....無睡衣著....原裝臭臭的出街衫就咁撻上床....講得唔好聽..底褲都無得換.............再核突d話埋你知.......我平時去旅行鐘意著紙底褲...貪佢方便...但絕對不舒適...今次去得長...所以我想自己舒服d..所以著左布底褲.......(仲要有超多塊護墊同埋某部位專用濕紙巾傍身..唔好笑我核突講埋出黎呀..女仔應該明......我當自己有換底褲)...如果今次著紙底褲出發..我真係不敢想像................唔好怪我長氣..重有一點...出現高山反應不宜沖涼或不宜用太熱既水沖涼...因為血液循環會令高山反應徵狀加劇!!



呢個人幾好呀~我坐係床發呆減少活動時.....佢自己已慢慢適應高山反應(真快!)....仲主動話:我煲水俾你沖茶飲!又不停行黎行去攞野俾我....見我唔舒服即刻係佢自己包包搵得力素糖同埋提子乾俾我食....真謝謝你的照顧呢!記得要照顧同行團友呢!(豪邁的上網姿態)




連支揸面既膏都出現高山反應......不斷湧出!!(我唯有慢慢吸番入支膏度..唔好浪費嘛...)




房間有wifi..上左陣網...跟住梗係訓覺啦...中午飯都無食....一直訓一直訓.....訓訓下期間頭痛痛醒....好唔舒服.....坐起身又要做吸氧操.....飲啖茶...舒服d又訓.......訓到7點幾8點......天黑就去食飯........入黑梗係唔敢出酒店啦!!怕危險嘛!!諗住貴都係酒店餐廳食算!




間餐廳一個人都無........坐低望望價錢....咦....以酒店價黎講....又唔算太貴喎~





可樂...S/.4=9.2hkd....高山反應嘛~要補充糖份(得力素在gip內)......本來對任何地方既可樂已無幻想(因為覺得只有冰島好飲).....咦~~~~秘魯的真的不錯喎!!!!一定好味過澳門的!!(但冰島仍在第一位)




成個餐牌西班牙文...真係.....好正....得少少字似英文既識...其他真係........侍應都只係識好少好少既英文...解釋唔到俾我地知....咁....揀d識架啦.....................Sopas湯哥類淨係識Pollo=雞呢個字...咁叫雞湯囉....Dieta de Pollo...S/.15=34.7hkd.....我諗係南美黎講算係幾貴下......不過好鬼大碗我諗佢地當飯咁食..仲要有意粉係入面...其實幾好喝!!好彩4個人叫兩碗...唔係實喝唔哂




叫左個Triple Vegetariano既三文治...估到係素既三文治所以先叫.....S/.10=23.1hkd......有牛油果蕃茄雞蛋同沙律醬...係估唔到既好食!!!!!好食在佢個塊包!!個質感同我平時係澳門食既包質感唔同!!!疏疏散散的質感...仲要烘熱左脆脆的!!!!好好好食!!!!!!!!!!!!!!




Felete de res con salsa agridulce...S/.20=46.2hkd....睇字面都唔知係咩....好彩侍應識同我地講:beef!...即叫.....呀~~原來係牛扒~~~~~~~~~~~雖然係平牛扒...但好好味!!佢個味整得好好味!!!!薯條差~....食完呢餐好心滿意足入房!!呢餐每人才37hkd......好抵~

酒店無提供牙擦...好彩毛寶有帶係包包!!!!!!不過我地無沖涼...怕高山反應加劇....是晚訓訓下....毛寶拍我起身....我一起身望下仲係天黑...問佢:咩事呀?.......佢話:我醒左...見到你成塊面係紫色...我以為你死左.........我:...................................毛寶:所以咪摸下你個鼻有無呼吸同埋拍下你睇你識唔識醒囉................我起身發現我個頭極痛......所以毛寶又起身煲水俾我沖茶飲.....我飲左d茶食左d糖又好番d~毛寶話無咁紫~繼續訓~






2016/05/05的開心事:
今日唔算多野做....叫做救番散哂既我



報時:距離日本大阪之旅2016仲有---8日~
報時:距離"七公子"帥帥出使東京之旅2016仲有---148日~
報時:距離冰島環島自駕遊之旅2016仲有---183日~~~~~~
報時:距離合家歡台北聖誕之旅2016仲有---237日~

38 則留言:

  1. 妳又出現旅行出發病啦.......快D睇好佢啦.....

    回覆刪除
  2. 就快又去旅行,快啲睇好佢,到時玩都玩得開心啲﹗

    回覆刪除
  3. 嘩, 你個高山症好似好嚴重, 比我實嚇死左自己, 估唔到你食左咁耐藥都唔得!
    南美既景色真係好唔同,你加油呀, 我等緊你帶我遊南美,

    回覆刪除
    回覆
    1. 仲有呀,希望你快啲好番~

      刪除
    2. 又唔算...我已經唔算嚴重lu~起碼我都仲神智清醒~~~~~
      多謝支持~~~~我會努力的~

      刪除
    3. 大家真好~都祝福我快d好~我好番好多喇多謝~

      刪除
  4. 呢幾日都係休息多d喇,精精神神去大阪玩
    嘩,間酒店又5錯喎,5佰零蚊晚好抵,個沐室好好呀,我鍾意沐室用呢類牆,不过馬筒係咪要身隻手入去press個沖厠製?
    好平呀,3十幾蚊食一餐,边度揾!!
    好驚呀,成個人变咗紫色,睇到我心慌慌又肉緊><

    回覆刪除
    回覆
    1. 我有呀~星期六日都休息左好多~日日都訓10粒鐘~
      係囉!!我都估唔到咁正!!算係咁~~係呀要伸隻手入去架~你真係睇得仔細~~~~
      對港澳人講可能好平....但對秘魯黎講可能唔少~~
      哈哈~~~~我都唔知~係毛寶話我知咋~

      刪除
  5. 真勇,一飛飛Cuzco! 辛苦⋯
    點藍D相天空藍天白雲得咁跨張嘅?係咪個軟件調較得太勁?
    係呀! 你上次問我個加浮水印個軟件答左你啦~

    回覆刪除
    回覆
    1. 哈哈~諗住慳時間又諗住lima無咩野睇嘛~~~~
      無呀我執到d色架....淨係加左名咋~~~~不過哥幾日個天真係超藍....而且超熱
      唔該哂~~~

      刪除
  6. 神公聽日都放假.我今晚唔使煮飯呢
    ☁¨*♦好友☾。゚★甜夢安睡☆・゚✬
    ❥°¨º❣週五❤ღ╠╣aΡpy喇喂♥¤*¨♡

    回覆刪除
  7. 草泥馬真的萬分可愛
    酒店真的唔錯丫

    回覆刪除
  8. 距離日本大阪之旅2016仲有---8日~快步準備好行程

    回覆刪除
  9. 點算呀小t, 旅程開始就咁樣, 擔心c, 快啲寫, 好想快啲有得睇!

    回覆刪除
  10. 旅行有個好伴真係的確好極!!!!
    你朋友毛寶真係好好~~~~~~~~~~~~~~~~ (又拎少D行李)

    酒店D野食賣相好好,其實當地乾唔乾淨咖呢?(食物/地方)

    我都試過寄失行李,當時仲要係我第一次自己搭飛機!!!!
    自此我Hand carry會袋定一兩條un un同巾巾。
    同埋化妝品+落妝水+Skin care samples XDDDDDDDDDDDDDDDDDDDDDD

    回覆刪除
    回覆
    1. 係呀..真係好多謝大家都有照顧我~~~
      其實秘魯我覺得ok呀~~~~唔錯幾乾淨~
      咁當時一定好徬徨喇!!好慘!!
      都係有過呢d經歷先會自動自覺執多套衫~~~

      刪除
  11. 星期五提早happy weekend真好,可以多啲時間休養,準備出發^^
    羊駝個樣本身已經好似公仔,最後有冇同真羊駝合照?
    成塊面紫晒真係幾嚇人,好彩間酒店唔錯可以安心抖下....

    回覆刪除
    回覆
    1. 哥日休息仲早起身過平時~~~~
      我好似無~~~我有偷偷影佢地~~
      哈哈~~其實我睇唔到自己紫哂~~係毛寶睇到~~

      刪除
  12. 嘩小t你今次真係有啲搵命博咁噃!
    塊面都變紫左幾次,好彩毛寶成日留意住你,你真幸運有個咁體貼嘅兄弟.

    回覆刪除
    回覆
    1. 哈哈...其實我都唔知自己紫哂..係嚇親毛寶~

      刪除
  13. 您好多奇難雜症,好女主角feel!(小心身體)
    D草泥馬公仔超級可分可愛~~~
    兩日無沖涼,成塊面係紫色,非常慘!好彩有毛寶!

    回覆刪除
    回覆
    1. 睬~~~~~
      係呀佢地好得意~~
      係...又臭又醜~~

      刪除
  14. 四位團友得你有高山症?
    瞓瞓吓都變紫色......呢段你寫得好好笑,毛寶一啲驚慌都冇好冷靜咁講?

    回覆刪除
    回覆
    1. 大家都有...不過得我適應得最慢
      佢有好大力咁拍醒我囉...佢仲話有伸手埋我鼻睇下我有無呼吸

      刪除
  15. 小T, 祝願你快好, 可以多外出去遊玩, 散心, 對你好呀,

    一個星期紅景天都唔得, 看來真係好睇人了. 希望往後你遊記裡, 可以見到你慢慢適應

    回覆刪除
    回覆
    1. 多謝~我好番好多架喇~
      其實早一個星期食已經好多啦...但我都無未適應~

      刪除
  16. 聽說, 有高山反應, 就要食黑朱古力和牛肉乾, 我上次上到萬4呎, 行快少少都開始暈浪, 不過, 我都只係留左3小時, 就落番來7千呎左右睏覺, 你在3千4米過晚, 第一晚可能反應會很強烈, 幸好有毛寶陪著你, 她真是你的好朋友.

    回覆刪除
    回覆
    1. 我都有不停咁食糖呀提子乾呀薯片呢d野...
      真係好彩有毛寶咋~

      刪除
  17. 就咁睇你同毛寶個個樣話會覺得好好笑XD
    但我諗如果當時在場見到你咁既樣真係會驚.............
    其實你有冇話目標要係幾歲前環遊全世界??XD
    btw,睇返你之前個篇~個間naughty nuri好似幾得和~
    呢期你有冇試過半蹲呀?癡線我連續幾個星期打去都冇位....
    同埋係邊間cafe咁惡叫人留言插你先?好想食花生和喂XD
    好苦腦去東京要食咩呀~~~呢期杜如風去大阪食雞刺身...
    就醒起你之前東京都好似介紹過,等我又回下帶先得XD

    回覆刪除
    回覆
    1. 哈哈~~唔準笑!!
      其實俾我都會驚...大佬...隔離條友變左紫色喎!
      無呀...因為我覺得唔會有去哂既一日...世界太大~~~~~
      naughty nuri好味呀不過記得一定要訂位~~
      半蹲我有食過呀....er........我唔會再去食囉......
      炸雞唔脆......爐邊蛋d蛋漿好稀....熱極都未熟.....
      d肉碟頭唔大........試過一次就算~
      唔講哥間咁既cafe喇....唔值得我再提起間咁難食既野~~~~~~(你有緣就會碌到去哥度睇~)
      我之前係食過雞刺身呀~~我係池袋食架~~~~~

      刪除
  18. 你個高山症好驚人,好彩有驚無險.
    rest well !!

    回覆刪除